酸辣姐

Open Now

Now Closed

今日叫咗外送麵同土豆絲，因為本人食唔到辣，所以備註了走辣. 但外送黎到之後。單上面寫住因為揀嘅麵係無得走辣的。 但佢地好好地將個辣度再減輕咗比我。 真係覺得好有心的食店。 食物真的很好味 被佢地個土豆絲吸引咗 叫咗兩次外送。 會繼續幫襯的。👍🏾👍🏾👍🏾👍🏾👍🏾

之前已經係外賣apps上面見到呢間酸辣姐，佢每個餸嘅介紹都好得意，所以好有印象 今次放假就叫咗黎試下🍴一餸經典酸辣粉- 揀咗薯粉+雞肉腸(bb辣🌶️)◽️一打開聞到酸味好出，食落偏鹹，酸度辣度係ok的◽️配料有好少量嘅芫荽蔥芽菜🥲如果可以多返啲就好◽️值得讚嘅係薯粉好煙靭👍🏻 但又唔係咬唔爛個種，呢個份量女仔食就夠 但男仔就…未必~🍴涼拌皮蛋(bb辣🌶️)◽️重蒜味 食落好惹味◽️皮蛋再夾埋啲芫荽蔥一齊食好正😋涼拌汁反而做得幾好，又好開胃◾️個人覺得涼拌小食好食過酸辣粉，酸辣粉湯底太鹹🫢，整體還好啦 份量唔算特別多~

一向鍾意食酸辣米線既我 係九龍灣真係搵唔到一間雲南個款米線食 但有一日居然俾我搵到呢間酸辣姐 仲有紅薯粉 第一次叫我細細地叫左個小辣食 結果 ... 我食到既 不過如果有得再揀我會揀番BB辣 普通叫一個撈薯粉都只係$4X 有時我會搭多個小食 皮蛋好 青瓜好 都係可以自己揀辣度 同埋有無咩配料係唔要既 非常人性化 而且$1X - $2X既小食份量一D都唔少其實可以叫少個餸都得 最搞鬼係佢D小食可以加$10 變成一個客飯 呢個老闆都幾有諗頭 總括而言係好味既 小店當然要多多支持下

海帶絲拌涼皮涼皮質地爽口彈牙無得輸💯海帶切成絲🌵爽脆配料有青瓜絲、芫茜、花生同豌豆青瓜絲、芫茜令成件事更加清爽🥒花生同豌豆增加口感🥜嗌左小辣🌶️唔算好辣辣汁帶蒜頭🧄蒜香十足幾惹味🤤

一到lunch time九龍灣呢區都好多野食揀不過要講到好食又抵食就一定係佢酸辣姐個人唔太食得辣不過又好鐘意食涼拌小菜果類今日見天氣好熱就想order呢間嘅撈涼皮最鐘意係佢會加埋花生、青瓜絲同炸黃豆特别係黃豆好脆今次呢個係雞絲撈涼皮佢撈嘅味道啱啱好而有唔同辣度BB辣就係我通常會order嘅呢個真係好識合夏天食涼皮都算爽口彈牙雞絲如果佢可以唔係雞胸肉就好不過整體黎講合格有多加上附近冇呢類食物所以都會再次幫襯

九龍灣返工嘅大家一係德福、一係MegaBox、一係淘大 食到好悶了今次帶大家去工廠大廈覓食酸辣姐主打外賣川菜麵食小食單單係配菜都有30款！酸辣粉可選：唔辣、BB辣、小辣、中辣、大辣聽講佢哋用五斤豬骨 每日熬製兩小時 紅薯粉特意由四川運過嚟要點餐方式就類似車仔麵咁 自己揀麵、配料、湯底今次試咗招牌紅薯粉同埋涼拌涼皮配料叫咗風琴豆腐、豬頸肉、牛脷風琴豆腐估唔到咁大塊！吸收晒酸辣粉湯底 入口嗰陣有點爆汁豬頸肉同牛脷都幾爽口 酸辣薯粉入口煙靭 湯底叫咗BB辣 配搭幾好涼皮都幾厚 略嫌味道唔夠重口味 All in all 我鍾意酸辣粉多啲～酸辣姐地址：九龍灣宏冠道6號鴻力工業中心B座2樓26號舖

九龍灣返工既打工仔留意，呢排又新開左間外賣店比多個選擇大家😆提提大家最好提早網上落單，免得撞正lunch hour有排等🙈形式類似車仔麵，有好多款粉類揀，例如涼皮，米線、薯粉、烏冬，涼拌或者湯上都得🍜因為第一次試，所以揀左最愛既涼拌薯粉（$22.4），再加左土豆絲（$4）🥔木耳（$4）同雞翼🐥（$9.6/3隻），加埋都係$40，價錢黎講都幾抵👍🏻👍🏻溫度：涼拌係真係涼，唔會半暖不涼，夏天就算買返公司食外賣，涼浸浸都好清爽🧊👍🏻份量：薯粉份量適中，初時見到外賣碗咁扁身幾驚唔夠食🙈🙈不過如果好肚餓/大食既男士可能要+$8加底喇😙🤐軟硬度：扣分位係薯粉煮得偏硬，唔知係咪多人order煮唔夠耐呢🙈所以薯粉唔算太索到啲酸辣汁，如果煮腍啲啲啲啲，酸辣汁就可以再入到味🫣今次揀既三款餸就不過不失，土豆絲切得幾幼，木耳都爽，雞翼普通，唔會期望彈牙嫩滑，$9/3隻冇雪味唔’煤‘就ok🙈

