夏捌月 (Closed)

這天在荃灣地鐵附近覓食，來到登發街見到這新食店夏捌月，其格局不錯之餘，也有不少食客棒埸，相信不會選錯地方了。那位年輕俊俏的侍應有禮地招呼我們內進，也為我們簡單地介紹餐牌內的菜式。在云云西日菜式中，選了焗蝦球茄蓉意粉、黑毛豬鞍和炒雜菜。酥皮周打魚湯 外層酥皮酥脆而沒有油光，浸滿濃滑重魚香的周打魚湯後，便吃至停不了口。田園炒雜菜 $58 原本只是想吃多一點蔬菜，沒有甚麽期望的，想不到這份炒雜菜是色香味俱全的呢!芝士焗蝦球茄蓉意粉 $82 六隻新鮮的中蝦球，有鮮蝦香和蝦味。意粉是用鮮茄蓉炒過的，軟韌度剛好，吸收了鮮茄和濃濃的鮮蝦香氣，加上份量剛好的惹味芝士，非常美味。帶骨黑毛豬鞍 $168 賣相何其吸引的豬鞍配薯菜，真的令人垂涎三呎，豬鞍肉質爽嫩， 有一點鹹香，像是預先 以醃過的，不用蘸醬汁也可。以粉紅色的薯蓉墊底頗特別。冰鎮奶茶和冰鎮咖啡以玻璃樽奉上，未喝已加分，兩者都香滑和濃度剛好。

荃灣最近都開了好多新食肆,就在地鐵站行落嚟不遠,就見到這間新餐廳“夏捌月” 個名幾得意，所以特別易記。今日就和友人來這間餐廳食晚餐。這裏裝修帶西方格調,牆上掛了Marvel電影裏的明星掛畫,我唸老闆一定鐘意睇依套電影。坐低後，望下餐牌，見到除了晚餐外.還可以將主菜加20元就有餐湯和熱飲我地揀咗慢烤香草带骨肉眼牛扒 和烤焗豬鞍扒拌醬油燒元貝 首先嚟個周打魚湯,餐廳用了得意可愛嘅碗載著,湯內有魚肉的,真材實料,味道唔錯,不太咸,好快飲晒。慢烤香草带骨肉眼牛扒 牛扒好大件,煎得好靚,好吸引。牛扒邊帶點牛筋,食落口腔裏充滿油份,正。牛扒我地叫5成熟,煎得沒有過火,每啖都帶著牛扒的肉味。每款都有大大條的薯條,甘荀和蕃茄仔,咁就營養夠晒均衡啦。烤焗豬鞍扒拌醬油燒元貝 豬鞍扒好厚身,煎得金金黃黃好靚,豬扒雖然好厚身,中間無血水,係完全熟晒的,但食落唔覺乾身,還有豬肉鮮味。帶子一樣都煎得外脆內軟。帶子只是外面煎熟,裏面只是半生熟,煎到咁真係高技巧,感覺好嫩口,正。餐飲叫了餐廳特別調製了的3種涷飲料，分別是咖啡,奶茶和朱古力。都是用了特別的樽載的。我地每款都有叫,雖然是涷飲,但沒有加冰的。是原樽雪涷,比

今日終於食到期待已久既夏捌月..之前聽過朋友介紹..一直好想去元朗一試..但奈何真係太遠又太多人..一知道荃灣開左..即刻要黎試下..一開始個餐飽好特別..脆卜卜..同平時餐飽好唔同..香煎厚切豬鞍扒配煎帶子..好大塊豬扒..好厚..但食落唔硬身..煎到岩岩好..食落好juicy..帶子好鮮甜..BBQ醬燒美國豬肋排伴烤薯菜..豬肋排份量都唔少..配埋BBQ醬..酸酸甜甜好開胃..仲要有厚切薯條..黑松露野菌意式燴飯..好香黑松露味..好creamy.但食唔到好多..因為都好飽肚..黃金蟹肉蟹膏意式燴意粉..好金黃色..岩晒愛蟹之人..覺得好香..價錢合理..性價比高👌🏽

