星巴克咖啡

Open Now

Now Closed

今日返左公司OT，做做下野做到腦閉塞就拎埋部notebook去starbucks繼續啦，呢度又有電用唔怕冇電，而且啲位都非常好坐，真係做得舒舒服服。夏天流流又唔係好想飲熱野，於是乎就叫左呢杯焦糖咖啡星冰樂飲，先講講味道，甜甜地又唔會完全掩蓋咖啡嘅味道，忌廉又能夠令到口感更加順滑，重點就當然係碎冰啦，每一啖嘅咖啡冰都能夠透心涼，真係超級爽。呢杯大杯裝嘅咖啡只係賣43蚊都真係相當抵，仲可以坐足2個幾鐘，當杯野飲完嘅時候就已經做哂野，真係腦都通哂。

今日去咗北角Starbucks 買咗三杯＂粉紅草莓巴西梅（配椰子奶）＂<小冰>外賣。返到公司一睇 已覺得唔妥 眼見係3杯水汪汪／好稀 好稀嘅奶水（因為係椰奶+水=奶水😰）嘗試打電話到店問 職員竟然話：因為我改咗《小冰》所以出嚟嘅品質係咁! 但我唔明點解 改<小冰>會令到呢杯飲品嘅質素變咗奶水囉😰⋯⋯我真係唔明🤔🤔🤔🤔🤔!?!?!?如果曾經有諗過想試呢杯＂粉紅草莓巴西梅”嘅你／妳 千期唔好試，尤其在北角呢間Starbucks ! 試過你一定後悔😵‍💫😵‍💫😵‍💫😵‍💫😵‍💫😵‍💫

想飲杯覺得Starbucks整得好飲嘅焙茶latte啫。點知都咁對我專登order嗰時要求少冰。點知返到公司一打開。嬲咗。原來成杯冰都叫少冰？！咁唔叫少冰係咪會成座冰山咁比我呀？！就咁bug走啲冰未飲得返2/5杯同一層cream。我究竟叫咗啲咩？！大佬呀。成40蚊杯唔好咁樣得唔得呀？！一係你就話無得少冰。咁嘅分量唔係tall係short囉。已經係blue monday仲要咁。仲嫌唔夠blue？！真係要blacklist囉。無下次

Starbucks咖啡店最大嘅特色，就係環境舒適，尼間咖啡店有一排落地玻璃，可以比食客邊飲咖啡，邊睇住街上熙來攘往嘅人同車，令人覺得好悠閒舒適，平時間唔中都會幫襯，所以今日嚟做埋會員，職員都好細心咁解釋要點樣做，呢個值得讚👍🏻今日仲有優惠，以$20試到新出嘅綿雲粉桃啫喱綠茶，外表粉紅色，非常討好😍😍😍呼喚我嘅少女心😊飲品味道好清新，仲可以飲到裏面嘅蜜桃啫喱同蜜桃果肉，同綠茶非常夾，唔太甜，係炎炎夏日嘅消暑佳品😃等我遲啲再試埋其他味先😉唔知係咪我太口渴，一下子飲咗半杯，如果可以我大杯啲就好啦😝不過依家換咗好厚嘅膠杯，唔可以打開杯蓋，食裏面嘅奶蓋同埋果肉😅為咗環保，Starbucks用咗紙飲管，但係紙飲管用耐咗會溶，亦吸唔到飲品底下嘅啫喱同果肉😔但係今次嘅體驗唔錯，遲啲會試埋佢新出夏日系列嘅其他飲品😁

今日做嘢多到抖唔到氣，想去海邊呼吸下自由嘅空氣，所以用手機應用程式落單，叫咗個雙重芝士雜菌三文治，快捷方便又可以變相插隊。落到去輕微覺得有伏味，首先店員趕到講嘢呼呼喝喝，我知係無心嘅。埋到去我個三文治未有，前面一定都有一定嘅單，打咗尖都要等。有得擺啦，比人喝咗一喝，似足大學版本嘅分店，咁忙無辦法啦。去到海濱難得揾到位，咬落去，嘩個包邊硬到呢。食咗幾淡入去先軟返少少。味道係正常嘅，飽就一定唔夠兩個鐘，要買多啲嘢食。有可能店員太忙焗錯時間，平時真係無咁硬。多人時間真係無運行，自己小心。

之前因為減肥, 已經好耐無去過Stabucks, 知道佢地最近推出左期間限定既栗香鮮奶紅茶, Lunch 過後就買左杯俾自己 as a special treat! 味道都幾好，栗子味幾香以及有D草莓脆粒口感不錯。已經叫左少甜，但我都略嫌太甜，如果可以無咁重手就更好啦!

又到聖誕，又到聖誕！最令人感動歡喜嘅節日之一！一定係到星巴克嘆一杯聖誕節特飲，賣非佛Gingerbread Latte! 再加一個紅莓果仁軟鬆餅！假日的感覺即時番晒黎 傳統聖誕薑餅都有兩款，非常可愛，雖然餅底唔太鬆軟，但見到個薑餅人個樣，已經值回票價！

Starbucks迷你布甸之前喺其他地區推出一直大受歡迎，終於嚟到香港啦！今次同時推出朱古力同焦糖雲呢嗱兩隻口味，以簡約黑白色Starbucks迷你杯包裝。 Starbucks迷你布甸之所以成為大家嘅新寵兒，除咗布甸杯小巧可愛之後，迷你杯洗乾淨之後仲可以循環再用，用嚟種植唔同嘅小盤栽，甚至掀起網絡上「呃Like」嘅熱潮！朱古力味布甸用上香濃黑朱古力， 布甸較挺身，口感香滑，朱古力味香濃又唔會太甜，朱古力迷一定會愛上！ 至於焦糖雲呢嗱味布甸，一打開包裝就有淡淡雲呢嗱味，表面仲有焦糖醬。 布甸充滿雲呢嗱籽，而且焦糖醬令雲呢嗱味更突出，味道一樣咁濃郁。 溫馨提示，唔同分店嘅貨量都有唔同，部分人氣旺盛嘅分店經常火速賣光，所以想食就要趁早啦！另外，而家Starbucks推出咗星巴克種植套裝，有晒唔同嘅種植小工具（種植器、種籽、培植椰土、小盆栽插牌、小鏟子及手巾），食完布甸之後可以循環再用迷你杯，利用種植套裝入面嘅種子，悉心照料盆栽7至10日就可以種出可食用嘅芝麻菜或者苜蓿，環保之餘仲可以放喺屋企或者辦公室做擺飾，你都可以試試呀！售賣種植套裝所得嘅收益扣除成本之後會全數撥捐社企雲耕一族 Roof

I have one hour to kill every saturday afternoon, usually go to pacific, this new starbucks is on my way today. I just want to comment on the environment. The staffs are making all sorts of noises, be it clashing of the plates, slamming of fridge doors, some metal sound maybe from pots and pans which i didn't bother to look. The steaming which may not be avoidable.Then the yelling of the barista when the orders are ready. It's not that many ppl to keep them overwhelmed, can they have the basi