Video
Exit B1, Kwun Tong MTR Station
continue reading
Opening Hours
Mon - Sun
15:00 - 00:00
Above information is for reference only. Please check details with the restaurant.
6598 views
長輩壽宴今年定於觀塘私房餐廳「Stone House」舉行，上網查看過地圖都覺得幾迷失，自己識得「偉業街」都係因為Hubert首名曲。大廈四周都見唔到餐廳嘅水牌或招牌，幸好宴會一家四口一同出席先冇咁驚會搵唔到路。由停車場穿入去，竟發現樓底極高嘅店子除咗有K唱，仲有乒乓波枱、桌球、足球機、飛標等玩兒，成個會所咁堅。適逢農曆新年，場地可見不少紅黃鮮美嘅賀年擺設，當真喜氣洋洋！八十多人嘅派對分開四張大圓枱坐，圍圍二十幾人一啲都唔迫。每枱均以賀年祝福語起名。小朋友嗰圍仲有多隻可愛嘅卡通豬錘仔，設計得相當周到。單憑側旁所謂未完整嘅酒陣已感壽宴將會好熱鬧。起初聽到私房菜只有英文名「Stone House」時，仲諗住會係食西餐，睇見面前齊備嘅碗筷就知石屋乃中菜廳也。塊濕紙巾仲要用上「雙妹嚜花露水」品牌，似乎好高級吓喎！壽宴菜單極為豐富。手拍青瓜：由於自己對花生敏感，所以未有一試青瓜前菜，只係呃咗吓手機先食。第一味上場時理應大家最肚餓，六小碟分二十多人，碟青瓜轉咗半個圈已冇乜得剩，咁係咪份量唔多夠呢？！五香牛展：牛展芳香滑潤有光澤，薄身輕巧易入口，甜而不膩，甚為討好。滷水豬腳仔：可能煮得唔夠耐，豬腳仔偏咗少少硬同韌。黃金豆腐粒：豆腐粒炸得OK乾身，無奈細佬一丁點嘅咸蛋黃蹤影都搵唔到，加上豆腐粒過腍，而且淡而無味，毫不香脆，實為失敗之作。金菇腐皮卷：腐皮卷外層過於厚腍嚡口，連同濕濕嘅上素餡料食就更突顯菜式累贅，唔得輕盈。蜆芥鯪魚球：據席上賓客講，頭盤最正就係小肥因怕有骨而冇食到嘅鯪魚球；佢地不斷讚鯪魚球熱辣鬆潤兼惹味。大紅片皮乳豬全體：每人兩方塊嘅乳豬皮鬆化香脆，豬肉亦鮮濃軟嫩。沙參玉竹螺頭雞脚湯：如相所示，湯渣成座小山丘般強勁，雞腳仲要剪哂腳指甲架，感覺衛生良好，可惜用上咁多料煲出嘅雞腳湯卻唔多夠甜亦唔夠濃，莫非師傅唔記得落鹽？！豉油皇煎中蝦：豉油皇中蝦爽厚鮮甜，惹味可口，伴配同樣鮮美嘅金蠔，呀！古法炆龍躉翅：炆龍躉翅續份分咗上，小肥因怕骨冇試到，只係影咗幅相俾大家睇。上湯浸三蔬：三蔬包有菜心、生菜、豆苗，同魚一樣由服務生分咗先續份上。三蔬鮮綠得黎好有光澤，當中以菜心最為清脆，生菜較為爽甜，豆苗都好香嫩。脆皮乳鴿：乳鴿油水過多，又唔得熱辣，濕濕嘅鴿皮唔得香脆，鴿肉厚實且偏乾嚡，認真油麻地。當紅炸雞：炸雞層皮比乳鴿脆身少少，不過火候都未係掌握得最好，雞肉尚算鬆軟，但唔稱得上嫩滑。茶皇燻雞：反而隻茶皇燻雞就好夠皮香肉滑，雞隻上輕輕發出嘅煙燻香同個甜豉油好夾，屬靚雞也！肉絲煎長壽麵：長壽麵金黃鬆脆夠乾巧，上枱前先喺面淋上肉絲芡汁可確保麵條唔會咁快變腍，個人只係略嫌肉絲份量唔多足夠。欖菜蛋白炒飯：欖菜炒飯粒粒包滿肥美，香口惹味夠乾身，簡單味佳！生果拼盤：XO仔因喉嚨失聲唔敢食太多生果，只係試咗幾粒青紅提子，青提子酸到全枱人都食到咪哂眼，反而紅提子就極之鮮甜。香煎馬蹄糕：馬蹄糕橙美潤澤，軟腍清香。蓮蓉壽桃：肥嘟嘟嘅壽桃包身鬆厚柔軟，蓮蓉餡心潤甜可口。隱蔽於觀塘工業大廈內嘅「Stone House」面積寬廣開揚，場內有多項娛樂玩意任貴客享用，屬私房P場好選擇。以餐廳黎講，服務都可以話唔錯，只係食物水準較為參差，炸物唔得香口，老火湯看似足料卻淡而無味，供二十多人用餐嘅份量又好似差咁啲啲咁，總分頂多只可話「OK」，抵唔抵就要睇單先可評論。
continue reading
不錯的私房菜💕💕蘿蔔老火湯好足料，好重蘿蔔味😋😋椒鹽鮑魚，一向都係我嘅至愛👍🏻👍🏻好難好炸得唔好食🤔蘿蔔牛腩都要提一提，因為牛腩煮得好淋好好味🤭🤭
continue reading
女友牛一設宴於香港麗悅酒店1樓的”Stone House”. 這是一間名符其實的粵式私房菜, 全層只有兩間大房, 每房都設有卡拉OK及麻雀耍樂和一張令人嘩然的大圓桌, 圓桌可容納多至24人, 很有身於國宴的感覺!是晚菜單:餐前六小碟: 干扁四季豆, 佛山燻蹄, 黃金豆腐粒, 涼拌海蜇, 迷你春卷, 手拍青瓜.前菜雖然稱小碟實則不然! 其份量有如一般主菜! 碟碟精彩!全體乳豬: 皮脆肉嫩絕對可以媲美新斗記, 且有過之而無不及!杏汁白肺燉湯: 香濃的杏仁味, 飽滿的豬肺實在令人唾涎, 一窩足料足火喉的杏汁白肺燉湯, 轉眼一掃而光!酥炸中蝦拼酥炸生蠔: 略嫌炸粉過厚過火,只覺一般.薑蔥魚雲煲: 有鑊氣, 夠火喉, 入味!XO醬雲耳百合炒翠玉瓜: 適合喜歡清淡素食一族..上湯浸三蔬: 不過不失.醬燒琵琶鴨: 不如乳豬烤得入味, 略嫌乾身.XO醬糯米蟹: 糯米蟹很多食肆都有這道菜, 可惜XO醬汁味道不足, XO醬汁與糯米蟹好像格格不入! 是今晚唯一失敗之作!蜜糖蛋散: 香醇的蛋味和蜜糖味,入口酥脆, 值得推介.香煎馬蹄糕: 可能已被蜜糖蛋散搶其風頭的原因, 只覺不差.這裡食物和服務都很有五星級酒店水平, 只可惜只提供包場服務. 最低消費為$12,000. 但不失為一個理想的私人宴會地方.
continue reading