新廣發 (Closed)

打完波住附近既朋友suggest呢間餐廳話好平好抵食，就跟住大隊試啦大排檔格局點左三餸車仔麵連餐飲都係$30，呢個學生價真係久違多年，每樣餸都分量十足，蘿蔔甜，魚腐鮮，貢丸彈另外叫伙記姐姐加腩汁，值得一讚係呢度伙記態度好好鍾意呢度既好立克唔會事先加糖，因為我唔鍾意太甜通常都唔加糖下次打波會再幫襯

湯底: 清湯/ 芫葽皮蛋基本上是無味, 沙爹湯底就好D。配料: 多款式, 最好係蠔, 蜆任食, 但蝦就只可以拿一次, 呢3樣海鮮好鮮甜呀, 其他丸類, 牛肉果D 就是雪藏貨, 普通LA。飲品: 都算多款, OK幾十蚊任食基本上不可要求太高LA

係沙田踩完單車最好就係去沙田圍打邊爐任飲任食火鍋 / $85/位 大小同價 / 新廣發尼個價錢的確係窮人恩物💸😍好多人都會黎呢到食好多款食物任君選擇，有蠔有蝦有青口，真係幾豐富，好唐蒿任食真係無得輸，只愛食唐蒿啊我丸好多但肉類較少，得牛肉，唔食牛嘅朋友就慘慘豬個到行路要好小心因為地面濕好易仆😏同埋個到冇冷氣，如果係夏天就好熱，我冬天所以就okay，唔會話好熱同成班朋友去食，啤啤佢就最好不過電話: 6800 5991

兩對小情侶打完波就去咗依間熟食中心打邊爐補充能量。依個打邊爐係一個價任食任飲嘅。叫咗過鴛鴦湯底。不過其實都係比包湯包你自己來。可能大多水定唔知點。豬骨同沙嗲湯都無乜味。依個蝦好似係每枱限定嘅。都新鮮嘅。所有嘢食嘢飲都係自己拎。都係嗰啲正常邊爐嘢食嘢飲唔逐一介紹。啲嘢食味道一般。不過預咗。特別少少就係有唔常見嘅牛栢葉。同有生蠔實在有啲驚喜。仲要都幾大隻吓。不過出去拎嘢食就好似打仗咁。環境就係大排檔咁都逼逼哋。空氣唔算太流通。怕太煙嘅建議坐近馬路位。大排檔似終係大排檔。唔好expect有咩服務同啲嘢會乾淨。不過可以任食任飲。又無限時。收嘅都係平民價。所以實在係超級無敵抵食。

天冷打笨爐首推在哪裡？作為新界人，必會聽過及去過的就是~新廣發！！以前去比較麻煩，現在沙田圍很方便！地方似一般大排檔，環境不是很好啊~~不過勝在價錢和食物方面！！ 湯底選擇都OK，基本的都有~~ 人很多，7點半之後到達的朋友就要等位了！ 每枱限食兩小時！ 蝦不是任取，按人頭俾！但新鮮！ 肥牛，蠔都是任食，最緊要你拿到！哈哈！ 人多的時候，真的未必拿到哦~~~ 種類選擇都多啊~~ 飲品任飲！ 推介這裡是因為性價比很高，而且自由度高！ 我都光顧了不少次~~推介！！！

天氣凍凍地想出街食 打邊爐係唔錯嘅選擇 但係出面任飲任食火鍋落樓 位位 $130左右冇走雞 d肥牛仲要一餅餅未溶雪 當然將貨就價冇計啦但係依間新廣發就唔同 70-80蚊一位 加開爐$40左右 比起出面分分鐘仲平咗 佢地唔係畫紙仔 而係自己出去拎 咁就唔怕好似其他火鍋店 一班人畫5碟黎1碟 同埋肥牛你會見倒有人一舊舊肥牛磚 即刻切片 一定唔會有未溶雪嘅肥牛餅出現，另外佢地有大量生蝦提供 間唔中我見其他人都有蟹食 如果你係打邊爐唔可以冇氣水嘅人 恭喜你 佢地提供係 全香港人都覺得最正嘅 玻璃瓶氣水當然啤酒都會有提供因為佢地計人頭加開爐所以價錢不定但係我食開 2個人食 就位位$1033個人食 就已經可以平到$100樓下

