新記芝士麵 (Closed)

芝士豬頸肉撈公仔麵（$47）👅芝士杰身有啲咸香但唔算濃🧀🧀🧀豬頸肉都有啲厚度，整體上無咩特別🤗係比想像中無咁膩🤔但未至於要突登試，反而之前食過其他茶餐廳既仲正～咁就$47都有啲肉赤😐😐

香檳大廈?!!! 一聽個名除左果D野仲諗起咩?就咪係好好味既芝士撈麵 - 新記 !!!新記已經好多年歷史喇，仲保留到真係好勁(證明左有幾咁好食XD)店面貼左好多明星黎食既照片!叫左個雞翼芝士公仔撈面全碗都係'杰' 身的芝士汁!!未食已經覺得好正!!!不過小小一碗，份量有點小(連女生都覺得一碗都不夠)，芝士味道確實不錯要趁熱吃，唔係凝固左就麻煩(又冇咁好食)。下次可以再叫埋其他野食~~~

尖沙咀香檳大廈一向都係煙花之地 (識呢D Term 暴露左自己年紀添)偏偏入面就有好野食今次一試99年到今日既芝士撈麵一入去已經勁多明星幫襯既相老牌店真係老牌店好多呢世代唔識既歌星相都有係度好有歷史價值仲有好多本地外國雜誌介紹招牌豬頸肉芝士撈公仔麵($47)呢個價錢一啲都唔平一上枱見到成碗都係芝士完完全全咁覆蓋左D 豬頸肉同公仔麵超誇張應該用左唔止一塊芝士咁少去整一黎緊係撈起先喇將芝士完全咁融入麵度芝士真係多度夠哂每條麵都沾滿哂麵身係較淋既質地芝士好多但味道唔係好濃反而豬頸肉烤得幾香可以一試但未必會瘋狂Encore呢碗撈麵真係增磅首選店名: 新記餐廳地址: 尖沙咀金巴利道16-20號香檳大廈地下13-14號 

話說這間專食芝士面的港式餐廳也教為出名，一直都很想試一試。地點比較入，需要行進商場入面才找到。星期日12點3左右去到,，不用排隊。我們2人分別叫了豬頸肉芝士公仔面和雞翼芝士公仔麵。面來到的時候見到醬汁比較稠，感覺沒有溝水，應該食起來很濃郁。可以食落其實比較失望，芝士味沒有很濃，面就比較軟身。豬頸肉肉質比較韌，味道不錯。雞翼有驚喜，外帶少少脆，肉嫩有肉汁。 一碗價錢為47，分量少，所以性價比真的不高。一人一碗芝士面確實食不飽。本來想點三文治，但在覺得不划算的情況下，就沒有再點了。

香檳大廈果然是臥虎藏龍，不簡單的隱世褔地。不單止聚集大量風月場所，還在不知不覺之間，聚集了香港「四大奇食」其中兩間食店。上次試過地庫「星座冰室」的原塊芝士蕃茄撈蛋麵，今次一於行上樓梯返回地面，走向另一間「四大奇食」「新記餐廳」試食他們的特濃芝士麵。走進店內，已經被店內濃厚的「星味」吸引住。其中兩邊牆都貼着大量明星藝人光顧過「新記」後留下的照片，還有外國報章雜誌對「新記」的食評。 其中有一篇日本雜誌對於「新記」芝士麵的報道介紹，大概是形容「新記」別出心裁，劃時代的構思。報道指「新記」將一般人經常會吃的公仔麵「出前一丁」（但日本人其實知不知道，「公仔麵」跟「出前一丁」是兩個截然不同的即食麵品牌？），以過冷河的方式處理麵條，再配以芝士汁和豬頸肉，成了一客「豬頸肉芝士撈麵」。不過我今次就沒有選報道介紹的「豬頸肉芝士撈麵」，而是選擇了一碗「雞扒芝士撈麵」，另加凍奶茶一杯。其實「新記」單是以豬頸肉為主要配菜的芝士撈麵，也分為了「超級芝士麵」和「豬頸肉芝士汁撈公仔麵」兩種。無疑「新記」真的很看重「豬頸肉」這種食材，將兩種跟它有關的兩款芝士汁撈麵列入「特別推介」菜式。而且「新記」除了有豬頸肉的芝士撈麵

其實食過好多次新記，近排貪得意寫食評，見到咁多評論都話唔似以前好味，所以決定寫番篇食後感。講真，食個公仔麵啫，講到好似食n個course咁嘅層次同批評，個人認為係期望錯左。呢度食左咁多年，我又唔覺得差別好大喎加價係要加嘅啦，呀媽細個維他奶5亳子一支添，邊有得咁計。食得老字号，都係願意比錢去食嗰種感覺嘅啦。就係嗰種一諗起港式芝士麵就係佢嗰種感覺。唔通叫個法國大廚黎試佢啲芝士正唔正咩⋯食完覺得依舊好味，夠地道，夠港式。四十幾五十蚊有幾塊豬頸肉加個麵，喂，講真，泰國餐廳都收你幾十蚊到一百蚊一碟豬頸肉啦。If you want something spectacular, I think you should go to many other choices next door. Don't have unrealistic expectation.

