小方糖甜品 (廣華街)

Open Now

Now Closed

啲職員好似欠左佢咁，好聲好氣問野，一係唔應 一係就勁串比錢去消費 仲要受佢氣諗住一班朋友去開心食糖水，比啲卜街職員串真係食到成肚氣。啲糖水又一般，真係唔好去 ，寧願食隔離幾間糖水鋪算。

食個糖水都要受氣一開始坐底係邊位既長櫈 睇緊Menu有個嬸嬸要我企係身揭開張櫈拎野態度極差好似喝狗咁喝…拎完野仲係度自然自語 講粗口話咁多位 係要坐呢度 明知我要拎野 呀嬸我點知你要係食客坐緊既櫈下面拎野跟住我轉坐第時度 又俾佢話我轉位唔講聲糖水到左食左8成就埋黎想收我個碗明明無客等位 點解咁急要收走我個糖水未食曬碗牛乳芋圓就埋單走人食個糖水受曬呀嬸d氣！全程我一句聲都無講 ！係個心到頂住頂住 總結永遠永遠都唔會再幫襯

🌹18 November 2021每次食飽飯 都一定要食個甜品作結尾而每次出到旺角食飽飯後 我都一定會去呢間甜品店食甜品因為貪佢夠平抵食又幾好食🥰今次去到 都係意料之中都係要排隊 但人唔算話好多既之前黎過 營業去到晚上10點但今次去 就轉左可以去到12點！等左15分鐘左右就入得我朋友叫左熱腐竹糖水我就叫左有一個有奶凍既芒果甜品😜入面有奶凍 椰汁沙冰 小果子 芒果肉同芒果味嘅雪糕🥰奶凍：有奶既味道 不過就覺得個質感硬左少少 整林少少既話會smooth好多椰汁沙冰：呢個不得了 食落去唔似沙冰 係綿綿的 似雪糕 我個人覺得咁樣好好😚小果子：正常芒果肉：今次失手呀 芒果未解完凍 有陣雪味芒果雪糕： 正常不過唔知係咪佢地忙得制個賣相望落有少少奇怪但never mind 最緊要好食🤤$38一碗 仲要有咁多料 抵食到不得了❤️😚🤤

好味爆場糖水店～小方糖👍🏻星期五晚10:45係旺角附近打完邊爐，同朋友想食糖水，去左喱間小方糖試下，朋友介紹話好食。10:45門口好多人等緊，裡面爆左場，我一行6大1細，前面仲有2-3張幾人枱等緊，等左大概15-20分鍾左右，入得去啦即刻叫糖水食啦，因為人地收12點叫左芒果甜品，芒果肉甜好味😋芒果汁底都好正，小丸子好煙韌有咬口，但我覺得無咩味，好淡仲有朱古力雪糕心太軟，心太軟真係好流心嘅，幾好食然後有個士多啤梨🍓多士，原先以為佢好似西多士咁樣，點知係麵包粒嘅多士，口感同味道就一般啦，士多啤梨都有啲酸，喱款我地吾鍾意最後小朋友叫左個燉蛋食，吾錯既，焦糖份量都好夠總結：小方糖係幾好食嘅甜品店，有中式有西式嘅糖水同甜品款式好多，芒果嘅款式好好味，芒果肉都好甜，士多啤梨就麻麻哋比較酸，上餐時間都好快，職員服務態度都好好👍🏻

食完晚飯，就有點心思思想食糖水。旺角廣華醫院附近可選擇的糖水舖很多，其實間間都要排長龍，於是同朋友分開排隊，咁啱呢一間排得比較快少少，就入咗去食。店內好迫, 4人坐得好迫。佢嘅選擇都真係非常之多， 10分眼花撩亂。想食芋圓、仙草、豆腐花、西米露、小丸子、芒果等等。最尾見到呢一個組合「紫米芒果小丸子」，都幾想食。本來諗住加個仙草，但係又驚佢同紫米唔太配合，而且又可能會太多，就放棄了選擇。佢哋啲上菜十分之快，落咗單唔夠幾分鐘就好快已經送上甜品了。芒果肉係幾好食，唔酸嘅，夠甜，亦都幾香芒果味, 量都夠。小丸子嘅量適量，紫米亦都唔稀，整體味道都算OK既。但個分量要收$38 唔平。不過就真係太多人等位啦，我哋食得好快，而且食完都冇再霸占座位，就已經讓被下一台人了。其實基本都唔可以再坐落去, 食糖水黎講係唔夠享受。

