夏捌月 (Closed)

幾天前，我在家裏附近看見這間新開的餐廳，所以就想帶家人一起到那裏試試，所以就決定前天帶家人一起到那裏吃晚飯。餐廳來裝修也挺舒服，而且安靜的。我們便叫了一人一個晚餐。我們叫了黑豚肉二味及法式炸佐賀產華味鳥。而且還有送餐湯，這是忌廉周打魚湯，味道很好呢！這是黑豚肉二味，是一口吉列豚肉及豬肉眼扒，很豐富呢！我特別喜歡一口吉列豚肉，豚肉很嫩滑這是凍朱古力，這是自家製的，味道不太甜，而且又充滿朱古力的香味這是法式炸佐賀產華味鳥配薯菜，炸雞肉質比我想像中嫩滑，而且炸得很香口

荃灣路德圍出名多美食，附近岩岩開左間新既西餐廳，一出港鐵站過天橋就到，地點好方便。呢度既凍奶茶、咖啡同朱古力都係樽裝，飲落零舍新鮮，同埋好夠凍！肉眼牛扒好大塊，有2.5隻手掌咁大，Medium，牛扒切開係嫩紅色，肉質口感軟嫩，邊有少少肥肉，肥瘦比例適中，不錯！薯蓉係粉紅色好特別，有酸酸甜甜既味道。唔係好多餐廳有得食汁燒白鱔，鍾意食魚既我緊係要試下啦，果然冇失望！白鱔肉質細嫩，味道鮮美，口感爽脆，下次黎一定會再食多次！

今日喺荃灣做完嘢，經過據聞係近日新開「夏捌月」，見到宵夜咁平，決定要入去試下！入到去之後，店員話舖頭宵夜期間可以叫埋午餐餐單，我一望個餐牌，發現原來間餐廳都幾多選擇，諗左陣最後點左個炸魚柳墨汁意粉。以宵夜嚟講，夜晚$54又有嘢飲嚟講真係幾平，所以本身都無乜期望，點知一嚟到，竟然有兩大塊魚柳，而且炸得香脆又唔乾身，墨汁又夠惹味，但意粉就略嫌硬身少少，但整體嚟講都好味，性價比高！美中不足係個冷氣好似唔多夠凍，但overall嚟講都幾好，下次會再去！

由港島南區食到新界既荃灣區，發現原來香港美食處處。有很多本土有心人默默地努力，為飲食文化作出貢獻。夏捌月這個名子很有詩意，英文為Summer August，聽說餐廳主人家熱愛夏天，代表對生命既熱情，像艷陽般燦爛，份外有意思！餐廳地點非常方便，一出港鐵步行五分鐘便到達，人流暢旺。富日本時代感既裝潢，天花頭很搶眼既Summer August lighting，牆壁上掛滿鮮明既圖畫，落地大玻璃，感覺開揚，坐位闊落舒適。 酥皮忌廉周打魚湯，酥皮香脆熱騰騰，魚湯香濃滑口👍！牛骨髓汁牛三味（紐約客牛扒或仔牛柳，牛脷）配薯菜：賣相精彩絕倫，旁邊伴著挑花蔬菜，新鮮健康。牛柳肉味非常香濃多汁，沒想過牛脷可以這麼腍身有咬口，牛扒出色得更是讚口不絕。生燒白鱔配蒲燒汁：成日都話飲食是一門藝術，看看這美輪美奐，充滿日本風情既食物圖畫便會明白。巧妙地運用蒲燒汁和伴菜拼出優雅感，未食已沈醉其中。 事實是日式鱔魚非常新鮮肥美，魚皮燒烤得香脆野味，鱔肉質鮮美滋味，整晚邊品嚐邊讚過不停。凍樽仔Nestle朱古力，港式奶茶或咖啡：夠凍夠香滑！身邊人仲驚喜發現這家新餐廳仲有宵夜餐供應，價錢非常吸引，食物優質，難怪咁夜都仲咁多

滿心歡喜諗住試新野有驚喜點知係有驚無喜我哋每人分別叫咗一個set $168 x2再加多個鴛鴦大啡菇首先嚟咗酥皮湯先睇圖呢好地地嘅，酥皮都焗得唔錯點知一飲就出事啦個湯淡而無味 好似飲水咁再嚟就係呢個扒餐咁樣就$168請問同茶餐廳有咩分別？仲要豬扒都唔熟既紫色嗰一Pat溶食落去就好似搵粉開既咁牛三寶都係$168食第一啖已經食到超多鬆肉粉落咁多鬆肉粉都可以靭到咬唔開切唔開可想言之塊扒會有咩質素呢等左勁耐，食晒所有野，個小食都未黎我覺得係漏左單真係比大啡菇，但超細粒，又無味，想點丫佢杯餐飲朱古力更加唔使講，好無誠意，今餐食左$495 收得呢個價錢，但係比茶餐廳嘅質素，有冇搞錯荃灣大把餐廳好過佢仲有一入去張枱肥淋淋，張凳有啲薯蓉係度已經大打折扣仲有一開始已經落咗order話比佢哋飲似乜 點解我同佢哋講上飲品你仲問我地叫乜咁落單黎有乜意思

上星期日我與老公去食lunch，可能係新開關係，客人不多，見到餐牌個價錢都算抵食，諗住入去試下。我地點了巨型雜扒及蒜茄汁蝦雞肉丸，加選套餐有餐湯及飲品。餐湯係忌廉湯，味道淡，巨型雜扒都ok，份量大，個蝦都大隻同爽，個雞肉丸就唔覺係雞唔知咩肉，重點係飲品，見到隔離枱一樽樽咁得意係店舖自家製的凍飲(朱古力、奶茶、咖啡)，就點了一個凍咖啡及熱咖啡。當我地食到最後差唔多走嘅時候，我親眼見到店舖最入面張枱有位職員在調飲品試味，他用匙羹試味三次，用同一隻羹試完味再搞，然後就將飲品倒進凍飲的樽裡！及後得知那位職員就是店舖經理，結賬時也有向該位經理查證事實，他表示不會給客人喝到他「加料」的飲品。但我相信我親眼見到的事實，誠信同衛生都好緊要，我應該不會再去食！

