夏雪 (Closed)

今日同男朋友紀念日食完晚餐之後仲有啲肚餓男朋友就帶咗我去食一間高級嘅甜品鋪呢度冇平時嘅楊枝甘露 而係主要食日式甜品睇Menu樣樣都覺得好食呀 係好難抉擇之下我哋揀咗三個甜品第一個就係紫薯心太軟之前有冇食過紫薯嘅心太軟只係食個朱古力嘅心太軟冇諗過係咁滿足 因為入面全部都係紫薯嚟㗎而且仲有個紫薯窩夫 同埋日本紫心番薯同豆腐雪糕男朋友就叫左皇家伯爵窩夫個窩夫好脆 而且伯爵茶雪糕好夠味仲要有個燒菠蘿 真係冇諗過係咁夾最後仲叫咗個抹茶特盛有豆沙鍋餅，抹茶雪糕同埋抺茶心太軟抹茶味超濃 一個甜品set滿足晒好多個願望

食完晚飯，邪惡的心又蠢蠢欲動，兩口子行到入嚟堅尼地城醫第二個胃。有時weekend夜晚會見到呢度要排隊等入座，今日weekday就唔洗等，不過裡面都差不多坐滿，可見呢度真係幾受歡迎。除咗入座時派俾你嘅餐牌，黑色嘅牆亦係menu，圖文並茂，營造出食甜品嘅開心感覺。窩夫係鎮店之寶，外脆內軟係基本，多種口味供選擇。我哋今次揀咗皇家伯爵窩夫同香蕉朱古力窩夫（本來想叫有埋心太軟嘅魔鬼窩夫，但堅邪惡我怕食唔晒呀）。皇家伯爵窩夫配有自家製伯爵茶糖漿，奶茶味雪糕同埋燒菠蘿，成件事加埋可以用清香可口來形容。相對之下，香蕉朱古力窩夫就係香滑濃郁。今日嘅seasonal tea係Tower of London，店主話係black tea加啲spices同蜜糖，淡淡茶香最啱解解食完甜品嘅飽滯感。貼心地加個沙漏，三分鐘後飲得。其實再等耐些少茶味更出。邪惡獲勝，又要做運動補救下喇

經過聞到好香，原來係窩夫既香味，之前見過依間好多人排隊食，趁時間早唔洗等我地決定試下！最低消費係人均$60，其實每人一樣都差唔多架啦，我地第一次食好多都想試-v-最後叫左紫薯窩夫、魔鬼窩夫、抹茶特盛✨紫薯窩夫$88 先到，個窩夫明顯係即叫即製，黎到仲熱辣辣，外脆內軟，入面真係有夾住紫薯，仲有2粒紫薯bb！雪糕係好香既豆腐味，同紫薯好夾！✨魔鬼窩夫$108，有朱古力窩夫、朱古力心太軟、朱古力雪糕，朱古力控好滿足！✨抹茶特盛$108，依個好豐富呀有綠茶心太軟、綠茶雪糕、pancake、蕨餅、啫喱、白玉、紅豆蓉，心太軟入面既綠茶漿好流心，啖啖都充滿抹茶味，好濃郁！仲有杯綠茶飲

※本文以用餐當日的環境、服務和食物質素為準，口味亦因人而異，文章只作參考之用。-位於西環的「夏雪」最出名必定係日賣過百份既「紫薯窩夫」，雖然後黎在大圍開設了第二間分店，但礙於地點都較偏遠關係，未有的起心肝到訪！近來終於有機會去西環，順道可以去試下了！晚上六點多去到，直接食甜品做晚餐吧！店子環境以木系為主調，有數張四人枱和一張十人枱，多人黎食甜品都無問題！最特別一定係四人枱後方牆壁上的一大片白板，直情係英文版的餐牌，望落色彩繽紛，非常揚眼。餐牌上最人氣除左紫薯窩夫外，抹茶·特盛都係較多人叫的；餐牌上剩係窩夫都有約七種口味，包括新出的竹炭黑芝麻、招牌紫薯、伯爵茶、朱古力、香蕉朱古力、雜莓和綠茶；另外仲有心太軟和甜品拼盤等。(餐牌在文末) 另外供應仲有特飲同數款咖啡，而「Summer」便是西環店的招牌飲品！窩夫為即點即製，要比點耐性等一下；等的時候傅來陣陣窩夫的蛋香，讓本來已經肚餓的我倆更加肚餓！（笑)紫薯窩夫心太軟 $98喜愛紫薯的一定要叫呢個組合，一次過可以食到招牌紫薯窩夫同心太軟！一切開心太軟既流心程度不錯，切開後的心太軟外層仍然堅挺，蛋糕層口感也頗鬆軟。欣賞流心有著天然不造作的紫薯味

