Video
6-min walk from Exit A2, Cheung Sha Wan MTR Station
continue reading
Telephone
39564953
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
Above information is for reference only. Please check details with the restaurant.
Offers
之前都食過Sun Haru，鍾意佢哋價錢好抵，但係口味好正宗。佢哋嘅炸雞有甜辣味、蜂蜜芥末、牛油蜜糖。我哋揀咗甜辣味。醬汁由韓國辣椒醬（gochujang）、糖、醋和大蒜等調料混合而成，既有甜味又帶有微辣，口味非常經典。外皮非常酥脆，口感極佳。雞肉內部鮮嫩多汁，與外皮形成鮮明對比。我哋仲嗌咗一個辣泡菜腩肉湯跟飯。泡菜湯味道酸酸地幾開胃，發酵風味同肉類嘅鮮美相互融合，唔會太辣太刺激。切片嘅豬五花有咬口，而且仲一啲豬羶味都冇。
continue reading
今日係波鞋街買完野，就去左好耐冇去既女人街食飯，好彩我地早食，唔洗點等位，2人套餐好抵食，2百幾蚊有炸雞，粉絲，飯卷同飲品。亞之媽炸雞半隻炸雞可選甜辣味，蜂蜜芥末，芝士撒粉同埋牛油蜜糖味，我揀左甜辣味，炸雞粉漿夠薄，外皮夠脆，雞皮上充滿甜辣醬，好惹味，肉質亦非常嫩滑，辣豬肉炒粉絲炒粉絲可選烤牛肉或辣豬肉，粉絲炒得乾身，調味足，辣豬肉好有口感，少辣好開胃。傳統雜錦紫菜包飯紫菜包飯既配料有餐肉，蛋，青瓜，黃瓜等，size 比較小，剛剛好一口一啖。蜂蜜紅棗茶，藍莓乳酸梳打
continue reading
位於長沙灣呢間外賣韓式便當小食店，有多款唔同嘅韓式便當、粉麵、小食選擇叫咗份 [ 一人炸雞套餐 $75 ] 亞之媽炸雞四件，外層脆口，雞肉肉質嫩滑，點埋個甜辣醬就更佳；主食揀咗泡菜湯，湯底香濃好味，內裡有泡菜、五花腩、豆腐、洋蔥，份量都幾多，包埋個白飯，仲有罐裝飲品；配埋酸甜蘿蔔，食完夠哂開胃另外叫咗份小食 [ 韓國特色蛋卷 $78 ] 揀咗紫菜明太子，滿滿餡料，蛋香濃郁，中間夾住明太子，多到爆汁嘅明太子微微辣味口感，食落好惹味
continue reading
又到開心星期五，今年雖然遲來的冬天，但一諗起下星期就嚟到聖誕節心情都開心返晒。難得星期五趁依家冬天拿拿聲去洗車先，一如以往去返營盤街附近嘅車房幫架車扮靚靚。放低部車行下附近有乜嘢可以買返屋企食，呢條街開咗好多新嘅舖頭，見到有一間專做外賣嘅韓國舖頭，心血來潮見咁耐無食過就食呢間啦~佢嘅門面唔算大，但睇佢嘅餐牌款式都唔算少喎， 係我諗緊呢段時間見到有好多外賣單，而且見佢份量都好多，最後驚食唔晒就要咗兩個一人餐，分別一人炸雞套餐同埋一人便當餐。個職員都話兩個人食都已經好足夠，間外賣店啲單都真係無停過，大約等咗15分鐘左右所有食物都終於齊晒，果然好似佢咁樣講份量真係唔少。最後攞返架車後揸返屋企準備開餐，返到去我隻寶貝第一時間聞下個袋，梗係啦~ 有熱辣辣既炸雞喎~ 餵完佢食嘢之後，我哋都準備開餐囉~上枱啦~ 打開晒啲食物手機食先，影相個陣發現性價比相當高，份量好夠大但價錢一啲都唔貴。首先講佢嘅一人炸雞套餐，佢有四件雞仲附送一兜蜜糖等你返到去先點，咁就唔會淋晒，呢啲細心位值得加分。咬佢一啖炸雞，成件雞脆卜卜而且肉質鮮嫩多汁，配合佢嘅蜜糖勁香甜。最後到佢個海鮮湯份量非常大碗，個湯辣辣地好開胃，入面有好多海鮮配料，有魷魚、蜆肉、蝦仁等，亦有蔬菜仲有隻半生熟蛋，溝埋嚟食非常惹味。配合埋佢送嘅木耳絲同埋酸蘿蔔仲有一大碗白飯，真係好飽好值得推介。之後到另一半食嘅一人便當餐，我當然要試埋啦~ 佢嘅烤牛肉份量都多而且烤得好香，加上地道韓國炒粉絲真係好好味，粉絲煙煙韌韌又大碟。便當入面有幾款雜錦小食，有雞蛋卷同埋蔬菜、香菇等，每款食物都好入味，佢個雞蛋卷好有驚喜，雞蛋好嫩滑唔會好乾身，成個便當都豐富。另外有三款前菜分別係紫菜卷、芝士卷、同埋蕃薯餅，件件都係炸到卜卜脆好香口，入口好夠熱。 最後好彩食得晒，飲埋兩罐餐飲成件事好完滿，呢餐飯都係$150蚊，有呢啲質素嘅外賣店真係一定要推介，下次有多幾個客人一定要試埋佢個部隊鍋同埋個魷魚鬚，應該都好正~~~
continue reading
位於長沙灣的韓國便當、炸雞的外賣小店，供應多款韓國便當、飯卷、粉麵、小食、炸物等等，還有套餐選擇。飯／便當系列：雞胸肉雜菜拌飯各式各樣的雜菜如菠菜、翠玉瓜片、芽菜、蘿蔔絲、煎雞蛋配手撕雞胸肉，底下就是蓋飯，另外可以額外加添醬汁及醃蘿蔔一拼吃。飯／便當系列：無骨炸雞、韓國粉絲、紫菜包飯便當炸雞大塊，沒有骨頭，啖啖肉。韓式炒粉絲有紅蘿蔔、生菜等材料，粉絲粗條，口感煙煙韌韌。不過食物全部都放到同一個外賣碗裡，建議應放在有分隔的便當盒。飯／便當系列：傳統雜錦紫菜包配肉鬆紫菜包飯內有醃黃瓜、雞蛋、牛蒡、蘿蔔及自選的肉鬆，味道鹹香，帶點麻油香，不用蘸任何醬汁都很香口。
continue reading