SUGAR 甜品屋 (Closed)

食完老廟行左黎試下,我就食過幾次,d朋友就第一次我突然想食蜜瓜,就叫左個蜜瓜涼粉個樣ok,糖水多左d,蜜瓜同涼粉e d主菜都幾好,滿意友人食左宇治金時,話d冰唔係咁好食第2友人試左芒果奶凍,就話芒果唔靚,但個奶凍幾好第3友人叫左芒果涼粉同有朱古力堡壘,芭菲個樣例牌正,又多野食,大家都滿意應該冇帶錯路

平日一直有到 openrice 睇食評, 今次忍唔住寫一寫, 係因為真係不滿意琴晚一大班朋友食完飯, 諗住去甜蜜蜜食甜品, 點知好多人, 所以就行左過黎 sugar睇過 openrice 都知佢有好多好評, 但我地食完, 就覺得佢唔係咁得, 更懷疑過係咪有打手餅碎新地只係一個好普通既甜品, 有無味既雪糕 , 有 cream, 有餅碎,有粟米片, 係創新, 但唔特別好吃成間野都唔平, 一個細細的椰皇湯圓, 要成 $29, 肯定好賺到笑, 幾舊雪糕就 $39太夜所以試唔到心太軟其豆腐花也是普通之作, 和超級市場的並無分別朋友更說它的雪糕雪味很重, 不好吃窩夫得個脆字, 也不好吃最大鑊係個紅豆沙, 朋友說是酸的, 可能是果皮的味道, who knows?總之就好失望啦, 食左成 $300, 食得唔好開心比較好的是, 對面就有得泊車了

同朋友食完韓燒,好想食甜品~我一諗就諗到SUGAR,皆因我對佢o既心太軟念念不忘。去到,我強烈推介朋友食我上次試過既餅碎新地同心太軟。之後我地再叫另一個招牌----榛子朱古力窩夫。心太軟($39):果然無令我失望,份量比其他甜品店多,一切開,勁爆多古古力醬流出,次次都無戲場!!suagr既心太軟已經係我心目中有一定既地位呀!!!暖暖地好濃既古古力味加上凍凍既雲利拿雪糕,味道一流~絕對唔會有”心太硬”既情況出現~~~餅碎新地($38)味道,感覺同上次一樣,good~~(請查閱上一次我對sugar既食評。)榛子朱古力窩夫 配 朱古力雪糕($32)第一次食..我食唔到有榛子味…窩夫係暖暖的,但係唔脆..係淋果隻。我唔知佢原意係唔係想整淋果隻窩夫,奈何我本身鍾意食脆既..所以我就唔多覺好食…成碟最好味既..就係果個雪糕..好濃朱古力味~心太軟同餅碎新地係我對依間甜品店既信心保証=p

起TST,"只此一間"的糖水店,可以選擇SUGAR!上一次我食過什果鮮奶凍,有超濃烈0既fresh milk味道,而且好明顯見到云哩嗱子,視覺效果很吸引!男朋友喜歡朱古力,就來了個新嘗試"- 朱古力香蕉奶凍賣相一般,不過有"動L"情況出現.睇得出好柔滑~只可惜第一口已經張住個咀,好漏!真係要食番粒香蕉緩和一下.今次又啡啡黑黑咁,連云哩嗱子都睇唔到,感覺又差0左一大截.如果喜歡吃巧克力的話,可能甜品會很適合你,我下次都係叫番奶凍算~

上個月再去試Sugar的甜品，先試下新嘗試，叫了一份豆腐花+湯圓+蕃薯crossover剛剛送上檯時，鋪在最面一層是豆腐花勺子一撥，原來湯圓、蕃薯全都藏在底下......豆腐花尚算香滑，湯圓的皮不太厚，但算夠煙韌，蕃薯亦夠香甜三種甜品混合起來的感覺，就是香滑的熱豆腐花，與蕃薯糖水結合一起，再加上幾粒湯圓感覺幾新鮮、幾正 唔夠候，有點掛住Sugar的皇牌「心太軟」原來定下了新規舉，晚上9:00後便不接「心太軟」的單，也許是「心太軟」太過旺場吧！幸好剛剛還有十數分鐘才到九時，趕得切叫「心太軟」等了約15分鐘，終於送上「心太軟」跟上次吃的水準差不多，朱古力岩漿從朱古力蛋糕中流出，與雲呢拿雪糕混合在一起，這個啡白MIX實在相當美味兩份甜品，埋單計數七十多元價錢略嫌少少貴，可是貴得來卻甚有水準保證呢！

