SUN HARU (威達商業大廈)

Open Now

Now Closed

Happy Friday食韓國嘢～～🇰🇷$228二人套餐唔洗諗啱晒我蜂蜜芥末亞之媽炸雞半隻仲有甜辣味/芝士粉味/牛油蜜糖味可以選擇個人係honey mustard控 炸雞嘅炸漿唔會好厚 醬汁比較薄身輕輕一層係我鍾意嘅味道 雞肉食落好嫩口無骨炸雞嚟 份量都好多韓國炒粉絲（烤牛肉/辣豬肉）我就梗係揀牛肉啦～採用肥牛 份量都好多 炒粉絲好香麻油味但就唔會炒到油淋淋 食落口都好乾身仲有少少椰菜 一盒嘅份量真係好多而且係即叫即炒拎上手熱辣辣傳統雜錦紫菜包飯紫菜外層搽咗麻油 正正係韓式飯卷嘅精髓包住黃瓜、青瓜，雞蛋、腸仔Bite size 入口好方便前菜就有醃蘿蔔同埋泡菜（不過我唔記得影相）另外仲可以揀兩罐汽水或者加錢要特飲添餐廳裏面好多韓國嘅油畫可以打卡～可惜我一條友嚟買外賣冇人幫我揸機🫣

肚餓忽然想食泡菜湯飯，上網搵到呢間 - Sun Haru，就去試下。入去環境唔錯，坐底點左一人炸雞套餐*前菜 - 泡菜微辣泡菜，應該大家都接受。*炸雞足足有4件，仲要無骨😍食落去唔錯。*泡菜豆腐海鮮湯+飯一大碗／煲湯，湯微辣，加埋飯夠飽。大滿足，整體唔錯，價錢親民。

放lunch 今日突登搭地鐵去旺角食，幾約左兩個中學同學，佢成日食Sun Haru ，我就無所謂。12：00 入座，都已經坐左一半人，好旺。兩邊牆身好多色彩繽紛的畫。兩人食二人餐豐富啲。二人餐$198 包括 前菜，炸雞 可揀（甜辣炸雞，蜂蜜芥末炸雞，牛油蜜糖炸雞，芝士撒粉炸雞）炸雞好食主食：可以揀烤牛肉韓國炒粉絲或者辣豬肉韓國炒粉絲，好大碟，份量都多第二主食： 傳統雜錦紫菜包飯 飲品： 除咗罐裝飲品，仲有蜂蜜柚子茶，紅棗茶，薑茶，冷凍熱飲都有。整體味道可以，好抵食。

今日喺旺角附近玩Board Game，又有藉口可以幫襯SUN HARU 既炸雞同粉絲😋 堂食店裝修得好靚，牆上有特色塗鴉。紫菜包飯份量十足，有大量蔬菜餡，尤其係中間加咗醃蘿蔔同青瓜，成個感覺爽口同清新。韓式粉絲係我每次都必點嘅食物，粉絲唔會黐埋一舊，條條分明，口感剛剛好。牛油蜂蜜炸雞食韓國嘢點少得韓式炸雞，我最鍾意就係牛油蜂蜜口味，香香甜甜，又有牛油香。炸雞口感酥脆，肉質亦唔會乾柴～二人餐會送埋汽水，仲有兩款前菜，最後食唔晒要打包拎走🙉🙈

Sun Haru是一間位於花園街韓式小店，我今天品嚐了他們的一人便當 - 紫菜包飯，當中搭配了前菜泡菜豆芽、芝士炸雞、雜錦小食3P和菠蘿沙冰(套餐$98+$18），精心準備絕對能滿足您對飽肚又美味的期望。前菜 - 泡菜豆芽這道泡菜豆芽作為前菜，為便當增添一份清爽的口感和微微酸味。豆芽經過適度的烹調，保持脆度和新鮮感。泡菜的酸味與主菜的豐富口味形成了很好的平衡。紫菜包飯便當紫菜包裹著鬆軟的米飯，米飯本身煮得恰到好處，口感QQ彈，並散發著香氣。紫菜為米飯增添一種脆脆的口感和淡淡的海味，非常美味。芝士炸雞雞肉外層炸得金黃酥脆，內部保持著嫩滑多汁的口感。最吸引人的是上面灑滿的芝士醬。芝士與炸雞的酥脆相得益彰，為整道菜品增添了豐富的口感和奶香味。雜錦小食3P有蝦餅、栗米薯餅和南瓜餅。蝦餅外皮金黃酥脆，內裡鮮嫩多汁。蝦肉的鮮味與麵粉的香脆口感完美結合。栗米薯餅外皮酥脆，內部鬆軟，口感豐富。南瓜餅的甜味和麵粉的香脆相輔相成，帶來獨特的風味。菠蘿沙冰沙冰的質地綿密，口感滑順，帶來了水果的清新甜美，非常消暑。SUN HARU (威達商業大廈) (旺角)地址：旺角通菜街1A-1L號威達商業大廈地下E及F號

