小方糖甜品 (廣華街)

Open Now

Now Closed

落錯單，系統混亂同女友叫左個紫米露同黃金拿破崙，可惜黎錯隔離枱黑芝麻，而黃金拿破崙遲遲未到，眼見其他枱黃金拿破崙已經到左，我只是問左一句：「其實個張單係我叫先，點解隔離到左，我果張單未到。」店員問四眼經理情況，經理負氣話：「得嫁啦。」全無悔意，仲要比客人聽到。事後只試左個紫米露，女友說味道一般，都吞得落口。其實星期日晚人多落錯單，係人知常情，但連基本禮貌都無，收錢仲西口西面真係好難接受。可能依間野真係「吾憂做」，不過食物質素唔係話好好。係價錢是比較cheap同地區就腳，但養壞了如此服務質素，只能感到可悲。

食完晚飯就心思思想食甜品係旺角就超多選擇啦👍係小方糖既選擇超多，我今次食左古靈精怪(32)有芒果，紫米，雪糕，珍珠食落好重牛奶味，仲有冰沙，係炎炎夏日於十分透心涼👍👍芒果有少少酸 但夾埋雪糕黎黎食就岩岩好啦，而紫米有少少失望，因為咩味都冇🙈🙈珍珠係正常既 唔會太硬但又唔會太腍😍PS:等既人多 去到深夜好多材料都冇曬🙈

小方糖我食過一次，不過係九龍城果間分店，今日行街發現原來旺角都有分店，於是就嚟試下佢d甜品叫咗個紅豆芋圓仙草糖水，略嫌甜咗dd，但用料ok！紅豆大大粒帶甜味，芋圓重芋頭味而且口感好好（香港好少可有好食嘅芋圓）而最抵讚係店員見我地兩個人，主動比碗仔我地share

同朋友食完飯, 當然要食埋甜品先捨得走. 去左附近呢間新開既小方糖, 朋友話人氣, 所以都排左一陣間.我對榴槤唔鍾情, 所以要左比較普通既香蕉朱古力綿花冰, 朱古力冰既味道唔算太濃, 無乜朱古力味, 反而朱古力醬個味仲出. 冰都好夠凍, 唔會太快溶. 但分量好少, 唔洗一陣已經食完, 如果多少少會更好, 而蕉相反比足成條. 雖然食完好飽, 但我主要想食綿花冰, 唔係食蕉.

又再次係度食糖水，今次食呢個齒頰留香($43)，個名改得搞鬼！一碗包牛乳，榴連果肉，珍珠，椰果粒！濃香榴槤汁連配料一啖食，夠曬凍！食完個aftertaste夠持久，正爆

又係廣華街吃甜品，呢間之前係九龍城食開覺得唔錯，見呢度有，當然食呢間！友人食呢款雪糕涼粉，雪糕可自選二款，選了曲奇妙趣及綠茶，都係佢喜歡嘅味道，涼粉份量適中，口感還可以！之後到我呢個㕻仁疍白露，杏仁味幾香濃，食到蛋白，質感幼滑又夠熱，冬天食應該仲正！價錢實惠，但店內環境都係九龍城店好d：）

等了又等，等位等了差不多一小時，呢個甜品夜宵真係等到頸長…入坐後梗係拿拿林落order! 咦，唔使一陣就上桌，原桶木桶焦糖豆腐花，誠意係有既，上桌時有跟埋閙鐘，店員告知around 4分鐘先食。熱辣辣既豆腐花，豆腐花係滑既，但冇豆香，焦糖味唔多覺，反而感覺有陣燶味

之前黎過兩次，因為見佢menu都好多唔同選擇，所以想再黎試下會唔會有咩驚喜上次試過佢既抹茶宇治，覺得個份量ok但味道不夠，所以今次就叫個較普通既試下佢個質素朱古力棉花冰$38：以前食棉花冰都三十蚊有找，而家下下都三四十蚊以上，明明只係冰黎架喎今次叫呢個，第一個感覺係嘩咁矮既個棉花冰... 好似有啲唔抵，配料方面有半隻蕉，小丸子同蜜糖星星加朱古力醬，都係比較普通既配料。食落個味道反而令人有驚喜喎！朱古力味好濃！！好耐都無試過食咁濃味既朱古力棉花冰喇，唔會單純得冰感或者得朱古力色咁，真係估佢唔到喎反而小丸子煮得淋身左啲無左煙韌之感，配料既量都可以再多啲！所以以味道黎計都係推介既，係細份左啲古靈精怪：呢個係上次已經想叫不過無叫，睇個名幾得意，其實係芒果加紫糯米加云尼拿沙冰。因為個人好中意糯米呢啲煙韌野，而家都唔多糖水店有紫糯米食，所以試下呢個。配料方面有珍珠，整體都幾夾，但都係同小丸子一樣煮得淋身左啲，上面既芒果汁有少量果肉，亦唔會太酸，連埋云尼拿沙冰都唔錯，但沙冰黎到時其實都溶溶地，食下食下都變左水水地咁，最後主角紫糯米軟硬適中，無想像中咁煙韌，但係可以接受既範圍~ 每次黎試都有好有唔好，

