新興棧食家

Open Now

Now Closed

店里人不会太多，大多数是老人家，早上来碗粥确实养胃，白粥并不是很绵，鱼肉倒是蛮大分量的，切块都是一大块，价格其实不贵了，就是我总是吃到血腥味，不确定是不是不熟，肉也不是很甜嫩，以至于我怀疑好吃的渔粥就是这样的水平？还是我点错了？

多年前食過的魚粥，今日食返真係令人回味！我係愛魚之人，餐餐都無魚不歡。我只叫左一餸的生滾魚腩粥，因為今日食左下午茶，唔肚餓，只係過下魚隱生滾粥的好味之道，就係我見門口師傅在廚房先炒左魚腩先，再加滾粥，所以魚的味道特別香口，粥底仲有黑色的鑊撈味，一個字正！店舖不算大，位都算多，人流又多又快,人手好足夠，都唔怕要等位。個人認為如果個碗大D就更好，粥唔會漏哂出來，感覺乾淨D,因為我見食兩餸的人都去拎個小碗另外裝餸

公司活動，企咗成日，講到口嗅，一於放工食碗靚粥潄口。糧頭食豪D，魚腩粥、炒麵、薑蔥魚頭。炒麵不過不失，油油地，未去到最高境界，收$27蚊，有D貴，下次唔點。食到照鏡，都未等到粥，因為逐碗生滾，情有可原，時間無多嘅香港人，勿挑戰。粥底香濃薑蔥味，一流。魚腩超多，多到食剩，但算新鮮！食完碗粥，又等薑蔥魚頭，好似食法國菜咁😅。用膠碗上碟，不著重外表，但薑蔥香到佛祖都破界。咸香又脆口，收$83都爭住畀。收貨！

生滾粥偏愛食妹記和新興棧夜晚食粥當然是新興棧啦基本上整條魚的所有部位都有得食、絕不浪費由大路的魚腩、魚頭、魚尾、魚卜以至魚咀、魚骨、魚鬚...應有盡有不知道魚鬚、魚咀是什麼味道呢魚先煎香後放入粥度大滾、煎魚的味道有少少燶味、好醒神，如果可以有多點酒香就更惹味啦不論是牛肉、魚腩都超多料、食極都仲有好多料沈底，魚腩牛肉粥的魚腩至少有5件、另一碗淨牛肉粥只吃牛肉都好飽。粥面鋪上生菜絲，看上去非常豐盛五六十蚊一碗粥真係超值

油麻地食肆林立，選擇多多，但次次都心思思嚟呢度食魚粥，因為真係好食！好食嘅意思係粥底綿香（據說粥底加咗麥片，質地較濃稠，又有股香味），魚新鮮，而且都用銅煲煎過，一定熟透，唔油膩，又香口。當食過一啲「靠唔住」粥麵，或者專誠入大埔食過名不副實嘅粥後，就決定以後都要嚟呢度。即使油麻地附近都有幾間名氣粥店，但魚粥都係呢間最得，因為份量夠、有鑊氣，專注出品魚粥！最好賣係魚鮫粥，假日十點前就無貨。想惹味啲，記得加胡椒粉、生菜、薑蔥。

It was a crowded night, the people come and go in waves. 晚事不乏客，一浪接一浪。This is definitely the place for fish congee lovers. There are tons of combinations and a couple of non-fish congee options and unique side dishes. 喜歡魚粥之人必到之地，好多搭配選擇！都可以找到非魚之選，又有些特別的伴碟。This time we went clean because most of the side dishes are fried. If you are not on a detox, you must try them, I have and definitely recommend. 今次避免熱氣所以都沒有吃煎炸，而大部分小食都係好熱氣，之前吃過，必試！The congee is quite savory, makes you wonder if it is really the

/魚之家🐟水上人💁🏻<新興棧食家>▫️💁🏻簡直係魚解刮粥店，我好鐘意食魚🙆🏻😻由其塊魚皮，依到有林林總總 魚嘅不同部分食🙈魚咀，魚鬚，魚鮫，魚卜。比較少見嘅都有得食🤘🏾▫️🍲魚腩魚咀粥($49)🐟我就揀左款比較大熱嘅配搭，腩就10個有9個都叫☝️魚咀就無食過😂🌸😻依到嘅粥大碗多料，係價錢貴少少，不過都值嘅🤔👉🏾粥質地偏水左d，無乜米粒😲但因為有大量生菜絲嘅關係，稍微出左d水，溝稀左嘅。🌿生菜絲，蔥無限添加好正👍綠色食物都是美食😎👉🏾其實d料多到，我似食料多過粥🤣大舊到呢🙈魚腩大件啖啖肉，有d位有少許韌，魚皮好嫩滑❤️👉🏾魚唇一粒粒，我食到2粒🤔嫩嘅口感。-🐷豬潤豬心粥($39)👉🏾我覺得豬潤同豬心都幾爽口，但👶🏻話好似熟左d，如果啱啱好陣味會鮮d wo🤔我就唔識依d。👉🏾豬潤陣味有d似爽版牛膀😂-🐟爽滑魚皮($27)🌸小小一碟，表面佈滿薑蔥絲，魚皮非常爽口，食到嗦嗦聲😻底部有d醬油，但偏咸。🐟薑蔥炸魚卜($83)🌸魚卜，口感係幾爽口，但炸左反而無咁爽彈，口感有d似鮮魷🤔有d韌添。👉🏾表面有層炸皮，我覺得有d似炸魚柳定咕嚕肉🤣有d韌。👉🏾薑蔥都炒得不太入味🙁($83)仲貴過粥。#

