Studio City Bar & Cafe (Closed)

今日去了MEGABOX, 試了這間美式餐廳, 只因見到佢的LUNCH SET價錢都係介乎$48-$58左右, 以大商場裡的餐廳來說, 一點都不算貴.兩個人各點了一份紐西蘭燒肉眼扒. 肉眼扒不算厚, 但還有點肉香, 帶點肥脂, 口感豐富, 不過怕肥的朋友應該不喜歡. 肉眼扒配上ROSEMARY汁, 汁沒有很濃的味道, 淡淡的香草味, 有人可能不喜歡. 配菜的薯條好脆, 好好吃. SET跟一杯餐飲, 凍飲要加$3.另, 我們都同樣點了一份肉眼扒, 但相信有人漏了單, 來了一份, 另一份久久未來. 還好跟服務生說過, 很快便跟我們跟進並補上,個人覺得用$58吃一份牛扒, 都算合格的了... 比起用$50吃BUFFET SALAD, 但SALAD選擇真係少, 我寧願吃牛扒罷了.

上星期同亨利去左九龍灣行街街... 去 Megabox 當然都會係其中一個必去既地方... 吉之島既開幕, 令到本來寂靜既商場, 又再起死回生啦...行到肚餓, 一路想食 burger 當晚餐既亨利, 一見 Studio City, 就急不及待要話入去食啦...估唔到依到既環境都幾好, 好有美國牛仔西部 feel, 野食選擇都算多, 而且又唔貴!最後亨利叫左個 <墨西哥辣牛堡>, 而我就要左個 <頂級牛肉芝士漢堡>... 最正係原來個飽會連埋好多薯條, 同埋加 HK$1 就有杯大可樂, 哈哈...餐廳仲有提供 buffet salad, HK$50 兩位任食; 不過我見 salad 配料只有好幾款, 所以無 order 到...總括黎講, 依度都係一個食 burger 既好地方 ! 相信我同亨利都會再黎架!

由於當晚要去食海鮮...但看完戲才3點多有些餓, 眼見此店, 不如來個牛肉芝士漢堡 2人分, 又不太飽又可一嘗此店之竇牛肉肉汁還可, 只是芝士不夠溶, 每人半個都很飽, 薯條也可, 只不夠熱...整體一般, 沒有深刻印象

This was the second time I had come here, the first was a disappointment so I wondered if a few months later it had improved.The truth? No it has not. I tried the burger and I was asked how I would like it cooked - medium as always. And so it came out and looked ok, if a little small. However as mentioned elsewhere it was certainly not made from prime beef, more like fatty parts of cheap beef. Which is a shame - there was no actual real taste in the meat but plenty of chewy fat. The fries were o

放假特登同大少去MegaBox睇戲行街, 撞正Mother's day有個function wo...都見到好多參加比賽嘅大人細路, 好攪笑~ 仲影左唔少相~正題, 我同大少都想食香口嘢, ee? lee間有pizza wo...平過隔離嗰間咁多? 試!凱撒沙律大少唔喜歡一d用勁多沙律醬整嘅沙律, 不過佢又勁喜歡食沙律菜wo...佢都大讚lee個好味夠fresh, 食pizza前食lee個開胃哂~辣肉腸鮮蝦芝士千島汁pizza $66加咁多料都唔過一百蚊...仲可以玩自己揀料焗, 上檯時好香好熱, 隔一陣先食, 大少狂落辣椒仔, 好香好味wo...個批邊脆脆地..讚! 好彩佢指明係9"批底, 2個人分都食剩1.幾件...甘荀湯是日餐湯, 我超愛飲~! 好香好濃味好滑~野菌忌廉汁意粉 $48wa....連大少怕滯嘅人都食左一大半~ 我建意叫lee個係因為唔想又食咁多肉啦, 意粉唔油又唔係好滯~ 仲好多菇tim~ 讚!最後我同大少都眼闊肚窄...食剩少少個意粉, 原本想叫多個雞翼, 因為眼見隔離檯都有食仲好似好好食, 好彩無叫 ...如果唔係都要拎走...he~