夏雪這名稱讀來很熱情而帶有冷傲的感覺。正正反映出店主的心思，甜品能令人熱情開朗;雪糕亦有它又爱又恨的感覺。愛者是雪糕又香又滑，令人有滿足而幸福感;但恨者是難以接近。對於某些有喉嚨敏感的人或不能吃高糖份食物來講，只得睇不能吃。唉！今次家人皇恩大赦 提議去食甜品，我當然舉腳贊成啦!今次這間店舖是幾個年青人開的，窩夫是他們的代表作。店內裝飾得簡潔而富有時代感，完全一反舊式的甜品舖。 皇家伯爵窩夫單看個名已很有氣派，但原來甜品份量十足，擺放亦很有台型。 窩夫外脆內軟，不會太甜是我愛吃的原因。 旁邊有一球咖啡雪糕，香濃 軟滑。再配上一件外表畧燒焦的菠蘿令整個甜品格調貴族化了。綠茶窩夫熱辣辣香噴噴的窩夫滲出淡淡的綠茶味，伴以香滑的忌廉;一冷一熱令層次提升不少。再加埋一球綠茶雪糕，味道當然濃烈很多;亦可夾上紅豆一齊吃，又是另一番滋味。

由以前中學已經有係呢到食佢嘅窩夫，以前岩岩開業冇咁多野揀，主打幾種窩夫，但係真係好食，都好足料，細食啲可以一個窩夫當晚餐。叫左一個紫薯窩夫、另兩個阿芙佳朵，一個係咖啡一個係朱古力。紫薯窩夫保持好味水準，窩夫入面夾住紫薯，食到有啲流就食下個唔哈密瓜清新一下，配埋雪糕真係一絕。阿芙佳朵係之前未試過嘅，食法係將熱嘅咖啡倒入雪糕入面一路食一路飲，咖啡味好香濃有少少苦甘味，再配雲尼拿雪糕一苦一甜好特別，味道層次好豐富，另外朱古力味就係朱古力醬倒落有cream有棉花糖同雪糕到，全個朱古力嘅感覺都好豐富，不過就有小小流啦，如果唔太好朱古力嘅朋友應該就麻麻啦。

平時真係好少機會去西環,難得新界gei朋友話要朝聖,我地就約埋去呢間CP值超高gei甜品店入到去已經覺得去好有格調,雖然係平日下午,但都超多人,你話放假點排?牆上有用手畫gei菜單,黑板gei設計好特別見到窩夫有伯爵茶同紫薯我真係選擇困難症,2款都係我最愛!點算?最後我都係選擇紫薯XDD由於佢即時製作,所以都要等一段時間.到佢上台一刻我真係呆左.咁豐富!!!而且真係好靚!!特別係呢個雪糕球,真係太得意!!!紫薯窩夫真係有2粒紫薯呢個gimmick唔錯有水果配搭健康之餘都令口感無咁乾窩夫都幾厚下,所以細細份其實好夠食,每個部分都有紫薯成分,所以可以完全感受到紫薯響口腔爆發!我懷疑呢日我自己應該傻左,因為飲品我都叫埋紫薯,點了紫薯牛奶XDDD上面有好多紫薯粉.其實我覺得唔加都得,因為杯飲品紫薯味超濃郁,仲有粒粒紫薯蓉,作為紫薯控gei我表示非常滿足!朋友就叫左綠茶affogato,呢個玩法我都係第一次體驗,雪糕淋上綠茶醬,一邊保留牛奶味另一邊有微澀gei綠茶互相平衡,整體唔會太甜,雪糕都好滑令我有驚喜gei係D白玉真係超大粒,佢一粒已經完勝其他甜品店!

