新竹源越南餐廳 (Closed)

剛才我幫襯此店前，佢哋門口寫明收wechat pay,由於消費劵今日到期，想用了佢，但佢竟然唔俾，話一定只收現金，佢話因為那些午飯時段只比接受wechat pay,佢明顯貨不對辦。那如果我手手上真係完全無現金，那如何是好？

餐廳員工服務態度極差，嗌人落單，但係完全冇人回應，嗌多次人落單，跟住員工就勁燥底勁大聲話：等陣先啦。基本上呢度個個員工都勁燥底，勁大聲鬧交。特別係個大概50歲嘅遮遮，次次經過都啤住曬。叫左個香茅豬扒飯，d豬扒勁柴，d飯又硬，仲衰過茶餐廳質素。個豬頸肉金邊粉，啲豬頸肉勁難咬，韌到傻，好似咬緊橡筋咁。咁嘅服務態度，咁嘅食物質素仲加一服務費？？？大家要做足心理準備，黎到全程要聽d員工係度鬧交。算，當個加一服務費係戲飛錢，黎睇佢地嗌交😋真係冇下次。

今晚用openrice訂外賣自取，買了兩個湯河加小食炸蝦餅，做人咁耐真係未食過咁難食嘅蝦餅，蝦餅望落去好似好靚，但一咬就即刻想吐，味道沒有問題，是質感好似唔熟，咬落去又散晒咁，真的從未試過這感覺，沒下次。

有個雨天，下午路過過家店便進去吃個午飯，但是那次經歷真是又好氣又好笑。平心而論，這家餐廳的食物不算差，價差還可以，但是服務絕對是「澳牛」級數。我一進店，見店員太少沒人招呼我，便隨便找一個卡位坐下。坐下放低所有行裝，舉手點餐時，店員才意識到我。問我是不是一位，我答是，她便告訴我一人不可以坐大卡位, 叫我換座位。 好吧，也挺合理，雖然遲了一點。我便放下菜單，拿起所有東西，去一個小一點的枱。店員又說，麻煩自己把餐牌放回餐牌架。全程用字都很有禮貌，只是感覺怪怪的，叫人調座還嫌打理桌子麻煩的店真心不常見。我又放好餐牌，去新的桌子點餐。之後她像風一樣把印好的單據送給客人，她隔着一米把單抛過來，單牌又在我的桌上滑行了半米。這麼奇趣的店還真少見。

今日嚟到位於美孚嘅新竹園越南餐廳食個lunch環境寬敞，光猛四正整咗啲類似土耳其掛燈做裝飾每日午餐4款，可以加小食另外餐牌有多選擇今日我就揀咗越式生牛肉湯粉，價錢$56大大碗，粉量都唔錯，但對比起喺越南食，啲配菜就無咁多啦跟餐加$8蚊有杯特飲，我就叫咗杯椰汁三色冰呀，呢杯嘢好足料，啲渣可以食到肚飽第二日，我又過咗嚟呢度食早餐典型嘅ABCD餐，但勝在配返隻牛角包夾埋大大杯凍飲先係$37蚊，算係同區嘅鐘樓底柱呀，奶茶，茶記質素啦，牛角包，鬆脆包香，good good，呢隻米制通粉就無咩見過，幾新奇呀

2月中的一天，下午接近2時，進店吃午餐，問侍應有否下午茶，她說2時才開始，問可否讓我們先看看下午茶餐牌，她說可以。2時正，侍應便告訴我們可以點餐了。越式生牛肉河粉：牛肉和河粉的份量都不少，牛肉味道不錯，河粉很滑，美中不足的是湯頭雖然味道佳，但是和正宗的越南牛河的湯頭還是有點距離。咖喱牛腩飯：咖喱味道不錯，辣一點更好，牛腩不太多，但以下午茶的價錢來說已算合格，米飯很多，結果吃不完。這越南餐廳食物不俗，環境舒適，侍應的服務也好，可惜的是，因為疫情的關係，這餐廳現在以只供應早餐，午市、下午茶和晚市時段都暫停營業。

跟餐叫咗杯咖啡但係覺得同之前難飲好多。之後問可以換杯熱奶茶。 個收銀阿姐西口西面同我講我哋冇問題，不嬲係咁沖。之後大力放返杯咖啡喺我面前又話杯咖啡送㗎！原來已經有咁多人投訴態度差！

