有料案內所 (井財街)

Open Now

Now Closed

本身已經喺另一間食左晚飯🍴想去試下呢間最近都幾出名嘅甜品店🍧打算食個甜品就走點知見到個日式烏冬賣相超正😭所以又食多餐😋個醬汁係整章魚燒或者大阪燒面頭嗰隻✨我個人嚟講係超鍾意嘅🥺佢地用左幼身嘅麵做烏冬有少少似意粉如果係普通粗身嘅烏冬我會更加鍾意～(不過可能幼身嘅容易擺盤整造型)推薦⭐️總體嚟講係好食嘅//同肥兔兩個人分住食所以好快清左碟自己覺得唔夠侯XD好彩後面仲有個甜品～梳乎厘我就唔會特別推薦喇><葵廣有間梳乎厘整得比較好食🥺價錢都冇咁貴～肥兔就覺得好食嘅//因為佢都鍾意食甜不過焦糖對我嚟講就偏甜左啲//下次有機會試下其他款！揀返個最好食嘅推薦先第一次試食感覺唔錯～如果經過嘅話會再入去試其他✨

午餐之後，路經此店，好奇入內，試試主打梳乎厘班戟炙燒焦糖布甸梳乎厘班戟，班戟上有香脆的焦糖面，蛋漿選用日本雞蛋及牛乳，口感綿密鬆軟，充滿蛋香味，好好味另一個小丸子紅豆抹茶梳乎厘班戟，帶蛋香而不膩，綿綿質感，獨特的綠茶醬味道剛好，加入紅豆本身的甜味，不會太甜膩，搭配非常適合，口感層次豐富！🤓製作需時！真的要耐心等候啦

有料案內所位於紅橋，附近有幾間甜品店，格離就係好出名既「嘆甜品」。係門口見到有麻糬窩夫，賣相好吸引，所以就入咗去。店舖裝修得幾特別，牆上仲有一塊「歌舞伎町井財街」嘅招牌，成個感覺好似去咗日本咁。餐廳係用QR code點單，入座會提供口罩袋， 感覺好貼心。點咗和風唐揚雞軟骨、煙肉大阪燒、芒果椰奶冰、炙燒焦糖布甸麻糬窩夫同埋芒果芝士奶蓋刨冰。和風唐揚雞軟骨上枱熱辣辣，不過略嫌太油。煙肉大阪燒幾大份，都只係買四十幾蚊。芒果椰奶冰有啲淡。炙燒焦糖布甸麻薯窩夫上面有布甸漿，用焦糖燒過嘅表面，同麻薯窩夫好夾，麻薯窩夫好有口感，煙煙靭靭。芒果芝士奶蓋刨冰，刨冰好大個，上面都有唔少芒果，不過刨冰唔係好幼滑嗰種。

上次想食梳乎厘但要下午4點才供應今次光顧卻沒選梳乎厘選了灸燒焦糖布甸麻糬窩夫窩夫以麻糬粉製焦糖布甸打成漿淋放窩夫上表面用火槍燒焦形成一塊脆面伴一球雲尼拿雪糕士多啤梨及藍莓伴碟窩夫欠缺蛋香不太厚淋在窩夫上的布甸漿頗多未食賣相還可以邊食布甸漿水汪汪在碟上浸著窩夫一人食份量有點食到一半已覺膩沒下次

一直以為喱間嘢只係有甜品食，但原來佢地有午餐供應😅果日click 入OpenRice 外賣自取搵嘢食，見到佢有午餐，包括主食、小食同飲品$32，好似好抵喎但到最後結帳必定係會多左🤭選擇唔算多，今次就試下主食：關西章魚燒、芝士蟹籽章魚燒+$4小食：職人炸雞+$15、和風唐揚雞軟骨+$15飲品：凍朱古力靜岡烏龍奶茶、凍芝士奶蓋四季春章魚🐙燒味道不過不失，但加左芝士蟹籽嘅章魚燒就好味好多。職人炸雞以為係炸雞球，原來只係雞扒切件，只得3舊，好鞋，好失望！相反雞軟骨就量多啲，用左一點點菜絲墊底，感覺又好啲啲。朱古力烏龍就是一杯朱古力，而芝士奶蓋四季春就是茶，完用左OpenRice 嘅優惠就值得一試吧！

