星豪廚房

Open Now

Now Closed

抵食下午茶粉麵去完朗豪搵下午茶，行過幾間都要等。再行過街口幾個舖位，見到哩間有粉麵有無乜人就試下味道(4分)雲吞炸醬撈粗麵($42)4分— 雲吞有三粒大雲吞，皮薄又滑，包邊都吾厚，蝦爽豬肉吾太肥,湯底都吾錯，飲完無口乾— 炸醬吾會好辣，豬肉系鞋小小—麵爽滑，魚蛋牛丸河($47)4分—雙拼加8蚊，但每種丸有4粒，OK—魚丸吾夠爽— 牛丸就爽同重牛味— 河粉好滑。環境，衛生 (3分)—基本10年以上舊色裝修，但乾淨服務(3)—正常，無驚喜抵食(4分)— 下午茶餐系抵，— 雙拼亦比足料。

呢間星豪廚房不嬲都係旺角通宵去到凌晨嘅時候必食嘅地方㗎啦，開足廿四小時，食物選擇繁多，包括正常嘅茶餐，炒粉麵飯，扒餐又或者係牛腩河雲吞麵都有齊晒，價錢亦都算公道，所以每次同friend夜晚嚟都一定會食呢間。有時夜晚仲會爆到要等位

已經是半夜兩點幾，肚皮一直打鼓，忍無可忍下，我在旺角黑夜裡四處尋找覓食，終於搵到呢間全天候24小時營業星豪廚房。 叫咗一碗牛腩河粉，份量真係好足夠。不過對我嚟講牛腩有啲肥🍜，味道都算OK，河粉軟硬度適中， 恰到好處。凍檸茶🥤好解渴，用上了錫制杯，飲完覺得好舒服。餐廳環境都算唔錯，坐得舒服。佢哋上菜好快，等一陣就食到。埋單價錢53蚊，價錢合理。我會再去嘅。 總括嚟講呢間餐食物質素唔差，深夜選擇裡算係唔錯，24小時營業是最大特點，適合各類不同人士。再有機會我一定會再幫襯。😃

看著評語都有提及態度問題，原來這間餐廳的服務態度真的非常惡劣。由其是短髮女經理的態度和禮貌，難怪夥計也是有樣學樣。女經理還會罵人。食物質數一般。等候時間非常耐，不值得光顧。

之前係聽朋友講話好食😋我就特地去試試，叫個下午茶餐40蚊！有特大雞扒包➕沙律➕熱檸茶！雞扒包似煎炸過，雞皮很脆香！忍唔住都係食左雞皮！好食👍雞肉🍗很有味道，唔算咸！睇圖片就知真係好大塊分半上！我係無食曬，另一半打包帶走。沙律就比較普通，罐頭沙律➕沙律醬飲品就無咩可以點評啦！😂熱檸茶的檸檬🍋片唔苦，呢個好！然後感覺唔錯又去試下佢哋既牛什麵🍜份量還好，牛什唔算多，味道還好。41蚊當下午茶可以，但同樣無太大分別，我應該會去其他店鋪食。

去開朗豪坊行街，偶然行過呢間星豪廚房， 2個人分別食一碗牛三寶河，一碗雲吞河， 正， 有驚喜， 牛腩好好味， 牛筋好淋。另外，雲吞魚蛋河都唔錯，見餐廳貼有潮式夜冷款式，有機會再試吓先。

星期六8：30 想試這間茶餐廳的早餐，遇到一個由落單到收銀全程黑面嘅女子，佢個樣好似得罪左成村人，簡單叫個D餐佢都可以變成A餐，我勉強照食都唔滿意，俾錢用八達通佢自已未開機，操作唔到又黑面，一早已經咁嬲好難捱到夜晚，人生在世，點解唔開心啲過呢？！如果唔係太興裝修我都唔會試，以後搵鬼幫襯啦！

投訴：在康得思酒店住，今晚 27 SEP 2022 ( 23:00 多 ) 去買鹵水外賣，價錢偏高，還好味道不錯，收銀態度極度差，又收多一盒掌翼錢，當然要她退款，另外明明外賣已出來，客氣地問收銀是我的嗎？她不客氣都說：如是你的會叫你，我就回說：我當然知會叫啦，她還再和我說：靚女，我都是回你而已。我說我也是回你而已，請問你是什麼態度對客人呢，你怎對別人，別人就怎對你啦。食物不錯，但態度超級欠佳，有什麼用呢，老闆絕對要好好教育這位員工！

