品甜 (Closed)

早2日去咗🔸Sugar Taste Cafe🔸食素, 餐廳環境都幾舒適, 紅磚加水泥牆唔會冷冰冰, 有好多食評掛滿牆, 有種好warm 嘅感覺。🍽 焗大啡菇配黑松露意大利飯一上枱就聞到陣陣黑松露香味, 大啡菇有手掌咁大隻, 裡面充滿溶咗嘅芝士同黑松露醬, 食落好彈牙。意大利飯軟硬適中, 混合唔同嘅雜菇, 香濃好味。🍽 水牛芝士配蕃茄比薩半溶嘅巴馬臣芝士同水牛芝士舖滿pizza 面層, 又香又吸引。pizza 邊焗得好脆, 濃濃蕃茄醬配合埋蕃茄仔一齊食, 好清新, 唔會油膩。🍽 炸洋蔥圈洋蔥圈炸到金黃色, 好酥脆, 而洋蔥好軟好甜。💭 整體食物都好好食, 環境舒適, 職員服務態度都好好, 值得再去食呀。

用餐時間 大概7點幾鐘左右 人流吾算多 上菜速度比想像中快好多 叫左個幾樣菜都好好味，下次會再試下個二人餐😁😁😁1ST 餐湯 非常Creamy既磨菇湯 應該係全個土瓜灣最好飲既😂我自己覺得

本來與囡囡去 HeySoNuts 食窩夫 ...去到才知星期二是店家的定休日 ...咁就去了附近的 Sugar Taste 喇 !!!想食窩夫的囡囡點了份 ... Oreo 迷你窩夫配雪糕 + 芒果沙冰儍媽的 ... 迷你炸魚薯條 + Cappuccino HK$46炸魚大大件，仲有愛吃的粗身薯條，熱騰騰脆卜卜，好滿足呢 !!!品甜 Sugar Taste Cafe香港 九龍 土瓜灣 譚公道 34 號 E ** 以上分享是以我的口味、體質和情況作出分享及感受，一試 / 合用與否請自行決定

⭐品甜一直都係我喺土瓜灣入面幾中意嘅cafe之一！d(ŐдŐ๑)🤍一來係因為佢嘅價錢唔貴，二來係因為佢食物嘅質素真係幾高。🤍作為一個甜品控都係介紹番佢嘅窩夫啦！(๑ºั╰╯ºั๑)🤍個人覺得tea食嘅話，嗌半份就夠啦~🤍首先，我覺得係喺擺盤方面，佢地仲未做得夠成熟，香蕉放得太整齊了。(〃'▽'〃) 🤍而窩夫嚟講，就好唔錯了，完全做到外脆內軟，而且都係即刻整嘅，但又會話等得好耐喎。(´∀｀)♡🤍再者，佢地會加啲蛋白糖喺上面which is我冇見過其他餐廳咁做，好特別，但始終蛋白糖有啲太甜同黏牙，我就唔會食曬了( •̥́ ˍ •̀ू )🐝🐝

今日早收工，但係唔想返屋企煮飯，於是同屋企人嚟咗呢間餐廳，打算試下一啲比較平民價錢嘅西餐廳。👭🏻我哋一人嗌左一份煮食，一份係牛扒，另一份係雞😆味道唔錯嘅😆以呢個價錢來講，性價比算幾高，不過牛扒略嫌熟咗少少。😏有時想簡簡單單食餐好少少，又唔想去到好遠，或者益晒大集團，不妨試多啲街坊小店，會有驚喜發現嘅！☺️

那天清明節，跟好姊妹走到土瓜灣，趁週末公眾假期入住8度海逸酒店兩天 Staycation！ 我們在土瓜灣區走來走去尋找美食！由於，我完全不熟悉土瓜灣區；早前，我自己走來土瓜灣探路，找到譚公道的甜品店 <品甜>！我們一於來品甜食下午茶吧！由 $44~ $55 或二人下午茶 $148三色多士 $48分別有肉醬、雜菌及炸蝦，三款口味各有特色！蘑菇、鮮冬菇，菌味濃厚，味道清新！最濃味是肉醬，多士表面滿滿的！黑糖薑汁梳乎厘配豆腐雪糕 $55有好幾種口味選擇，口味較特別是荔枝玫瑰、黑糖薑汁...等，後者味道比較穩陣，薑帶出濃郁辛味，跟濃濃的豆腐味雪糕，一濃一淡強烈對比！熱檸水 及 凍檸檬茶店子的美食總算特色，卻是價錢不算平啊！

最近常來sugar taste，覺得性價比高兼坐得舒服，沒有限時，而且甜品都有一定水準。今次要了oreo窩夫及綠茶心太軟，兩款甜品都配上雪糕，而且一定灑上小方糖，令顏色更鮮明。Oreo窩夫，其實是附上兩塊oreo餅，不過加上custard，就有另一種味道，否則與普通窩夫沒有分別。綠茶心太軟即叫即做，暖心，這個值得一試，之前試過朱古力心太軟，反而覺得綠茶更清甜，不會過份濃郁。另外，設有優惠二人下午茶，見到有不少食客都order，下次我會一嚐。