今日同朋友喺屯門食完晚餐，就決定去附近食甜品，前日朋友都send咗呢間店比我睇，我就覺得不得了，好吸引，好想去試試啦！梳乎厘太吸引啦。😚Oreo朱古力流心梳乎厘 $88首先我覺得價錢幾抵食，因為兩個人食啱啱好，性價比高。雖然要等一陣先有得食，不過都證明咗佢係即叫即整，真係好暖好可愛！而且適合打卡，非常可愛！我地影咗一陣唔小心跌咗上層，搞到少少oreo碎跌落枱，店員姐姐好nice，仲比翻少少oreo碎我地，好體貼！讚👍🏻講下味道方面。梳乎厘真係裡面鬆軟綿密，而且充滿蛋香，加上cream 同oreo唔會太甜，但增加脆嘅口感同oreo嘅微甜，仲有香蕉，係幾match嘅！我覺得最好食係配雪糕🍦，唔係個種有碎冰雪糕，係實心嘅，所以口感豐富，配上梳乎厘一凍一熱，perfect match！🤍

有料案內所😁😁🧇炙燒焦糖布甸麻薯窩夫 $68表面有脆脆的焦糖同布甸醬好味😋！但要食快d😅窩夫好快就淋，就冇咁好味了，下次我都係唔好掛住傾計先得🤣🤣🍮抹茶紅豆小丸子北海道3.6牛乳奶凍 $38牛乳奶凍好滑☺️切左粒狀，再加上紅豆、抹茶雪糕！平得黎又幾ok，但就唔算特別裝修係工業風 x 日本🇯🇵東京feel，餐廳細細，大約5張4人枱，星期六下午黎到唔洗等位👍🏼 有室外光照入黎，影相都影得唔錯☺️！

有次去食其他野咁岩經過，見到幾特別就去左試。首先係試左佢既刨冰，刨冰d冰好大舊，整唔開真係似食一大舊冰，芝士奶蓋偏鹹，個人對呢個刨冰唔多好，不過價錢就好平$36蚊。之後卡點左佢既窩芙，布丁焦糖麻糬窩芙，呢個就好有驚喜，佢成個都係麻糬咁 ，唔係一粒粒丸子係裏面個種，布丁漿都好好食，份量好多，加上面個層焦糖脆脆地，焦香味，又脆又麻糬質地，好好食，係漿就多左d，自己食哂會好飽。另外叫左個芒果丸子奶凍，奶凍彈下彈下，好好食，佢份量都偏多。整體黎講好食賣相靚，個人唔建議叫刨冰有樣但d冰太硬。

本身見咁多人食，以為好好食就同朋友一齊買，分2張單叫咗個咩牛乳奶凍等咗半個鐘，開始問店員有未，明明後過我地單號嘅人都有得拎，點知兩次問，個2個店員都係好黑面咁，話未有、整緊Ok fine其實個甜品好普通，將啲料放上去就得去到45分鐘果陣，終於忍唔住上去問佢究竟仲要幾耐，因為堂食啲人都已經走哂，準備收得舖，呢個時候個店員先好聲好氣咁問我地幾多號，然後出嚟話等多2分鐘。好，終於有得食，一上車打開，成個甜品得雪糕係凍，小丸子又勁硬，說好的奶凍呢？奶暖嚟吓嘛！唔會再幫襯，亦都會叫朋友唔好再去！態度差，食物又差！

🎗屯門高質甜品店推介比大家❤️聽講夜晚成日都好多人 所以當日揀左下午去試🦦首先叫左炙燒焦糖布丁麻糬窩夫🧇個人覺得.....真係！好出色！🤤🤤🤤燒到啱啱好金黃色嘅焦糖脆脆表面 仲有個布丁醬醬一啲都唔吝嗇 舖滿左整個窩夫～即叫即整熱辣辣💯窩夫入面嘅麻糬都好多🐷脆脆嘅表面 甜度適中嘅醬 邪惡嘅雪糕球 煙韌嘅麻糬 熱辣辣嘅窩夫💦💦邪惡到極嘅𝑝𝑒𝑟𝑓𝑒𝑐𝑡 𝑚𝑎𝑡𝑐ℎ💛💛珍珠奶茶梳乎厘班㦸蛋香超正～空氣感都好夠 十分軟綿🤪入口就已經半融嘅感覺好幸福🤰🏻連個台式奶茶嘅味道！仲有芋圓珍珠同紅豆蓉伴碟🦦好味得黎又足料🙌🏻飲品都做得唔錯 真係同圖片相符 奶蓋超厚的🤤因為當日無食晏就去 所以叫左小小咸點味道沒特別出色 畢竟都係甜品店～裝修係普通水泥風 LED同裝飾都係走日本風格～

