夏捌月 (Closed)

99台ViuTV的「空肚講宵夜」算是我近來比較喜歡觀看的節目，三位主持人真摯，吃相甚治癒。那天介紹過元朗Accro Coffee好想一訪，星期六行完元荃古道乘車前往，兩點三抵達要等兩頁紙，饑腸轆轆，唯有轉場。 去到新地方基本上跟色搵食，附近的這家門口貼上大字報叫人登記做選民，店員溫馨提示三點落場，趕快落單，一坐底就有得食。雙色芝士焗豬扒長通粉 $56 通粉端來時色香味俱全，蕃茄汁濃郁足料，香草味重，燴得非常入味；而豬扒相當厚切，一點也不柴不硬，食得滿足。 鑊仔牛柳伴薯菜 $65 牛柳有四、五件，煎得軟稔香口，薯角大大件熱辣辣，這個價錢交足貨。 夠鐘落場後店員都沒有催促我們離開，感覺頗有人情味。

減肥餐，只可以食肉同菜！所以我叫咗牛扒配沙律菜🥗由於肥，所以連個凱薩醬都無落🙈兩塊牛扒大大塊，不過係薄身既，醃得好入味，而且咬落去唔會好鞋口，口感同去街市買既醃製好既牛扒一樣。沙律菜好新鮮，清甜，另外沙律菜上有少少芝士粉，連埋新鮮沙律菜一齊食都幾唔錯，食完其實都好飽🤭原本個餐會有湯同蒜蓉包，但因為減肥唔俾食😂😂😂唯有叫朋友幫手食埋🙈🙈🙈餐飲都係飲凍檸水走甜，健康少少應該飲熱飲！😜朋友既雜扒餐🤤有得睇無得食😭

之前有一排迷上左呢間餐廳，因為好小西式餐廳做到呢個價錢。以我今次食的板燒鑊仔牛柳為例，盛惠$64，但個份量真係好豐富，有三塊牛柳仔，幾舊薯角，一份沙律菜同埋可以選擇配飯或者意粉。值得一提的係牛柳煎我唔錯，7成熟岩岩好可以lock住入面D肉汁，但又唔會太多血水，正。飲品方面，跟餐包左一杯熱飲，佢另外的特色係可以加$2轉樽仔凍奶茶，店家係一早沖定調好味的奶茶，再放落雪櫃正凍佢，咁樣可以解決平時飲凍飲個時，愈飲愈淡的問題，誠意分十足。

話說之前成日经過第間既分店都想入去试下，於是今日興致勃勃提議同屋企人去Try Try.由於怕太多人坐得太迫所以就去咗朗屏西鐵站呢間分店到Try，我地6点幾去，所以我地係第一台客。因為我地想坐果張台，佢地话7 30有人book咗，所以我地用咗一個鐘左右享受呢個.haha.為什麼咁稱呼?!因為可能餐廳得我地一台客而且又有客人book咗位既關係上菜特別快，所以感覺像食快餐，不過咁既價錢，咁既味道，又幾好喎抵食，可以再Try多次蟹肉意粉，都五錯加$20配餐有一湯一野飲，唔贵因本人不吃沙律醬要求轉了沙律醋服務員話另如加一個醬$5呢個二百蚊唔洗食個扒，幾好個飯4個人每人分啲，完全夠食整體雖然用餐時間係一小時內係快左啲，但4個人食500幾蚊，仲想點，味道又不難吃，抵啦

兩年前到夏捌月食晚餐，對蟹膏蟹肉意粉評價甚高，印象很深刻，難得到朗屏，試下有冇keep到水準，Lunch送餐湯及餐飲，性價比高。Double 蟹膏松葉蟹肉意粉 $108一上枱很香的蟹味，食每一啖意粉就好似食蟹，醬汁金黃色很Creamy，意粉上面有蟹肉，配有雜菌中和，增加了口感，食落唔會太膩，依然是兩年前回億中的味道。板燒鑊仔牛柳 $64有三大塊牛柳，比想像中分量多，雖然五成熟變了七成熟，但牛柳肉質嫩滑，只略厭香草味太重，搶左牛肉味 ，燒汁較稀。