經過見到荃灣難得有間新開既餐廳 係門口睇完發現係間中價位西餐廳 而且餐牌選擇好多 我地見到都幾啱食 就決定試下喇我地去到係午餐時間 lunch set 包餐湯同野飲加18蚊可以轉做酥皮湯裝湯隻碗幾得意上台個陣聞到酥皮好香 浸一浸湯食仲系好酥好松化 湯係忌廉湯 入面有d蜆肉然後仲叫左凍奶茶好特別佢唔係普通茶餐廳加冰 而係一早雪左係雪櫃入面 所以味道唔會因為d冰溶而淡左奶茶味道好好 茶味好濃 而且唔會太甜薄燒牛柳配飯 牛骨汁有兩大塊牛柳 唔會太唸 但又唔韌 軟硬適中 好易切牛肉味好香 而且好入味 唔會淨係得咸味咁寡黑毛豬肉眼排配意粉 牛骨汁份量好足 豬肉眼排好好食 好松化意粉亦唔係普通白烚意粉 有少少牛油炒過咁牛骨汁好特別 第一次見 有少少似蘑菇汁 但係多左牛既香味有三款汁可以揀 茄溶 牛骨 同埋 胡椒汁另外見揀左兩大份肉既餐 就叫左個小食 炒雜菜炒雜菜都好大碟有西蘭花 椰菜 胡蘿蔔 仲有好多菇係用牛油汁炒 好香濃西蘭花係唸身 唔係會係好硬好難咬個d整體黎講餐廳質素幾高 味道全部都幾好 環境亦好舒適

之前食呢間夏捌月已經差唔多兩年，而家開左係荃灣比較近我，而且空間大左坐得更舒服，記得之前食果個蟹黃意粉真係不得了啖啖入哂味，今次就試啲唔同嘅嘢，叫左兩份扒餐，一份係日本霜降牛扒 $188，一份係成隻手咁大塊嘅慢烤香草帶骨肉眼牛扒 $268，兩個套餐都跟左酥皮周打魚湯，而家愈來愈少呢隻酥皮湯，好有懷舊嘅味道 😭 除此之外，佢地嘅薯菜都好特別，係粉紅色嘅薯蓉呀，其實係紅菜頭汁製作而成嘅，健康得黎又靚，靚得黎又好味 👍🏿 而呢兩塊扒都各有特色，日本霜降肥牛入口有溶口嘅感覺，油脂好高，好香！個人比較中意呢款 😛 而另外果塊慢烤香草帶骨肉眼牛扒比較 juicy，食落牛味較重，其實各有各好，都幾高質！

一路都聽朋友推介我去食夏捌月，可惜係元朗真係太遠。聽同事講荃灣新開左一間，於是就黎試下喇！ 日本霜降牛扒 配薯菜今次叫左呢個牛扒，5成熟。岩岩好。肉質鮮嫩，肥瘦適中，配埋磨菇醬同黑淑燒汁醬，好味！佢仲加上菇，紅菜頭蓉伴碟！ 賣相薯條控既我，俾呢個薯條🍟極高分。佢係粗而扁身，最愛呀！ 黃金蟹膏煙肉意粉 呢個意粉物超所值，睇外相已經知道好足料。每啖意粉都有蟹膏同蟹肉都好多！ 如果鍾意食蟹膏既人必點！ 樽仔咖啡呢個有台灣飲咖啡既感覺。佢咖啡味唔重，但就好滑同好奶！ 佢地仲有樽仔奶茶同朱古力！ 下次返工前去買先！ 呢間絕對值得成為lunch ge飯堂呀。

這一次，我又是給餐廳的名字給吸引住，剛好8月的時份來食這家「夏捌月」，特別有感覺！這家餐廳的位置很方便，就在地鐵站附近幾分鐘的路程。餐廳裹面的環境挺寬敞，牆上有不少marval的畫，不知道老闆是不是marval的粉絲呢？！menu上有很多主食可以選擇，全部都可以轉成套餐。另外也有不少小食，其實我們也有幾款小食都想嘗試，但就是人少怕吃不完，只好下一次再來嘗試今天的餐湯是周打魚湯，看上去好像是一般的忌廉湯，但喝下去才發現裹面真的有魚柳的呢！這兩款主菜都是店員給我們推介的慢烤香草帶骨肉眼牛扒，它的賣點是它的份量，可能在照片看不出來，但這道菜一上桌的時候，我們真的給它的size嚇了一下！ 牛扒5成熟，肉質鮮嫩，既有肉汁又有牛味，配上兩種餐廳特調的醬料，還有薯菜，真是很滿足！！這個黃金蟹膏蟹肉意粉挺特別的，一般餐廳很少有這道菜。因為是以蟹膏作意粉的汁，所以texture會比較濃稠，也最好在有溫度的時間把這道菜食完。喜歡蟹膏的朋友一定要嘗試這個，一定會給你surprise的感覺餐飲我們選了樽仔系列由左至右，分別是朱古力、咖啡和奶茶。朱古力不會太甜和太濃稠，味道剛剛好；咖啡的味道比較濃烈，適合有喝咖

