小方糖甜品 (淘大商場2期)

Open Now

Now Closed

啱啱係淘大睇完戲，又有d肚餓，就走左去搵野食。睇完戲個人又有d凍，所以最後就搵左間有熱野食嘅糖水鋪落腳。可能撞啱晚飯時間之後，鋪頭都坐滿人，不過我地最後都係等左十分鐘就有位。之後我地分別嗌左三款糖水。第一款係勁薑蕃薯芋圓糖水。 糖水都幾重薑味又唔會太辣，都算易入口，而蕃薯都煮得幾淋。不過芋圓嘅味道就差啲，食落口感麻麻，同埋畀薑蓋過咗味道。杏仁芝麻糊嘅杏仁味頗重，一上枱就聞到。芝麻湯丸其實係芝麻糊加湯丸，芝麻糊味道唔錯，都幾杰，但湯丸就麻麻地，太過淋。

成為UA戲院會員當然要支持UA的新店-淘大三期 UA淘大在讀書期間經常來只因補習，今次來看電影給我發現了一條充滿古代風味的美食街看完電影後最適合來此尋找美食...甜品小方糖-一共4間店鋪_總店:九龍城 ， 分店： 將軍澳/九龍灣/旺角 而4間我都品嚐過，味道是可以做得更好 份量....小了一半 超龍珠$35  雲呢拿沙冰，芒果汁，小丸子，珍珠椰果，芒果雪糕充滿了雲呢拿味的沙冰是滿特別的，配上小量甜甜的芒果汁 丸子和珍珠都好煙靭  芒果雪糕刨冰$32加芋圓+$8 雪糕可以轉曲奇雪糕，另外刨冰份量竟比任何一個食評和我之前食的大大分別 小了一半吧...加上了煉奶，芒果汁，芒果肉 有少少的微酸...加了$8的芋圓 只因為別人說小方糖的好食便加了 芋圓有兩款 不煙靭便把了 還是粉粉的味道 賣相 衞生服務抵食推介

今晚我同朋友食飽飯諗住去食碗甜品，行左幾間甜品店最後揀左這間小方糖食甜品，我朋友揀了銀杏薏米腐竹糖水，我就揀了熱勁薑蕃薯芋圓糖水，首先嬲既係由我地落完Oeder至我朋友食完碗糖水的15分鐘先黎到我碗糖水，最接受唔到就係我碗熱勁薑蕃薯芋圓糖水係唔熱囉，就連D芋圓同蕃薯都唔熱囉，等左咁耐就係食左碗凍又唔凍，熱又唔熱既垃圾糖水落肚，我係m記食個雪糕都好味過食呢碗不知所謂既垃圾糖水，嚐試今晚難食糖水之後，以後我唔會再幫襯。

椰皇系列老婆話入秋必食，精明嘅老婆今晚食左個又養顏又好味😋 價錢平、質素高、份量多又夠足料的椰皇湯丸芋圓燉蛋白，故名思義椰皇內有蛋白超滑 丫唔係！應該係超級滑先啱、芋圓夠香、芝麻湯丸同西米👍🏻👍🏻👍🏻老婆話淨係食個椰皇燉蛋白當晚餐都夠曬飽，一向高要求嘅老婆食飽後表示大滿足。我就食芒果系列嘅楊枝甘露，香濃嘅芒果容加新鮮芒果粒，芒果粒夠新鮮唔會酸😋一個字 正2公婆都唔小心食左幾口先記得影相🤣🤣坐位唔會迫，環境夠光又clean，小方糖快d係港島區開分店啦！

充滿驚喜的拿破崙睇完戲想食甜品見到有甜品店..小方糖我們就二話不說就入左去喜歡芒果的男朋友叫左芒果樂園上甜品上得好快😆一片黃海有芒果蓉 牛奶布丁芒果雪糕，水晶珠，椰果同心型的粿子冰凍的雪糕加上多種口感的椰果😋 令人忍不住食多幾口 芒果汁也蓋不到濃濃的牛奶味的布丁 好滑 布丁無糖 所以配上芒果汁剛剛好😋到我的黃金拿破崙上場😍三塊金磚般大的脆皮卷加上粒粒芒果同 cream 另我們忍不住食指跳動小叉一碰到已經好脆 散開吸收堆埋一埋埋的芒果汁 同加上啖啖的芒果肉😋😋超級好味 回味無窮 終定下次再來食過玩在想起都洗曬口水值得一試👍🏻

