星豪廚房

Open Now

Now Closed

星豪一看就是間潮州鋪，門面宣傳的也是潮州特色小食及菜色，並且看來相當地道。可是這次吸引我進去的，是玻璃櫥窗裏面的那鍋牛雜牛腩。無他，時近下午，不是正餐時候，我只想找點簡單的果腹。無意中點了一個麵餐：雜河、芥蘭、熱檸茶。埋單只是盛惠五十三！確實是一個驚喜！那碗雜河不但足料，而且味道比我吃過的很多專賣牛雜牛腩的店鋪還好，味道輕重恰到好處。可能是我肚餓，連我忘記一般會叫「走」的牛腸也相當不錯。那碟搭配的蠔油芥蘭亦並不馬虎，枝葉粗壯綠油，份量也不寒酸。離開前瞄了一下那張水牌，賣相與價錢俱佳。下次來可以試點別的⋯

11:25到達餐廳想叫早餐(早餐時段至11:30)，侍應無禮回覆廚房有x萬張單未x做(中間夾雜粗口)，表示只能點午餐。但其實餐廳內入座率不夠四份一。沒有空閒時間不要來。叫了一個常餐，一碗麵一個火腿炒蛋，再三催促等了20分鐘才到。我聽見其他顧客都有催促、自己的飲品或食物未到。食物非常普通，$50-60一個常餐，價錢又唔平。這樣的服務態度和食物質素，奶茶沒有奶茶味，火腿蛋份量小，在旺角任何一間餐廳都好過佢。

雖然旺角有各式既野食但久唔久都想食下港式茶記今次我比星豪廚房既港式”all day breakfast”即金牌特餐吸引左於是去試試份餐都幾豐富又有脆皮腸又有薯餅仲要有咁鬼大塊豬扒配茄汁袋脆皮腸份量十足 咬落都幾爽豬扒就好出色煎得好香色澤又夠靚調味好恰當 唔太咸配茄汁豆食落都幾正可能因為晚市關係薯餅就不過不失啦除此之外仲會配埋碗牛肉螺絲粉食落好有味我最鐘意佢加埋薯仔同紅蘿白不會另碗太寡總括來講呢set套餐性價比極高 值得一試

裝修後第一次嚟幫襯(即係其實後就冇嚟過), 印像中, 嚟依度打冷、宵夜、飲啤酒一流呀!今日路過, 未食晏, 又剛到咗下午茶時段, 喺門口見好似好多選擇, 所以就入嚟食下。叫咗個<金菇肉絲炆伊麵> , 重點注意: 目測幾條肉絲! (我可以發誓。) 味道係好味嘅。但冇辦法食得飽肚囉。另外一個係<乾炒牛河>, 味道都係好嘅, 而且炒得嘅水準好高, 皆因個碟底冇乜油。河粉靚。但只有三片牛肉。<熱奶茶>及<凍檸茶> 都係好飲、有茶味、 奶茶幼滑。總括嚟講: 好味及有水準, 但好孤寒。講真個食客收到一碟咁細嘅嘢, 感覺都好尷尬下。

今日陪老婆仔去旺角E1睇醫生，睇完見肚餓，就係附近搵野食，經過一間茶餐廳，就入黎試下。叫左份雞髀薯條，同埋芝士火腿西多士。哇，d牛油慢慢融曬係d多士面，蜜糖舖滿曬。切開，入口滿滿既香脆。wow，而雞髀雖然d肉質唔係特別靚，但資質不足，技術搭救，呢份雞髀炸得相當之有嫌疑。脆的黎又香，香得黎入味。呢度既凍檸茶，上檯第一啖偏甜，當你將d檸檬當係仇人咁篤既時候，你會發覺味道剛剛好。食到好飽飽，真係唔錯既茶餐廳