辛之作手工糖水

Open Now

Now Closed

得知網上人氣甜品店開左實體舖，當然要趁休息專程去試一試啦～ 果然係一試難忘♥️一入去迎面已經撲來一陣炒栗子🌰既香氣，入面木系裝修，簡潔乾淨明亮。今次試左王牌腰果露，超濃郁超香nuts味，再加上有碎腰果，令口感更豐富！佢個粒粒腰果係on side 自己加上去，所以唔喜歡太多口感都可以唔加🐿除此之外仲試左另一款季節限定，無花果秋梨桃膠雪燕露，非常清新滋潤，啱曬秋冬季節呀🍁

之前食開佳記，呢間新開大概兩個月，之前食過一次之後，不斷幫襯。總結一下，我之前食過幾款甜品：腐竹薏米糖水：腐竹煲到溶晒，唔係一塊塊，非常香滑。但個人口味覺得稍為甜咗少少。腰果露：另一招牌作，好少聽過其他糖水舖有呢款，非常結的糊狀，好香好味。杏仁露：食得出好多磨杏仁口感，非常足料，相對其他糖水，呢隻最少甜，健康人士之選。流心芒果布甸：布甸中間留一層流心芒果汁，幾特別，但坦白講味道分別不大，算係幾好食，不算太驚喜。綠茶奶凍：聲稱係日本綠茶製作，味道偏甘苦，我識得出好濃綠茶味，可能綠茶味太重我覺得麻麻哋。結論：呢間同佳記水準基本相同。糖水我只會幫襯呢兩間。

喺仲未開實體店嘅時候已經喺網上有訂過佢嘅糖水，冇諗到宜家開埋實體店，之後想食就更加方便啊😆佢嘅王牌係腰果露，但由於今日食得太飽，所以就試吓其他新野😆椰汁塗膠雪燕露有好香椰奶味，桃膠同埋雪燕都好多好大粒。龍眼桃膠有好濃厚嘅龍眼甜味，凍食嘅話會更加好食😋最意想不到嘅係黑白雙拼，芝麻糊拼牛奶凍，芝麻糊冇苦味，牛乳奶凍又夠滑，味道一流！舖頭嘅裝修都係偏向小清新風格，好乾淨，坐位闊落，最啱食完飯過嚟同朋友一齊食糖水傾吓計😆

朋友介紹有間好似診所既糖水舖，幾得意幾好食，所以帶我去試下入到黎地方細細，有d診所feel，又有d似日本，有自助加水處，好細心櫃檯同舖面店員都好友善同有禮，會同客人傾計，同隔離枱詳談好多話題，好似老街城咁，好有人情味白果薏米腐竹糖水夠棉滑，唔會太甜，足料白果薏米，好食黑芝麻糊墩鮮奶(黑白配)有凍同熱揀，熱要等幾分鐘，面頭黑芝麻糊夠香濃幼滑，亦唔會太甜，配上奶味香濃既燉奶都幾夾餐牌同牆身上都有好多選擇，期待下次試其他甜品

今晚明明會到好飽，都被店員推介到入去一試，叫做一個美國無花果秋梨桃膠雪燕露，好好味，另一個冰糖燉木瓜雪燕桃膠露，都好味，原本都打算再幫襯，點知見到另一台嘅食客帶咗隻狗入去，佢食完之後又俾佢隻狗喺度lam個碗，見到都覺得好嘔心，$48一碗都幾貴

位置有點遠，但價錢公道，用料均真，用心製作嘅美味小店我叫咗無花果秋梨桃膠雪燕($48)，同行朋友叫咗栗子蓉椰汁西米露($40)。(本身想食抹茶奶凍紅豆麻糬，不過好少甜品店有無花果糖水，所以都係試咗無花果。)無花果同雪梨勁夾，糖水甜，不過唔係死甜，可能就係無花果中和咗，食完覺得幾潤。桃膠處理得相當乾淨，煲到好軟身，口感好似食愛玉咁滑。雪燕份量都相當多，夾埋其他材料，基本上啖啖都有料。十分滿意！老板(？)招呼好好，一開始坐低見我哋揀咗好耐，主動介紹餐牌上的選擇，食客離座後又即刻清潔，感覺好乾淨值得一試再試

今日試咗佢哋幾款甜品，綠茶紅豆奶凍，中！勁濃綠茶味，紅豆ok, 但夾雜細細粒嘅麻薯，煙韌又香滑，幾正。份量一般大，唔係大杯，但材料高質，唔係靠甜味糖份去做甜品，咁先至叫做真材實料，睇得出師傅做甜品好有心，加油！

