小方糖甜品 (龍崗道)

Open Now

Now Closed

上次去九龍城食飯食咗潮州糖水， 一碗潮式清心丸糖水索價$69， 唔可以話唔食不過非潮州人的我， 實在對清心丸無感， 所以今次嚟到九龍城食飯， 就搵咗間貼地嘅糖水舖小方糖。榴槤小丸子椰皇燉蛋白($65) 趁簡生不在香港就可以盡情食榴槤了！ 一球榴槤肉新鮮香甜，小丸子十分Q彈， 可惜奶凍椰皇燉蛋白椰皇味味唔多要扣少少分。心星($42)無論是命名或賣相都好吸引， 以士多啤梨沙冰作底都幾香甜， 再加上新鮮士多啤梨、芒果肉， 士多啤梨和芒果粿子心， 整個口感都幾豐富， 應該幾適合夏天。就定價而言比起附近的合成糖水親民， 選擇也更多元化，不想吃潮州糖水可以試試小方糖。#文迪漫遊慢生活

同朋友去九龍城食飯經過見到有間糖水舖都幾多人，所以入咗去幫襯吓，朋友嗌咗芒果樂園，我就嗌咗一個椰皇入面又有湯圓芋圓，好耐冇食過啲咁高質又平嘅甜品！椰皇有好香嘅椰香同蛋味，配芝麻湯圓一流！

最近試咗間餐廳嘅香蕉朱古力拿破崙，上菜真係快，份量相當足夠。不過要留意，拿破崙內部有點空心，有種像在吃空氣的感覺。整體配搭還算協調，只是甜度稍嫌過高。如果你喜歡甜食且追求份量，這款香蕉朱古力拿破崙應該會合你口味。但如果不太喜歡太甜的食物，可能需要考慮一下。

小方堂嘅薑水番薯湯圓芋圓真係唔錯，首先，湯底係用薑水煲成，帶有淡淡嘅辛香味，飲落去好暖身❤️。番薯湯圓同芋圓質感軟糯，入口即化，但仲有啲韌性，食落去好過癮😋。番薯嘅天然甜味同薑水微辣完美結合，唔會太甜膩。芋圓有淡淡嘅芋香，湯圓同埋番薯好夾。份量適中，唔會覺得太飽，飯後甜品一流。😃😃

想食椰皇燉旦白，但呢間野加左好多9唔搭8既配料，問個女人收銀，佢居然答：你咩都唔加，好“啩”嗰喎。阿姨姨呀，我唔係第一日食椰皇燉旦白，如果妳講到自己出品會因為冇左配料就“啩”，我都勸大家咪再食呢間野。完全冇話可說。最後叫左熱鮮奶旦白，難食到爆。唔熱，又起晒泡泡，爛過我塊面。隻匙又有污漬。絕對唔會再食呢間野，服務態度差到癲。收錢嗰陣問係咪只收cash, 佢答支付寶都得冇八達通，証明只做大6人生意。抵佢唔爆場，祝佢生意興隆

呢間位於九龍城比較有名氣嘅西式糖水店 試下佢👉🏻即撞木桶豆腐花 ($38) 💓💓💓💓💓呢個喺出面其他地方嘅糖水舖比較少見，因為其他好少地方會用木桶嚟裝住豆腐花，而且佢用木桶嚟裝住豆腐花佢可以keep住個溫度夠熱。不過食之前要計時，夠鐘就食得。佢啲豆腐花熱得來入口都好夠滑，不過呢個份量兩個人share都夠，性價比都高。👉🏻法式焦糖燉蛋 ($39) 💓💓💓💓💓呢個焦糖燉蛋裏面滑捋捋嘅燉蛋配上出面焦香嘅焦糖，真係好夾。而且甜而不漏👍🏻👍🏻好有蛋香。10分推介。五個心心最高分小方糖甜品 (龍崗道) (九龍城)地址 : 九龍城龍崗道23號地舖#foodporn #fooddiary #fooddie #hk #九龍城 #dessert #美食 #kamama_foodie

收工睇完戲之後就去九龍城搵甜品做宵夜估唔到夜晚靜嚶嚶嘅九龍城竟然唔少甜品舖出邊都要排隊。呢一間都唔例外。呢間喺香港都有唔少嘅分店。甜品鋪感覺比較擁擠 但係都算可以坐不少客人夜晚去排左一陣就有位餐廳職員熱情有禮貌～～～～～～～～～～～～～～～～～～～～～叫咗個榴槤小丸子燉椰皇$62小丸子煮得比較久食落去偏淋小小燉蛋白味道唔錯加上椰皇椰香成個糖水食落偏甜份量比較大個一個人食會好飽榴蓮味道好濃郁，份量大足料

