左麟右李粥麵小菜專門店 (Closed)

老實講 食物真係非一般既麻麻地只係消費緊左鄰右里呢個名..去食既時候係下午茶時間 食左幾款點心。每一樣味道都唔好，例如腸粉唔滑、蝦餃唔新鮮等等。只係一間比普通更普通既餐廳

垃圾食物, 超貴價錢!!服務差, D食物質素真係好有進步既空間囉!!!咁既價錢, 我唔會再黎, 亦唔會推薦D朋友黎食!!!!!!!!!!!!!!服務真係差到不得了了了.......

食lunch，叫佐个福建炒饭，味道几ok。但系豉油皇炒面就真系麻麻地。就得几条芽菜炒斋面，面仲有d隆隆地tim。仲要78蚊一份。偏贵。仲要收埋10%服务费。总体感觉一般。

經過黄埔下午茶時間,見到下午茶時間要2：30才開始,行一陣再食..,假期有下午茶,點心拼盤,識叫一定叫拼盤,好過散叫,（包括：蝦餃,粉果,叉燒包各二件）,牛筋牛腩麵味道車較普通.反而粉果有驚喜,出奇的好味.😀

Lunch*雲吞牛肉撈麵 - 份量唔算大, 不過味道唔錯* 魚香茄子煲配飯 - 熱辣辣又夠味 配飯一流 不過略嫌有點偏咸另外叫左個寫住必點點心 - 腐皮卷 略油 但味道還不錯總括來說今次Lunch的菜式不算非常出色, 下次可以再試吓其他款

聽佢哋歌就聽得多。咦!原來食肆都有，好奇的我食吓味道如何先？ 店內座位寬敞，坐得舒適！是中式食肆，有點心粥粉麵飯選擇。點心拼盤有粉果，蝦餃，叉燒包各有2件， 點心整體味道不錯！腐皮卷， 外皮煎得夠脆，食落好香口，食得過！鹹肉粽， 配粥食一流， 多些綠豆更佳！魚腩粥，新鲜魚腩滑，粥夠綿。如果邊食邊聽到佢哋啲歌就好囉🤗！

呢間嘢應該開咗最少十年八載，講真好多年無嚟，因為食到成肚氣。。。佢哋請人真係一絕，可能系突登揀啲冇禮貌嘅先請朋友話想食呢間，所以就迫於無奈去攞位，結果門口個阿姐真係好有家教同禮貌講真，唔係朋友叫真係唔會揀其實咁多個食評都係講緊服務態度差，係咪真係幾個處理一下唔係話客人一定係啱，但起碼互相尊重

午市一行12人黎食，叫左好多點心同炒粉麵，仲叫埋叉燒，叉燒夠厚夠熱，點心亦熱辣辣， 味道唔錯，大家都覺得雷沙湯圓最好食，應該真係即叫即整，熱辣辣好軟熟，我地仲叫咗一碟炒飯亦都夠乾身炒得好香，炒米粉就一般啦，不過不失咁啦，不過服務真係唔一太好，一坐低就有個職員問叫咩茶，其中一個朋友叫完之後，佢又好有趣咁回應一句：我哋得一款茶咋！咁請問個職員一開始問嚟做乜？整個過程都冇咩服務可言，每次有嘢食到唔同職員都只用語調超平嘅語氣講一句：借借。就連唔該都冇聲，後尾我哋食唔曬啲嘢問佢攞點心袋，個職員第一句就話：要畀 5毫子㗎喎。於是我朋友就問如果要盒幾錢，佢就話合一蚊，於是我哋選擇咗要盒，因為食淨都幾多嘢，一個細嘅點心袋袋唔曬，跟住個職員突然好冇禮貌咁問：你係唔係香港人嚟㗎？咩係唔係香港人有關係嘅咩？畀錢唔係問題，不過我地覺得袋唔夠大裝唔曬啲嘢咪問佢盒幾多錢囉！問下幾錢個盒有咩問題，做咩拋句咁既問題出黎？所以整體而言，呢間餐廳既食物質素老實講真係唔錯嘅，不過服務就真係唔知點形容好，個加一服務費唔應該收囉

昨天初四在黃埔拜完年，到晚飯時間找嘢食，見到這間名星效應的食店，相信也不會太差掛，最重要係即時有位。坐下來叫了一些家常小菜，及一些點心，食物到來的時間可以接受，但食物味道尚可，但不至於好食，一般茶餐廳貨色，也不值這個價錢，最後也叫了一些甜品，熱度不夠，真失望。而服務方面，個人意見，欠小小就到”差”的水評，也可能是農曆新年的原因，伙記對派利是的顧客特別好招呼，我連充茶也要叫多次，真是無奈，只是靠名星效應生存的食店，不知道可以生存多久！