如果唔係之前有一日經過見到有人喺入面行出嚟，我都唔會留意到呢間餐廳😳入到去話細唔細，話大唔大，但係我幾鍾意佢四圍嘅酒瓶擺設，中午時分亦都見有唔少熟客開酒飲🤭▪️ 扒香草羊鞍配玫瑰瑪莉汁💲106羊鞍叫左五成熟，出到黎都啱啱好，肉質軟腍又成功鎖住肉汁，而且加左唔少迷迭香調味，香噴噴夠惹味唔會羶，伴碟既沙律菜亦都有醋🥗另外可以配飯或意粉或薯條，無諗過會係配紅米飯，成件事即刻健康左🍚聽到隔離檯話佢個周打蜆餐湯足料香濃，而且焗芝士豬扒飯亦唔錯，仲可以叫多芝士瘋狂拉絲，連埋招牌既甜品，希望下次有機會再去試下😛🔎 整體評分（7.5/10）

跟朋友2人黎到呢間「品甜」就叫左2款主菜1款甜品🍮；一睇menu , 心裡不禁有少少出奇；價錢set 得偏低（雖然係香港一向食得貴係食個租金），甘我都係膽駁膽去order.....卡邦尼意粉。$60有驚喜，平野唔係無好架... yeahhhhhh 😊 煮得入味，食到creamy 又唔會一pat 野，又有做下decoration 伴下碟，小店黎講係幾有Heart ...特級安格斯牛肉漢堡拼薯條。$78我覺得好普通，不值一提。牛肉有牛肉味；份量夠。個薯條🍟做得唔錯。心太軟。$52呢個要值得讚👍🏻👍🏻👍🏻👍🏻👍🏻心太軟真係流心，仲要流得幾多.... 朱古力夠香夠滑，令我愛不釋手⋯⋯另外，伴碟既配襯幾好，好吸晴😍😍

Happy Friday今晚偷懶唔煮飯，同老公係土瓜灣搵食呢間餐廳之前都叫過外賣但從未坐低食過今次試一試先我叫左個大啡菇松露意大利飯係我既最愛上菜時係原隻大啡菇喎好驚喜呀同埋都幾好食老公叫左隻豬手，都好脆好好味等得耐小小都值得呀不過呢間餐廳都貴貴地久唔久食下好啦

第一次來這間餐廳，試咗佢哋嘅扒美國安格斯厚切西冷蒜蓉香草汁，不俗不俗......下次試吓他們的Pizza⋯⋯還有燒慢煮乳豬¼隻以及煙肉洋蔥焗蠔，甜品種類亦有很多......

其實無乜期望，因為香港十間賣burger嘅9.5間都唔識整burger。以為求其搭夠一塊厚d嘅牛肉一塊芝士兩塊包就叫做識整burger。唉。同其他港式cafe/burger shop一樣難聽d講句，塊牛肉同嘅走左芫茜腐皮嘅山竹牛肉差唔多level😩舊牛唔掂，你點整佢點打佢點燒佢加乜上去都係難食。你叫佢安乜鬼格斯都係唔會好食左。最後錦上添花嘅係，食食吓唔知點解有點兒中餐的味道？ 原來有塊焗到熟嘅唐山菜喺入面。。。唉不過最可悲嘅可能係，好多人以為大大件有d汁，有d所謂"juicy"就叫好食。好難想像點比得落正評。

呢排天氣唔好，人都down down地。食下野開心下。朝早食左個包都仲未肚餓，但係唔食啲野唔得，唔係就等到好晏先有得食，其實知道有呢間餐廳好耐，但直都唔記得試，今次一入去，waiter好好服務幫手擺遮。同埋好好客。今次就咁叫左個煙三文魚凱撒沙律醫肚，份量一般啦，成個沙律最欣賞係啲煙肉，似餐廳自己炸(估)。下次想試出名既甜品。

今次是我第一次寫食評。這間小店是我第二次來食下午茶，她們價錢唔係特別平，但質數就幾好。其實第一次食時已是這樣覺得，但今次安排坐在廚房隔離，能夠睇到她們廚師在制作過程的 一絲不苟和認真，心裡好感動所以才寫這次食評。但因原來冇諗過寫的關係，所以冇影相。我這次點了漢堡餐，漢堡扒大大塊，又有雞蛋，煙肉火箭菜等等...好食過好多大餐廳。在餐廳入面有好多留言貼紙，大部分也寫甜品好味，一定會推介給其他朋友等等...這間小店一定有下次

途經土瓜灣，行下睇下經過這間店舖，見到土瓜灣區居然有甜品店，賣相好吸引，於是乎就入去試試，原來此店係一間吃西式餐廳嘅cafe,但我都係想試佢d甜品多d.店舖不大，但環境幾舒服，雖然主力是想試甜品，但坐下來已被廚房傳來的牛扒氣味所吸引，（下次一定會試）最後叫左2款甜品，好得呀！非常好味呢！