嚟間甜品店幾年前我已留意到，紫薯窩夫還未好潮興時候，佢己是先頭部隊, 西環區的街坊無人不知。踏入店內己香氣飄來，窩夫的味道喔！今晚終於有機會試一下了。紫薯已不是時令蔬菜，我反而想試一下咖啡窩夫，識我的朋友都知我鐘情咖啡，所有跟咖啡有關的副產品我不會放過。外脆內軟，每啖充滿著咖啡香，口感一流。有一小壷蜜糖伴吃，我個人認為不需加入，味道已夠，可食到原來味道又不會太甜。雪糕都係咖啡味，濃厚的，勁好味！另點一杯cappuccino, 甘香醇厚，奶泡滑溜，質量不錯，讚！

香港天氣炎熱時間長，想起如果行街行到大汗淋漓，突然下雪會多涼快，天氣唔會反常，但吃杯雪隨時到得，呢間叫夏雪的甜品店最拿手是窩夫。芝士火腿牛角包餐見到有個好扺食的牛角包餐 $42包咖啡，暖下個胃先。揀了芝士火腿味唔會錯，芝士半溶火腿香，牛角麵包既酥脆又軟仲有些暖，新鮮好食。咖啡都有圖表好似好專，可揀 mocha 咁著數，朱古力味濃，唔太甜，剛好蓋過咖啡之甘味，拉花靚。皇家伯爵窩夫今天我食十大人氣之一份皇家伯爵窩夫，採用英國皇室御用既伯爵茶炮製，香濃奶茶味，配新鮮菠蘿及少少忌廉已經夠味，唔加糖漿已經夠甜美。香蕉朱古力雪糕同伴要咗杯招牌香蕉朱古力雪糕，真魔鬼，點忍得住口，裡面有香蕉、朱古力餅，朱古力餅口感煙韌，今天quota 用清。

又到了Happy Friday，放工後相約友人去了堅尼地城一間甜品小店。這間店舖叫做「夏雪」，顧名思義夏天也會落雪，相當地有意境。入到這間店舖，雖然地方雖小，但是店舖內燈光很柔和，坐落去環境很舒服，我的座位是面向大大塊黑板，黑板上寫上了每一種甜品、雪糕及飲品種類的食物，而且畫上去的食物又畫得栩栩如生，讓人即時也聯想到食物的模樣。首先，我們叫了一份抹茶·特盛（$108）、皇家伯爵茶窩夫（$90）及一杯竹炭黑芝麻牛奶（$45）。大約等了10分鐘，食物很快便上枱了，食物製作時間都很快，睇到這些甜品真的令人流晒口水，而且每樣食物都跟餐牌上的相片一樣，果然沒有偷工減料。店員話竹炭黑芝麻牛奶是冬天的期間限定，所以專登叫杯試試，這杯聞上去有香香的芝麻味，有很靚的心型拉花，攪拌後，飲落去有粒粒的芝麻香及啖啖淡淡的牛奶味，味道很不錯，感覺好似冬日加上一絲絲的暖意。最後，食返塊曲奇清清芝麻味道。抺茶·特盛全是以綠茶為主的甜品，包括綠茶雪糕，自家製的綠茶心太軟、綠茶蕨餅、綠茶小丸子、紅豆、銅鑼燒、黑糖糖漿及有一杯玄米茶，簡直是多重滋味綠茶味道。特別大讚的是綠茶心太軟，吉開了暖暖的外脆的心太軟蛋糕皮後，就是澎

紫薯窩夫呢度既甜品都有有心機去整我叫呢個紫薯窩夫唔係淨係得紫薯窩夫咁簡單 除左窩夫, 佢仲有埋蜜瓜, 心太軟, 雪糕球同薯仔串真係好豐富 先講個窩夫, 個餡係滿滿既紫薯份量唔算多, 但係入面既紫薯真係又香又多!! 紫薯心太軟一切落去就見到入面既朱古力流哂出黎咁係一個又食得又睇得既心太軟入面仲係好熱辣辣唔會已經變成左硬既朱古力好香甜既紫薯味!! 估唔到最令我surprise的會係個蜜瓜真係超香甜, 如果唔係佢咁樣上碟既話我仲以為係罐頭蜜瓜黎!!店家仲好細心咁已經切好哂完全岩哂d女士食 呢個餐既份量都好大可以同朋友一齊share食多幾款唔同既甜品tim

間店係超夢幻既裝潢係香港真係好少見通常見到個d都係港式風味重既呢間就好有英倫的感覺 皇家伯爵窩夫用茶黎做主味道既皇家伯爵窩夫好特別, 食落去真係會食到好濃濃既皇家伯爵茶味道佢再附有一小瓶既蜜糖可以加我就加左一半, 因為怕太甜茶味再加上蜜糖既香味真係一絕!! 窩夫係比較firm既質地好有咬口, 而且佢係好香既麵包味道 因為係開放式廚房既關係所以見到師傅係即叫即整的一出黎熱辣辣!! 另外佢送有一球雪糕再加菠蘿!!個菠蘿係超香甜, 仲要係已經預先切好成粒一叉就食得成個餐其實係勁抵食!! 白桃乳酸超好味乳酸, 濃濃的乳酸味道加上個造型真係加哂分!!