放假唔一定要北上，亦可以留港消費，今日就同朋友去咗旺角通菜街呢間「SUN HARU」食韓國菜。餐廳主打韓國料理，店內佈置時尚，以街頭塗鴉裝飾牆身，色彩繽紛，營造出輕鬆用餐氣氛，好適合同朋友嚟影相打卡。我哋點咗個二人餐，包前菜、傳統雜錦紫菜包飯、韓國炒粉絲同亞之媽炸雞半隻，套餐奉逢送汽水，熱飲+$3、凍飲+$5、特飲+$8、沙冰+$18。前菜有大豆芽同泡菜，大豆芽爽脆、麻油味夠香；泡菜辣度溫和，入口惹味開胃。紫菜包飯好足料，內有紅蘿蔔、火腿、雞蛋、牛蒡、青瓜和醃蘿蔔，飯粒黏性剛好，中間嘅醃蘿蔔能帶出其他食材嘅香味，一口吃下，盡嚐多種層次。烤牛肉炒粉絲份量亦唔少，大大碟，牛肉軟嫩入味，粉絲炒得夠乾身，煙韌有咬口，配埋啲牛肉食，既豐潤又不油膩。炸雞揀咗牛油蜜糖味，雞肉炸得火喉剛好，外脆內鬆化，牛油同蜜糖嘅比例啱啱好，唔會過甜過膩，加上雞件已經全部去晒骨，入口啖啖肉，食得好滋味。天寒地凍，想飲返啲熱嘢暖下胃，點咗蜂蜜生薑茶 同 蜂蜜紅棗茶。生薑茶清香微辣，配上蜂蜜，醒胃解膩；紅棗茶甜味自然，杯底有好多紅棗塊，飲完成身暖笠笠。

同朋友👩🏻‍🏭一齊喺旺角呢條街，有好多小餐廳，咁我哋行吓望吓，朋友👩🏻‍🏭見到呢間韓國菜餐廳話不如試吓，咁我咁順得人梗係贊成啦🤣呢度有 $238「聖誕🎄新年🍾特別套餐」，包咗好多嘢食🤣前菜：韓式泡菜，簡單幾好食🤣柚子雞胸沙律🥗：沙律汁甜甜哋辣辣哋，味道幾得意😊招牌亞之媽炸雞（半隻）：有「蜂蜜芥末/牛油蜜糖/甜辣/芝士撒粉/原味」可以揀，咁揀咗原味😋，炸雞炸得幾香口🤩海鮮煎蔥餅/韓國烤牛肉炒粉絲/海鮮泡菜炒飯拼太陽蛋：3選1，咁我哋揀咗 海鮮泡菜炒飯拼太陽蛋，海鮮有魷魚圈、蝦仁，加埋隻太陽蛋，咁樣炒飯簡單幾好食🤣特式肉鬆木魚花蛋卷（4件）：做得幾滑🤩飲品揀咗 鳳梨青檸梳打、藍莓乳酸梳打：兩杯都凍冰冰，叫咗少甜，幾清新🤩