BBQ Rib $88 ~ 頭盤是沙律,菜蔬加上酸酸的沙律汁很開胃,那片三文魚也很大塊呀.主菜的Ribs切開都有四條,不過肉質太淋了,醬汁也OK.野菌忌廉汁意粉$68 ~ creamy又夠香.蟹肉牛肝菌欖油意大利粉$98 ~ 起初都擔心太油,但好彩上碟不是油淋淋那種,. 一小撮的鮮蟹肉沒鮮味可言,菇菌及意粉都一般.頂級牛肉芝士漢堡$42 ~ 不知是否被外賣袋焗了十多分鐘,厚切的薯條全淋…至愛的漢堡扒也屬厚身一族,芝士差不多溶掉的感覺也很正.!甜品的奶凍很好味呀,重奶味而不甜濁, 餐飲的咖啡也夠香滑.

自己對食店的要求從來不算是高，只不過也不應該那樣粗糙吧。等候三時半的電影所以不想離開那樣遠所以進內試試她們的午餐，看見門外的餐牌又沒有什麽異樣，只是一般茶餐廳也可以出品的午餐，心想應該不會太差的呢；因為時間上要兼顧，所以就點了一個紅酒燴牛肉飯和一個吉列豬扒飯，豬扒飯還可以說是有點Juicy，總不至於全部也被彈到一文不值；但是那紅酒燴牛肉竟然是凍冰冰的，按道理那樣的不單單味道不會好，甚至可能因為食物不熱而令人客食物中毒也會有可能，明顯地那些午餐餸菜是一早弄好，但是又不知道為何沒有做好保溫（幸好我到目前還沒有肚子疼）。最要批評的反而是一杯普通過普通的熱檸檬茶，就是不需要研究使用什麽茶葉那樣複雜了，竟然是一杯凍冰冰的茶，是否因為此類美式西餐廳是以牛扒漢堡包之類的食物為主線，午餐根本只是為了增加生意，根本不是其討好的菜式，怪不得雖然位置處於戲院旁邊，但是人客不是那樣多。假如那樣下去，我擔心根本不可能跟其他各式各樣的食店作競爭，希望經營者明白我們不是沒有選擇的，不改善的話只有被淘汰。

今日睇完個Planet 51早場, 只係11:15, 又唔想就咁返歸, 諗住食埋個lunch先, 見呢間餐廳開緊鋪, 好啦, 行個圈等佢ready好先啦~一個鐘後返去, 見裡面有幾枱人, 個waiter俾左個卡位我地, 誰不知一坐落去幾乎跣死, 原來個枱底有污糟野, 上手跌左d野食落地冇人掃, 咁即係尋晚d人冇清潔就走人, 開鋪之前亦都唔掃地抹枱 張枱都係有油既.... 黐線, 基本清潔都做唔好, 點會有人幫襯, 而家唔係大排檔喎, 咁我地就同個waiter講要調枱, 不過調左張枱都係有油.....唉叫左個set lunch, 野菌忌廉意粉, 加8蚊要個沙律, 另外要個夏威夷漢堡d waiter真係半撈半唔撈咁既衰款, 明明見到我叫佢都詐睇唔到, 都唔知咩料, 叫到佢埋黎, 都未order完就趕住走....唉....凱撒沙律ok大碟, 唔係得幾條果d喎, 沙律汁撈得好均勻, 菜亦新鮮爽脆, 如果多少少煙肉碎就更好 野菌忌廉意粉意粉好咬口, 野菌夠多, 汁幾好味, 唔錯喎 夏威夷漢堡即係芝士漢堡加菠羅同火腿嘩....呢個真係有驚喜, 塊扒煎到7成熟,o岩o岩好, 咬落好有食牛扒既感覺個飽