放工專登同朋友一齊老遠咁去到沙田圍食新廣發事關佢地話好抵食個日都係一百多啲就可以任食仲要個陣人唔多可以食到夠先走玻璃樽汽水任飲好多丸揀海鮮有蝦 蠔野食種類多環境就大排擋 地鋪易有老鼠 大家明啦 so far靜係門口有服務正常 姐姐們有求必應整體黎講幾抵食 不過就唔會再專登入去😂

食新廣發已經食左幾年，見呢排天氣涼左即刻再黎。坐落姐姐問要咩湯底，要左沙爹。以前有鴛鴦的而家冇左。急不及待出去攞野食，同之前食開差不多但冇左蜆。肥牛質素參差，一時太肥一時肥瘦適中。基本大路野都有，雞脾菇大大塊好爽口，午餐肉麻麻，中意食海鮮既有蝦同蠔。另外亦有野飲任飲，都係大路汽水同蜜桃汁，以前有jollysandy而家冇左。提示一句呢度係冇響鈴的。埋單85一個人再share一個爐48，total3人每人101。黎得食就唔好預有幾好服務，好多野都要自己黎，不過今時今日香港地仲有呢個價呢個質素已經唔容易，所以就算遠都會特登過黎食。

有一年到未來人過!但我覺得比前乾淨!海鮮方面需然得2樣比前小了蟹!但蝦和蠔有進步!比前自己拿!新鲜好多!蠔大大隻没有沙!煮熟也不大縮小!正!蝦也大大隻!不像前些的肉質晦!煮後好難食!新鮮有蝦味進步!我本人十分推介食魚付!好正!好好味!比出前的米線魚付冇得比!飲品也增加了罐裝蘋果汁!提子汁!樂怡先地!碧泉!像現在任食任飲83元加蝸費48!不要太苛求!因造價錢!很難找到!

今日男友同事攪 FARE WELL 選左黎呢道，呢個價錢都真係唔駛有要求啦 !!門面唔差，大排檔~~ 你唔會諗佢會好乾淨 !! 但唔差囉 !!任飲汽水都真係值得表揚 !! 依家要搵支裝汽水難...仲要任飲難上加難 !!湯底又唔會好似其他人咁講好油，可能係唔同湯底啦 !! 個燒板就真係好痴底下...食物總類都算多，就算有幾多樣野唔岩食都梗有一款你會食 !!丸類就梗加啦 !! 多到都唔知自己想食乜...菜都算乾淨，起碼唔會見到泥先呀 !! ANYWAY $88 + $48 (每個爐費) 點睇都係抵 !! 你唔會諗佢既牛肉會唔會係安格斯，亦唔會諗佢既豬肉會唔會係黑毛豬...個答案係一定唔會囉 !! 但唔難食 !! 呢個價仲想點邊搵 ?!

唔好講話天唔天寒地凍, 就算30度, 一班朋友HAPPY FRIDAY 聚一聚, 又要傾到計O既最好都係好拾下拾下喇!!!  (咁講好似好老套...)朋友住沙田圍O個頭, 成日都叫我地去佢O個邊打邊爐好抵好多野食咁話, 但一聽到晌馬鐵沿線對於做野同住都晌東九龍O既我真心覺得好遠...... 但見佢講左咁多次今次就就一就佢喇。6點準時放工晌KT 道搭80X 入去, 放工時間竟然唔係好洗等就有車, 仲要有位坐?! 簡直係估佢唔到。放工時間, 坐左半個鐘車, 就要晌<新廣發>對面落車, 估唔到咁近咁方便呀!!!!可能時間仲早, 一去到就有位喇, 仲有好多位TIM!!!行去座位時行經自助區, 晌個心度"嘩"左一聲呀! 仲勁過幾舊水O個D 5星級酒店O既自助餐呀!!!! 打得邊爐O既野食都有齊呀!!!!! 真係好心急, 一放低D袋就唔理朋友就出左去行左個圈。嘩~~~ 蔬菜區都真係好誇張!!!! 咩菜都有呀!!!!!! 連我最鐘意O既皇帝菜都係任食呀!!!!!!!!! 係任食呀!!!!!!!!! 今次真係可以食菜飽喇!!!!!!!!!!!!!!!!! 生菜, 白菜, 海帶, 律白.

