新興美食

Open Now

Now Closed

晏晝有事到中環食飯，叫左一盒粟米炸豬扖飯外賣到客仔既公司食。可能我比較貪平，味道就麻麻地，但飯同餸都份量好足，如果食慣大家樂既話其實係可以接受，佢仲平過大家樂果d而且又差唔多唔上下質量。我覺得d粟米白汁夠鹹，但唔夠多汁，炸豬扖呢就係炸定俾你，所以唔係好夠脆。但係就唔使點等，好快就有，近乎即刻就有得拎。以28元有野飲黎睇平平地o係中環又真係幾抵食。

岩岩係公司叫左個外賣, 真係都未食就忍唔住要上黎鬧爆佢! 佢外賣紙上寫$50蚊以上係免費送貨, 我同我同事兩個人就叫左兩個飯, $53, 點知個阿姐送到上黎時黑哂面, 好大聲咁話叫得五十幾蚊咁少, 下次叫多d丫嘛, 俾貼士黎呀, 行條斜路咁辛苦! 喂, 大佬! 你嫌我叫得少咪係落order時話唔送囉, 唔係黎到先黎黑面呀? 仲有, 我叫左咁多年外賣都係第一次聽到有人開聲叫俾貼士! 仲有下次? 發夢!!!

趕頭趕命的早上總要有一份好早餐替自己打打氣走入昭隆街價錢先決的我就選擇了這一家沙嗲牛肉包+熱奶茶 (外賣)牛肉包----包烘得脆身,沙嗲略嫌味道不足,但牛肉嫩滑熱奶茶----水準之作.不重茶澀味,滑口.女生胃口不大.一個包加一杯飲品就已經可以成為一個豐富早餐~13大元~值得值得~

收左工見肚餓諗住搵野食,見到呢間野幾平就試下...點了下午茶餐~熱狗+熱奶茶奶茶:茶味濃但冇奶乜味...唔好飲!熱狗:簡直係差,個包雖然烘過但一D都唔好食..好硬,條腸好油淋淋雖然抵食但味道就真係唔得囉~下次都係唔好貪平了...

今次同d同事點左d小食同埋d飯,麵一起食......都幾好食.....所有炸野墊底既生菜都比我食曬~~ 香茅雞亦 ( 4隻) $20 x 3 = $60 : 應該係炸過既, 但係奐唔會好dry,入面仲有肉汁tim.. 而墊底既生菜都好新鮮.....泰式春卷 (4條) $20 : 春卷入面係d蔬菜同粉絲,清清地唔太油...泰式蝦餅 (4大粒) $20 : D蝦肉好彈牙,個皮脆卜卜好好食.....泰式鳳爪 $20 : 鳳爪全部都去曬骨,酸酸辣辣...我冇食, 但佢地講幾好食..... 日式豬排炒烏冬 $34 : 有好多西斤, D豬排都淋,烏冬都唔會好油干燒依麵 $33 : 真係炒待幾干身,有D小棠菜同草菇香茅豬排飯 $30 : 香茅豬排好鬆化有兩塊....飯硬左d~~~但都可以接受...5個人合共 = $217..... ( 我地仲有其他野食...最後飽死左.....)

今日lunch 點既外賣,因為唔得閒食....所以收左工拎左返屋企食.........我今日點左個鮮茄牛肉飯炒底($31)...... 我夜晚返到屋企放入微波爐叮返熱黎食........味道一般啦.......鮮茄只係得兩三丁粒, 有幾片蘑菇,牛肉都幾多,有十幾塊...( 可能d牛肉下左好多梳打粉, 所以好淋）．．．致於個炒飯底勁唔得，好一ｐａｔ，仲超多飯．．但係太糊喇．．．．．．．

早上往中環辦事後，茶啡癮發作，走入昭隆街，看見這店外的海報張貼，單要熱飲 $9，一個熱狗餐連奶茶 $13，寧可要個餐，買票後往取食物，可看見整個廚房所有人的工作狀況，若不是親眼看著，真不相信身處中環黃金地段，還以為在葵芳工廠區內的食堂，甚麼也很簡陋。心知隔這店兩間舖，便是馳名已久的熱狗王，小孩不笨，連小孩也許知道在這店叫熱狗可能有些不智，但我估計區區一個包加一條腸，有可難度？不一會，我份餐便弄好，先喝口奶茶，茶味較濃，倒不要緊，但不夠奶，平衡做得不好，再試熱狗，包身夠熱，也有近似永樂園加煉奶的醬汁，咬一口香腸，腸心是冰凍的，祇吃了包便算。虧他們可以將熱狗變凍狗。真的愈簡單的事，愈難做得好嗎？