雖然在疫情下，人也總不能一直待在家，趁週末與閨蜜到香港千島湖走走兼呼吸新鮮空氣🌿，我自己先喺朗屏站附近食個午餐然後再同佢會合。我對朗屏這邊比較陌生，所以係OpenRice睇咗一陣，就選咗呢間小店「夏捌月」，由朗屏站步行大約3分鐘便到。午餐選擇很多，價錢亦大眾化，多以扒類為主，我選咗「洋蔥厚切豬扒餐」$52，包羅宋湯及餐飲。凍嘅樽仔奶茶先到，我飲咗一啖，有茶嘅清香，奶嘅份量及甜度亦都調教得很好，用個樽仔裝奶茶，加添特色，值得一讚👍。豬扒🍖大大塊，煎得好香，好味，除咗飯都有薯菜，好抵食。小店內掛了幾幅抽象畫，帶點型格，座位不是很多，一個人，好快就食完個午餐，因為我見到門口好多人等位。

最近疫情影響飲食業真係好嚴重絕對要支持下香港人良心小店今次一行二人 去左偏離市中心既夏捌月先講番個餐先 今次叫左威靈頓牛柳 份量絕對滿足 味道亦岩岩好 星期五730 唔洗等位 翻食指數

今日來到附近覓食，到有電影劇照裝潢的餐廳用餐。有幾款晚餐好似好豐富，便選兩個晚餐試下。加$可享升級酥皮湯喜愛酥皮湯的酥皮，非常香脆，有焗起的香味。羅宋湯味道一般且偏辣，另一餐湯忌廉湯味道一般。S1 威靈頓牛柳配薯菜與酥皮湯相比，威靈頓牛柳的酥皮就剛剛相反，威靈頓牛柳造法新穎，麵團過濕而且沒有香脆，只是黏着在牛柳上方，並未有包裹整件牛柳。酥皮有黏着菇蓉及火煺片，在切開後內裏的食材散開，牛柳生熟度處理得不錯，牛柳本身的肉汁及牛味一般，要靠附上的燒汁增加味道。配菜的紫薯綿軟好味，甜度適中。S4 捌月COMBO有幾款食材，以海鮮為主，賣相吸引。煙三文魚加巴馬火煺米紙沙律卷有四件，口味幾清新，但米紙過厚，影響口感。鵝肝米多士米多士與一種零食相似，與鵝肝幾夾。鵝肝上有少許黑醋，一起吃不太膩。辣汁焗廣島蠔炸醬酥脆，辣汁味濃。迷你芝士焗肉醬意粉味道適中，芝士不太濃。飲品選了即沖的金咖啡及朱古力，跟餐不用額外收費。 每道主菜有幾種食材，有的處理得宜，有的並未到位，酥皮有得也有失，有點可惜!

經濟午餐約60蚊有餐湯，主菜，飲品呢間係港人小店值得支持👉🏻嗌左個吞拿魚長通粉通粉幾入味芝士味都重 又冇太過膩👉🏻紫薯雞髀菇繪飯幾多菇但飯比較硬同乾見隔離枱叫蟹肉繪飯同牛扒意都好似唔錯下次試下先

唔知今次呢一間小店你地又試過未呢？呢間小店絕對係我會翻食list入面😋🔻原隻德國鹹豬手配蜜糖芥末汁評分：🌕🌕🌕🌕🌗價錢：$159個豬手皮唔止酥脆，肉質夠嫰仲幾咁juicy😋如果硬係要講下挑剔嘅位，就係個皮稍微硬左dd喇🔻蜜糖醬汁照燒雞（半隻）評分：🌕🌕🌕🌕🌑價錢：$118可能因為隻雞唔大，所以肉質都好嫰滑，而且仲有陣香草味，食得出冇咩味精👍🏻🔻和風芝士脆底薄餅評分：🌕🌕🌕🌕🌗價錢：$60- $80呢道超好食❤️米紙超薄脆底嘅pizza黎，夠細個唔會話好飽肚，口感絕對一流，我都係第一次試呢種pizza🤤稍微扣半分位就係有d痴牙P.S. 唔好意思佢個名同價錢我記得唔太清楚🙏🏻🔻酥皮蘿宋湯評分：🌕🌕🌕🌕🌕價錢：套餐加$20佢酥皮夠鬆脆香酥，個湯夠濃，入面都幾多湯渣，真材實料呀😋📍 夏捌月 (元朗)元朗媽橫路7號富來花園A座地下15號舖