由於之前在某篇文章裏面看到原來這間小店很出名，專門做芝士撈麵，還有不少明星來幫襯，今晚剛好去諾士佛臺喝東西前很餓，又不知道吃什麼好，就突然間想到了香檳大廈裏的這間，跟星座冰室一樣都是老字號了。就座後一看餐牌，發現價格並不便宜，跟蘭芳園差不多了，感覺就像是在賣名氣而已，難道一點芝士就那麼值錢嗎？我在家煮麵就瘋狂加了啦。招牌推薦大部分都是各種芝士撈丁，由於我不是很想吃豬肉所以點了芝士丸芝士撈丁，後來發現有點太膩了，因為實在太多芝士，早知道就乖乖點招牌豬頸肉撈丁了。小小一碗，份量很小，芝士味道確實不錯但要趁熱吃，否則凝固以後口感就沒那麼好了。感覺這裏是一個頗有懷舊feel的地方，可以來試一次，但並不會常來。

見完客又去食d嘢，見到佢主打係豬頸肉芝士汁撈麵，不過呢個地段噶食物都幾貴，咁樣食已經要50幾蚊，豬頸肉芝士汁撈麵可樂真係成舊都芝士離架，不過芝士配豬頸肉就唔係好夾，豬頸肉本身已經都幾肥再加埋咁肥膩噶芝士汁，好快就飽，仲要配麵。就算兩個女仔食應該都好夠飽，配個可樂其實都係一個唔錯噶選擇。不過性價比就比較低，芝士都唔算太出眾。

今日同完家人係尖沙咀行完街好肚餓我就諗起新記啦!腦入面出現左芝士撈丁個畫面, 一路行已經流緊口水啦我既招牌豬頸肉芝士撈丁我試過叫芝士丸芝士撈丁但係太流喇豬頸肉芝士撈丁就岩我胃口唔知係唔係太耐冇食, 佢個汁愈來愈淡, 冇以前咁香,好掛住以前隻味同埋杰左好多, 難左撈啦而且愈來愈費, $47一個希望係一時失手啦

新記芝士麵係鎮店之寶，可惜大不如前，芝士太快凝固，啲麵完全撈唔起啲芝士 lol 而且唔夠香。豬頸肉冇咩點係調味方面處理下，只係普通煎一煎，同2年前我食既時候差太遠。其實而家最出色係佢既蜜汁龍鬚公仔麵，而唔係佢既人氣芝士麵個人認為☻濃稠既瑞士汁浸透每條魷魚，芝麻撤係魷魚面上，香口美味。最正當然就係拎啲汁撈落過湯麵食啦~ 新記另類選擇，泰式雞扒飯~ 佢既泰式其實係指泰式辣醬😂雞扒煎得金黃，而且雞肉幾嫩身，加上沾滿惹味泰式辣醬，雞扒更加香氣十足，又一樣簡單好食既飯。新記炒飯都唔錯，炒飯粒粒分明，而且好乾爽唔油膩，加上火腿，叉燒，雞蛋等等簡單材料炒出陣陣飯香，令肚餓既我地更加唔停咀。所以有時候黎新記唔一定要食佢既芝士麵，試下其他可能會發現到驚喜架。

晏晝行緊尖沙咀，餓餓地就去想試好耐既芝士撈丁其實都幾細碗，不過好彩有好多塊豬頸肉既而且芝士汁啱啱好夠撈麵但記得要趁熱食！如果唔係會乾晒可能較細碗，食完都唔覺好漏好大碟龍鬚👍🏻唔韌架！不過甜左DD，個味有D似瑞士汁小豬諗左個新食法，倒蜜汁落芝士撈丁一齊撈，又真係幾好食大家可以試下

一入門口見到佢鋪頭貼住好多明星黎幫襯既相，好似好出名咁我係聽朋友介紹所以黎食既雞翼芝士撈公仔麵$47🍜🍜芝士汁好濃🧀，但係可以見到芝士汁唔夠多，而且啲汁好快就杰達達，搞到食落有啲乾，同埋啲芝士汁有少少咸我覺得佢份量都幾少，感覺性價比唔高

we ordered their famous cheese noodles with pork collar and a scrambled egg toast.the cheese noodles has nice thick creamy texture mixed with instant noodles and roasted pork collar (pork collar is very nicely done, in terms of the taste and texture). We only ordered one bowl to share as we feel that it'll be quite "jelat (too creamy)" for us to each take on a bowl.The scrambled egg toast is really mediocre, don't bother ordering it.btw, this is quite a difficult place to locate as it is hidden

好耐無食過了，今日係專登去食的。豬頸肉撈芝士公仔麵 $47：成碗都係芝士，面份量都不少，真係好滿足，豬頸肉爽口，跟餐加$9可以叫多杯野飲。但整體感覺偏咸，食完真係有d漏。

終於一試人氣芝士撈公仔麵店，店面如茶記般簡單，卻掛滿位位不平凡的明星合照照片，看來邪惡的芝士麵的確吸引很多人！下單時花很多時間考慮芝士配搭什麼餡料，最後選定了芝士雞扒撈公仔麵！因為沒有套餐，需另加飲料，所以都索價$50多！少貴。芝士麵大約8-10分鐘便上碟，果然芝士汁鋪滿整個碗，但翻下去, 公仔麵卻不多。芝士汁不算太「杰身」，顏色亦較像忌廉汁，芝士屬普通質素，只食得到微微芝士咸香，雞扒則不錯，煎得夠香和厚身。而公仔麵則是一貫質素，不是出前一丁，所以較淋身。整體來說，食材都是簡單便宜，份量亦不多，所以價位略為高。但吸引之處，就是每一捲麵都可以沾上芝士汁，偶爾放縱一下還不錯！但對我來說，試一次就夠啦！