最近在旺角發現了一間唔錯的韓國餐廳-SUN HARU，作為一個阿豬媽，又點可以錯過呢，決定喺度依飽個肚夜晚唔使煮飯。首先，點了炸雞半隻(牛油蜜糖)一試虛實、炸雞外皮金黃酥脆，肉質鮮嫩多汁，食得過！而牛油蜜糖的搭配更是為這道炸雞增添了豐富的口味層次，帶來了甜中帶點鹹的美味。炸雞小朋友一定鍾意食，點呢個一定冇錯！阿豬媽我都懶得就懶，最好用炸雞餵飽呀女。烤牛肉炒粉絲。牛肉經過烤製後更加鮮嫩多汁，搭配著彈牙的粉絲，濃郁的牛肉香氣，我就最中意食❤️雜錦紫菜包飯也是這次體驗中的亮點之一。韓國紫菜包飯用嘅紫菜同壽司飯用嘅紫菜好唔同，多咗一浸麻油香，所以每次食韓國餐的時候，我一定會點一個韓國紫菜包飯。整體來說，SUN HARU係可以滿足到我暫時唔需要去韓國，以後來旺角，又多一個落腳點😆SUN HARU (威達商業大廈) (旺角)旺角通菜街1A-1L號威達商業大廈地下E及F號舖#SUNHARU #韓國料理 #炸雞 #牛肉炒粉絲 #紫菜包飯 #荳芽 #美食評論 #餐廳評論 #外賣體驗 #旺角美食 #香港美食 #foodie #instafood #foodstagram #foodlover ##foodp

這是朋友推薦的一家店 據說以前旺角這家只做外賣的現在終於開門店了 趕緊去試試看-烤牛肉石鍋拌飯份量挺多的 兩個人吃到扶牆走店內的韓式辣醬是給自己來給的 根據自己吃辣程度）這款辣醬還蠻辣的 辣度多過於甜 很合我口味-蜜糖芥末炸雞雖然是半份 但份量也不小了 選了無骨炸雞蜂蜜芥末醬調配的剛剛好 芥末不會搶了炸雞原本的味道-🍽️：SUN HARU (威達商業大廈) (旺角)📍：旺角通菜街1A-1L號威達商業大廈地下E及F號舖🚇：旺角E2

Sun Haru之前都已經幫襯過，當時仲你外賣店，依家開左成間餐廳係通菜街近家樂坊附近，位置十分方便！🏠餐廳樓底高，坐得好舒服，壁畫有街頭風元素，適合打卡！📸Order左一個明太子蛋卷加紫心脆薯餅，因為即叫即整，要等耐少少，好味既野就係需要等待啦💁🏻‍♀️🥚蛋卷幾滑，蛋味香份量十足，紫菜、蟹子鋪滿係面，入面包住豐富的明太子醬，味道濃郁🥰每一口都帶來豐富的口感，食完都夠飽！配菜仲跟埋個芽菜！紫心脆薯餅$25有3件，外脆內軟熱辣辣，甜度適中，超級推介必試小食！👍🏻👍🏻

💖旺角呢間韓國餐廳🇰🇷全日都有9折優惠，連我到訪嘅下午茶時段都有！$50左右一個餐包飲品，以韓國菜黎講好抵食。1⃣️烤牛肉石鍋拌飯🪨 $52🔸藍天乳酸梳打💙 +$8💖呢個size係其他餐廳至少賣$80😲，真心抵食。配料包括翠玉瓜、芽菜、紅蘿蔔🥕、菠菜、木耳、蛋黃🥚同烤牛肉，再撒上芝麻同淋韓式拌飯醬，甜辣開胃🤤。石鍋保持到溫度🌡️仲有香脆嘅飯焦！飲品要左藍天乳酸梳打，飲落係忌廉溝鮮奶嘅梳打飲品味，顏色好靚。2⃣️紫菜包飯便當拼蛋卷🍱 $53🔸蜂蜜生姜茶🍯 $0🆓💖好豐富！有紫菜包飯、韓式蛋卷、炸雞🍗，配菜同樣係翠玉瓜、芽菜、紅蘿蔔、菠菜同木耳。紫菜包飯有火腿、牛蒡絲、青瓜、醃蘿蔔，好味得黎飯粒唔鬆散。韓式蛋卷幾滑，食落除左蛋味香甜。炸雞淋上濃郁嘅芝士醬，食落香口。飲品要左免費嘅蜂蜜生姜茶，飲完暖笠笠好舒服，蜂蜜中和左生薑嘅辛。💖餐廳位置闊落，樓底高，坐得好舒服。而且仲有靚靚壁畫幾適合打卡，入左後仲會有免費嘅開胃小菜。

