新興棧食家

Open Now

Now Closed

唱完Karaoke，天氣凍凍地，媽咪帶我去著名老字號的粥店，食魚粥的專門店，三人各叫了魚雲、魚咀和魚腩粥生滾熱、騰騰送上枱，啲粥好夠綿，魚好鮮味，完全唔腥，大大碗，魚頭同魚腩又好滑。

天寒地凍....得番 3度...今天淨係想食好熱既食物 朋友帶我光顧了這間在佐敦專食魚粥的餐廳, 真的有意外驚喜! 可能已是下午, 魚鬚都賣晒了, 真的想不到的好生意 驟眼可見餐廳有一個角落專把魚現場給爆開了, 有時會見到一團火在鍋中很夠穫氣 然後才把魚用來煲粥, 怪不得魚粥這麼香 魚鮫粥 想不到的大碗, 而且裡面有3 大個魚鮫, 令魚粥的凳底都變得香甜 而且魚骨比較大, 側邊的肉都很滑 一整碗的粥食到底都是魚的材料 而且上面的生菜及蔥都是任加的 魚腩+牛肉粥我不懂叫魚, 叫了 "魚腩+牛肉粥" , 反而要$50 但魚腩的切法很多魚骨.....雖然很多肉, 但我食得有點狼狽而牛肉都很鮮嫩, 做粥材都很夾 同樣地...食到底都是魚粥的材料, 真的真材實料吃不完 爽滑魚皮 薑絲跟蔥都切得很幼細, 而且很豐盛魚皮亦真的不太腥又爽滑 另外有加$9 叫了油炸鬼, 但真的太飽, 都吃不下了 

又係放學食消夜,朋友今晚帶我去食粥.鋪面係傳統粥鋪,望落好似唔多衛生,但眼見宵夜都坐滿客,連鋪出面都要加枱,心諗應該好好味.朋友仔點左牛肉豬潤粥,牛肉好滑,豬潤好大塊,$45真係比足料.而且仲有好多生菜.我就點左魚腩粥,成碗粥都係魚腩,份量十足,而且味道好鮮甜,但就好多骨.

當然 由我媽媽細細個食到大 再由我由細食到大 呢間依舊都仲係我既最愛 平時我會叫魚鬚加及第 今次挑戰一下多d骨既魚尾加及第 因為呢個係平時我媽媽先叫的 佢話魚味濃過魚鬚 又真係WOR! 我諗我以後都會叫呢個..哈哈仲有呢度既魚皮同魚卜都好好食架

因為作感冒，所以去咗佐敦嘅一間桑拿揼骨蒸一蒸，順便睇埋阿仙奴vs利物浦，點之又俾利物浦咁好命又咁好彩唔駛輸波，睇完波抖到八點就起身去揾早餐食，仲病病地，想搵碗粥食下，新興棧就最好不過，好耐未來過了，呢度主打魚類嘅粥，你叫得出魚嘅部位，大部分都有，除非賣哂，仲要最平嘅一碗粥都要$37，最貴可以去到$5X，其他非粥類如薑蔥/白灼魚頭、咀、骨、腩、卜就要$73。我是一個真窮鬼，又想食魚、又想食肉，所以點碗最平而又可以雙併嘅肉丸魚片粥($37)，我聽到其他食客點嘅粥全部都$50起，佢哋又叫油炸鬼($10)、又炒麵($25)、薑蔥魚卜($73)，嘩，埋單咪過百？終於等到肉丸魚片粥來了，呢度又有一個特色是每碗粥上面都會放大量生菜絲，其實又幾健康呀，粥底綿滑又夠鮮甜，魚片剛熟夠爽口，粥內已加薑絲，配粥一齊食可辟魚腥味，不過要小心魚片有細骨，肉丸彈牙又好咬口，真的做得不錯，如果我有錢，下次一定再來食碗過$50嘅富貴粥。新興棧食家地址 : 油麻地寧波街23號電話 : 2783 8539