【 高質素 份量足的早餐 】🍞美孚的「新竹源越南餐廳」係我近期經常去食早餐的地方，佢哋的米制通粉整得十分好味，好滑好香。🍳呢間越南餐廳近期先開始有早餐時段，估唔到會整得咁好味，重點係每份早餐的份量都超多，食完晏就lunch都可以唔使食！今日和朋友分別叫左兩份歐陸扒餐 : ✴️吉列豬扒，法蘭克福腸，牛乳炒滑蛋，西菜，茄汁焗豆，牛角包✴️原條吉列魚柳煎雙蛋，配米制通粉🥐另外有一份醒神早餐 : 米制通粉配午餐肉加煎蛋，牛角包。🐟你哋睇相就知道早餐的吉列魚柳和吉列豬扒真係好大塊而且整得好好味，炸得外脆內軟，十分香口。🥤食完飲番杯凍檸茶，真係透心涼又解。

食左幾次扒麵黑蒜一丁餐，整體都好好食呀！個人覺得好抵食！好大塊扒同魚柳！咖啡奶茶都好飲左！終於炒左果個粗魯阿姐！現在的都很好！很有禮貌！值得我再叫人幫我寫！會繼續支持！

上次食的下午茶餐是香茅豬扒湯河，塊扒夠大件，尚算抵食，但今天試香茅雞翼湯河，便中伏了。雞翼好細隻，好似未發育的雞，而且炸得過了一點火，小部分雞肉有點變乾。碗湯河，尚算合格，份量不太少，亦不算多。今次餐飲試鹹檸檬水，可能用青檸醃製的緣故，沒有檸檬的酸味，主要是鹹味。成餐最正，只是那幾粒勁辣的紅辣椒。

為此不得不叫人開個戶口投訴尼間餐廳！早餐已經不是特別好食！品質仲愈黎愈差，食個早餐仲混亂到咁！到底請左個咩員工？ 落錯單，黎錯野都算，仲聽到換野個樓面阿姐 同廚房講換‘是但 ’😡😡😡😡😡😡😡😡乜黎俾錢食野 食是但嫁? 其實尼個阿姐都吾係第一次錯野！不過今次覺得佢好離譜！希望尼間餐廳帶眼請人！

很少到美孚這一邊吃東西，今天祗是順路經過，點了下午茶餐的越式生牛肉湯河粉，先喝一口湯，已知中伏，那股味精攪到要狅飲幾樽水，牛肉勁“鞋”，有榨，唔新鮮，好似擺成朝俾風吹到乾，九重塔又係擺咗幾日咁干，唔使講都冇下次，難怪每次坐車經過都好似冇乜客，呢個位轉咗幾手，希望佢可以嘅話就提早離場，讓個位俾有質量嘅餐廳。

早前去開美孚，想食車仔麵，發現間車仔麵已經執咗，而原本位置開了一間越南餐廳，發現中午時間都幾多人幫襯，於是入去試一試。 入邊裝修跟原本的車仔麵都幾相似，很有趣的是，雖然它們是一間越南餐廳，但它的午餐牌亦包括各類扒餐，而我叫了一份牛扒餐，食物一來到被它嚇親，份量超大，正常女士一定要叫少份，味道方面，是正常茶餐廳的水準，牛肉唔韌，黑椒汁非常的多，一般出面叫牛扒意粉，通常我要主動要求加醬汁，在這家店吃就沒有這煩惱，以$52包飲品的價格來說，可以說是十分超值，亦明白他們這麼多人幫襯的原因。牛扒意粉越南雞絲湯粉另外同行朋友點了越南雞絲湯粉，可笑的它們的扒餐比越南粉還好吃，越南粉是一般的水準，並不難吃，但吃完後不會有深刻的印象，亦不會有專門再幫襯的衝動。但是，如果想在美孚吃平價扒餐，這家店是不二之選。

已經去過幾次，態度真係喺美孚嚟講都幾難以接受， 好多時去到張枱係未清理， 好啦你叫員工幫手清理佢哋就會黑面， 唔係黑一次， 由清潔枱面到落單、再到上菜一路都黑住你面。 真係希望經營者有機會睇到好好同啲員工briefing一下。早餐選擇不少， 所以吸引到唔少人去食， 一份雞絲扎肉金邊粉＋炒蛋多士＋飲品，都係三十幾蚊。 試過加錢轉蒜蓉多士，但係就唔記得咗出畀我，後補都要等20分鐘，直到我埋單，時間太耐不能接受。其中一位服務態度差嘅員工係短髮有紋身眼鏡，另外一個係頭髮及肩嘅後生女仔(上次)，一間餐廳遇過兩個服務態度差嘅員工，我覺得真係好有檢討嘅空間。

美孚好少越南餐廳，咁啱呢間餐廳新開左一段時間，就去試下佢啲湯河。個湯河係超級大碗，同埋有好多牛腩，如果兩個人share可能會好啲。另外，加特飲只需要加$8，所以叫左杯三色冰，好好飲🥰🤤👍🏻