湯底開始，豬骨煮，但偏咸兼無特色，配料涼皮偏少，外面賣的隨著菜增加而涼皮增加，但這裡相反要加錢，而且涼皮吃下去絕對是普通質素，配菜點了海帶及豬肚，可惜豬肚量偏少海帶多，總結是中下貨，味道完全唔掂，四州朋友試吃都覺難吃，我吃了一半都倒掉，巳猜到老闆多無開過類似餐館或學師，所以樣樣都只懂成本及工廠化，另售價竟貴過西九對面街鋪，人家先賣41你賣44, 而且配料多你1倍，人家有四州或其他特色但你菜平平無其，相信難突圍。

今日 是我最失望的一次 我記得當初5月尾食第一次 在現場等了2~30多分鐘 我就想說 唔係丫 要等咁耐?之後因為味道吸引了我 所以我覺得等 都唔係問題……第2次上去 老闆說 我們更新了 所以20分鐘就會有 還有 下次可以上網落單 咁就可以仲快！之後 我就只要回到九龍灣工作 就會吃一次 一個月2-3次每次都會有不同的驚喜……但想不到 今次的驚喜 是這樣……11點多 我就預訂了13:45去自取外賣 因為那時剛好工作會回來……上到去 人一樣是很多 還想說 好彩有網上下單 不用等！怎知 原來還未整 單也未出……想吃的東西賣光了！但我都明白 人有錯手 留單很常見 所以都說不緊要……就這樣 就等了10分鐘 當滿心歡喜回到去開餐時……叫的伴米線(中辣)一點都不辣 比我叫的小辣牛舌還要沒味道……支竹 很硬 就她像沒有加工過一樣……我明白的 忙碌是這樣 但我希望 不要忘記味道……

近排發現九龍灣新開左間酸辣粉外賣店，終於有日lunch試下叫佢外賣返公司食，聽同事講中午都幾多人叫，所以一早用網上外賣系統叫定先，Lunch time去到就有得拎。本身想試酸辣粉，但出面天氣真係好熱，無咩胃口，好想食涼浸浸又酸又辣既野，最後叫左個兩餸涼麵同土豆絲，涼麵味道岩岩好，我鐘意食酸揀左多酸，萵筍片同豬肚絲都好夾好好味，但最好味既竟然係個涼拌土豆絲😍真係好好味，以後lunch又多一個選擇了。

中午食飯 驚多人落單所以提前係開賣Apps落左單自取去到準時可以攞得 上到去見到生意幾好一打開睇 食物賣相可以食落 即使係外賣 但啲涼皮唔會乾曬啲餸擺左係涼皮底下 涼皮份量可以但整體就略鹹左啲啦

原本對佢幾有興趣，行成15分鐘先到，d餸如果係肉好似要$12，呢個價真係有d 貴所以我只叫左海帶同豆腐，$4 & $6，同埋係open rice 買湯米線只係 $20，叫左中酸辣，見到呢個價先試下，碗米線好多配菜，睇落唔錯，食啖唔夠酸又唔夠辣，餸份量ok，我叫左加底$6.4，加左底先係譚仔米線份量，好在加底未算太貴，但味就堅咸，味道層次唔夠，絕對係失望，如果撈可能會好味少少，因為多配料撈住食味點都好食d,都有可能食多次。

之前收到酸辣姐傳單，覺得好吸引就好想試（畢竟我覺得九龍灣呢邊好食既酸辣野係好小）入正題，11:52分我已經係佢網上平台預先落左單，我12:30 出發去拎外賣，去到店面都幾多人，大家都係紛紛拎住電話講自己自取號碼，情況係混亂既～ 入面煮麵既人手相對地較多，而家負責同客人接觸既就只有一位男士！顧住執餐又顧唔到黎拎餐既人，睇到佢好忙！最後等多4個字 12:50 幾分終於成功拎到餐～ 值得一讚係分湯，包裝係有質素，食物質素，味覺享受都好好！但如果要咁樣等咁耐，安排又混亂，真係令人好折騰（等餐個度又焗又熱熱嫁！！）建議安排多一位人手在前線 或者設置電子屏幕告知客人而家叫飛去到幾多號！

九龍灣美食沙漠中的一點光，但是在沙漠要尋找水源是要付出不便宜的代價。湯底麻酸辣味道平均，辣度明顯略為輕手，外賣拎到番去明顯味道沉底，建議食前撈一撈個底味道會更出，份量呢女仔就夠食，男仔就略少，粉底不多可另加底，素菜價錢正常，但肉類偏貴１２蚊—１６蚊比外面街鋪一般米線定價還要貴，我自己叫左２素１豬紅１雞絲，咁都要６２大元了，仲要食唔飽。味道可以但成碗野出黎份量比外面一般米線鋪整體份量起碼要少４分１。１點食完，２點幾就開始肚餓了。。哎

個酸辣粉買左返屋企過左個幾鐘都仲係好好食，對於鐘意食酸辣粉嘅人夏天食呢個真心正！老闆好好，態度務服都好好，加上有實力嘅食物，就算唔係住附近我都一定會再去，真心正！