小方糖甜品 (淘大商場2期)

Open Now

Now Closed

昨天同朋友去咗小方糖食甜品，位置幾多，服務員亦十分友善，好像是一家人。朋友叫了黑白配，好像是朱古力雪糕及雲呢拿雪糕，配上芝麻糊及西米露，味道不錯，以及菜式創新。另外一個朋友叫了香芒小丸子，芒果甜，小丸子也好食。

小方糖甜品呢間我已經食咗好多次，如果唔計佢嘅服務質素同埋服務態度，淨係以甜品嚟講係不錯。每一次嗌我都嗌佢嘅龍珠系列。佢個龍珠改有雲呢拿冰沙，小丸子，椰果。而且佢有好多唔同種類嘅甜品例如心太軟抹茶冰沙等等。非常之多選擇，不過我自己覺得最好食嘅都係龍珠改，食落去棉滑，甜度適中，而且配料多。但係呢一間甜品舖唯一唔好嘅，就係佢嘅服務態度同埋服務質素，而價錢方面就非常之親民，平均三至四十蚊就可以食到一個甜品。

話說我哋喺出面買咗野食入去但係冇食 只係拎入去 個紮頭髮戴眼鏡嘅女人行過嚟態度極差同我哋講唔好喺度食呢啲野 好似命令我哋 成個訓導主任 開都未開 同埋會唔會喺人哋舖頭食嘢 話1點收工你12點就落漂白水喺地下 成陣味 完全唔想食

成枱人食嗮d甜品 得我嗰碗催極都唔嚟 仲要好唔耐煩 明明漏單就認啦 喺度咪咪摸摸 嘴藐藐咁 腐竹糖水又成陣水喉水味 桑寄生蛋又係白雪雪 質素差又冇服務一樣食開甜品 地茂館同金滿堂好食夾平又勁大碗 今次真係中嗮伏

朱古力粒粒拿破倫真係太出色啦！一啖啖入口，甜度剛剛好，唔會過甜。而拿破倫嘅口感好鬆脆，一咬就碎，充滿咗層次感。雪糕嘅溫度都啱啱好，令人可以充分感受到雪糕嘅順滑。至於店員嘅服務態度同效率一流。佢哋笑容親切，而且服務迅速，點餐後唔耐就有甜品上枱。佢哋的熱忱同專業態度令整個用餐體驗更上一層樓。絕對係一個值得再訪的甜品店，食完之後心情愉快，滿足度爆棚

好重冰感既刨冰🥶本來想嚟試下佢地既窩夫，但原來三角形個款普通窩夫已經冇再賣，唯有改叫同場有其他人食緊，睇落幾靚既刨冰🍧💜紫薯芋泥雪糕刨冰餐牌標示佢地既手作紫薯芋泥係限量供應，但係紫薯球味道非常麻麻，冇紫薯應有既香甜味，只得難以形容既味道，而芋頭雪糕球味道亦只屬一般而且較甜刨冰上面有好多椰果同白玉丸子，仲有芋泥淋係面。椰果好重糖水味，白玉丸子就夠煙韌所以比較好食。芋泥好香甜，芋頭味好出，味道幾有驚喜，可惜份量太少，食幾啖已經冇曬😞刨冰都幾多，但係冰粒感太勁，有部份仲痴埋變左一大舊冰，同埋好淡味，同食緊普通冰係冇分別中價位但呢個質素，仲要淨係收現金😕食完覺得浪費左個quota，希望係嗌錯野問題啦

夜晚突然好想食糖水，即刻叫左小方糖外賣返屋企慢慢食。今次叫左椰皇湯丸芋圓燉蛋白 （熱）。椰皇燉蛋白的蛋白非常香滑，同椰汁的香甜完美融合。而且材料十足有椰汁西米露、芋圓和湯圓。西米露的口感綿密細膩，芋圓有濃郁的芋頭香氣，帶來濃厚的口感。湯圓則是柔軟而有彈性，搭配著甜美的糖水，帶來一種綿密的口感和微妙的甜味。整個甜品有豐富的層次感，讓每一口都充滿驚喜。

芒果粒粒拿破崙 $48一粒一粒嘅芒果幾好食😋而拿破崙方面，佢整得幾鬆軟，再加埋咁juicy嘅芒果，真係好夾😍😍😍❤️士樂多＝益力多沙冰＋珍珠＋椰果＋椰果條＋士多啤梨$40益力多沙冰唔會太甜，食落去有一種全身涼哂舒服哂嘅感覺，而且益力多沙冰比較少見😂係夏天有呢種涼爽嘅感覺真係好jengg😍😍😍❤️而我 覺得個珍珠有d硬，要咬好耐先吞得落😂😂🤣其他野，包括椰果，士多啤梨，我就覺得係中規中矩，唔算特別好食但又唔可以話難食🤣🤣

近排天氣太過熱.好多時都想食啲凍嘅甜品嚟解熱.呢日跟囡囡去咗九龍灣淘大商場嘅小方糖甜品.呢度係第一次嚟食.喺門口等咗10至15分鐘.終於可以入座.在等位其間.我哋都係度參考一陣間我哋會叫啲乜嘢食.發覺佢哋係注重新派甜品多啲.另外佢哋好有心思用咗黃色及紅色為主題.佢哋有好多甜品已芒果/榴槤/士多啤梨等.打做情侶溫馨甜蜜.令人食咗會甜到入心.座無虛席！點餐如下：1. 芒果/沙冰/豆腐花 X1 $40元2. 芒果粒粒拿破崙 X1 $48元3. 榴連/小丸子/椰皇/燉蛋白（熱）X1 $62元