甜蜜軟飯芭菲個賣相好靚呀…-曲奇雪糕- 好大片的曲奇餅…但唔係好滑…一’不’…成舊的碎左出黎…-呍呢拿軟雪糕- 跟曲奇的硬有了對比…加了朱古力汁…好似SANDAE…-意大利飯- STICKY RICE…椰汁的…煙煙UN UN的…軟軟淋淋的…-朱古力奶凍- UMMM….食左…都唔知係奶凍呀… 好淋的…好似溶緊既布甸…@.@ 真係食曬睇番個MENU…先知有E個FILL UP…初初以為係CREAM..-玉米片, 朱古力脆片- FILL UP 左個杯的底部…食到尾個時…D TOP都溶曬流下去…變成SAUCE 了…好似甜食早餐…看到別人的WAFFLE…好似幾好味喎…其實係遠處收到單張…行去搵這店的…事關派單張的伯伯好NICE 呀!!!

如果响tst晚飯完畢, 意猶未盡的話, 通常都會來這裡再掃甜品!我點的是木槺sundae杯, 另外兩杯是mango及綠茶紅豆小丸子耐不耐來都ok ge.. 貪佢份量大, 味道ok又不太貴

食完晚飯就行到嘉蘭圍試下哩間甜品鋪. 9點幾鍾去到都仲有幾多位, 唔駛等.d 凳係膠既圓凳同摺凳, 同o係牆上既雜誌貼出黎既layout係唔同. 雜誌入面既係sofa 黎. 唔通佢係問隔離鋪借黎擺既!?店入面全部都係後生仔黎. 唔知係幫人打工定自己創業要了個朱古力奶凍$29樣子都普普通通吧曲奇雪糕一睇就知唔似松記既自家製. 只係買雀x 既雪糕. 曲奇餅真係碎得好交關嘛. 而且只係得個甜字而冇牛奶味.朱古力奶凍係林. 好似mouss 咁, 食落又有d 似雪糕咁, 咁駛咬就溶在口. 朱古力味一方面夠濃, 另一方面又過甜. 食晒成個再加埋d 朱古力醬有點漏.最好食同最正常應該係條蕉.$29 食哩檀野就唔太值啦, 早知加3蚊叫個waffle 啦.

今晚大約晚上8:15抵達這間位置頗隱蔽的小店，進入店內，只得一檯客唔係掛，生意那樣差？也許尚未到達吃甜品的黃金時段吧？我們叫了一冷一熱------朱古力堡壘、心太軟等了不消一會，先上「朱古力堡壘」這份由兩個朱古力雪糕球、雲呢拿軟雪糕、可可豆、朱古力奶凍、粟米片、香蕉片、朱古力百力滋所組成的一杯巴菲無論賣相、顏色、觀感，實在十分的朱古力。「朱古力堡壘」這名字名副其實兩個雪糕球、一份軟雪糕、奶凍，聽起來也是一份不俗的消暑佳品吧？尤其在今天九月時份，也高達攝氏三十多度的晚上，更是一份透心涼的良品較濃朱古力味道的雪糕、百力滋，與較淡朱古力味道的可可豆、奶凍配搭起來，調校得恰到好處而且用料算幾十足，份量也足夠價錢方面，只售三十二元，尚算抵食的！吃完首道甜品，稍等五分鐘，再送上「心太軟」這道也許是這間甜品店的另一道招牌甜品，上次光顧時也曾考慮點的這份朱古力蛋糕味道調校得唔錯，而且鬆彈度得宜，不致於內裏的朱古力糖漿容易滲出相信這是師傅在焗製時，時間把握得唔錯啦咬了一口蛋糕，內裏的朱古力糖漿便慢慢湧出來心太軟的朱古力蛋糕，是由雲呢拿雪糕球伴著的選擇用雲呢拿這款較清淡的雪糕，伴著味道較濃的朱古力蛋糕，也

唔打唔撞下, 接到一個阿叔係tst mtr exit a門口派既傳單 (上面仲有張$5優惠券~ 唔好唔要啊~). 見到傳單上既甜品好好味~ 雖然仲未食dinner, 不過就決定去試下sugar~ 行左好耐, 又熱又無力. 所以一到就叫幾個甜品俾自己舒服下啦~ 等緊期間就覺得個裝修俾人既感覺幾warm, 幾舒服.不過個地下, 近廚房個到, 有灘水~ 衛生方面要扣d分~同埋sugar唔大, 所以如果係晚飯過後, 應該要等好耐~好~ 上甜品囉~ btw, 個名唔太記得, 我只記得佢地係個menu上既no. 大家去到個時自己睇下個全名~ no. 9 (chocolate waffle): 一個有vanilla雪榚球既朱古力waffle (d waffle已經切到細細塊, 方便大家食~ 夠細心~ 唔錯~). 仲有d香蕉做伴菜. 上面有好多朱古力漿做既decoration. 外表勁靚~ 食落好味! goooood! 一流~ 唯一唔好既, 就係d香蕉唔凍, 係room temperature (即有d暖.). 所以如果一啖食齊雪榚加waffle加香蕉既話, 就有d唔match~ 建議店主先將d香蕉