牛油蜜糖無骨炸雞 $98韓國炸雞是一道令人著迷的主菜。它以其脆皮和多汁的肉質而聞名，經過特殊的炸製技巧，使得每一口都帶來滿滿的口感和美味。牛油蜜糖味甜得黎又唔太滯明太子蟹籽紫菜包飯 $68由薄脆的紫菜包裹著豐富的明太子醬，每一口都帶來豐富的口感和鮮美的風味。令人難以忘懷的美妙味道體驗。雜錦小食 $48有多款炸物，包括紫菜粉絲卷，紫心脆薯餅等等...即叫即炸熱辣辣。份量十足好抵食蜜桃乳酪沙冰 $38藍天乳酸梳打 $28

星期日出旺角行完街，順便買啲嘢食返屋企，試咗呢間 「SUN HARU 」韓國料理，鋪面闊大搶眼，坐位頗多，位置係通菜街近登打士街方向，威達商業大廈地下。餐牌有很多選擇，有數十款午市及晚市套餐。炸雞、韓式粉絲、拌飯、紫菜包飯等傳統韓式料理應有盡有。《紫菜包飯便當併蛋卷》（$72），一份便當，既有紫菜包飯，又有蛋卷，仲可選一款肉（四選一：烤牛肉、辣腩肉、芝士炸雞、小雞胸肉），仲有配菜，認真相當豐富。整體味道相當不錯，紫菜包飯滲著蔴油香味；蛋卷香滑味帶甜甜。烤牛肉有少少脂肪，更香牛肉味道。便當更伴有多款涼拌蔬菜，有豆芽、菠菜、甘筍絲及木耳絲，真心有益又健健，十分滿足。

好耐冇試過係通菜街食飯，今次經過間韓國菜出面已經見到入面坐滿人，按完餐牌見到都幾平就決定試試佢。———————————————🌟牛肉大醬湯跟飯 $68呢個大醬湯第一下飲落覺得有少少似麵豉湯，但佢比麵豉湯多少少甜味同牛肉香，飲落好唔錯。湯入面有牛肉溫泉蛋洋蔥等配料，牛肉份量都唔算少，溫泉蛋真流心做得好好，出色！.🌟韓國炒粉絲便當拼蛋卷配芝士烤雞 $72變多方面個人認為比較適合鍾意食蔬菜嘅人，配料方面佢有翠玉瓜、菠菜、甘筍、芽菜、蛋捲同木耳，有少少似韓國前菜咁。至於芝士烤雞個芝士醬真心唔錯，芝士味濃，雞肉都嫩滑。.🌟蜜桃乳酪沙冰 $38呢個飲落有啲似可爾必思，酸酸甜甜，份量都幾多。.🌟芒果沙冰 $38芒果味都好香，一樣都好大杯，見到都有少量果肉，甜度都調得唔錯👍🏻.🔸整體評價🔸性價比係真心高，出餐快仲有前菜同水提供。後尾睇返佢啲食評，炸雞類好似都唔錯，大家如果想平平哋食餐韓國菜，呢個都真係一個唔錯嘅選擇。

今日約咗一個好耐冇見嘅朋友去旺角敘舊，去左通菜街覓食，經過有間韓國餐廳sun haru試一試，原來佢都有好幾間分店。食韓國嘢梗係唔少得炸雞、韓式炒粉絲同埋紫菜包飯，所以我同朋友就揀咗個二人套餐，滿足晒我三個希望。前菜有泡菜、醃蘿蔔，食完好開胃亞之媽炸雞半隻（蜂蜜芥末味）半分炸雞都幾大份，無骨炸雞粉唔會太厚，炸雞幾入味，配搭呢個蜂蜜芥末味一流，炸得香脆又Juice，啖啖肉。烤牛肉炒粉絲炒粉絲幾大碟，粉絲炒得煙靭入味，配埋肥牛唔錯傳統雜錦紫菜包飯紫菜包飯裏面嘅餡料有泡菜、青瓜、蘿蔔、雞蛋，雖然普通，但味道酸酸甜甜又幾開胃喎，食完一舊又一舊飲品藍天乳酸梳打熱蜂蜜紅棗茶藍色嘅乳酸梳打幾靚呀，味道都幾清新蜂蜜紅棗茶味道正常，啱晒呢啲季節滋補一下整體黎講，食物不錯，又唔會限時間，價錢都唔係太貴，係一個好既選擇