又到咗「#伏必泰 」系列，真心講，食肆多數晚上十點🕙關門，所以早食飽晚餐🥣都係諗住找個地方歇下傾下，不過食一碗甜品🍮，又要等位又要等食，仲要食得15分鐘又想趕人走，真係好高消費🥸，而且有四人枱又唔俾一至兩位入，當然目的都係想賺多啲，但係如果安排兩組客其實都可以😌———————————————————————————🥢綠豆芋圓仙草凍💬老實講，綠豆沙加芋圓加涼粉，都唔洗搞好耐，結果真心將幾樣野倒埋一齊就算，係有點唔開胃，食甜品係晚餐唔夠喉嘅一個心靈補償，而家再傷多幾錢重🥸.🥢芋圓豆腐花仙草凍💬另一款唔駛多介紹，類同做法，幾十蚊一碗其實可以更好，無誠意係一個重要嘅問題🥸

小方糖都肯定大家都聽過啦😆個人本身食甜品都少去甜品店🤭但今次食完晚餐唔夠飽去甜品店係個好選擇🤩夜晚去到難得唔洗排好久隊😎❤️推介指數: 8.25/10 😎會回訪嗎: ✔️等候時間：~5 mins (平日晚上8:30PM) —————————————————————😍綠茶棉花冰 $42 (8.1/10) $42棉花冰份量都唔少🥰幾個人分就啱曬啦~ 至於棉花冰就整到好有層次口感都好有層次😌但未至於食到好濃綠茶味🥺佢加了煉奶甜甜地又唔會太甜/死甜😋有少少紅豆可以接受到至於還有一些星星脆片🌟覺得加係度有啲奇怪🤣😍法式焦糖燉蛋 $38 (8/10)口感挺滑😋甜甜地都唔會太甜亦都食到焦糖片脆的聲音🤪唔會燒得太過頭🤣但蛋味唔算太重😍80度暖意心太軟 $48 (8.5/10)呢個係我最期待嘅甜品之前見到佢有用朱古力畫畫甚至有畫運動員加油😎但點解我那個就沒有畫喔😣至於味道方面會食到好濃嘅朱古力味更有顯著的流心效果😍雪糕更配上了曲奇同朱古力味🥰雪糕味道就普通啦心太軟普通size但好邪惡而且裏面唔會凍曬暖暖地咁🥳🙋🏻‍♀️呢篇係自費食評 係試食/promotion就唔會有呢一句😙😬食評只供參考——————————

一入到去個啊嬸態度好惡劣  一定要一人一個嘢食，食糖水都係想同朋友傾下計 ，但你傾耐少少就會“摺”你 係，係大大聲係你面前收你張枱啲嘢然後摺你！而且衛生很差，碗碗碟碟全部有漬，仲要好明顯啡色嘅有衛生意識/潔癖嘅人千祈唔好去食！味道亦普普通通，唔係特別好食簡直貼錢買難受，完全唔值！！

✨黃金拿破崙✨ $43 🍯小方糖就已經食過好多次😙但次次都唔夠膽挑戰呢個因為覺得好巨型怕會好漏🥶點知食落完全唔係我想像中咁喎😍原來裏面係好空氣感👍🏻一d都唔漏‼️酥皮好香牛油味🧈非常鬆脆又唔會太甜點埋芒果汁🥭係岩岩好☺️唔怪之得成日都見到人叫呢個食啦💕我下次都會再叫尼食✌🏻😎

仲好記者之前去9龍城個陣第一次食 真係好驚喜同好食，即使要排成粒鐘我都唔太介意既，但係而家嘅小方糖已經唔係我之前食嘅小方糖喇，真係好想知係邊方面出現左問題？除咗佢最出名嘅芒果拿破崙，我覺得其他甜品已經不斷咁退步中。而家飲食嚟講競爭真係非常之大嘅，尤其是甜品舖，已經開咗好多新派嘅cafe同埋fusion甜品店，如果佢再係冇乜點改善嘅話，我諗好快就會被市場淘汰，就算佢幾有歷史都好，所以我希望佢可以改善下喇