見好評不少，見又平平地去試下，但事實不如網上食評般好！一黎個湯底，油多過湯，似食過！諗住加個鐵板燒下，點知一黎個板D積厚過塊面。鐵板燒D食材不太新鮮，後悔加左個鐵板，見在場較少人叫多塊鐵板，可能就係呢個原因。 海鮮不多而不新鮮，三個人只得四隻蝦，不過不新鮮既關係，四隻已經多了！ 88元一個，每一個爐加48元，如要沖擊下自己既能耐去試，我建議不加鐵板，只需83一位！抵食就真既，個環境就真係太差，包括座位，地面都有大些積水！ 服務好差，D阿姐好似有仇咁，要惡過d阿姐才有啖好食！真係無下一次！

今日一到至知道加價了，由打邊爐$78▶️$83，燒烤雙併$86▶️$88，爐錢就無變，照樣$48/個。最可惜係時間由3小時cut到得2小時。食物方面，比往時種類少左5-6樣，菜款只得兩款，初時仲諗住星期日食應該最多款添，估計錯誤了😐眼看四周，一下子多左大約50人的內地交流生出現，環境突然變得擠逼，撞正佢地一窩（瘋）出去拎野食，都咪話唔恐怖，好似要搶咁天氣或者仲未清涼，食燒烤仲好熱，普普通通打邊爐還可以。

新廣發係沙田好出名ge任食邊爐大排檔，今日約班friend 聚下，大家二話不說咁提議去新廣發。個到食物種類非常多，任拎，應有盡有。雖然係平價邊爐，但D食物質素都算係咁，同Ｄ普通酒樓基本上差唔多，特別係Ｄ肥牛，肥瘦度適中，同埋我拎個D都幾新鮮。另外D芝心丸食落去D芝士真係會爆出黎。不過，食呢間ge一個風險，係有時可能會拎到一Ｄ冇咁新鮮ge食物。但係咁ge食物質素，一百蚊有找，喺宜家ge物價水平黎講，性價比非常高。可惜，一如一般大排檔，間舖ge衛生都係有待改善。地下非常污糟，另外比人拎野食ge碟有好多都好似未洗乾淨。另外，個到ge 服務亦有待改善。我明白價錢較平，所以都冇期待太良好ge服務。但係，個日叫人加水，個呀姐話得之後最後卻冇黎幫我地加。另外，有職員最後叫我地埋單，但Ｄ語氣非常刻薄，令人感覺好差。

話說上次成班舊同學提議去打邊爐 無啦啦有人話新廣發打邊爐任食好鬼平 一大班人食都唔駛100 咁咪試下囉 認真 打邊爐既料就唔算話好特別 但係樣式算係大眾化 又夠多 自己行出去鐘意拎幾多材料就拎幾多 完全唔駛專登點菜 又等呢樣果樣 呢樣係抵讚既 👍👍👍岩哂我地一班等唔切食野既餓鬼但平凡之中都有佢不平凡之處既！不得不讚既係佢D芝心丸粒粒食落都流哂芝士出黎，外層軟熟，內裡D芝士甜甜地、香香地，好似同啊媽平時係街士買翻黎D丸有D唔同，好特別好好食！一黎到已經俾成班人搶哂另外 雖然佢d野飲唔算豐富 得可樂 芬達 雪碧果d大路野 無話有呢排好興飲既忌廉梳打 但又係勝在有得任飲 同埋呢 可能我嬌身慣養啦😂我真係咁大個人未開過樽裝汽水 而果度既汽水蓋又要自己開 果晚竟然好似個大細路咁 係咁啪開個d蓋 感覺新鮮又得意  總括而言 比起市面上咁多火鍋店 新廣發唔算係好食到要專登入黎沙田搵佢 但佢就真係勝在 平·靚·正！ 起出面食一餐邊爐起碼要150up 呢度78蚊已經有得任食 一大班fd再share埋78蚊個爐既錢 每人埋單都唔過100 算係對得起個價 加上佢又唔係匿埋係d偏僻地方 搭地鐵 係馬鞍山綫