佐敦覓食，來到這間久負盛名的悠久粥鋪，特意過來，鋪頭乾淨企理，燈光明亮，叫左最喜愛的薑蔥魚卜，炒得稍微乾身，唔夠附近另一間好食，魚腩粥，粥底唔夠綿，示油皇炒麵，同街頭那種十元八塊的炒麵分別不大……有點失望

爸爸第一次帶我們來新興棧吃粥，應該是四十年前的事，至今還清楚記得那碗熱騰騰冒着煙的生滾魚腩粥，還有附近的華盛頓戲院和對面的公厠，最難忘是爸爸看着我們大口大口吃，那快樂滿足的笑容。許久沒來了，戲院沒了，公厠沒了，最遺憾是再不能像爸爸帶我們四處吃一樣，我們帶爸爸四處吃了。今天同行的四位家人，都是早已登六，都是長居異鄉，都是念念不忘這碗粥，熙熙攘攘來到，叫了一枱魚腩魚骨粥油炸鬼炒麵，我從小到老都無法吃一口大魚鯇魚，祇有我吃及第粥，粥一來大家急着吃，永不會讓相機先吃，所以其他魚粥相片如闕，我那碗及第粥$37，料多得嚇人，三大粒手打豬肉丸，豬膶粉腸各六七件，豬腰豬心各兩件，粥撒滿生菜片，份量絕對是別的店兩三倍，十分抵吃，平心而論，料足但粥底普通，炒麵味道一般，油炸鬼不新鮮，不浸粥吃不下，最不好是吃完不久便十分十分口渴，不知是粥還是豉油出的事。

呢家粥店 我地由細食到大 細細個媽媽已經會帶我地黎食粥 記得細個時媽媽怕多骨 會細心幫我地睇清楚有無骨 再分落隻碗仔度比我地 睇完以前老闆親自煮 到後尾老闆過左身而家由老闆娘煮 中間當然有一段時間會覺得味道不如以前 但而家又回復當年水準！老闆娘好野呢度我最鐘意食既係佢地既 魚鬚加及第 魚鬚d骨大大條 唔怕睇滴眼 呢個部份的魚肉仲特別嫩滑 呢個用料十足 真係我由細到大的最愛

廟街小店(其實不算好小, 都可以坐三、四十人), 無人不識的有名魚粥店, 全女班店員, 全盛時期, 最多客人的時間, 連街邊後巷都開了檯, 坐滿客, 仍然都只係兩位女侍應和一位女煮粥員(其中一位老闆娘), 唔使寫單, 唔使入單, 從不見出錯, 侍應記得晒客人叫的粥, 而煮粥的阿姐, 也記得晒客人要的先後次序, 好勁!! 但近年, 好像差了一些, 可能記憶力衰退…藍妹, 此店無供應, 是自己過隔離士多買, 士多老闆態度好差, 又唔夠凍, 下次幫襯第二間買.魚皮, 哈哈…隻碟好細, 載得好滿, 份量好似好多囉…., 哈哈…薑絲蔥絲, 切得幼細好重要, 連魚皮一起吃, 入口: 爽、滑、香、彈牙, 好味.薑葱炒魚雲, $78, 魚雲先過炸, 才放薑蔥再炒, 魚雲炸過後夠香口, 新鮮不腥, 但薑蔥的顏色則薑白葱綠, 炒得未夠時間, 用裝粥的碗上檯, 有五、六件, 價錢略貴了些少, 如果是六十元, 我會給”好評”. (已考慮小店環境和質素),魚腩粥, 生菜鋪面, 唔夠生菜, 可以再加, 生菜任攞唔洗加錢, 魚腩超多, 肉質新鮮彈口, 粥底並不算十分綿的那種口感, 但也算不錯, 然而, 最獘係, 粥

新興棧食家因為近排身體抱恙，所以都係乖乖地食下粥品清清腸胃，得知新興棧出名魚腩粥，我最鐘意！一於去試試！一入到去，環境較簡陋，要自己搵位坐，啲人會不斷係你側邊出出入入，係坐得唔太舒服，不過為左食好味的粥，唔緊要啦！魚腩肉丸粥粥底仍然係非常鮮甜入味，魚腩鋪滿粥面，一碗大約有5-6舊魚腩！好抵食，啲魚腩係炒過先再放入粥熬，所以特別香，再配埋薑蔥，人生一大樂事！豬肝粥粥底鮮甜，熬得好入味，豬肝亦有好多好多，成碗粥感覺好豐富。不過粥較稀，食到最後好似飲湯咁！但即使變湯，都係好好飲：）

