小方糖甜品 (龍崗道)

Open Now

Now Closed

今次再寫因極力推介個"炭燒藍山咖啡雪芭"~平時食開芒果類 - 芒果樂園$32(呢度嘅甜品非常多料多芒果汁)同朱古力心太軟, 今次試未食過嘅炭燒藍山咖啡雪芭$30, 超正!! 本人一向喜愛咖啡類, 呢個甜品中間係咖啡果凍, 非常彈牙有口感, 仲已切件方便食; 側邊個兩個咖啡雪糕(其實係雪糕多過係雪芭)好香咖啡味, 中間仲有細細粒嘅咖啡果凍同棉花糖!! $30無期望之下反而有非常意外驚喜, 從此愛上!!

食完午餐後走去食甜品.一入門口已經飄來陣陣榴槤香.叫左:黃金拿破倫,齒頰留香黃金拿破倫:好大份,拿破倫好脆好好味,芒草新鮮好甜,加上個cream好滑,食完都幾飽肚.齒頰留香:榴槤肉香濃味美唔太甜,牛奶布丁香滑口感好實在,珍珠彈牙配答一絕.下次一定會再來!

之前係IG見到有人share左出黎，今次就去睇下個拿破倫係咪真係咁脆。 其實一入到去都見到有２，３個食緊咖喇，咁睇黎食落應該都唔錯。 一上枱見到有成３舊，食完飯即刻去食應該真係要慢慢食。 不過佢Ｄ芒果真係幾甜既，個拿破倫又真係幾脆。 有ＦＤ話係出面食拿破倫果Ｄ都整唔到好似呢一間咁脆喎＠＠ 當你用刀切落去嘅時候，個拿破倫就會碎，真心唔係誇張。係好值得食嘅一個甜品；另外有個ＦＤ就食榴槤飄香，雖然我唔係好食榴槤，但我都不得不讚間鋪整得好靚，好足料。好推薦大家試黎間！

與友人一行五人吃完泰國菜後到此吃甜品被黃金拿破崙的照片吸引來的但個個都很飽,,所以都沒試XDDDD大家分別點了紫醉金迷,,士多啤梨乳酪雪糕,,芒果樂園,,芒果豆腐花我則點了雪糕芋圓仙草凍我那碗甜品芋圓略韌,,唯一可取就是朱古力雪糕！朱古力雪糕是有朱古力碎,,很濃很好吃友人說士多啤梨乳酪雪糕好味另一友人則說豆花很香所以整體算是可以吧～～～

第一次食這個甜品屋，星期三下午五點多，入到黎只見一個侍應十分忙碌，坐下後就叫左一個忘果西米露，因為夠快，大約等左二至三分鐘就有得吃，吃下去第一口忘果好入味，西米味好似爆珠！正！下次一定再黎！

在Instagram 看到一位Food Blogger 推介這裡的芋圓，作為芋圓的愛好者當然要一試！是晚點了:1. 紫醉金迷紫糯米+芋圓+蕃薯圓+雪糕+芒果(但小妹認為芒果和芋圓不是很配，選擇了走芒果）甜品很「杰」身，介乎漿狀。或許因為甜品是凍的關係，芋圓和蕃薯圓也略為硬身！相比之下蕃薯圓味道更出色！*建議熱吃芋圓、蕃薯圓，相信口感會更佳！2.芒果小丸子芒果汁+芒果+小粉圓+雪糕沒有太大的驚喜，芒果可以更新鮮！

今日同FD係小方糖一次過食晒我想食果D甜品。叫左朱古力蜜糖吐司、黃金拿破崙、芒果pancake、芒果糯米糍、金銀滿屋、炭燒咖啡果凍雪芭。朱古力蜜糖吐司底部有蜜糖吐司粒同一球朱古力雪糕，中間有cream，上面有藍莓、香蕉、另一球朱古力雪糕、朱古力醬。好豐富，吐司同雪糕好夾，好有口感。黃金拿破崙其實係芒果拿破崙，三大塊拿破崙。店員好細心，比埋三份碟同餐具，好過皇室。上面有cream、芒果粒、芒果醬。拿破崙好鬆化，好香牛油味，好過皇室多多聲。芒果pancake，入面果塊芒果又大又juicy，食得過。芒果糯米糍皮薄餡，芒果好甜。金銀滿屋有芒果汁作底，中間一球芒果雪糕，上面有龍眼肉、小丸子、芒果肉、水晶珠(本來以為會有芋圓)。唯一唔好就係小丸子唔夠熟，粉粉地。 炭燒咖啡果凍雪芭好有特色，咖啡味好夠，但又唔會濃到苦。overall，同FD一齊係度食，一定會留下美好回憶。

依家既甜品糖水店已經通街都係…不過好多都相差冇幾，想要突圍真的要有比其他特別同自己的特色……九龍城的小方糖算是跟其他有點不同…我應該已經第三次來了……芒果拿破侖……是招牌的其中一個……很奇怪的一個甜品……很香口……亦好脆……不過食入口就好似食吾到D咩……好奇妙呀……久不久食一個係ok……不會有每次都想食的感覺……以上的忘記什麼名堂……因為好幾個類的……主要都係椰汁，雪糕，紅豆等等……自己揀喜歡的……可以嘗試的一間……

