新廣發 (Closed)

原本諗住想去果間竟然full咗, 果日都只係星期一晚, 第二日又唔係假期, 天氣又熱, 都唔知點解咁多人打邊爐? 於是即刻上嚟search沙田仲有邊間打邊爐好, 就見到呢間好似幾抵食咁, 於是就決定一試............我一早去到攞位, 已經有好多人食緊, 果時只係七點半左右, 當我坐低時, 伙計低張咭, 寫住我坐低的時間, 我再周圍望下, 先知原來限時3個鐘, 但我d朋友都已經嚟緊, 又諗下3個鐘應該都夠食有餘, 所以由得佢, 如果限食2個鐘, 我諗我會等埋全部人到齊先拎位lor~~呢度係自助形式, 自己出去拎食物, 支裝汽水又任飲, 好啱一大班後生仔嚟食, 自己鍾意食乜就夾乜, 完全不受限制, 但就最好食幾多拎幾多, 食完再拎, 唔好咁貪心一次過拎好多, 其實佢都不停refill, 到時除咗食唔哂會浪費外, 仲會有surcharge, 但幾多我就知, 因為响我前面比錢果班人就係浪費食物, 不過收銀亞姐好人, 今次只係口頭警告, 冇upcharge佢~湯底方面, 只有清湯、沙爹、鴛鴦、皮蛋芫茜, 我地就選咗皮蛋芫茜, 但佢個湯底好流, 一d都唔值$48, 成煲所謂湯, 只係有1

到新廣發打邊爐已經差不多是半年前的事之前一直很忙很忙都沒時間寫食評雖然過了一段日子 不過記憶還在新廣發和馬鐵站還算近 頗方便不過因為是在屋邨裡 沒甚麼地方可以逛等候的時間很長 也有點混亂最後好像等了差不多一個鐘頭坐的位置並不太舒服 和鄰桌座得很近而且出入也有點困難 很擠很擠還好食物的安排讓人喜出望外有任飲的汽水 食客自己開瓶 感覺很爽食物方面也不停有refill 種類亦很多我比較喜歡吃蔬菜 這裡很附合我的要求海鮮也有很多 蝦和蠔之類的都有 味道也不錯基本上想吃的東西都會吃得到最適合大胃王服務質素方面和價錢是成正比的用完了一瓶石油氣 很難才找到人來換而收碟的速度也有點慢不過以食物來說 實在值得再來

兩年前食過一嘗新廣發盛名 覺得夠平真心唔錯估唔到今次咁差!專登叫朋友再去 夜晚11去到 本想想近門口位 阿姐叫我坐入面原本新廣發內裡仲有地方 唉 同出面門口位比....又迫d又暗d又濕個地下有好多空台 本想坐近電視少少 成個白頭個阿叔 (去過實知邊個)趕我地去坐正廚房出面 結果成面望人洗地 後欄做野真係好唔得火鍋湯底 $49 另收人頭$73 /9:30後減$5/ 10:30之後$63之後我見我地張黃單收$68x3個人好奇一問 原來另一張banner用手將 用紅筆劃成 [$68]即係改d又唔改d 睇死人咩貴多$5唔緊要 野好食就得但係.........!!!!openrice入面睇大家開心叫出來的生蠔呀 瀨尿蝦呀 蟹呀....無晒!我兩年之前見過的螺呀 都無埋...只有比人拎淨的幾條蔬菜呀 d食物兜兜得番d水幸好丸類仲有好多類 比我呢個丸怪食但都係雪到未溶水 未解雪霜 真係比以前有振興的靚丸差好遠汽水任飲 今次有四款多左jolly sandy當然好啦 但凍的冷水係少少奶白的衛生真的有點.....(致openrice編輯: 係真的, 請不要再彈回頭)放的蛋 公好面的地方 又好多蚊之搵食