上次夏天黎食，見天氣凍凍地，帶埋友人再戰。可能我地夜左黎食，岩岩賣哂魚鮫魚雲，唯有叫魚腩啦，好快就送上。我見佢地有一鍋熱左d魚，另一鍋超大火就燒番熱個粥底，勁有煤氣爐d爐火味，正爆。唔好睇佢好似咩都無，其實入面收左勁多魚腩，我地食左大半碗粥，應該都有3/4大舊魚腩，壯觀既情境就出啦！d魚腩露出粥面！仲有4大舊！之後，友人問我，點解仲有咁多魚腩既？我地高興之餘，又再次勁食，女仔黎講，食哂一碗好鬼飽！話說細個呀媽教落，d魚鮮既，可以一夾就見到一層層，呢度d魚好多層不突只，仲好香魚味。得閒要再食過！

對上次吃新興棧已經是六年前左右的事，最深印象除了味道好，等食物時間耐，還有侍應和廚師的驚人記憶力，不用寫紙也可以記下全場的下單次序和食物。多年後重臨，人客數量沒有以前誇張，還有七八張吉椅，我們坐下來。點了一碗魚腩魚咀粥，$42，分食。粥品約3分鐘就到，相比以前30~45分鐘短很多。魚腩有點鞋，相比下魚咀比較好吃但沒太多肉。粥底的魚味很淡，跟以前相差很遠。走時見廚師煮粥，原來變成了煮一大煲豬潤粥，分三四碗半滿，再煮魚腩粥，再分那幾碗的半滿。相比以前每碗生滾，是快了許多，但味道是否就是這個原因改變了呢？

今天7:30pm來到，有8成滿，差不多個個叫含有魚腩的粥品。於是我們也叫了魚腩粥($35)。等了約5分鐘便送上了一碗滾熱的、滿滿的，鋪上生菜絲的魚腩粥！內裡有6塊肥美厚身的魚腩，用量很充足，食極都仲有似的，而且魚肉很淋，魚骨也易拔出。粥裏沒有魚骨碎，讓我食得放心。Very good!  很抵吃！可是粥底較稀，不夠綿，而且味道不像是純用米及魚煲的味道，還加了額外的調味料，令味道不夠自然，不不及旺角妹記的鮮甜。但論魚腩，這裡較妹記的多及好吃！我想我仍會再幫襯這裡的魚腩粥的！

已經不是第一次吃新興棧的魚粥，每次也會滿足的走，今次便帶父母來試試。今次吃的是肉丸魚片粥配油條。它的粥底是綿綿的厚粥底，光是粥底已經夠咸味，每碗粥也有很多菜絲，令粥的鮮甜味提升。魚片薄薄的，沒有太多骨，但我推介的還是魚腩粥，魚香鮮甜，而且啖啖肉，魚骨分明，很易吐出。果然是吃魚的專家，肉丸還只是一般。濃濃的魚粥配油條簡直一流，但份量方面作午餐很快便餓上來了，還是當宵夜比較好。

粥底吾錯，但如果要落肉就顯得味粉有小小重。點左一碗骨腩加粉腸，粉腸有異味，食完肚疼，兼腹瀉（兩人同時反應）。骨腩份量十足，對得住個價錢。從味道上來睇，吾似順德魚粥嘅原味，重火灼骨腩嘅做法有小小似汕頭嘅澄海魚粥。自成一派！魚質經粥浸或煮，做吾出應有嘅滑。睇到墻上面嘅介紹，講點去除魚腥味。其實，我對魚粥十分講究。魚要經過“餓”呢個過程先至可以食到魚鮮，肉質好定吾好，本質上系講魚質，烹調非最重要嘅一步。順德人食魚，一要“曹魚”（即系餓），二劏魚吾可以打暈或錠落地，受驚系絕對會影響肉質。