今日係附近食完個遲午餐後想食甜品，去左小方糖。見到個餐牌有好多野想食，最終揀左一個宇治金時同一個芒果沙冰。首先廣下個宇治金時，初時食都有淡淡既綠茶味，之後就得個甜字。d冰得出面果層先有味，入面果d都好淡，顏色都無。旁邊既綠茶雪糕好香滑，好好食。紅豆同小丸子如果比多d會好食d。另外，芒果沙冰既冰同樓上既評價都一樣，下面有星星粟米片，芋圓，芒果汁，同煉奶。芋圓好煙un好好食。今次好似叫錯甜品，下次—定要試下其他。

甜品，重點係要花巧。唔介意天馬行空，最緊要外表吸引，內在有誠意。不是第一次來，今次寫食評全靠同區另一間甜品令我知道何謂不知所謂。環境:很迫很迫等候時間: 30分鐘服務: 沒特別, 正正常常味道: 很好, 士多啤梨蜜糖吐司,吐司很脆,士多啤梨糖漿酸酸的,配上士多啤梨雪糕的甜產生出一種鮮味, 還有蜜糖星星,藍妹及兩條餅, 大愛.心太軟很流心, 甜度剛剛好,配上那隻熊仔, 見到未食都已經開心, 連心太軟都配上士多啤梨雪糕就知我地好鐘意啦價錢: 不萛便宜, 但不重要, 最緊要食得開心回頭率: 100%補多句，必食士多啤梨雪糕

我真係有兩個胃嫁,食飽飯又想食甜品喇不過間間都要等位,所以就試下呢間小方糖,等左十幾分鐘就入得喇,首先叫左心太軟一路都好鍾意食心太軟嫁我,雖然有D膩不過真係好正嫁,不過要得好都唔易嫁,所以好考功夫,而依到都整得唔錯,當然整到流心喇,另外最緊要係個外面好食,加埋依個流心唔算太甜,好味道。另一個推介之作就係芒果拿破崙，見到真係想叫出黎,依個拿破崙既份量真係大得人驚，出面既絕對比唔上,因為依到有成三大塊咁多,真係可以當正餐食,可能仲飽,除左份量之外，當然味道都非常唔錯錯，個酥餅做得非常之鬆脆，再係表面有埋芒果同忌廉，酸酸甜甜咁,兩樣夾埋,非常之好味,好配合呀,其他甜品都應該唔錯,所以下次有機會再黎。

朋友遠道而黎. 我地就帶左佢去九龍城搵野食~食過飯後, 我地就去左食甜品. 叫左佢地既黃牌甜品, 先黎一個心太軟, 再黎一個芒果焗千層酥皮同楊支甘露.心太軟我冇食到, 所以唔講喇~芒果焗千層酥皮, 脹卜卜既酥皮, 入口鬆化, 但內裡中空....酥皮面佈滿甜甜的芒果 + cream, 都算ok~楊支甘露不過不失, 整碗都係芒果, 粒粒皆甜~成晚變左食左好多芒果咁~總括: 普通啦~

經常經過都見它人頭湧湧，初時很抗拒，因為怕浪費時間排隊等吃。偶然凌晨12.00am 放工駕車到九龍城宵夜，外頭沒人等候，就安心入內試試看。怎知一試便愛上了，甚至已經光顧了一年多，因為喜歡它即叫即整既「新鮮」。留戀天使不得不推介它們的榴櫣系列甜品，味道令人容易入口，它們把榴櫣弄成蓉，吃的容易。香味及口感形同食下一大舊榴櫣，而且沒有臭味。月半彎拿破侖新鮮脆口，即叫即整。看來頗大份，但吃下內裡是空心的，不怕飽滯。有別於一貫n層類拿破侖。80度心太軟我不是心太軟的粉絲，但這個賣相吸引之餘，心太軟因為即叫即焗，至少吃到新鮮熱溶漿的感覺。配上凍雪糕，口感過癮。

飯後還是有點口痕，故到九龍城有名長龍店小方糖去過口癮。去到甜品店門口，果然已有很多人在排隊，幸運地朋友又係同店員相熟，所以又係等一會就入座了。甜品店地方不大，以二人方枱﹑櫈為主，有點背貼背。甜品選擇不少，款式大路，較特別的有芒果焗千層酥皮，以及近期大熱的雪糕生果多士(麵包粒)。所以我們也點了這兩個。另外朋友點了Crème Brulee，以及外賣了一客燉椰皇。意想不到最早來的是焗千層酥皮(可能是朋友先打招呼的關係吧！)，總共有三件，有點脹卜卜，就像中式酒樓的蛋散一樣。上面有芒果及忌廉作點綴，賣相蠻吸引的。吃落去酥皮很鬆化，跟芒果很夾，芒果很甜，如果有多些更好。跟住來的是朋友的Crème Brulee，賣相跟平時看到的差不多。我的多士粒甜品反而製作需時，不過看得出甜品師製作認真，無論份量﹑賣相，都很吸引人那種。除了多士粒，還有士多啤梨及雪糕，味道配搭尚可。雖然九龍城糖水/甜品店不少，但彷彿間間都有人龍，這間位於街口的，佔了地理位置優勢，加上有幾款甜品是其他店沒有的，所以這裡生意很不錯呢！

喜愛芒果甜品嘅我, 推介芒果樂園(芒果汁配芒果雪糕, 芒果心型果凍, 新鮮芒果etc)好味!! 啱哂鍾意芒果嘅人~ 特別鍾意個芒果心型果凍~配合鬆弛熊, 叫佢地朱古力心太軟畫咗隻熊  朱古力心太軟個蛋糕好鬆軟, 連溶出黎嘅暖漿,整得啱啱好時間~可惜唔係榴櫣季節, 所以試唔到榴櫣類別嘅甜品~讚佢地係九龍城甜品收得最夜個間, 我地班夜鬼先有地方搵食