今晨又找找新早餐勝地, 行過昭隆街, 試一間未食過的.一間小小外賣店, 格局與永樂差不多, 見到三文治加奶茶$18, 快快趣入去Order, 蛋牛治不過不失, 奶茶香滑. 回到公司大堂, "地下鐵碰著她"說樓下鐵行里又加價, 而家俾我繼續搵到<$20, 中環區, 已經不多.

2007年12月15日此店就在永樂園鄰, 朝月行過見都有d客, 男友又係沙爹牛精, 咪買個沙牛包試下, 味道都唔錯, 幾入味, 大家可以試下, 唔洗成日食沙牛麵麻!

明白而家咩都貴咗加價是無可厚非的,但係加咗價之後,d食物細咗好多,質素又差咗好多,而且個收銀仲串咗勁多,叫人點可能再回頭呢...如果呢間野唔係開在中環的話,一定老早就不存在了,怪不得隔離的昭x越來越好生意啦,雖然人地都係加咗價&細盒咗,但係起碼d人有番d禮貌會同您講句"多謝",無佢咁過份呢...擺一個仲串過碼頭苦力嘅女人做收銀趕客,唔止一次見佢响d客背後鬧鬧鬧&窒d客>_<

我平均一星期都會有一至兩日在此買外賣, 這裡除了有炒飯, 麵, 烏冬,(即叫即炒) 焗飯之外, 還有泰式河粉米線價錢方面又不會太昂貴. 何況每天也會有set lunch, 大約都是$21-25, 還送中湯或西湯.在中環來說可以話有便宜又好食.不過如果想堂食的話..就會有種給人望著你食飯的感覺, 因為那裡人來人往, 吃得有點不自然

原本一起食lunch的同事去了旅行,今日0係好偶然0既情況下同一位新同事食lunch,呢度就係佢介紹0既.... 我倆都係叫左乾炒牛河,的確係幾夠鑊氣,牛肉又多,係幾有大排檔既風味0既,而且對我黎講真係非常大盒呀, 不過其實lunch食乜野我都唔太挑剔0既,難得0既係有個機會同呢位新同事傾0下計ma...

呢度既泰式湯麵真係唔錯...好似有牛丸啦...扎肉啦...都好好味....另外呢度既咖啡都唔錯...不過太多奶啦服務態度就真係唔得....

Lunchtime百無聊賴, 四處逛, 覓又平又靚飯盒.離開沿海地方, 上干諾道德輔道, 無所獲, 始終決心出來走一趟, 無理由美心超群了事. 失驚無神中入昭隆街, 有好些門面較up dup茶餐廳, 看看門外menu, 有一間有“泰式焗肉排飯”, 殺你. 正是新興.再過干諾道德輔道返回公司, 開來一看, 竟有十件豬扒, 另加所謂泰式汁淹沒一團冷飯狀物體.入口, 果然一pat野, 但經咀嚼, 又吃得出飯粒. 好奇心下, 細心再看那些飯, 原來不是冷飯, 只是米特別細顆, pack得很密, 再加上汁, 又經豬扒所壓, 才這麼不好看. 米細細, 在舌頭上擦著, 幾好feel.豬扒味道也ok, 而且沒有鬆肉粉. 倘能以五件豬扒換數棵青菜, 則更健康.

呢度食晏時間好多人來買外賣，皆因炒粉麵飯夠新鮮熱辣，幾個赤膊師傅在不停咁炒，夠鑊氣。個人最喜歡星州炒米、沙爹肥牛炒河同味菜牛柳絲炒麵，27蚊一盒，連飲品已經三十幾近四十蚊，都唔算太平，但味道是有水準的。另外這裡堂食位不多，只幾張圓檯同高椅，又人來人往咁，似乎唔太適合坐低傾計，買走食會適合D。