—士多啤梨藍莓芝士奶($36) 真係好抵食👌🏻估唔到$36咁大兜🥰不過抵食還抵食味道方面🤔頭幾啖食係唔錯嘅🤷🏻‍♀️好足料😍酸酸甜甜咁幾開胃😋不過食多咗就有啲厭😬啲冰好大粒😆同平時嗰啲唔同☹️真係好似食緊一粒粒冰咁😂去到尾個味有啲淡😪會寧願比多少少錢食好啲🤭啲人話佢waffle 唔錯😎 不過因為太飽冇試😔下次試吓先☺️店舖有啲細所以排隊嘅時間都幾耐🙆🏻‍♀️想食記得早啲排隊啦💛💛—價錢： 💋💋💋💋💋味道：💋💋💋抵食：💋💋💋💋💋環境：💋💋💋💋💋. ——地點：有料案內所 (屯門)地址：屯門井財街15號金銘大廈地下3號舖營業時間：20:00-2:00—

Hello 大家好🙆🏻‍♀️今次要介紹嘅食物就係位於屯門！💛黃店💛“有料案內所😝”📌地址: 屯門井財街15號金銘大廈地下3號鋪1️⃣ Oreo朱古力芝士奶蓋刨冰🍧$362️⃣炙燒焦糖布甸麻薯窩夫🧇 $64真係好平勁大份！我哋六個人去食兩個甜品都已經好飽😳😳刨冰味道好好唔會太甜👍🏻超抵食！窩夫同個芝士融入得好好 一食入口覺得擁有全世界😍不過成日都會好多人排隊💛好嘢係要等下嘅🤫同埋位置有少少迫 但係就係成班人一齊迫先傾偈開心💛屯門區食甜品呢間係頭三位嘅選擇❤️KS評分 (5⭐️最高)環境:⭐️⭐️⭐️味道:⭐️⭐️⭐️⭐️價錢：⭐️⭐️⭐️⭐️⭐️我會再去的🇭🇰💛#ksfoodie #美食推介 #屯門區 #屯門美食 #屯門美食推介 #甜品推介 #甜品控 #黃色經濟團 #刨冰 #窩夫 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodieksk #foodieksk屯門

💛黃店🔱今次要介紹嘅食物就係位於！📜”有料案內所 (屯門)📌 地址: 屯門井財街15號金銘大廈地下3號舖🕐營業時間:1200-0200🍽分店地區:屯門📝評價💬📢1️⃣ Oreo朱古力流心梳夫厘$88好似食緊空氣咁樣😂😂😂真係好味道！😍幸福嘅感覺出晒嚟😆😆😆😆朱古力醬配搭着梳乎厘🥰🥰🥰好鬆軟蛋香味十足👍🏻👍🏻🤩上面嘅cream都好夾🥰🥰雪糕好creamy🥰🥰大大份😆😆💛💛💛 呢間甜品唔係第一次介紹🥰🥰呢度真係有讚冇彈👍🏻👍🏻👍🏻想去日本黎屯門食住先😎😎KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩#美食推介 #屯門美食 #屯門黃店 #黃色經濟圈 #黃店推介 #黃店 #黃店系列#foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodieksk屯門 #foodiehk #foodieshk #hkfoodies #foodpics #852food #相機食先 #香港美食指南#hkf

終於開返d食店😆哩間屯門區我認為最好食嘅甜品！依家午市都開埋，仲有午市套餐😋😋平時夜晚排晒長龍，午市就完全唔使排隊😆焦糖窩夫，每一啖個口感都勁幸福，上面仲有焦糖脆片😋奶蓋四季春😋我想健康啲所以就揀咗少甜，原來少甜就等於茶底唔落糖😋一樣好好飲啊！至於我覺得最好食就係佢哋個王牌疏乎厘！材料都係選用日本材料，朋友食過都覺得同日本嘅有得揮😋佢個疏乎厘非常鬆軟好食😋同上面嘅配料非常搭配😋😋如果大家嚟屯門都可以試吓呢間，我覺得好值得推薦

一直有幫襯開 呢2個月再試左3次 3次都大失水準感覺係轉左師傅今晚叫左珍珠奶茶疏乎厘配雪糕 個雪糕以前好好食，宜家轉左，食唔出係乜啦😅 奶茶味雪糕又唔係 朱古力味雪糕又唔係 仲要係勁水（講緊係個雪糕未溶情況下）食左3啖收皮個疏乎厘仲大鑊 以前明明係勁淋勁鬆軟 今晚變咗雞蛋糕.....點吞啊大佬個珍珠奶茶醬d cream又係唔同左味 係吞唔到落去嗰隻😭成件事係疏乎厘變左雞蛋糕 珍珠奶茶醬變咗一般cream狀冇奶茶味 雪糕5知係咪變咗自製完全出哂事 今次食左幾啖就掉左 呢個水準收$88搞唔掂囉 希望貴店可以正視下呢個情況 我同老公住好遠特登入嚟支持貴店3次都好失望😣😢忍唔住留Comment。