天氣凍就想同老公打邊邊, 佢依家喺火炭番工, 所以等埋佢收工就可以近近哋去呢度打邊邊啦! 我哋差不多8點去到, 基本上都已經坐滿晒人, 而且有好多人等緊位, 不過大部份都係成班人, 本來我哋都諗住放棄等位, 去周圍睇吓有咩食, 但其他大排檔啲o野唔係好啱胃口, 所以都係照等, 好在我哋兩公婆人少少, 所以等到8點半就有位啦!呢度係任食任飲汽水, 老公去攞咗好多o野食, 當然第一樣就係佢最愛瀨尿蝦啦! 啲蝦超生猛, 拎到埋枱仲不斷郁, 有一隻仲睇唔開跳咗落地. 不過老公呢個瀨尿蝦專家話呢啲蝦啲肉唔實又瘦, 不過放湯就可以令個湯好好味喎! 可惜呢晚冇蜆, 如果蜆個湯仲鮮甜呀!金菇、西洋菜、蕃茄、秀珍菇同冬瓜都好新鮮, 雲耳大朵唔會碎濕濕, 芋絲就散散哋, 不過任食嚟講都好好架啦! 而且選擇比其他酒樓任食火煱多, 所以非常滿意.我哋叫咗芫茜皮蛋湯, 其實之前我哋食過一次已經知道個"湯"其實係白開水, 而老公為咗要最後啖湯鮮味啲, 所以放晒啲料去滾, 務求有啖靚湯俾我煮烏冬. 老公真係好細心架!呢晚我同老公一路打邊邊, 一路飲啤酒, 一路傾吓偈, 坐到11點啲人都走晒, 好在老闆好好人冇趕我哋

第一次去呢D大排檔打邊爈,古唔到D野咁新鮮。一黎到,見到衛生環境好似唔多好...點知出去擇野食個時...有勁多野食任你擇,海鮮呀..各樣野咩都有..汽水任開,丸個D仲有好多好多選擇,,不得不提既係瀨尿蝦,佢有成個缸養住,拎佢地反去既時候仲跳下跳下,熟左之後,肉質勁甜!!!真係預期唔到仲有,佢連海參都有,海參熟左勁爽脆,不過有時係會有D沙...

凌晨先去到試下係咪咁正先..當時得幾圍台..大把位啦..叫左皮蛋芫西湯底48$..每位就63$ ..坐低就出去樣樣都夾d返去..生豪:錄一錄縮水一半..唔緊要..咬入去鮮味就唔會有嫁啦..係仲有d豪味既..算係比較其他黎講標準小小..但好白下整到d水..如果你碗送入面未即刻食浸多兩分鐘就..蝦:都係放哂落去1x隻好快就好多橙泡泡做成..d肉就口感唔太實..味亦都唔出..3分標準..這只能算2.5分..之後魚片,魚排 就肉係實d..味都算ok..所以算食得最多係呢樣後尾發覺無啖好食時..肥牛:得個肥肉多..味唔多得..唔掂..牛肉:好過肥牛..但都係淡淡地..之後雜丸全部都係粒粒皆淡淡地..都唔知係本身d味係咁..定湯底令到咁..(第1次食呢隻湯底)..所以以往打邊爐食左一隻丸 好食之後緊會返食既我真係得一款..就係中間有d類似磨古汁料既丸..表層黃色尖頭個隻係算ok..其他無再夾真係(去街市買廿零蚊磅丸通通好過佢..真係一分錢一分貨..學血淚史黃生說:你咩明星 咪咩票房 咪比幾多家用囉)之後菜試左生菜同隔離長d個隻..都可以差過自己錄黎食個d..真係 仲有生根 .螺仔,牛柏葉等等..都