今年農曆年無出外渡假，留係香港，突然覺得香港交通非常暢順！年初三唔拜年，黃埔看套電影啦 Alita: Battle Angel，順便搵食！美食坊到處都要等位，經過左麟右李好似有位，問知客有無位，有！坐低，裝修都有 D特色，不過比較舊，無得自己叫茶，已經有 “一壺茶” 係餐枱，無茶葉，微暖 ！算啦！都唔敢飲啦！點菜，一位侍應話唔得閒！然後另一位侍應，點咗雲吞麵 (細)、炸醬麵、克勤厚切叉燒。等咗十幾分鐘，見到比我地遲入座既隔離枱都有食物送到，覺得怪怪地，問一位侍應可否跟一跟，然後無回覆！於是再搵返幫我地落單個位侍應，Oh! 唔記得哦，再落啦！無半點唔好意思，哈～～然後10 分鐘食物就到！雲吞麵麵底唔錯，湯底就一般啦，有蝦子，但無大地魚味,4 粒雲吞就非常一般喇，半隻蝦同免治豬肉！炸醬麵都係一般！叫得克勤厚切叉燒，都算無失望！$108/10件, 味道唔錯，肉質都 juicy！侍應話埋單去櫃面啦！我同收銀講唔該，個收銀木口木面，唔緊要啦！原來有加一服務費，$209, 哈哈！請問俾咗乜嘢服務呀？好搞笑！

又黎左麟右李捧場la!今晚晚餐好精彩啊！誠意製作叫左個菜膽湯，個湯好濃郁，煲得好好味。涼涼地整個臘味煲仔飯，暖粒粒同埋有三種腊味，尤其是腊肉同腊鴨肶，香而不腻，值得一試啊。呵呵～我最鐘意呢度嘅啫啫排骨煲，遠遠都聞到好香，D配料爆得好有鑊氣，唔好錯過喔仲叫多碟三色蒸水蛋，我好喜歡，看似很簡單的水蛋，但蒸得平滑就難了。

早兩日放工和朋友相約在這裡飯聚，点了兩個晚飯小菜套餐加燉湯，燉湯很快便有，跟住第一個小菜四季豆炒蝦干便來到，我和朋友邊吃邊聊天，第一個小菜吃完了很久，第二個栗子雞煲都未到，叫侍應跟進一下情況，等過了大概十分鐘後先到，但我和朋友只吃了一半便放棄了，因為那些雞又乾又瘦，加上等得太久，我們也不餓了，於是和朋友繼續聊天，職員說要埋数叫我們先埋單，但一埋完單後不夠，職員便立即將我們枱上的用品收清，只留下兩杯茶給我們，當時時間只是10:15左右，再過了一會大概10:30，他們有兩個執枱職員在我和我朋友身後各自企及不停地看著我們，我和朋友意識到他們可能要關門，想我們走，於是我們便離開，但我突然想起晚飯套餐餐牌上明明寫著配甜品的，但我們什麼甜品也未吃過便被迫走，感覺完全被蒙騙。

當我看見這間店名是充滿好奇的走進這間食店。由於是午餐時候，食店內裡很熱鬧，拿到起餐牌看見午餐小菜價錢也偏貴，只是一餸加個飯，飲品需另外加錢就52-78元了。不過總不能這麼快下定論的，還是試一試食物的質素可能值回票價呢！點了豉汁海上鮮，是完整一條的蒸魚，不過似乎過了火喉，肉質有點硬。豉油也略為多了點油，如果減點油就更健康啦！懷舊生炒骨，每一件生炒骨也很大件，不過咬下去嘅時候就知道粉很多，肉的部份很少，而味道方面也重手了一點，令人吃一件起兩件止。青椒方面也有點生生地，未煮得夠，有點草青味總括來說，這兩款菜式看似份量可以，賣相也不錯，但是卻欠缺味覺的享受，而跟餐配的白飯份量也太少，如果大碗少少會好一點吧，畢竟是午餐，吃飽了我們還需工作呢！這樣的價錢，出了這樣的品質，我覺得是偏貴了一點！

呢幾日唔舒服，於是去食個粥，附近粥店，同之前食過呢度的粥幾好食，就諗住口苦苦食啲好點的，點知。。。。叫左2碗及等粥，豬潤的確幾黃沙豬潤的感覺，除了豬潤同肉丸，所有野連粥底都無味的。以為自己感冒味覺差了，再問問朋友，佢都話毫無味道。其他豬肚等的料完全又硬又無味。我朋友喜歡吃粥，喜歡粥的米香，佢表示勁難食，退步了很多。本身不舒服口苦苦的我愈食愈苦，勁無奈。賣單一碗粥$48可接受，但那壺像大排檔的茶每人收$10真係有點貴。

粉葛鯪魚豬𦟌湯，冇味精超足料。皮蛋凍拌有驚喜，酸薑變成蓉混入高湯啫喱，十分醒胃。拍青瓜普通野。水牛城鷄翼，太咸太辣，開邊炸肉質乾。椒鹽豆腐，皮薄豆腐嫩，超搶手。魷魚蝦技，脆卜卜餐前小食。豉油王煎大蝦，略有燶味道，size係中蝦，肉質一般。克勤叉燒，酒店級叉燒！！！超厚切！入口即融，肥瘦剛好！清蒸沙巴龍躉，新鮮，蒸得靚！粗鹽籠仔雞，肉嫩好味，超多蔥正！滿足的家庭聚會晩餐，有幾個餸冇影到，十二個大人，每人$300，抵食！