夏捌月 (Closed)

我係每1至2星期都會黎食下野既客，以前真係又平又好好食。但自從換餐牌之後，野食既質素就愈來愈差。白湯同以前唔同左，之前係白湯會食到瓜粒阿菇阿既湯料，依加只係少少煙肉碎，湯既味道都差左。叫左份牛排，5成熟。睇落都好大份。唯一我會讚係佢依加多左個黑松露薯蓉，唔錯。但食食下發現肉愈切愈紅，係咪我唔識野，依個（下圖）我覺得睇落唔似5成熟。只係當時已經食剩1/3，份牛排一邊真係5成熟，一邊又整到咁，心諗算啦，試下當3成牛排食。最後我無食曬成份餐，因為有部份肉真係生到我真係唔敢放入口。總之，愈來愈失望啦。

曾經⋯⋯夏捌月係我幾喜歡既一間餐廳...曾經⋯⋯佢啲扒好好食，個慢煮豬鞍係我favourite. 不過，自從佢越來越多人識，又開左分店之後，質素每況越下，越做越差😟差到我唔想再去！餐湯，紅湯還可以，個白湯好多粉，啲粉未攪勻一pat pat係個湯入面！粟米少得可憐！個牛扒分量來講係大嘅，但係舊肉冇牛味，而且好多筋！咬擦子膠一樣！以前嘅樽仔奶茶/咖啡冇咗，變咗做咁既樣，冇晒特色！個焗豬扒長通粉，豬扒都係好大塊既，味道一般，最難受係上面嘅豬扒同下面嘅長通粉，兩件事係完全分開嘅！得豬扒表面有焗過嘅痕跡，但下面啲長通粉白灼咁！一啲汁都無㗎！又無味！叫人點食？我真係完全接受唔到，好失望！！佢而家除咗份量大之外，一無是處！我本來好鍾意呢間餐廳，希望老闆見到我呢個食評可以改善下！😣😣

提前食母親節飯，近屋企就上網搵左呢間餐廳，見到都好似幾好評價星期五中午先打去預約，好在當晚依然有位，我地一行5人就約去餐廳等啦雖然餐廳好近朗屏站，但好少去個頭有啲難搵，加上佢咁岩係條柱後面所以行多幾次先見到我爸爸就因為覺得個門面太似日本野多過西餐所以差啲過左龍夏捌月呢個名好特別 唔知英文名係咪Summer August 呢睇反張相原來寫左我地5個人叫左個4人餐加一兩個小食飽到嘔啦已經芝士青口係另外叫既小食，好一般反而個紫薯伴碟幾好味餐前菜 啲雞翼好好味 中間啲芝士腸都有用紫薯伴架Salad ok 無特別感覺好好味既豬手 上黎既時候已經幫我地切好一舊舊 唔洗我地切到手軟啲肉軟un程度岩岩好，個皮好脆 唔會覺得肥膩 好推介呢個！牛扒我地要7成熟 都幾有牛味 唔錯可以一試呢個意粉似金寶蘑菇湯撈 所以味道係唔錯既 我地就全家都唔係好欣賞呢個意大利飯總結豬手真係好正必食價錢好相宜，一餐好唔錯既西餐小店5個人都係千幾蚊可以再反黎食

Happy Friday~~終於捱到今日啦~~臨飛前同朋友又黎到夏捌月刷返餐😊😊🍖牛魔Ver2.0(西冷牛扒+鑊仔牛柳+霜降牛粒)$168先講霜降牛粒，有小小硬，and同枝竹簽合左體，食嘅時後要好小心，鑊仔牛柳就十分嫩滑，但每人大約得2啖有d唔夠喉，西冷order五成熟，煎得幾好夠晒粉嫩。墊底嘅配菜都做得幾好，薯角十分大件，size基本上就係原個薯仔切件，炸得幾香脆，薯蓉用上紫薯打成，口感幾有新意。🍝蟹肉蟹膏意粉$98+$20轉套餐黎到夏捌月點可以唔點呢道招牌菜😉，每啖意粉都食到香濃creamy蟹肉蟹膏，每次食都係咁滋味😋😋另外朋友仔好鍾意呢度嘅羅宋湯，貪佢有小小辣度夠晒開胃(雖然賣相hea左小小），而呢度嘅樽仔奶茶都幾香滑，可以一戰，另需加一，人均$150左右，夠晒經濟。

之前已經有試過係夏捌月食過，水準幾好。幾年之後又去睇下佢質素點先，一樣都係晚餐黎，又係兩個人。見到佢啲set dinner 好似幾抵咁，一百蚊左右就有齊餐湯同熱飲。本身想叫牛魔 ver. 2.0，可惜已經賣哂，首先叫咗個鵝肝茄蓉芝士肉醬燴飯。朋友想試下呢到既扒餐，既然冇set dinner 就直接試下慢烤帶骨肉眼牛扒配牛骨髓汁。餐湯好快送上，紅湯唔錯幾正宗，入面足料有唔少牛肉，味道唔會太嗆辣。個扒好夠份量，大塊得黎夠厚，當然肉質好緊要啦，佢唔會好似其他扒房會落好多鬆肉粉，肉味濃而唔柴。平時叫開五成熟，今次個五成熟做得幾精準，唔會太rare 或者太熟。值得一讚既係佢個薯菜做得好出色，粗薯角既shape 一咬落去啖啖薯仔。燴飯唔會煮到好似意大利飯個種硬度，比較偏近香港人既口味。茄蓉煮到個飯好入味，茄蓉味酸酸地，平時食燴飯會好易飽，呢個唔會太膩。鵝肝稍微煎香上碟，加哂分。