食完個dinner太早，所以決定去食返個糖水，但係附近又冇，所以我哋走咗去九龍灣淘大食，始終嗰邊多甜品簡。過到去見到小方糖，見佢冇咩人，所以就入咗去，朋友都係叫d西米露，我又想食下凍野，所以叫咗個西瓜西米露。其實味道ok嫁，起碼我覺得佢椰汁夠濃味，又唔會死甜，西瓜都ok甜，可以接受，可以話呢個係一個好正常，好好味既西米露。其實我仲叫咗3粒湯丸，哈哈，不過佢冇放入去， 佢另外比個碗我，都係既，湯丸熱既 ，放入凍既西米露到，都會幾奇怪，哈哈。

每次出街食完晚餐都會想食多個甜野先俾個胃收工。是日食完上海野，咁行左去淘大睇下食咩糖水好，咁見到小方糖好似都幾多選擇就等位入去。我同哥哥2個人叫左個黃金磚同楊枝甘露。楊枝甘露正常的，芒果都甜嘅～另外黃金磚黎到原來係咁大份架，賣相大方同覺得好抵，有3條，而且係熱的，切落去聽到係脆脆的聲音，如果佢酥皮入面都有料就更出色啦不過就咁配埋面頭嘅忌廉同芒果一齊食都正！有驚喜！食飽飽肚子完滿了!

下晝行街行到攰，想搵個地方坐下，最後決定去食甜品。隔離果間勁旺場，見呢間冷清清咁，無咁多人都好既坐得舒服d。✨唔想食凍野，可以㨂d正氣養生熱食。邊等食就睇下食評，好奇點解會咁冷清， 睇完之後都抱住無期望無失望既心情等待xD✨服務方面就無乜特別，個個企晒起度都幾得閒，起度打工唔錯。✨心星（$33): 個名幾有詩意～～士多啤梨沙冰底味道唔錯酸酸甜甜，不過texture 就唔似沙冰，似糖水多d。✨入面個士多啤梨粿子心，由於唔係好多粒既關係，撈左好耐先撈到黎影相😂。佢係士多啤梨味既蒟蒻，唔係太甜幾有咬口都唔錯。另外仲有椰果，芒果都好甜，不過士多啤梨就好酸。呢款味道唔差，不過如果你一心想食沙冰就會失望。✨椰皇蛋白椰汁蓮子燉雪燕（$48): 最鍾意食椰汁，呢個糖水底椰汁味幾濃，甜度ok~不過近期開始唔好食太甜，如果可以減d甜就更健康。✨雪燕第一次食，都係類似桃膠d fd, 滑嘟嘟的。 蓮子都幾多，食落唔會有苦澀味。✨蛋白好嫩滑，仲好香椰皇味，好食！ 不過呢個甜品唯一要彈係唔夠熱，但係味道我幾鍾意👍🏻✨無期望果然無失望，其實甜品味道唔錯，唔想等位可以黎試下。

唔係特登想負評！但真係太過份！甜品冇味！態度差！問個阿姐多2句！佢又唔多想答你！order完一野飛張單落張枱度！想點樣樣？唔怪得咁少人去！🔥冇下次！試左個宇治金時！味道淡！刨冰🍧味道有少少怪！不過一分錢 一分貨！下次唔會再試！

收工仲要去買外賣養活我家老小嘅我，除了晚餐，仲窩心地去買埋甜品，去呢間因爲選擇係幾多，中西甜品選擇都有！去到無其他客，得一個店員，落單好快出菜，外賣包裝企理，外賣碗可以入微波爐，店員無乜說話！芋圓豆腐花仙草凍（$28）芋圓係呢排我嘅至愛，糖水賣相幾靚，三色芋圓煙韌彈牙，仙草凍嫩滑，豆腐花嫩滑，糖水唔會過甜，好味！楊枝甘露（$30）肥髀食西瓜西米露（$24）姨甥食！食物好味！店員無乜接觸！糖水款式多！