5 個朋友食完霸王山庄就去左對面既sugar 食甜品, 因為朋友k好鍾意食甜品所以每一次見面我地都以甜品做結尾! 今次叫左3 個甜品 甜蜜軟飯一杯好大杯好靚既野, 軟飯應該refer to 個個好重榔味既甜risotto. 仲有一個cookies and cream 味既雪糕同一d 生果同脆脆米穀物咁樣. 雪糕香蕉窩夫一入舖頭其實已經好大浸窩夫味, 果然都係無失望d窩夫好脆好好食 朱古力奶凍朋友k 覺得呢個好好食不過我同另一個朋友都覺得太甜, 個質地又太淋如果彈d會好食d其實3個甜品都好食既, 不過我同另一個朋友都覺得3樣野都好似偏甜左少少, 搞到碟邊既生果就真係好似陪襯咁一d 味都無, 而且叫個3 個甜品2 個雪糕既都係同一款雪糕, 好似無咩選擇. 個舖頭好多甜品都配香蕉, 係一個唔錯既配搭, 不過如果d香蕉熟d會好食d. 之但係3個甜品都好靚, 價錢都公道, 雖然星期6 但都唔駛等好耐, 會再黎!

吃飽飽冇事做,又未傾完計,不如齊齊食甜包傾飽佢~此店逢星期一休息呢,要感受一下sugar的受歡迎程度就要記住咯★最近身邊朋友都話去sugar食過番尋味,我咁胃食冇理由未食過ga!今晚就拉多兩位好朋友陪我試,其中一位已經來過好幾次了. 什果奶凍>> 有齊我喜歡的什果及鮮奶凍.好香奶味而且很滑.雖然細細個價錢好像貴了點,但值得囉! 仲夏甜夢>> 個名好好聽,又以芒果為主.朋友一見到就二話不說點了.如果是芒果fans的話必叫之選!有成兩個雪糕球咁多添~坐起外面熱就熱d,要食咁好味既甜品等耐d熱d都抵.

本來男朋友想去甜蜜蜜，但係我前一日係OPENRICE見到SUGAR，好想食佢果個餅碎新地，我就係咁扭計，終於成功地說服左佢喇！！餅碎新地（＄３８）：一個淋左朱古力醬o既新地，２個OREO雪糕球，側邊圍滿左瑪莉餅碎同OREO餅碎，下面有Ｄ原味同咖啡味忌廉，最底係CORNFLAKE栗米片。OREO雪糕球冇咩味,但係瑪莉餅碎同OREA餅碎加埋新地同忌廉食好好味!!!仲有佢下底果d栗米片好脆,無淋到!!good!!!!栗米片無論同cream或者雪糕食都好好味!!好夾!!!心太軟（＄３９）：佢個牌上面寫明要１５分鐘時間準備，我初初仲擔心我地仲食緊個雪糕果時就送到黎，點知我地食晒個新地，心太軟都未送黎…再等左陣，終於送到黎喇！！我急不及待叉開佢！嘩！！！好多朱古力爆出黎呀！！原來男朋友未食過心太軟，佢第一句就話好濃朱古力味呀！！岩晒我依ｄ甜品朱古力怪！！加埋個佢個雲呢拿雪糕球，一凍一熱，perfect!!!!依間野真係幾好,人小小,下次會再去試下其他甜品~~

扭計bb要我帶她去, 因看到報紙.木糠新地, 都挺大個的.又有oreo, 又有d oreo碎, 又有瑪莉餅碎, 又有d cream, 甜甜的, 大大個的, 挺適合二人品嚐.後來bb仔很快吃飽了便不吃, 我一人吃了很多, 飽飽.

晚飯後行完加連威, 順理成章就嚟到街尾的Sugar男朋友次次嚟都係食朱古力新地(#16), 保持水準, 不過拎出嚟一陣就好快溶我揀咗木糠新地(#20), 好好味, 有啲馬利餅碎同OREO曲奇餅碎, 味道好夾, GOOD