星味坊烘焙專門店

Open Now

Now Closed

又有farewell desserts啦！今次係星味坊既士多啤梨🍓甜品杯，無論造型同味道都好好！除咗有新鮮嘅士多啤梨係最上面，甜品杯嘅fillings有四層，分別係士多啤梨慕絲、原味忌廉、士多啤梨果醬啫喱同士多啤梨味忌廉。呢款甜品杯唔會太甜，甜度同酸味好平衡，果醬啫喱有驚喜，入面仲有細細粒既士多啤梨，口感好豐富！星味坊仲有好多其他款式嘅麵包、蛋糕同甜品杯，下次要試多幾個先得，一定要食到佢既bagel！

包，全部都係包。呢日經過長沙灣見到間門面幾新淨嘅麵包店，就忍唔到比佢吸引到行咗入去。麻糬波波冬甩 bagel拿破崙台式吐司仲要價錢相宜，唔住夾咗兩個返去。伯爵茶 bagel ＄13呢個價錢邊度搵表面已經見到落咗幾多茶葉，食落都幾香伯爵茶味幾fresh而食落口感係比較鬆軟，似麵包多啲，有啲似嘉多娜嗰款不過呢個價錢係抵食嘅，平平地當伯爵茶包食囉綠茶冬甩 ＄13表面係綠茶朱古力（原諒運送回來途中壓扁咗 ）綠茶味偏淡但都食得出同埋唔會太假，整體偏甜味道較單但螞蟻人都覺得接受到另外佢哋仲有 Oreo、花生冬甩，可能會冇咁甜p.s.上佢哋ig睇先知原來隔離間 cafe 都係佢哋開嘅，所有咖啡豆及甜品都係自家製烘焙，下次有機會可以一試同埋原來佢哋元朗有間總店呢間係新分店來的

拿破崙又係我其中一個好鍾意食嘅甜品而且唔係好多地方都有得賣咁啱同朋友去深水埗飲咖啡行過見到呢間星味坊佢嘅麵包甜品好多款式都好吸引而且拿破崙嘅味道選擇亦都有幾款最終我都係選擇左芒果拿破崙同埋藍莓芝士蛋糕芒果拿破崙酥皮好香脆 牛油味香但係唔會好膩裏面嘅cream 香滑 而家呢個價錢真係非常之唔錯 絕對要回購粟子芝士蛋糕睇落好似好吸引點知完全唔掂 雪到好硬芝士味完全唔香好膩 餅底好硬同埸有啲蝴蝶酥同果仁都好似好吸引下次都會試吓💕

深水埗元州街無端端有間新開的麵包舖，內裏裝潢天花亂墜、五光十色、燦爛非常，大大個玻璃櫃裏邊放麵包，人員亦都不少，但不少都偏向生手。看看麵包，又不算特別吸引，試一試肉鬆包的虛實。發現肉鬆包，薄薄的，表皮都不太厚，面頭的肉鬆份量相當之少，中間有鞋口，麵粉亦都沒有香口的味道。肉鬆又小，亦都沒有其他醬油，亦都沒有辣味，不知道為何它會值$12。本身諗住在九龍行開經過，就順便買個包，既便宜又可試新嘢，但原來比起在大埔區內或是再出去旺角買，其實都不會省了錢，這是確是貼錢買難受。

買外賣經過見到星味坊開咗，有至愛嘅拿破崙，睇咗陣都不停有人買，又買嚟試下先$34 芒果拿破崙整體感覺不錯，拿破崙酥皮夠脆，佢用忌廉代替吉士，我鍾意食忌廉多啲不過略嫌cream太多，自己整走咗部份cream。$13 綠茶紅豆包用焗爐焗咗幾分鐘，外脆內軟，食到中間除咗紅豆仲有麻薯，同屋企人分享食咗幾啖，我覺得幾好食，唔知食曬一個會唔會有啲漏呢菠蘿包唔記得8蚊定9蚊,同樣用焗爐焗番一樣外脆內暖,都ok嘅$20四個芝士波波同樣焗返熱嚟食，芝士味唔夠濃，不過不失啦 下次經過會再幫襯