同好姊妹好耐冇見，約出嚟一聚傾下計，順便互相交換下旅行手信。女孩子就當然最愛食甜品，好姊妹提議去食夏雪，我當然非常贊成啦！我地冇食晏，直接嚟食tea，兩個都好肚餓。而且好姊妹第一次嚟，樣樣都想食，結果叫到成枱都係甜品。Mocha: 濃濃嘅朱古力咖啡味，拉風幾靚，仲送左一塊腰果曲奇配嚟飲。Royal Earl grey waffle: 窩夫係夏雪最出名嘅甜品，係必叫嘅！一嚟到那陣伯爵茶味撲鼻而嚟，不愧為皇牌，窩夫係我食過最好食嫁！ 窩夫食落有淡淡嘅伯爵茶味，外脆內軟，配有自家製嘅伯爵茶雪糕同伯爵茶糖漿，簡直一絕呀！另外仲有焦糖燒菠蘿，香甜多汁，酸酸甜甜可以解膩。寒。夏:係一碟有3款野試嘅，分別係檸檬酒，柚子雪芭同燒菠蘿。雪芭清甜，一點都唔膩。抹茶。特盛:呢一個完全滿足到我位抹茶控嘅姊妹。賣相充滿和風特式，中間係自家製嘅抹茶心太軟同抺茶雪糕，外面圍住嘅係迷利班戟，抺茶啫喱，紅豆蓉，白丸子同綠丸子，抹茶蕨餅，非常豐富！心太軟切開之後，抺茶漿緩緩流出，啖啖都係充滿濃郁嘅抹茶味，好姊妹不停大叫好幸福呀！班戟本身唔係好甜，所以食個陣淋上自加製嘅黑糖漿，再加埋抹茶雪糕同紅豆蓉，甘就岩岩好呀！蕨餅，小

團年飯後，當然唔少得食飲品啦.未試過咁多人，而且一家大細去食甜品。呢間野最多就係waffle，ice-cream配waffle。而且有好多種味的Ice-cream，waffle裡面還可以選擇味道！款式好多，好難選擇，樣樣都好想食，但甜品唔食得多，我地叫左7樣嘢一家人食！好正啊！好滿足！特別佢個心太軟waffle我最愛，還有個抹茶味的，忘記叫咩名、都好正，因為本人最愛食抹茶，佢有點苦，所以我更愛！地方比較小，我們都等了15分鐘！但味道真的不錯，店長服務態度都好好。

三年前，得知西環開了一間甜品店<夏雪>！早前，更聽見食友們嚐過紫薯系列甜品及飲品，大讚不絕！在12月中，天氣漸漸轉冷，總不想飲凍飲及飲番杯暖笠笠嘅熱飲！ 醒起一間以前有好姊妹推介的咖啡店 <夏雪>！小店位於堅尼地城站附近，由 B 出口沿石山街，轉入士美菲路，向左行找厚和街便找到！這裡不算大，勝在空間感充裕！主打窩夫及特色飲品，而且口味多元化！ 聽她們推介這裡的人氣紫薯牛奶，其他紫薯美食及抹茶系列窩夫及特飲！令我也蠢蠢欲動想試呢！起初，我打算點紫薯牛奶及抹茶窩夫；怎料！店子新推出咖啡窩夫！恐怕是期間限定口味，真是不容錯過！熱紫薯牛奶 $36入口順喉香滑，滲出紫薯香甜味，剛剛夠甜！冬天飲，特別感覺溫暖又暖胃！令人一試愛上！配上一塊香脆可口的果仁曲奇！咖啡窩夫 $88賣相富有層次感， 以50%埃塞俄比亞及50%危地馬拉精品咖啡豆製作窩夫，食出啖啖濃郁咖啡甘香及甘味！其甘味可甜膩，一點也不覺得膩！窩夫質感綿密厚身，外脆內軟， 配上100% Arabica 咖啡雪糕，淋上甜美的威士忌糖漿，輕滲酒味，絕妙的配搭！咖啡迷必定會喜歡！