荃灣路德圍又開左新餐廳啦，裝潢別緻，牆上掛有好多marvel裝飾，同朋友叫左兩份set dinner，價錢不俗而且好大份！餐湯係蘑菇湯，香濃細滑好足料，大碗仲有好多蘑菇。牛骨髓汁牛三味 $168牛三味分別係紐約客牛扒、鑊仔牛柳同牛脷。牛扒有手掌咁大塊，五成熟左右，味道鮮嫩。牛脷亦都好大塊，重牛味。黑豚肉二味 $168豚肉有兩款：豬肉眼扒、一口吉列豚肉。豬扒外面煎至金黃，裡面肉質細嫩。吉列豚肉嘅炸粉份量適中，味道唔錯。兩份set dinner都配左薯菜，薯蓉粉紅色，除左有奶味之外，酸酸地甜甜地好特別！餐飲朱古力奶係新鮮嘅樽裝鮮奶，濃郁朱古力奶好幼滑！

每個星期天的午餐都是頭痛著去吃什麼呢?  因我的皇上 and 我的小肥太子都是 '是旦' 的 fans, 每次都是我這個做奴婢頭痛的事, 最煩的就是他們不喜歡試新野. 前一天行過見到有間新餐廳, 就跟他們說開了一間新餐廳, 試一下吧. 最後看到餐牌(門外) 都ok 的, 所以入去試下,  這間店是已 MAVEL 為主題, 我喜歡這 SUPER WOMEN . SET LUNCH 價錢都OK實惠, LUNCH 最平$58.00 ; 我們叫了 黑毛豬扒拚雜菜  & 茄汁焗雞塊抄飯底 & 黑松露芝士焗雞扒. 先上個 周打魚湯 , 這湯偏淡, 我來說OK 的, 淡好過鹹. 最好它很熱, 一般餐廳的頭湯都不是很熱的. 這碗也蠻可愛的.飲品沒太多選擇, 我太子爺唯有揀了 凍朱, 這還是樽裝的, 有點特別.  (但份量相對少些)這個 super women 几 cute.我叫了這個 黑毛豬 配什菜，這個抄什菜加了牛油抄，很香，這椰菜抄得剛好，讚。這 煎黑毛豬 表面煎得很香口，第一次吃‘煎’的這麼好味，但這黑毛豬 有點肥 （本人不喜吃肥的）；汁我選了黑椒，汁一般沒特別。 我皇上叫了 茄汁焗雞塊抄飯底；

最近為食朋友知道荃灣開了間新餐廳[ 夏捌月]、特别請我一起今晚來試试 !餐廳在登發街地鋪、一般新派餐廳裝修和墙上掛有卡通畫作了裝饰.適中燈光有點氣氛得來又輕鬆。入門處的凍櫃内放置了特别调製的樽裝奶茶、㗎啡、朱古力等飲品、餐牌上的不少菜式很新穎、特别是小食很吸引 !職員也積極介绍了以下特飲~㗎啡、朱古力、奶茶-我试了港式奶茶、很合我口味!茶香、奶和茶濃淡度比例適中,甜度剛好 !先點了個小食 ; 咸金沙脆炸薯條 / 58元熱辣辣甘香酥脆、很惹味 !我們每人order了一份套餐; 生燒白鳝配蒲汁/ 188元很特别 ! 西日Mix板、有創意 !鳝肉有厚度、爽口肥美、配上甜甜蒲汁非常美味 !餐湯 : 周打湯烤焗豬鞍扒伴醬油燒元貝/ 168元整份餐夠份量、日本豬鞍有1.5~2cm的厚度、面層烤得香脆 、由其骨的位置帶點脂肪非常甘香 !扒上一粒大大元具鲜甜 !這樣的厚度以為會"鞋口"誰知切開豬鞍呈現淡淡的粉红色、多汁!入口嫩滑 ! 廚師手藝出色 !配菜中的红色薯蓉原來是紅菜頭汁加薯蓉.所以特别清甜、顏色配搭漂亮 !很享受今晚所選的晚餐、味道不錯!

今日同十個朋友去左食屋企附近新開既餐廳-夏捌月成日搭地鐵行開行埋已經好想試下一轉落天橋就係 5分鐘都唔洗 好方便 又多一個開餐地點 正食之前做左小小research 原來係元朗已經有2間分店 評價都幾高~滿心歡喜🤤一入到去 地方唔算大 簡單裝修 黑色既風格 小店特式 都幾舒服! waiter們都好好禮貌! 叫左烤焗豬鞍扒拼元貝 黑松露芝士醬炸薯條原隻豬手牛三味黑豚肉二味水牛城單骨雞翼牛油果白酒煮大蜆食物整體都好有質素 最有驚喜係烤焗豬鞍扒拼元貝同水牛城單骨雞翼- 本身驚豬會好鞋 但佢煎得岩岩好 肉質非常嫩滑 仲好大份 十個人share都人人有份 唔止個豬鞍大 帶子都大大粒- 雞翼隻隻都起左骨好有心思 唔使食到那手唔成勢 外皮炸得好香脆 配埋兩個醬 愈食愈上癮除左野食之外 飲品都要讚下 侍應哥哥推介左佢地特色既樽仔奶茶 茶味香濃 口感細滑 真係無介紹錯叫左咁多野食 埋單都1300有找 性價比非常高!