七點鐘左右到，都唔洗等位。任飲任食真係好抵，牛肉，菜都好好味，其他差少少，不過都ok！夾野食嘅地方永遠都逼滿人，雖然係咁，但係氣氛一流，又唔係太污糟，真係堅正！

秋意襲來 , 天氣轉涼 , 係時候出動四圍打邊爐喇 !!沙角大排檔 , 任飲任食 3 小時 , 湯底另計 $ 48 一個好多人都特登轉幾程車入到黎沙田圍一試呢個火鍋 , 住得咁近 , 朋友又鍾意打邊爐 , 當然一行七人就落去食啦講真我成日覺得介紹朋友黎呢度 , 會怕朋友覺得地方擠迫環境有欠衛生 , 又無冷氣雅座 , 硬係唔係幾好意思咁 ,不過好在 so far 介紹過黎食不論小菜定火鍋o既朋友們 , 都覺得唔錯 , 所以我對新廣發真係越黎越有信心喇 ^^呢度係大排檔 , 一定係嘈吵 , 一定地下痴立立 , 一定人迫人但勝在伙記夠勤力 , 開枱搬爐上湯底加水執野等等 , 你企起身舉手 , 嗌到佢地過黎佢地都好快手過黎幫你火鍋配料係自助形式 , 可以稱得上係包羅萬有 , 勁多過好火鍋店飲品係細枝裝 , 可樂忌廉芬達任飲 , 大大個冰櫃 , 自己開汔水蓋 ,所以一地都係 , 著涼鞋o既要小心 , 同埋都比較濕 , 要小心地滑有人會 keep 住 fill d 冰同汔水落去 , 所以大部份都好夠凍 ~ 呢晚o既任食海鮮有蠔 , 蜆同蝦 , d 蜆好新鮮 , 仲伸晒利 , 間中一兩隻會有沙

今日黎到沙角邨既大牌檔食飯,呢度除左可以打邊爐,仲可以叫小炒架,我地叫左碟乾炒牛河,另外加左$8任飲汽水!汽水系自助支裝,自己去到出面開,幾個大鐵水箱裝住好多支冰凍既汽水,今日有可樂,忌廉同芬達,加$8飲兩支都抵反!等左十幾分鐘乾炒牛河就到喇,上枱時好香同出哂煙添!好熱辣辣好夠鑊氣,河粉好令身,有d芽菜同葱炒埋落去好香!不過油就油左少少,但系好入味同真系好夠鑊氣,幾好!牛肉都幾大片而且都幾多,份量同河粉既比例都好岩,加埋飲左兩支汽水真系好夠飽!整體黎講呢餐大排檔既野食都幾好味,就算無冷氣得大風扇都好值得試,好有風味呢!

一直都想黎新廣發打邊爐咁岩呢排一直都落雨趁雨收細返就約朋友黎新廣發閒日+落雨,無咁多人,靜左又無咁焗~非常好呀每次黎新廣發一定掃肥牛不過因為要keep fit既關係都已經無咁猖狂但友人依然係鍥而不捨咁掃肥牛 - 今次擺左部必肉機出黎,即切(好肥既肥牛)螺 - 今次d螺比上幾次都多沙好多,都係由佢沉底無食烏冬 - 轉左,比上次果隻差好多丸類 - 正常,芝士腸的確係有芝士既菜 - 有2,3款菜,但就係無菜苗,敗筆如果有埋就prefect啦!

朋友造訪新居，當然要負責晚飯選址，原意係過新城市食，但傾偈傾到入神失時，餓意襲來之時才發覺已八點幾喇，於是近近地，諗都唔使諗，就過沙角新廣發啦 !!朋友見任食邊爐吸引 , 但後來又想到 ... 男友食飽 late join一陣唔食野都計佢人頭 , 就會好唔抵 , 所以都係食返小菜1. 椒鹽鮮魷 ~ 呢度o既椒鹽野一向有保證 , 粉薄 , 炸得金黃香口 , 可惜今日 d 魷好奀瘦 , 無左啖啖肉o既感覺 2. 避風塘瀨尿蝦~ 熱辣辣上台 , 傳出一陣撲鼻o既蒜辣香 , 亦聞得出有幾熱氣下意識用筷子撥開 d 炸蒜 , 攤開 d 瀨尿蝦等佢散下熱 ,可能我咁樣 " liu " 黎 " liu "去好似數緊有幾多隻咁 , 阿叔就埋黎話 : " 呢度實夠你地兩位食o家喇 , 有十八隻呀 "佢咁樣一講 , 我就真係數一數 , 果然係十八隻 , $85 咋喎有大有細 , 都算有肉食 , 仲幾鮮甜爽肉 , 正 !! 3. 豉椒牛肉炒面~ 上台不禁嘩然 , 好鬼大碟 !! 鑊氣十足唔在講啦 , 脆卜卜的豉椒汁好香 , 牛肉無筋唔會韌 , 都無話好重鬆肉粉 feel青椒洋蔥都炒得夠透 , 淋淋地好好食 !

