新興美食

Open Now

Now Closed

天氣炎熱，湯飯係午餐一個唔錯嘅選擇。新興美食Today’s special 有冬瓜海鮮湯飯。對快餐店食物嘅要求當然不可能與傳統酒樓比較。不得不讚新興對海鮮呢兩個字的傳譯 - 湯飯裡的海鮮有蝦仁、蜆肉、仿蟹柳同魚腐，算係交足功課，亦唔會違反商品說明條例。湯味道不錯，不會太鹹或者太重味精。冬瓜吸收左湯嘅精華，比飯更好食。

對於一個打工仔黎講，除左放工、出糧、放假之外，放Lunch就係排第四既開心。為左「就腳」及「方便」，搭入Lunch Time就去左「新興」買外賣，以滿懷期待既心情開動午餐，點知只食左第一啖蘿白，就換來萬聖節既驚嚇.... 入面有小強...... （見附件圖片）除左嬲之外，就淨係好想嘔，然後我用左9秒9既速度沖番去「新興」，雖然最終都係退左錢，但呢份「驚嚇」就刻左係心入面🤢而我既肚餓依然繼續....😢

我最早品嚐的川菜，是魚香茄子。它反映內陸地區人民，少食海鮮，卻渴望嚐魚香。以廉價食材，滿足奢侈慾望。以紅辣椒，薑，蒜，葱，豆瓣醬，豉油燴茄子，加上豬肉粒，十分惹味。舖上飯面，便成碟頭飯。難度高的，是用來炆米粉，要不油膩，要米粉「入味」，是要十分高超技術，比乾炒牛河更難。此店外賣飯盒在中環暢銷，很大份量，女士難以全盒下嚥。鑊氣足。數年前曾嚐此店的魚香茄子炆米，都留有好印象。可惜今日「番尋味」，大失所望。份量依舊（已分了一大碗贈同好），惜米粉無「魚香」，比湯米粉更「寡味」。有不少豬肉粒，卻豪無幫助。矮瓜甚少。如有好食的魚香茄子炆米，盼能告知本人。

新興美食 係打工仔平食既選擇之一 價錢相宜而且款式多 今日快快手買完返公司食 登登～椒鹽豬排飯（$39）一打開有驚喜 豬排有成8件 比我想像中多 而且飯多 又有蔥油 味道仲相當唔錯添

車仔麵（魚蛋、泰式蝦餅、豬軟骨）鹵汁🍜🍜魚蛋🍡3粒，唔會話好好味，偏彈牙，但係又唔係好彈牙個D魚蛋。🤔🤔泰式蝦餅（2）兩塊蝦餅，蝦肉唔多，🤔🤔又唔會話難食，魚肉多啲囉。 豬軟骨2件有一件豬軟骨好大塊👍🏻👍🏻，冇咩特別好味，都okay。湯底🙅🏻🙅🏻🙅🏻🙅🏻🙅🏻🙅🏻🙅🏻🙅🏻🙅🏻個湯底係甜嘅，攞命！！！從來冇食過甜嘅車仔麵，以後都唔會再叫！儘管佢啲配菜正常🤦🏻‍♀️🤦🏻‍♀️🙅🏻🙅🏻🙅🏻🙅🏻

$31魚旦米 平！👍🏻👍🏻👍🏻唔知點解之前食嘢係超力米粉🤔🤔，但今次啲米粉又ok 🤓🤓wor 。😲😲31$糸中環區食，抵啦🙌🏻🙌🏻。不過唔知係唔係我太肚餓食唔飽，但係食唔飽都好嘅，因為食太飽好容易肥🤦🏻‍♀️🤦🏻‍♀️。雖然我食唔飽，但係佢份量都多嘅。魚蛋份量又多，米粉份量又多，就係湯比較少。所以想飲湯嘅要分湯上。☝🏻☝🏻☝🏻☝🏻 佢啲魚蛋冇話特別好食，起碼唔會有臭腥味。

今日公司高層突然話請食lunch可能係因為近新年啦有人請係好嘅 所以嗰日每個人都揀自己想食嘅嘢啦 應我嗰日又唔係太肚餓又想食啲湯面野所以就叫左蝦餅米粉蝦餅米粉有兩件蝦餅 附送一個泰式辣醬 蝦餅唔係好熱辣辣 唔係咁有蝦味 反而比我有種感覺係食緊現成嘅炸蟹鉗 姐話好似唔係自己整嘅係便利店嗰度買嗰啲雪藏炸好嘅蟹鉗然後返炸出嚟碗米粉都係極品 係用超力米粉🤦🏻‍♀️🤦🏻‍♀️🤦🏻‍♀️🤦🏻‍♀️ 超力米粉真係麻麻 雖然佢有好多蔥 芫荽 都係一樣救唔番碗麵 湯底冇內涵 淡 仲有半塊蘿蔔 我唔明點解蘿蔔都可以難食嘅 好似用清水煮熟咗之後擺落去完全一啲味都冇 下次真係唔敢嗌湯麵

近排一直都好想食咖喱 😋😋😋又唔想去大家樂排隊雖然翠華嗰個好好食 🤗但係又想試下有冇其他間嘅咖喱好味所以叫咗間新興食家 💪🏻同事幫我叫咗個咖喱雞大碗飯 送到來打開真係超大碗 🤓不過就唔香 😞飯超多 但係啲汁同埋啲雞就唔多 啲雞係雞扒好薄嘅 😶有啲薯仔啦 薯仔都多嘅不過咖喱味唔夠重 唔夠香唔辣嘅 😫都糸翠華好食 價錢又唔係特別平🤔🤔🤔呢間啲食物水準唔太似茶餐廳通常茶餐廳啲嘢食都好好味ga 嘛🤔🤔🤔