琴晚OT到凌晨先翻得屋企因為做咗好耐野個肚都餓到就黎訓底但因為凌晨同堂食限制關係好多餐廳都係堂食去到夜晚12點就收鋪唔會再開落去所以比起幾年前 食宵夜既選擇少咗好多好多正因為咁 堂食完咗仲開鋪賣外賣既食店變得好罕有星豪廚房就係旺角既其中一間通宵開住既餐廳我見證住佢晚市到宵夜再到早餐因為已經係凌晨所以廚房有啲師父已經收咗工得翻簡單既公仔麵等等除此之外仲有潮洲粉麵今次就叫咗碗牛腩河唔好以為呢間通宵開住 啲牛腩就會因為放咗好耐而變到乾哂又韌我等外賣其間都見到師父間唔中就會淋下啲汁落牛腩到令到啲肉唔會又乾又韌

以前食過幾次都冇問題 嗌咗個鹹魚雞粒炒飯 等咗差唔多成20分鐘先到都唔緊要 個問題係個碟邊d飯係凍嘅中間就係暖嘅 最離譜係d雞粒都係凍嘅 食落去好似俾白開水沖過咁🤮🤮嘢飲就最離譜！一杯嘢飲原價係20蚊跟餐都係貴到成12蚊👎👎👎真係狗也不X冇下次！

老公難得早起身同我去食早餐巧開心佢話帶我去食呢間平時我地間中叫外賣都會食嘅lunch今日就試吓佢嘅早餐我都係普通買咗個雪菜肉絲米粉佢呢度嘅餐包係牛角包非常欣賞仲有個炒蛋都好滑都只係$38，抵然後見到老公個早餐點解窮貴嘅首先佢嚟咗個牛尾湯螺絲粉然後重點來了佢嗰塊豬扒厚到呢仲有腸仔茄汁豆啦好似一個all day breakfast 咁老公俾咗舊豬扒我食又確係唔錯喎😋原來老公嗰個係特餐唔係早餐唔怪得知啦😂

我之前都曾經在「旺角」「砵蘭街」附近一帶找尋和光顧一些港式食店，嘗試可以在「砵蘭街」的港式茶餐廳裡面享用包括偏辣味「牛腩飯」、香脆炸雞髀肉，還有港式凍奶茶飲品在內的晚餐。不過現在大部分港式茶餐廳裡面的小食食品「炸雞髀」，通常都被茶餐廳安排跟其他小食配料，例如「炸薯條」或者甜味「蛋黃醬」沙律一起搭檔組合，變成餐廳餐牌裡面的小食食品。當然，我也曾經見過坊間有港式茶餐廳食店在餐牌有關「小食」一欄裡面，提供沒有包括「炸薯條」或者「蛋黃醬沙律」作為配菜的小食食品「炸雞髀」。但是我在星期一晚上，光顧位於「旺角」「砵蘭街」的港式茶餐廳「星豪廚房」的時候，意外發現「星豪廚房」晚餐餐牌有關「小食」那一欄裡面，竟然分別有提供「炸雞髀薯條」，以及沒有「炸薯條」配菜的純粹「炸雞髀」。由於我已經點了「咖喱牛腩飯」作為「星豪廚房」晚餐裡面的主菜食品，所以沒有必要再在選擇享用「炸雞髀」作為「雞肉」食品期間，硬要加入「炸薯條」此等擁有大量「碳水化合物」的「澱粉質」食品。「星豪廚房」兩款「炸雞髀」類小食食品的實際售價價錢，足足相差港幣十五元的差價，「炸雞髀薯條」需要港幣四十五元，反而「炸雞髀」只需要港幣三十元，懂得思考

今晚外賣加餸，想吃潮洲凍烏頭魚， 所以立刻買了一條 凍烏頭魚一家人開心Dinner ！ 但味道超鹹，又硬， 估計過了很多個夜晚，才給予食客。真的沒有食過如此 又鹹＋又硬的鳥頭魚了！ 最後只能食了大约1/5 ，決定不能再食下去， 棄掉了。其實她其他的潮洲菜式沒有試食過呀， 而可能因為 24小時營業關係，她所有潮洲打冷食物可存放很久，很久，很久。今次食完這店後，應該一定不能，不敢再幫襯她的菜式食品。在疫情期間食店應保持食物質量，才能出品好東西，也保持食客再來。

早餐選擇繁多，價錢合理。外賣自取，出餐時間非常快捷，基本上落單5分鐘就已經有得拎。外賣仲可以分湯。 個人比較喜歡沙嗲牛肉麵，出色。 牛尾湯 雞扒 螺絲粉 都好正👍🏻服務員態度友善，店內寬敞。

行過見到啲位幾乾淨，又想食打冷就入左去有啲晚市小菜套餐，叫左個黑椒薯仔牛柳粒，有驚喜！一尼到聞到好香，薯仔外脆內軟，牛柳粒腍，送飯一流仲有個細嘅滷水拼盤，有豬耳、紅腸、墨魚、鵝腸、雞腎，少少咸但幾濃味，過到口癮