是日是朋友生日，特地去打邊爐。7點已經到左，來到果時服務員好好幫我地放蛋糕。之後係食野途中，熄左3次火，佢地都好好同好快換＂吉士＂到10點果時，我地原來冇帶火機，d服務員勁好咁借比我地，而且中途仲向我地打趣（指住其中一個服務員）＂食唔晒丫？佢幫你地食＂仲有我地10點應該夠鐘，佢地好好冇趕我地走，仲比我地食埋蛋糕先走（睇下個鐘原來過左成半個鐘），走果時仲同我地講再見。

有日放早返入新屋附近食lunch,懶得諗，一落車新入左新廣發，午餐時間，得一兩枱客，奇怪，我見啲學生餐都幾抵食丫，唔通呢頭少中學少人出黎食lunch ?唔係幾想食碟頭飯，就叫左個常餐碗粉仔睇落去好細碗 ,但真材實料食落都幾多o家 , 個湯好濃 , 有檸檬香味 , 少少辣個三文魚炒蛋多士就 ....... 味道同賣相都麻麻地不過幾特別 , 我諗佢係炒完蛋先係咁易加幾粒煙三文魚落去如果有普通炒蛋而係平 $ 5 , 我會揀唔落 d 三文魚 xp~~~~~~~~~~~~~~~~~~~~~~~~~~~~~~其實呢檔野都食左好多年，一直都係食小菜，搬左黎沙田，先首次試好出名嘅任食火鍋不過不失啦，任拎嘅海鮮係螺食得過，丸就種類好多，有個忌廉磨菇包心丸好好食。## 始終大排檔 , 都係食鑊氣 , 所以始終都係晚飯小菜最正下次要重溫下美極蝦 , 椒鹽茄子 , 沙拉骨 ....etc

一星期食三次火鍋兩次新廣發,一次荃灣雞煲皇簡直係天堂同地獄港島人既我同五位朋友渣車入去食,七點鐘,仲有位開餐呢度d肥牛質素唔算好靚,但至少唔會好似酒樓咁幾片幾片黎而且有生蠔,蜆,蝦...正爆當晚既豆苗好綠好嫩!同肥牛一樣爭住食仲有汽水任飲,唔覺唔覺,就飲左好多支80蚊有咁既質素,邊度搵?!最後好滿足咁走.......

朋友介紹, 先識黎呢到打邊爐好方便, 係沙田圍站落車過對面就係啦。7點去到, 勁多人, 入面爆晒棚, 好彩佢會係出面加枱, 發覺坐出面仲好, 空擴d, 唔洗咁迫。第1次黎呢d 大排檔打邊爐, 好有風味。 呢到好抵食, $78任食, 汽水任飲, 係自助形式既, 最遲食到10點半湯底$45, 如果要鴛鴦湯底就加多$10, 埋單每位$80食物款式都幾多, 丸, 肥牛, 魚皮, 魚皮餃, 生蠔, 生根, 枝竹, 豬紅, 蝦, 魷魚,豆腐, 腸仔, 冬菇, 金菇..............不過d 海鮮唔太新鮮, 生蠔同蝦就比較ok肥牛唔靚, 仲要無咩牛味, 好鞋tim!其他野食都ok既!$$ 平, 要求唔可以咁高!因為掛住食, 只係影得少相