走進朗屏邨 發現一家外觀挻吸引的店原來是一家西式餐廳 所以決定一試入到去的環境挻好的 裡面已有一半爆場幸好不用等位 隨後看見很多人訂了位入座·煎自家煙燻三文魚扒伴日本元貝 HKD$258醬汁是果醋汁 可以為三文魚扒提升鮮味底下的竟然是紫薯蓉😍味道帶少少甜挻滑身 比普通的香一點🤭·慢烤帶骨肉眼牛扒 HKD$158很大塊牛扒耶 牛扒選了七成熟度不會煎到太韌剛剛好🤭醬汁是分開上 不會破壞肉質本身的味道·跟餐 HKD$20加錢可以轉為套餐 有湯及飲品-忌廉湯 -熱檸檬水-熱Nestle朱古力這樣就變了一個完整的西餐了🤤🤤

今日在朗屏西鐵站🚊下車，行經天橋底時，讓我發現🔎有間西餐廳🍽，於是停下腳步👣在（夏捌月）門外看👀其裝修，感覺不錯，暗暗的燈光💡配合石牆設計十分型格，環境亦算乾淨，雖然坐位略顯逼夾，但勝在午餐🥣選擇多，價格抵食。大雞扒🐔大件肉厚及一條德國腸，份量整體份量多配有粗大的薯條🍠，非常飽肚。另外有蟹膏雞肉燴飯🍛，用鹹蛋烹調，飯面上放有鹹魚仔🐟，味道鹹鹹香香。樽仔Nescafe金咖啡跟餐飲品，味香滑👍。 總括這餐$143可算抵食，夠包。

呢間小店喺朗屏西鐵站既天橋下面，之前食過覺得質素幾好，所以今次再同朋友黎食～我地叫左2個餐，有餐湯、主菜同飲品。餐湯我地要左酥皮蘑菇湯，好濃既蘑菇味加埋熱脆既酥皮好正～主菜分別要左帶子黑松露意粉同肉眼扒，意粉彈牙、醤亦都好濃既黑松露味，鐘意黑松露既話一定要試呢個～ 個扒都好juicy，特別欣賞佢地連配菜都整得好有心，薯角外脆內軟、亦有少見既紫薯容，好味！今次既水準依舊keep到，呢間絕對係我會繼續幫襯既小店～

平日最愛光顧小店的我今日又出動覓食，因為總覺得小店會比較有❤️思、用心煮理每一道菜，可喜的是今天的晚餐沒有令我失望。因為晚市一開，我就坐低，所以成個場都無人，但一到六點九，已陸陸續續有人入黎，坐滿成個場。我叫左兩個餐：一個係慢烤帶骨肉眼牛（七成熟)，牛扒有厚度，超大塊，而且很鮮嫩。配菜很特別，有薯條之外，仲有紫薯蓉，yummy!!!!另一個是黑松露大蘑菇虎蝦意大利飯，濃濃的芝士味，蝦肉彈牙。+$18轉左個酥皮湯，裏面除左有粟米，仲有魚肉添！👍👍👍+$9要杯洛神柚子蜜（熱飲），係冬日限定飲品，幾好飲，天氣涼涼地，正適合！今餐飯絕對物超所值！味道一流！另外值得一讚的是侍應都服務周到，同客人好似朋友咁傾計同照顧，呢d人情味可能只有在小店先可以見到😊😊

同老婆去完東歐渡蜜月，老婆對東歐菜無乜興趣，翻到泥話要据扒，咁就即刻睇下屋企附近有咩西餐。原來屋企附近有間食扒既餐廳，一路都未試過，就即管試下啦。先講地理，原來佢既位置係我每日都會經過，但因為佢鋪頭門口有條天橋墩，所以無咁容易見到。但其實佢好佢朗屏西鐵站，B2出口一出轉右，行兩分鐘一落橋就係，十分方便。再講鋪面同環境，深色既色調配以石牆，有種型格既感覺，又有啲似日式西餐廳既feel。入面雖然唔大，目測坐到20至25人左右，但牆上掛滿左Marvel同DC英雄既掛畫，仲有好多figure仔，好似主題餐廳咁，如果係英雄迷，一定好中意（我係Marvel迷）！然後入主題啦，講下食物！佢份餐扒都算多選擇，有10款扒餐比你揀，本來想試下個慢烤斧頭扒，可惜佢係要提前預訂。所以我同老婆就分別揀左相對抵食既『慢烤肉眼扒』同『慢烤菲力牛扒』，跟餐仲有湯同餐飲添（+$18可轉酥皮湯）。等左唔洗10分鐘，塊扒就上枱喇。先講份量，佢真係夠哂大份，一個人食係會好夠飽。味道方面，佢真係相當唔錯，配黑椒汁同芥末醬食就最fit。口感方面，啲牛相當既『臨』。開頭我仲諗，點解佢唔用『利』啲既据扒刀，而用普通餐刀呢？但當我一切