咁啱經過荃灣，見到開咗間新餐廳，睇睇個餐牌都幾多選擇，價錢又抵，一於試試佢～環境：餐廳裝飾簡單四正，乾淨企理，行黑色型格工業風，牆上面掛咗啲Marvel系列嘅畫，唔知老細係咪marvel迷～食物質素：因為同友人都唔太餓，所以淨係叫咗1個豬手set同單點一個意粉，set包餐飲及湯，加咗$18蚊轉酥皮湯蟹肉蟹膏意粉($128)：見係招牌菜，所以叫咗，意粉好creamy，啖啖蟹肉，好重蟹味，真材實料，但食到最後有啲濟原隻烤焗德國豬手($178*加咗20蚊轉set)：豬手皮好脆唔油膩，而肉就非常嫩口，調味唔會太咸，岩岩好，薯菜份量都好足整體食物質素中上，出餐出得好快，份量好夠，但碗碟嘅選擇較「淘寶」，同薯菜嘅配搭都比較奇怪，影響咗食物嘅賣相地理位置：由荃灣地鐵站一出天橋行5分鐘左右就到，非常方便～食嗰日咁岩落雨但無帶遮，都唔使淋雨直接上到地鐵走人

Food was great & service was very good! The dish we liked most was the beef steak...very very good! It was medium rare..just nice! Pork knuckle was great too, very soft the meat & crispy skin! The thick pork chop was as soft as the steak...delicious! Love the cold coffee, homemade bottled one...lemon tea was in a nice jar, taste was just right...will definitely go there again!

行過呢間餐廳，被它內部的英雄大相吸引左入去，估唔到係荃灣竟然有咁正既西式餐廳內𥚃環境好relaxing , 感覺好舒服店員好親切，見我地唔知點咩好，仲介紹下佢地d特色食物，令我地更易搵到自己想叫咩周打蜆湯先到，加左酥皮，個周打蜆湯變得更有特色，湯濃杰適中，偶有鮮味既海蜆，加重鮮味，酥皮厚薄剛好，入湯吸收湯的鮮味，我好喜歡叫了晚餐既烤焗豬鞍扒伴醬油燒元貝配東方汁，同埋慢烤香草帶骨眼牛扒碟上既豬鞍扒，厚度成寸，見到不禁「嘩」左一聲，係米真既，入口好鬆軟，帶有豬油香，味道好鮮，一點都冇雪味，大大塊都好快比我地消化左。帶子煎得剛好，表面煎香，肉厚鮮甜，入口juicy, 好味道而牛扒都成寸咁厚，又來多聲「嘩」，牛扒五成好正，慢烤既牛扒不但肉保持到肉汁，仲帶著牛扒精華，牛味十足，切開粉紅色，廚師控制到好好火喉，點埋汁牛味更突出，忍不住一路食一路讚也十分喜歡side dish , 薯蓉係有紅菜頭味既薯蓉，味道帶少少酸甜，味道特別醒神，薯條味道鮮而脆，好味叫飲品有奶茶、咖啡、朱古力㨂，估不到和平時的不一様，一支支飲品，原來係自家製，結果忍不住集郵叫曬三支，奶茶茶濃而滑，咖啡好香豆香，濃而不苦，朱古力味

有朋友介紹荃灣開了一間浪漫有情調的餐廳。 今天是老婆生日所以就去試一試， 餐廳環境不錯好有情調感覺上好舒服。 我老婆最like牛扒所以叫了一個牛骨髓汁牛三味， 牛扒好有肉汁好鬆嫩， 牛脷口感唔會太硬， 而且配埋餐廳特製薯蓉吃落特別開胃。 我就比較喜歡吃豬，所以叫了一個烤焗豬鞍扒配燒元貝， 塊豬扒大大塊經過燒烤吃落內軟外脆， 而且配埋元貝肉質非常新鮮。 最後餐廳配埋特色自家製奶茶和朱古力奶， 奶茶味道唔會太甜而朱古力奶有好濃朱古力味。 總括下次都會來試下其他食物！