芝芝我平時都鐘意同男朋友仔周圍試好野食..咁岩上次我地係mega box到睇完"alice in wonderland" 3D版睇完之後都9點幾lu 肚仔餓諗住搵野食咁就經過戲院旁既studio city 睇到佢餐廳門口既poster有set dinner有4個choice 咁岩當中有個B餐紅酒炆羊仔膝 見好耐冇食過 又肚餓到唔想行 男朋友仔又想食佢地D漢堡包 咁就入去試下啦入到去見到d裝潢都ok有特式 但唔知係咪時間既問題 入面冇咩客好 唔理咁多 一坐低就即刻order 個waiter話A餐B餐都暫停 ( 咁點解唔直頭轉左張poster?)我即刻就冇咩mood啦 因為本人麻麻地好漢堡包 又唔想食得咁飽 諗黎諗去諗左好耐 終於都揀左D餐 美國肉眼扒8安士 連湯、野飲 $98而男朋友仔就揀左個陽光漢堡 連野飲 $62個waiter就問我要幾多成熟 我最近跟左男朋友仔口味 食開3成一開頭佢問: 3成可能會好生嫁wo.. 要唔要熟d?我就同佢講: 我ok嫁啦最先黎係我既餐湯 薯仔洋蔥茸湯飲落好得意 好有口感跟住男朋友仔既漢堡都黎埋 好大份個漢堡裏面有芝士 煙肉 漢堡扒 生菜 etc 不過我

12月31日中午同左幾個同事嚟呢度食晏,貪呢度靜靜地,前一日已打嚟訂位,因係除夕的關係,所以只能叫套餐,套餐跟平時那些是有分別的,價錢較貴,因其中一個同事是食素的,於是打去問時他們說可以特別幫佢整,咁服務都幾好.我們12點幾嚟到,果時就冇咩人,我叫左火雞餐,有一個同事叫左豬肋骨餐,另外食素的叫左一個磨菇意粉,另一個則叫左煎三文魚扒.都是配薯菜的.套餐有餐湯,沙律,主菜,甜品及飲品.餐湯是雜菜湯,我覺得較酸,不過都幾好飲的,沙律是煙鴨胸沙律,都幾大份呀,鴨胸都有三塊,沙律的汁都係酸酸地的,都好味,火雞配蕃薯粒加一些紅蘿蔔粒及脆肉瓜粒,個蕃薯粒係有些肉桂味的,好味呀.火雞配一些紅苺醬一齊食,都好好味,雞肉唔鞋口,個火雞汁都好味.同事叫的磨菇意粉,佢都話好味,還有另外兩個燒豬肋骨係配薯條及三文魚扒係配薯蓉的,我覺得好有心思呀,佢地都話味道幾好.甜品係牛奶布丁,好好味呀,好滑好香,食完都想食過一杯呀.其實我們坐左成兩個幾鐘,服務都幾好,越嚟越full但都冇話趕你走的意思.

megabox既中式酒樓全部因為擺酒full晒, 成班人無理由食food court, 見到呢間野門面係十足西式樣, 餐牌都係西式野, 諗住同其他一貫西餐廳差唔多. 但係, 除左食物既味道同裝修之外, 無野係西式既.西式餐廳食味以大堆頭為主, 但係呢到既size都好細, 8個人一人一啖都分唔到. (不過價錢都比一般既平)侍應生們都欠缺西餐既服務知識, 正常西餐order完之後就會ling一人一隻碟仔用黎食野. 呢到要叫先識ling黎, 上薯條無茄汁. 我哋叫左十樣野, 食晒之後都未見ribs, 咁我就叫個待應過黎問佢d野齊晒未, 佢就問去check, check完番黎話差個ribs, 問佢仲有幾耐佢又走去check....應該係check到差一個dishes, 問完廚房先問我知掛~~~ 食物味道正常無問題. 但係服務就唔係好得. 可能餐廳本身training就有問題. 餐廳真係要好好敎下d員工先得!餐廳入面有個電視長期係到播d movie既預告片! 呢樣就好正, 同埋其他地方無既! 所以我哋成晚既話題都係圍繞住聖誔有咩大片睇!!!