呢間店又係在元朗,住元朗真係十分多美食,以前去過,今次拍拖再去據下扒叫左兩個餐share，兩個都係牛牛魔王出動先黎個酥皮海鮮湯,酥皮鬆化,個湯好creamy ,好滑帶着鮮味,飲完真係好想再散叫多個呢個牛不得了,好滑,切開充滿肉汁再黎肉眼,大大塊,除左肉汁,重煎得好香口,對牛怪黎講,確實吸引舖頭不算大,食飯途中見到門口有不少人排隊,證眀食物質素有保證,除左主菜也必需讚—讚個配菜,薯角炸得十分好味,外脆再配上紫薯蓉

啲嘢根本就唔好食，又貴。两個人食晚餐食咗5舊水。又無服務又要加一。朋友單點了一份肉眼，走汁，改用芥辣，塊扒完全無味。又唔熱，好似放咗喺度好耐咁。啲芥辣又整色整水，唔知撈咗啲乜嘢入去，鹹鹹地有啲怪。啲伴碟祇有薯條可以見得人。另外有一堆紫色嘅，唔知係乜嘢嘅薯蓉。味道有啲古怪。我自己點咗個set。嗰啲牛腩夠腍。佢地寫呢味係牛肋肉，但係我唔明點解要酥皮囉。又唔係湯。用啲酥皮笠住個牛腩究竟想點？Fusion? 旁邊的意粉真係好難食。又唔硬又唔軟。好似煮熟咗加咗啲麵粉漿一樣。快餐店啲意粉仲好食過佢。失望失望。朋友嘅周打魚湯同埋我嘅忌廉湯都係沒有驚喜。飲咗一啖。心諗，咁都得?我個set加18蚊有杯熱飲。 上到嚟原來係用茶包。老實講，我唔係好識得欣賞。朋友叫咗個樽裝凍奶茶，佢話味道可以。我覺得廚房功夫未夠。性價比極低。要努力改善。

夏捌月在朗屏站附近，位置很好，近西鐵站由於是一間小店，座位很近和有點逼夾感，傾談時鄰座的客人都會聽到的，相信無人想聽的，無奈😒我叫了上次吃過的日式茄子🍆牛柳粒炒飯($56)，好味，牛柳粒肉嫩，除有茄子粒外，還有翠玉瓜粒😍，洋蔥粒等，炒得不錯，不油膩，推介凍飲要凍檸茶，不錯，不太甜，又有清新的茶香味，喜歡😍這個餐包括餐湯🥣和熱飲☕️(凍飲加$3🍹)，結帳$59，有這樣高質的食品，實在性價比高

今天和友人經過夏捌月，門口裝潢與別不同。店內以英雄人物為主題裝飾，別有一番風味。 首先是忌廉酥皮湯，黃色的酥皮和忌廉湯一向是絕配，忌廉湯更令人驚喜，湯內有一粒粒的魚肉和粟米配上香滑的湯頭，口感豐富。我點了法式單骨羊扒配薄荷啫喱芥末子醬套餐，一般的餐廳多數會以薯蓉作伴碟，但夏捌月用了紫薯蓉和蓉角作碟，驚喜十足。肉厚多汁的羊扒和薄荷啫喱及芥末子醬實在是絕配，令人讚不絕口。朋友點了慢烤帶骨肉眼牛扒配牛骨髓汁選了5成熟，肉汁很多，鹹淡適中，扒邊脂肪不少，但燒得仍算甘香，喜歡脂肪連肉一拼吃掉的朋友更是不能錯過。配菜的紫薯蓉同樣是一大賣點，特別又美味。樽裝港式奶茶同樣出色，有茶香亦有奶香，樽身十分可愛，是西餐廳中少有的誠意之作。養顔玫瑰花果茶起初是透明無色的，後來竟慢慢變成了紅色，漸變色的畫面十分之治癒。茶包中有一粒一粒的玫瑰花使它香氣撲鼻。

今日同朋友一齊行街，揀左呢間食lunch呢間餐廳面積不太大，坐位編排比較逼，高大威猛、健碩D嘅男士會坐得冇咁舒適menu 有好多選擇，主菜+湯+蒜蓉包+飲品，$49起餐湯夠熱，材料豐富，有粟米、火腿、洋蔥，湯好濃香煎龍脷柳飯配洋蔥汁，賣相好得，魚塊好腍，有配菜，份量細D，女士就夠食，如果洋蔥汁多D會更好，食飯個陣dry左D黑椒牛柳炒意粉，賣相同樣good，牛柳亦有好多，不過咸左少少餐飲配凍0茶同熱奶茶，埋單$110