啱啱星期六同朋友去咗荃灣新開嘅夏捌月聚餐，因為之前已經喺朗屏店食過，所以對佢好有信心，咁啱朋友大住個肚，為咗方便佢，就決定試試荃灣新舖位置好方便，地鐵站一出過條橋就到。另外，相比起元朗兩間，d 位闊落咗，冇元朗嗰邊咁迫，舒服好多👍🏻可能係因為新開，暫時未算多人，唔駛等位，好快就入得！食物方面，當然要叫佢成名作蟹膏蟹肉意大利飯，之前係食開意粉，今次試新野，原來意大利飯比起意粉更易入口，我個人覺得意大利飯好似好食d😋一如以往，蟹味濃郁，蟹膏味好好食另外值得推介嘅仲有個慢煮豬鞍，豬肉一d 都唔鞋，好淋好好味，佢地嘅東方汁，好特別，有d 似薑䓤汁，但又有d 唔同，值得一試👍🏻黑毛豬火腿沙津，好似係新野，之前元朗都冇食過，但平時喺其他地方食，火腿可能只係細細塊，仲要得兩塊，估唔到佢係大大塊包住哂d 菜，好吸引牛油果白酒煮蜆，個牛油果汁好特別，好鮮味，蜆冇沙，汁同d 蜆嘅鮮味都幾夾，唔錯，好似都係得荃灣店先有荃灣哩間分店，我發現餐牌唔同咗好多，多咗好多之前元朗冇嘅野，都試咗好多新野，仲發現餐牌多咗d 素食餐，幾細心，值得一讚，會再去食👍🏻

荃灣新開地鐵站落天橋就見到, 放工和同事來吃晚餐. 店內以黑色型感覺, 下午6:00不需等位, 我們坐最入位置, 牆上卡通畫很可愛,當我們吃到7點就滿坐了.晚餐有3款選擇:S1 牛骨髓汁牛三味$168 (紐約客牛扒, 鑊仔牛柳, 牛脷 ) 配飯/意粉/薯菜)  三味好特別S2 黑豚肉二味 $168  (豬肉眼扒/一口吉列豚肉) 配飯/意粉/薯菜) 豬全部都係豬.....S3 法式炸佐賀產華味鳥配土佐酢 配飯/意粉/薯菜 $158  <----有新意選這個店員好親切解釋店內比較出色菜我們最後晚餐選了S3  由日本來雞肉, 做成串燒外形炸, 配上日本土佐酢解膩. 餐塊散叫主菜選了一份慢烤香草帶骨肉眼牛扒  $268 咸金沙脆炸薯條$58+8 樽裝朱古力+8 樽裝奶茶晚餐有周打魚湯 - 有薯仔, 洋蔥, 忌廉湯味道很濃. 樽裝凍飲品真的比加冰好喝, 味道香滑有茶味, 因為我想飲鴛鴦, 店員(懷疑經理) 破例給我們可+8多一支.咖啡+奶茶就可以變鴛鴦.女同事選了朱古力, 她形容不太甜, 口感有點像鮮奶比較滑溜估不到小吃咸金沙脆炸薯條先到薯條金黃色, 佈滿咸蛋, 不單上桌有強烈咸蛋香味,

路德圍近呢一年變化超大，開咗好多新餐廳，今晚同老媽子撐枱腳，見成日食中菜咁悶，一於四周圍搵下有咩新野食試下先。地鐵站力生廣場附近開咗一間新既西餐廳，個名有啲熟悉，於是上網search 下發現原來係元朗一間人氣餐廳第三間分店，當然立即同老媽子入去試一試啦！原來餐廳新開張第三日，環境舒服乾淨餐牌選擇多，所有主食都可以加錢轉套餐，而且仲有特定set dinner 可以選擇。我地每人揀咗個set dinner share 食。套餐包埋是日餐湯-薯仔忌廉湯入口creamy順喉，入面有薯仔粒，蜆肉等等。牛骨髓汁牛三味（紐約客牛扒/鑊仔牛柳/牛脷）配意粉份量十足，牛扒五成熟，生熟程度剛剛好，肉質軟嫩多汁，牛柳軟淋肉味濃，牛脷入口鮮味，嫩滑可口。烤焗豬鞍扒伴醬油燒元貝配東方汁豬鞍非常厚身，但入口鮮甜軟嫩，堅好食，而且配上酸味味嘅東方汁，好醒胃👍🏻燒元貝外脆內軟，入口鮮甜嫩滑，而且仲係珍寶size咁大隻😍😍份量十足，味道又好，最緊要員工態度非常有禮貌，值得一讃！👍🏻臨走見到門口原來有自家製樽仔奶茶，咖啡，好似好吸引咁，下次一定要試下。

之前有幫襯過第一同第二分店，已經覺得食物素質好好同服務on point。今次試埋第三分店，好surprise Menu有改變，食材升級左，好味之餘價格又合理，鋪頭又易搵，正呀！

厚切豬扒多汁彈牙, 元貝超級新鮮幾年前在西餐廳食過 厚切豬扒, 回味再回味, 但不知什麼原因餐廳轉了餐牌, 此獨特多汁豬扒消失了。今次我們在”夏捌月 Summer August” 尋回久違了的美食, 當然要再次回味。整體而言，餐廳裝修比較一般，但食物水準很高。