The photo does not do the lunchbox justice, I am afraid. For a takeaway lunch of pork chop on rice, one gets two large slices of quite thin and crispy (but not greasy) pork chops, on a bed of rice that is quite fragrant, garnished with chopped spring onions and soya sauce with Vietnamese style seasoning. Makes it a very pleasant and satisfying takeaway lunch which is difficult to find in Central, especially at a very reasonable price. Highly recommended!I do have to add that I did not attend the

因為今晚要出街食飯，早餐要食反清淡健康d~所以就去咗買麥皮+呑拿魚治食～堂食既人數唔算太多，但聽到佢地不停接好多外賣單，所以雖然我只係叫少少野，但都要等咗10分鐘廚房好開放，不過見到衛生情況好一般. . . 好多用料都係是但用d膠盒裝住. .不過見到都幾多人叫牛肉包，整嗰時好香終於食得了～鮮奶麥皮雖然睇落奶白色，感覺用料豐富，但其實好稀而且完全無奶味. . 只有甜味...估計應該主要落白糖為主... 好彩都唔算甜得太過份呑拿魚治烘底要+1蚊，方白幾有口感呑拿魚份量比較少，但味道不錯，甜甜地，沙津醬唔算太多檸水值得一讚係檸水比超多檸檬都有接近半個～成個餐25蚊，價錢中規中矩啦～不過唔會再食佢個麥皮了

雖然在中環上班一年多，但還是不太清楚早餐去邊'揾食'先好？幸好同事為我購買的牛肉三文治及咖啡！說到這個牛肉三文治~ 是一塊塊的小牛肉，被腌得非常的入味，超嫩牛肉，肉汁及醬汁多到我吃的時候都漏出來~ 超美味~ 咖啡很香滑很濃~ 太美味了^_^

重回中環區上班幾個月，由於不喜歡在繁忙的午市等位，漸漸養成了帶飯的習慣；不想帶飯時，就會買外賣回公司。初時幫襯大家樂、美心等連鎖快餐，質素每況愈下。後來在昭隆街發現一間快餐小店，自此成為我的外賣飯堂。　　這間店名叫「新興美食」。環境方面，可以說是零裝修，不修邊幅似工廠飯堂。門外張貼了當日餐牌，有十幾款，偶爾更換款式。選擇不算非常多，但對於抱著吃快餐心態的打工仔來說，非常足夠。價格在 $31 元起，包是日例湯或汽水。如果想飲熱、冷飲，就要分別另加 $5 及 $7。雖未算超值，但在百物騰貴的中環區已經幾抵。　　為什麼喜歡到這裡買外賣？除了價格外，還有三個原因。一、　買外賣，最怕是排隊同等待。但新興很有效率，排隊購票通常只花一兩分鐘。而將飛仔交給取餐處的姐姐之後，不用一分鐘已可以走人。最快試過 20 幾秒搞掂，速度奇快！在苦短的午飯時間，分分秒秒都很寶貴。二、　用料足。吃不飽飯，哪有氣力工作？另外，飯多餸少亦是令人討厭的事。喜歡新興飯盒份量足，餸亦夠多，令人吃得很滿足。三、　最重要的，始終是味道。我也試過其他店的外賣，但新興是目前吃過最有保證的。當然，不可能對快餐期望過高，但至少對得著街坊。

午餐和同事去買外賣, 在中環昭隆街是一個好選擇, 見到新興美食有咕嚕肉飯($31包汽水/湯), 便試了, 回到公司後發現送汁有少許漏出, 但問題不大.可是顏色太像油漆, 吃下去的感覺好怪, 完全不像咕嚕汁的味道. 簡直是在吃紅油撈飯, 冇下次唯一可以稱讚的是把單給店員後, 不用1分鐘外賣便 READY

由於我同同事一齊出席福音午餐會，我又唔想每次都食永樂園，咁咪轉下攞，反正食特價午飯外賣自取有例湯或汽水送。我平時少食菜，所以食飯都盡量會揀有菜 o既款式，咁我就揀左菜遠雞球飯，送是日例湯，而同事就唔食特價午飯，反而食滑蛋蝦仁飯，不過冇例湯或汽水送。菜遠雞球飯o既菜係椰菜，D菜冇晒光澤，D菜好似好老咁，雞球當然係雪藏，不過冇味，清淡非常，我都冇乜心機食呢個飯盒，都係為左填飽個肚。例湯南瓜冬瓜湯，都算清潤，飲完都唔算口渴，尚可接受。至於滑蛋蝦仁飯，滑蛋汁非常多，大大盒，比永樂園還要多，且蝦份量都好多，相反永樂園就得好少。除左滑蛋汁，仲有草菇碎同葱花，食落都幾清新、幾豐富，非常滿足，由於蛋汁多，連蝦都可以食到味，讚。

Lunch 食到好飽, tea time 簡單點了司華力腸配沙律司華力腸仲好脆皮~沙律係我食過tea set 最唔hea 既portion~ 有好多~而且仲好好味tim~不過原本打算叫熱杏霜就送錯左熱檸蜜黎算吧, 天氣凍飲蜜糖都滋潤的吧~但係好甜