罧懿一蘿 (匯景廣場) (Closed)

匯景新開咗間外賣日式小店，主要賣日式丼飯、烏冬、小食，都有好多選擇，老闆見我花多眼亂就介紹我食蕃茄濃湯豚肉烏冬。個蕃茄湯係老闆自家調製，賣相相當吸引，先喝一啖湯，蕃茄味超濃郁，並非味精湯，湯底入面仲有粒粒薯仔、蕃茄碎同椰菜。日式烏冬煙煙韌韌，食一口掛滿蕃茄湯味。豚肉屬半肥瘦，唔鞋口。一碗烏冬只需$62跟紙包飲品或麵豉湯，材料豐富，依家佢地新張期內仲做緊全單九折，好超值。整體黎講，以外賣小店可以做到餐廳既級數確係有意外驚喜，老闆亦好見談可親，期待下次再試佢其他既食物😋

見到樓下開咗呢間新嘅日式小店，試業期間有九折優惠，所以lunchtime就買咗一個烏冬嚟試吓！.蕃茄濃湯豚肉烏冬🍅🐷🍜 (Original Price $62)烏冬係幼身嘅，似係稻庭烏冬，熟度剛好，食落彈牙，唔會有麵粉一粒粒嘅質感。😋蕃茄濃湯都幾足料，有椰菜、洋蔥、薯仔粒、蕃茄等等，豚肉片唔算太薄，肉質正常，湯底飲落酸酸甜甜。🍅🥬🥔.個人覺得湯底嘅蕃茄味可以濃啲，質感可以杰少少，同埋飲完會有少少口渴，唔知係咪落咗味精。.值得一提嘅係小店嘅店員服務態度好好，感覺好親切，呢個加分！😊見到佢仲有唔同嘅日式丼飯，等我遲啲有機會再試埋佢先！🍱

前牌買過蕃茄牛肉烏冬🤤第一次食就覺得好有驚喜☺️即叫即整攞到返屋企仲係熱辣辣番茄湯濃而不酸👍🏻仲要有勁多雜菜薯仔✨勁似羅宋湯咁足料牛肉有好多塊😛烏冬又會特登幫分湯唔會變咗一嚿嚿👍🏻最後連湯都飲晒👍🏻👍🏻👍🏻食完個胃暖笠笠😊對佢個番茄湯印象好好 再試蕃茄雞肉烏冬🤤果然冇令我失望🥰小店仲係試業期間仲俾咗個九折我🥲✨ $54抵到爛好用心嘅小店 好開心喺藍田見到 俾心機呀💪🏻💪🏻