最近香港經濟不景，作為香港人消費出去此番啲小店！近近地又返元朗，食返個晚餐！！見到呢間餐廳環境好似唔錯裝修大件工業風夠晒簡約就咁話鍾意食肉嘅我哋食返牛扒啦幾好喎呢度嘅晚餐加少少錢就可以跟餐！咁我就揀咗個忌廉湯味道都OK 味道都OK 唔會好水，點麵包食嘅話更加好！朋友就揀咗個羅宋湯加酥皮賣相都幾吸引酥皮焗得咁行脆脆我就叫咗個菲力牛排牛扒份量俾埋塊仲有買薯角！大胃王嘅我一定夠飽飽牛扒叫咗五成熟廚師的確整得啱啱好唔會太熟或太生！朋友叫西冷扒牛扒七成熟佢唔鍾意食太生， 驚驚喎🤣黑椒汁配埋一齊頭好味到㗎你講加埋都唔使$500 晚餐來講都算幾平

好耐冇黎過朗屏搵嘢食，經過夏八捌門口咪有好多人等位，所以返去食！對上一次食應該一兩年嘅事，同屋企人食過，佢哋都都好鍾意！餐廳門口已經話做緊澳洲和牛西冷promotion決定再幫襯主菜Menu有好多選擇鍾意食扒嘅，又有食意粉，又有燴飯都有肉眼扒五成熟好大塊牛扒笑得好靚 骨位帶點燶 食落口更加香口有餐湯 我揀咗忌廉湯呢個M5和牛西冷就係門口推廣緊嘅優惠$200都唔使，牛扒算幾大塊！若然厚身啲口感一定會再好啲！味道唔錯六七唔會太晏點左黑椒汁味道不錯

餐廳內風雨飄搖，餐廳內滿室飄香。元朗區人就算宵禁都要食吓好野嘅。個碗崩咗，which is 都唔係咩重點黎。個湯比一般嘅羅字湯濃，有一陣淡淡嘅牛肉味。我個人係覺得唔係咁夠菜，但都比平均好多了。餐廳嘅咖啡係樽仔咖啡黎。奶味超重，向我嘅perspective 黎講就比較甜啦。不過其實個咖啡嘅基調是不錯。主菜我叫左雙層芝士茄蓉焗豬扒飯。因為上菜關係所以上菜比較慢。芝士焗至乾身，唔會有啲咩拉絲效果，但芝士味道濃郁。佢係用茄汁instead of 茄蓉，同埋有幾多蘑菇。蛋炒飯底炒得幾出色，做到粒粒分明嘅效果。

星期日比較多人，如果你不介意搭枱的話，好快會有位！我點了一個烤大啡菇薄燒牛肉芝士漢堡配炸薯條，加$18可以轉酥皮湯！香脆的酥皮配上忌廉湯😍漢堡包味道口感不錯，麵包夠脆，配上芝士牛肉再加上沙律汁！可惜薯條沒有茄汁，如果有茄汁會更加好！熱朱古力又匙羹仔提供會更加好！搭枱是聽見對面的男人話鑊仔牛柳冇鑊仔😂😂跟住又話啲飯凍的😂😂題外話，隔離枱叫埋單，有一個戴眼鏡的侍應，埋單時講：喂，多謝呀！我開頭以為係熟的朋友，跟住之後見到另一台埋單，她都是咁講！這種方式🤣👍🏻

生日當天，本來沒有打算吃甚麼，因為我和老公都身體不適只想早點回到元朗屋企附近吃一頓西餐意想不到，原來朗屏西鐵站附近有這間水準挺高的，叫了烤羊架和蟹膏意大利飯❤️😍😍😍🌈羊架惹味，意大利飯色香味俱全，很稱心🌷當然還有我大愛的酥皮湯