今晚滿心歡喜諗住去食甜品，所以一早打晒電話問定有無開有無外賣自取。轉頭打電話去訂，店員覆單就話大約20-30mins會準備好。咁我地準時20mins後到，俾埋外賣訂單編號，佢哋話冇記錄，要再落過單，我真係以為岩岩同左空氣講野。如果大家想食野嘅話就唔駛考慮呢間，鍾意食野嘅朋友請永久blacklist ！😡 😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

情人節同肥髀逛淘大商場，臨走前去了呢間糖水店食個糖水先走，門面大，有外賣專用嘅櫃臺（不過閂了捲閘）彩色招牌有點童真，入內只有兩枱客，基本上任坐，揀了靠牆雙人小方枱，枱面已放了餐牌，中西式冷熱甜品都有！方枱小木圓櫈，牆上黑板畫了田園風光畫作，感覺清新！香芒小丸子（$33）高腳透明杯幾可愛，肥髀食椰皇湯丸芋圓燉蛋白（$45）我個椰皇都要等一陣，上菜除椰皇外又分咗一碗，咁店員放低時講咁一句：太細喇！我都無計較嘅，分別試味，首先椰皇內嘅主要有2/3係蛋白，嫩滑索咗椰青味，熱辣辣唔太甜好味！加了3粒湯圓（所以好滿了，放不下芋圓）湯圓煙韌，芝麻流心餡香芝麻味又甜美，好味！另上嘅碗內有西米同芋圓，西米同芋圓都煮得淋，芋圓內仲有啲薯肉粒好味，不過碗內可能無蛋白，又落咗好多椰皇水，結果同椰皇內嘅味道唔同的，好重椰子味，唔太甜，我為了平衡兩碗嘅味道，所以撈埋落大碗食，味道就平衡好多！唔太甜好味食物好味，一冷一熱都有水準，不過服務真係有點滴汗😓，話說樓面3個店員（2男一女）都係30歲唔夠嘅後生仔女，落單肥身材男無乜特別，正常對答，話我知無蕃薯🍠，因為第一下我想叫有蕃薯嘅糖水，佢對糖水款式仲有無都要問過女店員

食完晚飯甜品作結是常識吧。但唔無做咩鬼暗眼，叫左兩個兩個都係吐司麵包🤦🏻‍♀️，必定吃不消。吐司製作需時，約15分鐘，唯有㩒電話傾下計打發時間。焦糖吐司配雪糕，睇圖片係咪連你都以為係曲奇雪糕呢，錯哂！我都以為係，但！原來係黑松露雪糕，本人並不是極反感，只係少許反感，雪糕中間係散冰，整體都太甜，更不要討論黑松露雪糕🤦🏻‍♀️🤦🏻‍♀️。依個唔甜，但d芒果醬係酸😖酸得黎有點假，窩夫幾好味，芒果雪糕都還好，但食完實在太飽，無法享受。

呢日同男朋友去九龍灣行街難得去食下甜品聖誕節嘅下午店內客人唔多唔使等位就入得冬天唔想食冰所以選擇都唔係好多本身想試椰皇但入鋪頭果陣見到椰皇冇肉就作罷往日食開嘅榴連甜品今日冇食到原因之一係貴量少但要成$45其二而家唔係當造季節 （雖然冇咩生果係）最後同男朋友揀咗芒果樂園同黑白配芒果樂園芒果份量ok不過部份冇切斷感覺上有啲隨便芒果汁有啲稀可能係溝咗水好在整體味道都唔錯食過幾次小方糖我覺得呢個算幾好食雖然都好難整得難食男朋友揀嘅黑白配仙草份量足個底好似係杏霜男朋友話好好味我就唔慣個杏霜底食仙草我prefer康瑞/誠記埋單價錢$63

今日同幾個朋友係淘大食完lunch諗住去附近食甜品去到就近的一間甜品店小方糖，入到去一個客都冇但無為意便叫了自己喜歡食的甜品，那碗所謂的合桃糊超難食完全係開粉果種成碗漿糊咁，朋友試了一匙我吃左2啖都頂唔順於是問店員可否換其他因為實在太難食，誰知店員態度惡劣話“無一間餐廳可以比你食左再換”我地都呆左話唔試過點知咁難食店員還是維持說唔可以換態度衰到好似欠佢錢咁😤😠😠唔該檢討下啲食物質素同服務態度啦，如果唔係搵鬼幫襯。