新興棧以吃魚粥最為馳名，魚鬚、魚骨、魚卜、魚尾、魚咀、魚頭、魚腩、魚雲、魚鮫....等店舖是比較老式，但價錢都不算平，最平都要$39，但喜歡吃生菜和葱就可以自行無限添加。魚腩及第粥（$49）材料豐富，魚腩和及第的份量佔了整碗粥的三份二，粥底比較稀，那麼多新鮮材料，味道一定鮮美，加上生菜和葱絲令口感更豐富。魚咀粥（$39）魚咀粥的材料就比較少，但粥底都很軟綿鮮甜，但要小心啲吃，因為魚粥始終都有很多魚骨碎。油炸鬼（$10）油炸鬼跟粥簡直是絶配，油炸鬼索了粥一起吃，好味！

早幾年前與朋友食過兩三次這裡的粥，已經被這裡的魚粥深深吸引。最近忽然想食粥，於是便專程來這裡，睇睇仲係咪咁好食。早上來到，只有數位客人，煮粥的師傅唔同了，記得幾年前，她是做樓面的。來一碗魚腩魚卜粥，看看煮粥師傅的煮粥手勢也是一種娛樂， 盞酒時那個火燒到上抽油煙機，真利害。粥來了，和以前一樣，粥底以魚湯煲出來，但偏鹹，亦唔夠綿，食到尾會變稀，不過這裡的精髓不是粥底，而是魚，要甚麼部位都有，魚嘴，魚鮫，魚尾，樣樣有。用粥底煮成的魚腩特別爽和滑，而且魚腩很新鮮，魚味很濃。 這裡是喜歡吃魚粥的人士不可錯過的地方。

爸爸帶去食出名嘅魚粥。星期六晚上，地方有點逼，但都坐滿人，好彩都有D位置剛走，即刻攝位落單。見D姐姐做唔停手，我連叫嘢食都唔敢怠慢，即刻點咗個魚雲粥（即係魚頭粥），爸爸就食返平時食開嘅魚腩粥。落完單就可自行去拎需要配料，薑/葱/生菜絲一應俱全。係望住姐姐煮咗大約十碗魚腩粥之後，終於都到我哋喇，真係好足料，碗碗都三四舊大魚腩魚頭粥都精彩，成碗都係魚。先試試個粥。。。魚嘅精華同鮮味毫無保留咁係粥到釋放出嚟。粥底偏稀，食完成碗都仲想食嘢。魚雲有兩舊，一樣好味喜歡食魚就唔怕魚骨，識食唔一定要大魚大肉，骨味更鮮甜。不過除咗魚粥，配角類嘅炒麵，油炸鬼都頗貴，而且見佢就咁攤晒出嚟，但又唔係多人叫，炒麵都係普通嘅豉油炒麵，$26細細碟，完全吸引唔到人去試。

店內主要食粥品，大部份係魚粥，如魚咀，魚腩，魚胶，魚尾......愛魚人仕必食之選，店內會傳出既鎮鎮香氣，魚粥各部位會先煎完再滾粥，粥面會有魚油香味，難怪粥㡳特別野味小篇點左魚咀魚卜，份量大之餘亦夠新鮮，魚卜鮮嫩爽脆，魚咀滑嘟嘟好有趣，小篇可以食晒一整碗，只剩下骨頭，味道可想而知。

下飞机想吃点清淡的，就到宁波街，位置很好找，在蛇王恩旁边一点。店铺不大，食客街坊居多，跟人搭台。粥味道鲜美，喝得肚里暖暖的，鱼腩很实在，猪润很嫩，鱼片很滑又没刺，吃得过瘾。

家住佐敦，新興棧可算得上是我個人的食堂，無論早中晚，當諗唔到食甚麼的時候，吃一碗有水準的魚粥便是最好的選擇了~魚的每個部位，由外至內全部有得食魚鮫是我的首選，貪其鮫位中的肉特別嫩滑，可惜經常缺貨，平均每3次叫只得1次會有粥底不是十分軟綿，但係好鮮甜，會令人感覺飲緊湯一樣、一口接一口停不了生菜與葱，自助形式無限添加將胡椒粉混入鼓油當中就成了一碟無敵的醬料了油炸鬼~都是斬件碟上的，可能不是即炸的緣故，所以完全沒有應有的脆感

到油麻地看專科，順道吃了午餐才回公司，記得以前太座帶過我來這區吃過粥，在街上找找，便找到了。午市很旺，差不多坐滿人，好不容易在一角落找到一個位，看著牆上的價目牌，最便宜的粥也要$38一碗，有些是$52。點了魚雲粥，送來時粥面加了很多生菜絲，若與港島某名粥店比較，粥底不算綿，而魚雲(軟的)部份不多，近乎零，只得一些頭骨位帶些少肉，倒不如點魚片粥，有點失望。

年多沒有去新興棧，今曰再去依舊人多。我太太勁喜歡食魚頭，佢叫左碗魚咀粥，我叫左肉丸粥。服務改善左，以前落单，d阿姐係叫比厨房聽，所以人多就好亂，今日係改用手寫落单，有晒程序。好快d粥就到左，熱騰騰，满到瀉.....魚咀粥d魚咀勁多又新鮮，肉丸粥d豬肉好冶味，好似落左d大地魚做調味，好食！不個粥底略稀，但整體OK。