最近成日想食甜野，可能係用腦過度🤔某一晚收工膽粗粗試新開嘅糖水店！係途中見到比卡超的士👀滋陰補腎腰果露配腰果粒粒$42一睇就知我係養生人士要飲熱架啦😂拿！有腰果露食嘅地方唔多，而且要整得好食亦唔容易！今晚呢碗相當有驚喜！！好香好香嘅腰果味，食落口好滑！加埋啲腰果粒粒落去立刻變成更香腰果味同埋多一份口感！另外，糖水嘅甜度適中！！下次我要食黑白配！我相信自己好快會再黎😎

星期日，抱著期望去探這小店，不但甜品美味，店主更有人情味，試了杏仁露，很香，有質素，濃度佳宜，不含化學香精。妹妹吃了腰果露，一樣有水準吃得出是用心做的甜品。看見飯戲攻心，再加上小店的驚喜，滿足愉快了一天。

好味😋唔太甜🥰又足料嘅糖水，樣樣都好好好食咁，試咗日本小山園抹茶紅豆麻薯奶凍，綠茶拉動好重綠茶味，綠茶空就啱晒啦！好足料！紅豆麻薯好特別，麻薯細細粒好煙韌好好食呀😋雪燕蘆薈綠豆邊馬蹄爽好清爽啊！馬蹄爽口好新鮮，食多幾碗都唔會漏！黑白配都好好食，芝麻糊加蛋白燉3.6牛乳，芝麻糊係自己磨㗎，蛋白又滑又軟，簡直係最佳配搭，又唔太甜，可以食多幾款添！下次我一定要試埋其他好多款！真係好好食呀！已經諗定下次試邊幾款

🌰人氣糖水網店變實體店🌰-原先都唔識喱間網上專賣手工糖水既小店，係佢地最近開左實體店先機緣巧合食到😆。Menu上暫時有十五款糖水，選擇唔算多但一定都揀到岩口味既，有需要既老闆都會好細心介紹原材料、做法。法式栗子蓉椰汁西米露🌰($40)不嬲大愛所有栗子甜品，第一次見有栗子西米露，即試！食落好滑，成碗都係栗子香，而且中間夾雜埋真栗子粒，西米露份量剛好（最憎食西米露但每啖得西米好似食飯個種感覺），鍾意食栗子野既朋友必試喱個！手磨龍皇杏仁露配杏仁片($40)一般黎講我唔係特別鍾意食杏仁嘅產品，因為有啲唔靚嘅杏仁係會有浸怪味🤭。但係呢度嘅杏仁露食落去係真係好香，而且好綿密冇結塊。同埋老闆好聰明，捉到人食糊既心理，有時食到2/3會好悶，特別係糊類唔似紅綠豆沙都有野可以咬下，所以佢會另外跟杏仁片，建議係佢冇咁熱既時候加落去會keep到脆口。滋陰補腎腰果露配腰果粒粒（$42）如果你本身真係極度唔鍾意食杏仁產品，可以試吓腰果露，好細滑好香，而且腰果味好天然，甜度恰到好處，加埋啲粒粒令成碗糖水冇咁悶。新鮮龍眼冰糖燉雪燕桃膠（$48）想食清啲可以揀喱款，龍眼味好香甜唔假，食落有真龍眼肉，雪燕同埋桃膠都有增強

識食嘅食客一定要去試這間位於界限街嘅糖水店，這店嘅糖水真材實料👍每一款糖水都是店舖老闆自己好用心去做。味道一定要你哋自己去試就知道和其他糖水舖有什麼分別⋯⋯每款一定要食！芒果布甸，黑白配，腰果露，腐竹糖水等😋

之前有食過網上訂嘅糖水，已經好鍾意食。但我個人好煩，糖水始終食即興，聽到有實體店真係好開心，今日終於可以去食。呢個位置其實好方便，門囗或者附近可停車（當然有機會抄，車主就要做選擇），近彌敦道，如果坐巴士地鐵（太子站）都近，環境簡潔乾淨，味道一如以往嘅好，我哋3個人食3樣嘢，大家都非常滿意👍👍👍臨走忍唔住買多3個傳說中腐竹蛋糖水返屋企再食，老老實實，我仲未食，今次味道未知，不過應該都好有水準😁😜

由推車仔檔到網店再開實體店💪🏻⋯⋯條路一啲都唔行❣️辛の作加油，用心製作食嘅一定感受到。食咗咁多年😋試乜嘢新糖水都好😝我都一定會keep住食腰果露，炒香左嘅腰果磨粉再煲食得出堅果嘅油香🥰食之前記得要加腰果碎，幼滑嘅腰果露再加脆口嘅腰果碎口感一流👍🏻

由網購開始已係係辛老闆嘅fans每一款糖水都好足料佢未必係最平 但一定物超所值 性價比高我最鍾意流心芒果布甸 同粟子露我屋企人最鐘意腰果露寫呢個食評係想更多人認識呢個咁好食嘅糖水👏🏻I think this is the best dessert in town, location is in MK which is convenient to most of the people, you can quickly drive by and stop in front of the shop, grab and go.