由於前幾日食左呢間新開小方糖，覺得都好多選擇同味道唔錯，過左幾日既同朋友食飯下場就提議食呢間啦，今次試啲吾同既野，但感覺上無上次咁好 今次講左呢個抹茶宇治先，其實我唔係個抺茶控黎，純碎想食下次又覺得呢個三十蚊左右都比較平（其他味道既冰好似朱古力冰果啲要近四十蚊）。份量都叫大份，但當然唔係好滿足到我呢個黑洞啦。配料有我最想食既小丸子，紅豆同埋綠茶雪糕，相對地冰既量就少啲。味道方面，冰就真係普通冰既感覺，如果您話想要有綠茶味比較講究果啲，咁呢到一定唔岩您架喇，連埋配料食都唔錯，好似紅豆蓉咁，甜度都適中唔會話太甜，小丸子就正常唔太煙UN～講返呢個芋圓紅豆奶（好似唔係咁叫XD），呢個真係令人好失望啊！我真係好滿心期望佢芋圓，因為個人係極級中意食。一黎到，見到一碗白色既糖水咁，以為佢黎錯左，原來係真係芋圓同埋紅豆，不過沉哂係底所以睇唔到。但個問題係個量真係少到。。。見到幅圖果到個份量己經係總共配料既一半份量，芋圓小得可憐，亦唔覺得好有口感，但的確係大粒既，紅豆同埋係幾粒咁樣食左幾啖食哂啲配料淨返成碗奶咁，都唔知好無就咁飲埋啲奶囉呢個真係絕對唔建議大家叫呀

小方糖夜晚食完飯拍拖拖唔知做咩好，所以同女朋友嚟咗小方糖食糖水。之前去九龍城嘅小方糖成日都要大排長龍，好彩今日夜晚九點都仲有兩成吉位。 因為我同女朋友都係榴槤嘅忠實fans ,所以當我哋見到餐牌有榴槤甜品嘅時候，都即刻二話不說地要點留戀天使。留戀天使入面包括左榴槤肉，榴槤汁，雲呢嗱雪糕同埋水晶珠。整體來講呢個甜品雖然有榴槤成份，但係食落唔會覺得好飽好滯，榴槤肉非常香甜，而且啖啖肉都好軟滑，撈埋啲雪糕一齊食，可以平衡返榴槤嘅甜味，而水晶珠咬落煙軔，唔會好似食緊一團粉團咁，呢個甜品真係值得一讚！ 之後我哋仲encore左椰汁芝麻湯圓，反而呢個甜品令我哋有少少失望。呢個甜品本應係凍嘅，但因為放左啲熱嘅芝麻湯圓落去，令到個糖水變咗暖暖地，食落感覺唔係幾好。芝麻湯圓嘅皮都算煙軔，而芝麻都幾香，但個椰汁糖水有少少淡同唔夠凍，不過響旺角食到＄20嘅糖水都算係咁啦！

記得上兩個月黎左呢個鋪位既糖水鋪食甜品，完全係中哂伏架！點知最近黎到朋友又話要食呢間，唯有陪佢食啦，點知啲野食好左咁多，先知原來換左做小方糖囉哈哈一睇過menu，都好驚喜啊，好多種類都有，例如係芋圓啦，中式糖水都幾多，西式甜品都有拿破綸果啲，仲有好多睇完個名唔知係咩黎既得意甜品ＸＤ對於我呢啲貪心既食貨，係完全選擇困難症要發作既時間！最後就揀左最大路既心太軟同埋香蕉船試下佢個品質先～呢個心太軟大概等左１５分鐘左右就黎到，都唔算耐，一上枱已經即刻要相機食先啦！咁得意既公仔，我都唔捨得食啦係咪完全岩哂中意影野食既港女呀！講返個份量先，心太軟都係平時size，＄４Ｘ但配兩球雪糕都算係抵喇！仲要唧埋朱古力醬，比起好多地方都扺～好，講咁多即刻試試佢，一切開，無咩話流心既效果，只有少少入面未熟既感覺，應該焗多左１－２分鐘喇，而我覺得心太軟最緊要出面脆入面流心，今次就唔多做到喇，但心太軟本身既朱古力味係濃厚既～所以都拉返啲分啦！香蕉船呢啲咁典型既甜品就相對無咩咁特別啦，滿足到我呢啲雪糕怪既慾望既哈哈！見到隔離枱叫拿破綸好大份咁，下次真係要試下佢～雖然心太軟未過到我果關，但選擇都好多，會再黎試佢其他野！

之前係九龍城見過已經想試，再加上睇相見到個芒果拿破侖大大份幾吸引，估唔到今日行過旺角見到明師傅執左變左小方糖，既然係附近就試下啦，入到去人唔太多所以唔使等位，價錢亦唔貴，等左一陣野食就到啦芒果拿破侖$33：睇個樣以為勁大份，不過食落去原來係空心，外圍只係薄薄既酥皮，不過因為有3舊，所以都夠食，同埋空心有空心既好，就係唔太流，而且配埋d芒果粒同芒果汁同cream好快就清哂，略嫌d芒果汁甜左d士多啤梨乳酪雪糕$33：成份甜品個組合好簡單，就係乳酪雪糕，而下面仲有球士多啤梨雪糕，另外仲有少少脆脆同士多啤梨，不過個乳酪雪糕好食，酸酸甜甜，而下面球士多啤梨雪糕亦都係酸酸甜甜，幾開胃，不過就單調左少少，如果有多番少少配料會更吸引總扣都屬於抵食兼有質素既甜品店，而係旺角食完飯後又有多個選擇