店名/Shop Name：小方糖甜品 (淘大商場) (九龍灣)地址/ Adresss: 九龍灣牛頭角道77號淘大商場2期地下G224-225號舖種類/Type：甜品推介/Recommend：榴槤棉花冰和楊枝甘露人均價錢：38-55元榴槤棉花冰，榴槤味香濃，入口冰涼立即溶化，夏天的消暑妙品，楊枝甘露又大大粒的芒果肉，真材實料口感味道好，芒果控的別吃榴槤綿綿冰是一種來自東南亞地區的甜點，它的外觀像是一碗蓬鬆的雪花，有著濃濃的榴槤香氣。它的口感非常柔軟綿密，入口即化，帶給人一種清涼爽口的感覺，非常適合夏天食用。製作榴槤綿綿冰的過程通常是先把榴槤肉和牛奶混合在一起，再用冰沙機打成冰沙的狀態，最後再加入一些榴槤肉粒和糯米糍等配料，裝在碗中，即可品嚐到這款美食。榴槤綿綿冰的獨特之處在於它的口感非常綿密柔軟，非常容易入口即化，而且榴槤的香氣非常濃郁，讓人一口接一口地回味無窮。它的外觀也非常漂亮，有著白色的雪花和黃色的榴槤肉粒，讓人看起來就非常開胃。再加上黑白院子，口感煙煙韌韌，與與面的榴槤冰相比，更加加強口感。如果您喜歡榴槤和甜點，那麼榴槤綿綿冰絕對是一道值得嚐試的美食。它的口感和香氣都非常獨特，能

雖然已經係上年聖誕節食，但真係好想寫反食評。小方糖好多分店，但唔係間間都咁有心思。聖誕節當日黎食叫左個朱古力心太軟，個甜品黎到個一刻真係哇左一聲😨😨痴線嫁？畫得咁靚既🫶🏻🫶🏻🫶🏻一個平平地既甜品竟然咁好心機畫左個聖誕老人出黎。係聖誕節當日食到真係好開心好驚喜😊😊😊而且味道仲好好食，好重朱古力味👍另外仲點左個朱古力窩夫，窩夫外脆內軟，加埋雪糕一齊食真係食唔停口🤤🤤平時都有食過九龍城同旺角分店，旺角分店係冇畫碟，可能因為旺角人流比較多冇時間畫啦。所以以後會好多黎淘大呢間食🤭一樣既價錢但開心好多。

今日係九龍灣閒逛搵個地方食下tea,黎到小方糖甜水舖係門口側邊有間小店cafe，餐牌上有啲輕食咖啡同特飲Order左一個牛角包窩夫，香蕉朱古力味朱古力醬可以onside上👍🏻咁就唔驚太甜喇雪糕我揀左波子汽水味，未試過呢隻味，雪糕球大大件好味道👍🏻飲品叫左一杯桂花茉莉花，份量都幾大杯飲到啖啖桂花清香😋輕食tea想飲杯野嘅好地方👍🏻

(自費食評) 好美味的甜品🥰😍今天來到淘大附近的小方糖甜品又有驚喜發現今次我們吃了兩款不同的甜品龍珠超+額外一個朱古力雪糕球龍珠超有很多材料包括雲呢拿沙冰+芒果汁+小丸子+珍珠+椰果+芒果雪糕(芒果雪糕可以要求更改口味不過也是覺得芒果味會比較適合賣相比較吸引，非常足料雪糕球又比較大，真是十分驚喜我也是估不到另外追加一個朱古力雪糕球，更加大份很開心喎，他們用隻大碟存放(熱)蛋白燉鮮奶，可以自行選擇凍或熱很滑，很香濃，不錯

喺九龍灣國際展貿中心睇完Show, 坐Shuttle Bus 出返德福嗰邊，再行過淘大食糖水。芒果棉花冰 $48裡面有脆脆、珍珠做配料，增加口感。啲冰係綿嘅….但就好碎，極度難𢳂。芒果非常新鮮。楊枝甘露 $38好足料，而且每樣材料嘅比例都好平均。芝士奶蓋草莓 $30芝士奶蓋唔會太鹹，士多啤梨味一啲都唔人工，茶味亦夠。芋圓豆腐花仙草凍 $35豆腐花滑，不過豆味比椰汁蓋過，芋圓煙靭。抹茶紅豆配抹茶雪糕(兩件) $48红豆醬香濃，窩夫好香。

我之前睇到食評話小方糖值得一試就同成班朋友一齊去食！（而嗰日係我生日）去到我點左個心太軟啦（聽講會有圖案喺上面），上到黎個心太軟寫左個好靚嘅happy birthday💕嗰刻真係好warm( ̀⌄ ́)原來係我朋友講左一聲俾個店員聽佢哋就勁有氣氛幫我插左隻蠟燭❤️畫埋happy birthday❤️啲嘢食都上得好快。個crème brûlée係我特別推薦嘅，入口即化。同埋我哋有啲晏先去到，之前聽到評價話遲去嘅話啲店員嘅服務態度會好衰，但係最後我哋磨左勁耐先食完，但係佢哋都好nice話盡量食快點m少少，都冇話好惡劣嘅服務態度，見到網上有食評有少負面，但係個人認為係正常嘅服務態度。走之前仲同我講生日快樂👍不過我都尷尬嘅唔小心阻到人收工，下次我一定早啲去，下次想試下個拿破倫（酥皮愛好者）最後！成間鋪頭整體我會俾⭐️⭐️⭐️⭐️⭐️食物：⭐️⭐️⭐️⭐️⭐️服務：⭐️⭐️⭐️⭐️