香港人中意食甜品，唔知你又去開邊間呢？自從x嫂執咗之後多咗去小方糖。佢一共有6間分店，喺多區都搵到，中西甜品都有齊，而我哋最中意喺佢哋嘅榴槤系列😍💛。.📍留戀天使($50)呢個甜品榴槤控一定好鍾意❤️，裏面有雲呢拿雪糕、新鮮榴槤肉、榴槤汁、小丸子同水晶珠。榴槤味非常香濃，而且有一大舊榴槤肉絕對係真材實料🥰。雪糕軟滑🍨配上煙韌嘅小丸子同爽脆嘅水晶珠，口感非常豐富。.📍芒果粒粒拿破崙（ $45 ）一口size嘅酥皮粒疊成一座小山，旁邊配上新鮮芒果同芒果雪糕🍦。酥皮好薄唔油，但就好似食空氣咁，成個甜品同芒果🥭聯繫唔大，雪糕芒果味唔香，唯一係個新鮮果肉幾甜，呢款唔推薦☹️。.📍糖不甩（$22）細細粒嘅芝麻湯圓外面加上大量花生碎🥜、黑白芝麻粒同砂糖。食落煙煙韌韌又帶好重芝麻香，唔錯。.

我對上嗰次食呢間糖水舖已經係早一兩年前，第一次食嗰陣喺九龍城，我諗應該係第一間店，仲要係好耐之前，我記得當時呢間嘢都好出名，喺九龍城佢啲芒果拿破崙非常之吸引大大份咁樣，次次經過都排曬隊呀，係夜晚個時間，但係今次再嚟食我發覺個質素真係差咗好多好多，首先嗰啲酥皮唔係新鮮焗出嚟嘅，我食落係感覺有啲凍，佢應該一早局定的，而且擺咗好耐甚至乎有少少唔脆，d糖槳亦太過之甜，食咗第三四嚿之後已經唔係好食到落去，好彩我係同朋友兩個share一個。

建議：8點前人少啲，可以食完飯就入去食番個糖水，之後先行街😆出到旺角食完飯，行到油麻地搵糖水食，附近除左有傳統糖水－仁芝初。係廣華街仲有幾間新式糖水。#試伏專員 S君 平時想食榴槤，但無人陪 🤪，所以最後揀左小方糖。8點後陸陸續續開始多人入座，餐牌都有寫明最低消費 (每人一碗)。今次試左：▫️楊枝金露豆腐花 (HK$38)之前有食過楊枝金露小丸子，味道都唔錯，所以今次試埋配豆腐花。有超多金柚肉，每啖都幾有咬口，如果再大碗啲就正啦😝▪️留戀天使 (HK$50)(榴槤肉＋榴槤汁＋水晶珠＋白玉＋雪糕)一放上枱，已經好大陣榴槤味。如果同枱既唔食榴槤，應該會幾驚 🤣 S君話最估唔到個底有兩大舊榴槤肉👍 加埋白玉同水晶珠都幾有咬口，如果再凍啲應該仲正。另外，小方糖都算多款式既榴槤甜品，仲有得揀配牛奶布甸、沙冰豆腐花 同埋 棉花冰。

出街食完晚飯就緊係要食埋糖水啦！因為喺旺角食飯，所以就揀左間附近就腳既糖水鋪。我地4個人，喺門口等左一陣就可以入去坐。眼見入面都好full，坐位都有少少迫。一行入去就迫到好濃郁嘅榴槤味😂😂糖水價錢中等，叫左好快就到。叫咗兩樣芒果、一樣榴槤、同朱古力既甜品。聞到榴槤味非常濃郁，就算食緊芒果都好似食緊榴槤咁😂店員好似好想執嘢走咁，我哋一食完佢就已經問我哋仲要唔要，跟住好快就已經執走咗。有碟朱古力仲有幾舊佢就已經問我哋要唔要，想執走碟甜品佢，好似吹緊我哋快啲食完就走咁樣。

同朋友食飽飯，想搵個地方吹吓水，就求其入咗一間糖水舖坐低😉😉😉😉😉齒頰留香🥰🥰🥰🥰入面有牛乳布甸，黑珍珠，水晶球，榴槤肉，同埋椰果佢成碗野都好夾，仲要一啲都唔孤寒😘🥺🥺🥺😘成個糖水係用榴槤汁，比勁多榴槤肉，仲要勁濃味，成碗食落去淡淡都係榴槤肉，碗底有一個超大嘅牛乳布甸🍼🍼🍼，牛乳布甸嘅奶味都勁重，佢嘅黑珍珠好煙韌，🥳🥳水晶球好脆，連埋啲椰果都好好味❣️❣️❣️