新記

Open Now

Now Closed

今日早餐食得好飽，中午沒有食飯，經過這處，便叫了腸粉魚旦炸燒賣，腸粉幾滑，但醬落得唔夠多，上面啲芝麻粒有些益，魚旦無咖喱味，但又唔係好差嗰啲，最期待的炸燒賣無落淮鹽，就爭少少了。希望下次再來可以有些改進吧！

今日去咗西營盤第三街新記，諗住食啲小食。好耐冇嚟，好似轉咗人。嗌咗燒賣同埋咖喱魚蛋好難食。冇味仲衰過Seven嗰啲，態度仲好差。超級後悔不會再幫襯。勸大家唔好中伏。

八達通未拍到，佢就用隻手指禁我張八達通落去，然後話你唔使咁驚係度縮，頂未拍到咪未拍到，乜要驚架咩。我叫芝士腸，油淋淋到呢，真係見到都唔開胃，唔會再幫襯。態度又差，食物質素又差

極差！大家唔想受氣既千其咪幫襯！仲要本人未落單已經比佢趕走！超趕客本身經過想嗌份雙拼三文治，成間舖一個伙記。咪好客氣問下佢有幾份三文治（兩份定一份），你知例如茶餐廳有時會一碟兩份三文治，我怕兩份食唔晒，先問下佢，非常客氣：「請問一碟雙拼三文治有幾多份？」。點知佢應都唔應，唔知特登定點，仲要我嗌第2次，先施施然擰個頭過來，仲要串我話一份三文治咪兩塊包皮夾住囉！三文治係咩樣我梗係知，但我傻架？只係問下有幾份姐，因為有點飽，怕兩份太多會食唔晒，浪費地球資源。點知，你呢d服務態度呢d質素就真係浪費地球資源同舖位啦。以禮待人，都會得到咁既遭遇。難怪，望緊餐牌時有一兩個客人都睇緊，但聽到佢咁既態度後都即刻掉頭走。生意係自己既，趕客都係自己攞黎。今時今日既態度點只唔得，仲十分趕客，永無下次。

開完會又係下午茶時間，路過西環西營盤，想揾路搭車返公司揾揾下見倒新記小店，餐牌大大個好似乜都有，煎釀三寶，炸雞肶，薯餅熱狗乜都齊，仲要價錢都OK！好吧，就買返公司食順便支持小店！🍗生炸大雞脾 $25 估唔到係即叫即炸所以要等8-10分鐘左右 ，因為買返公司食，所以凍左小小，但都食倒炸雞脾皮乾身小油肉汁好多，而且有好香椒鹽味！仲要好大隻！抵！🍗鼓汁雞脾 $20 鼓汁唔駛等咁耐，價錢平少少，但細隻小小，味道適中唔會太咸，肉質嫩滑！兩款都好味！🌭最後仲叫左司華力腸，一開立即秒殺 ！ 就係方便分又好味囉！ 

今日同女朋友落街醫肚時，行經依間小食店，見到價格幾親民，又有得坐低食，就即刻坐低。所有野食即叫即整，熱到辣嘴。咁樣坐係街邊食野真係少，唔似食大排檔嘅感覺，但又有啲返去八九年代嘅感覺，有趣有趣。

小朋友上完課又少少肚餓，又去找尋小食吃啦。今次到了老字號的新記小食店，雖然曾經易手，但是接手的夫婦把新記的特色保存下來，還創作了很多其他特色小食同配搭，值得一試！今次我們吃的是魚蛋，對！就是這種白色的魚蛋，令人難忘：味道適中、口感又彈牙、價錢還要很便宜，$7有六粒。

成日聽聞呢度嘅炸燒賣好好食飲咖啡 前諗住食啲嘢打個底咁啱就見到哩間撞正放學時間門前三個位都畀啱啱放學嘅幼稚園小朋友坐緊至於我就目標明確叫咗一串炸燒賣七蚊一吋即炸畀你感覺上幾抵熱辣辣啱啱炸起果然好味如果唔係要留肚飲咖啡食蛋糕應該會食更多

碗仔翅，咖哩魚蛋好好食，真材實料，感覺新鮮，久違了的香港街頭美食。 用心製作，價錢公道。Yummy fake fins soup, curry fish balls with radish and pig skin, you can find all hong kong style traditional street food which are now rare to find. You cant find any good places in Mong Kok because of excessive rent which drive down the food quality.

呢篇食評應該要更早岀現！多年前，我細佬讀聖士提反堂中學開始，我地三姐弟都好鍾意食呢間店的炸燒賣！(我細佬而家都讀完大學，投身工作了!!) 每次老闆都會問要淮鹽定咖喱汁，每次我哋都會揀咖喱汁！因為咖喱汁係獨家秘製，而且炸燒賣炸完大大粒脆卜卜！煎釀三寶有好多選擇，例如：魚蛋、茄子、薯仔、番薯、炸雲吞皮等等！自己揀完自己落醬汁。老闆要退休了😢雖然以後都冇得食炸燒賣咖喱汁，但近期睇到老闆做到彎曬腰，真心覺得老闆應該要好好休息，因為平時開店開到好夜！聽聞凌晨一二點依然開舖😢呢篇食評係感謝老闆咁多年為西環友提供又好味又便宜嘅小食！如果從出江湖，記得要通知我哋😂

今日路過新記，見有少餓就買Ｄ野食叫左炸雞脾，老闆即時炸比我，所以好熱，不過由於係翻炸的原因，所以好油不過都好惹味，衰在油太多，12數一隻仲買左煎釀三寶, 11蚊4件, 係知架上面自己夾, 所以唔多熱 =(不過都叫可以接受老闆都幾友善, 態度不錯整體來說可以接受, 都係餓時的一個選擇