Video
Read full review
2022-08-10
1117 views
🌰人氣糖水網店變實體店🌰-原先都唔識喱間網上專賣手工糖水既小店，係佢地最近開左實體店先機緣巧合食到😆。Menu上暫時有十五款糖水，選擇唔算多但一定都揀到岩口味既，有需要既老闆都會好細心介紹原材料、做法。法式栗子蓉椰汁西米露🌰($40)不嬲大愛所有栗子甜品，第一次見有栗子西米露，即試！食落好滑，成碗都係栗子香，而且中間夾雜埋真栗子粒，西米露份量剛好（最憎食西米露但每啖得西米好似食飯個種感覺），鍾意食栗子野既朋友必試喱個！手磨龍皇杏仁露配杏仁片($40)一般黎講我唔係特別鍾意食杏仁嘅產品，因為有啲唔靚嘅杏仁係會有浸怪味🤭。但係呢度嘅杏仁露食落去係真係好香，而且好綿密冇結塊。同埋老闆好聰明，捉到人食糊既心理，有時食到2/3會好悶，特別係糊類唔似紅綠豆沙都有野可以咬下，所以佢會另外跟杏仁片，建議係佢冇咁熱既時候加落去會keep到脆口。滋陰補腎腰果露配腰果粒粒（$42）如果你本身真係極度唔鍾意食杏仁產品，可以試吓腰果露，好細滑好香，而且腰果味好天然，甜度恰到好處，加埋啲粒粒令成碗糖水冇咁悶。新鮮龍眼冰糖燉雪燕桃膠（$48）想食清啲可以揀喱款，龍眼味好香甜唔假，食落有真龍眼肉，雪燕同埋桃膠都有增強
-
原先都唔識喱間網上專賣手工糖水既小店，係佢地最近開左實體店先機緣巧合食到😆。Menu上暫時有十五款糖水，選擇唔算多但一定都揀到岩口味既，有需要既老闆都會好細心介紹原材料、做法。
法式栗子蓉椰汁西米露
20 views
0 likes
0 comments
法式栗子蓉椰汁西米露🌰($40)
不嬲大愛所有栗子甜品，第一次見有栗子西米露，即試！食落好滑，成碗都係栗子香，而且中間夾雜埋真栗子粒，西米露份量剛好（最憎食西米露但每啖得西米好似食飯個種感覺），鍾意食栗子野既朋友必試喱個！
手磨龍皇杏仁露配杏仁片($40)
一般黎講我唔係特別鍾意食杏仁嘅產品，因為有啲唔靚嘅杏仁係會有浸怪味🤭。但係呢度嘅杏仁露食落去係真係好香，而且好綿密冇結塊。同埋老闆好聰明，捉到人食糊既心理，有時食到2/3會好悶，特別係糊類唔似紅綠豆沙都有野可以咬下，所以佢會另外跟杏仁片，建議係佢冇咁熱既時候加落去會keep到脆口。
滋陰補腎腰果露配腰果粒粒
25 views
0 likes
0 comments
滋陰補腎腰果露配腰果粒粒（$42）
如果你本身真係極度唔鍾意食杏仁產品，可以試吓腰果露，好細滑好香，而且腰果味好天然，甜度恰到好處，加埋啲粒粒令成碗糖水冇咁悶。
新鮮龍眼冰糖燉雪燕桃膠（$48）
想食清啲可以揀喱款，龍眼味好香甜唔假，食落有真龍眼肉，雪燕同埋桃膠都有增強口感。
日本小山園抹茶紅豆麻糬奶凍($38)
老實講呢，個容器可以改善一下，或者可以換做比較扁平既兜仔，會更加似一個奶凍😂，因為而家食落去呢佢嘅味道遠遠高於佢嘅賣相，質感其實唔算係特別動L個種，反而比較實在，但係抹茶味好濃郁，勝過好多真係專做抹茶甜品嘅舖頭🤣。
以中式糖水店黎講，係好驚喜既，而且食得出每款都用靚料，誠意推薦真係用心之作！雖然係岩岩開業，但如果保持喱個水準，米芝蓮都離你不遠既😛。
Post