和朋友黎睇戲，憑票尾可以有折扣和見到 menu 有我地想食既 cheese stick，所以就入黎試下。落 order 時先知cheese stick賣晒，真失望，好在食物味道都幾好。我地要左兩個 set：餐湯是椰菜湯：味道好似雞精水加椰菜，求求其其甘。煎三文魚扒：三文魚扒煎得乾身左，而且唔鮮美。煎雞扒配蘑茹飯：雞扒十分香，雞肉嫩滑；蘑茹飯黃黃地色，有點似海南雞飯。甜品是牛奶布丁：味道香濃又滑，好想食多一杯啊！我地加錢飲 mocha，香噴噴，朱古力和咖啡味一樣甘濃厚。賣單時我地忘記左出示戲票，結果無折扣呢！

如果我有睇openrice先呢...今日大家唔會見到我呢個食評....首先去到,在場幾位待應都好似就收工,唔想接客咁,但當時只係9:00好啦!經友人推介叫左和牛漢堡2客(981客)--- 一D感覺唔到和牛的香,軟,肉香,可能你話我唔識食啦!包皮又乾又硬又冇麵包獨特香味同口感,礙於有位新朋友在座,我忍你...紐約漢堡($99)---新朋友叫T骨,年輕的女待話冇,朋友問:『我黎左3次,3次都冇,你個餐牌呃人架??』女待就 ee er er 咁應左去.....唉!呢度未叫頂引....叫餐飲時,友人叫涷啡,濃少少,女待問:『咩叫濃D??』我和另一位女友立時互望一眼,笑左出黎......食到一半,原桌枝茄汁用哂,問佢拎啦,佢又望望我地桌面果枝話:『唔係有啦咩?』我話:『有就唔會問你拎啦!』由頭到尾佢地都似發夢咁,自己人傾計時就鬼打冇咁精神,講真,咁唔想做就唔好做啦!埋單友人比左信用咭,一陣佢返黎比返張卡友人:『我地咭機壞左.....』唉! 真係聞所未聞.....吹到啤一聲....D食物質素差,你話環境同服務撘夠就話姐.....呢度毫無服務可言...

Megabox UA 戲院同層分別有兩間美式餐廳，一是大熱連鎖店 CPK，另一是Studio City Bar & Cafe，前者總是人頭湧湧的，這晚不想受排隊等候之苦，便到另一面的「影城」試試。這影城以電影為題，典型的美式裝修，感覺有點像兒時常去的「美國餐廳」，環境是不俗的。看看其極似「茶記」的餐牌，dinner set集齊了前菜、主菜及甜品，價錢不到一百，更標榜少油、少鹽、少糖及不含味精。主菜款式則包括意粉、Ribs、肉眼扒這些較大路的美式選擇，適合一家大細用餐的。 先來的是蘇格蘭煙三文魚沙律，賣相認真一般，只得一片煙三文魚，色水暗淡，幸入口尚算嫩滑，伴菜則不太新鮮，感覺相當「Hea」。主菜分別要了蒜茸忌廉汁海鮮意大利粉 ($78) 及法式燴牛尾肉意大利粉 ($68)，影城的份量沒有其他美式餐廳的大，說穿了其實是「港式西餐」。我的蒜茸忌廉汁海鮮意大利粉味道比想像好，材料蠻多，帶子、青口、蝦雖全是「冰鮮」，唯入口不霉，理應收貨，蒜茸忌廉汁下的意粉煮得彈牙，整體口感豐富，這方面我十分滿意。女友的法式燴牛尾肉意大利粉評價也不差，牛尾炆得軟腍，加上開胃粒粒番茄粒及雜菇，頗有水準的。甜品是紅

一家人去magebox 溜冰睇戲~做左 ua會員，有 $250送$100優惠，就來左呢間~問個waitress 有咩好食，好推介的都ok wo~紐約漢寶，唔知有無記錯名，塊肉是全牛肉，無加豬肉個豬排骨(全份)$12x個汁好食~好香~ ^^成餐都比較重味，不過over all 都ok~