話說食完飯同老婆嚟九龍城食糖水，見平時經過開都唔少人嚟食，咁就入去坐低試吓，點知中咗個大伏！叫咗碗綠豆沙唔係沙，直頭係綠豆水！食落得糖水味！好心唔夠就唔好攞出嚟賣啦！溝糖水溝到稀晒，淨係得糖水味！超級極差！！！

芋圓豆腐花仙草凍，第一次吃到這麼劣質的糖水！芋圓看照片都感覺到煮得非常之久，過火鞋身，唔滑身完全冇Q彈。豆腐花完全感受到石膏粉的味道，硬化沒豆味，口感完全不滑口，有點像急凍左未溶曬食緊磚既感覺。唯一比較正常是仙草，感覺到用糖水浸滿較甜的感覺。上面三樣野放埋一齊再加入椰汁，根本就係四不像，一間甜品店可以整到咁難食都係奇觀。其實本來對小方糖都沒有抱太大期望，連鎖店一般質素，但因為我個fd唔想排隊，附近其他糖水鋪都排曬長龍，所以直接入去，結果伏伏伏伏伏，好失望。隔離排長龍真係有原因。

飯後甜品！😉明明食到好飽，也會食個糖水潤一潤，女仔果然有另一個胃！哈哈一個叫咗金絲銀杏薏米腐竹糖水，甜度適中，轉天氣潤一潤，果然夠養生！😄而法式焦糖燉蛋，熱辣辣又夠滑溜！杏汁雪耳椰皇燉蛋白，清新好味，令人回味無窮！小方糖九龍城龍崗道23號東明樓號地下

中秋節賞完月之後🌕因為太熱嘅關係😂所以去左九龍城睇下有咩甜品食見到小方糖雖然滿晒人但啱啱好一拎飛 就有人走😆好好彩一入到去 已經聞到好大浸榴槤味😂對於唔係好食榴槤嘅我 就覺得有啲難聞😂😂😂但係男朋友就話好香啦😆不過唔緊要啦😙- 楊枝甘露 $38原本係諗住叫芒果蛋白燉鮮奶但係賣曬 所以就轉左要楊枝甘露😝啲芒果好甜 一啲都唔酸😯- 士樂多（益力多味）$40啲益力多冰好夠味😝而且有啲椰果喺下面啲珍珠亦都好煙韌

每次去九龍城多數都會去小方糖食埋甜品，小方糖既糖水無論係堂食或者外賣都一樣咁好味，最鍾意佢嘅黃金拿破崙，每一份有三件，有cream有芒果汁同埋芒果粒，拿破崙啲皮好脆個芒果汁個甜度適中，係我嘅至愛

呢間🍮甜品店已經喺九龍城🚇屹立超過10年，唔知道佢嘅老細😎係唔係好鍾意睇🐉龍珠，因為佢入邊有唔少甜品🤤嘅名稱都係用咗龍珠入邊嘅😆角色名來命名，令我印象深刻。我同朋友今次嚟就叫咗兩個以🥥椰汁為主嘅甜品，🤩悟空同埋椰汁🥥芝麻湯圓，因為我哋都好😍鍾意椰汁！悟空入面有🤤綿滑香濃嘅椰汁沙冰🍧，加上煙靭Q彈嘅小丸子⚪️，同埋又爽又甜嘅🥥椰果，再係上面𣺉上甜美嘅🥰黑糖漿，入口層次豐富😋，絕對能夠滿足我！至於🥥椰汁芝麻湯圓⚪️其實係椰汁西米露加😍芝麻湯圓，入口係滿滿嘅🥥椰汁香加上留心嘅🤤芝麻湯圓，十分之美味😋。

每次食小方糖, 無論堂食定外賣, 我哋都必定會叫黃金拿玻崙!! 因為實在係好好味, 好正!!每份會有3舊拿玻崙, 有啲芒果粒粒喺上面, 再on top淋芒果汁. 如果係外賣嘅話, 芒果汁會另外拎個盒仔裝住

係附近行完街，經過見到小方糖甜品好多款式幾吸引，店舖頗闊落，於是入去試吓呢度嘅甜品。餐牌有好多選擇，有中式同好多新式甜品，揀咗好耐最後叫咗一個椰香紫米露，一個芒果椰子樂椰香紫米露 - 紫米露好杰身，好香椰汁味，紫米軟糯有咬口，甜度適中剛好芒果椰子樂 - 椰汁沙冰+芒果肉+牛乳布甸+椰果條+芒果雪糕椰子沙冰夠綿有冰感，牛奶布甸有淡淡牛乳味，芒果肉新鮮，再配上一球芒果雪糕、椰果，每一啖都可以食到不同口感，好豐富