新廣發 (Closed)

5個人去任食任飲連湯底，每人77蚊，真係好抵 不過唔知係唔係人多既關係，佢有限時３個鐘（７點半坐低，ｄ職員話只可以食到１０點半）自助式任你拎，肥牛、各式丸、豆卜、山根、魚皮、雞子．．連蠔都有，仲要不停供應。肥牛當然唔會話非常靚個一種啦，食落口有少少韌，而且有時有ｄ成塊都係肥油。其他野味道都ｏｋ啦，同自己買差唔多。汽水就放係ｄ大水桶入面（有可樂、忌廉、芬達），一定夠凍。佢有寫住浪費食物每兩１０蚊，相信只係嚇下人，不過佢亦都會提醒你唔好浪費食物。雖然有限時，不過我地食到１０點左右就走，但係返到屋企之後覺得非常口渴．．．可能係沙爹湯底味精多。總括呢講非常抵食，有機會既話一定再去，不過會擇芫茜皮蛋湯或者清水算．．．

平安夜打邊爐~自助形式, $68任飲任食, $58任食, $48湯底, 冇限時任飲有fanta, coke, cream, 湯底有元茜皮蛋, 鴛鴦, 沙tae, 清湯有好多好多款野食, 我認為好味既有脆肉鯇, "善", 魚皮,lai尿蝦(生猛), 蟹蓋(好多膏), 魚皮餃, 包心丸, 生蠔(好大隻)....不過肥牛真係好唔得,超級肥, 肥膏多過肉, 我食左一塊就放棄!!!醬料淨係有辣鼓油供應, 又冇茶喎, 所以都係加$10任飲抵d環境梗係麻麻架啦,冇人收碟,不過有電視睇... 大排檔ar ma, 不過睇返價錢就好抵

我好耐之前已經黎過呢到食自助火鍋大約系兩年前聖誕節個陣d野食真系幾好食但至從越黎越多人認識佢之後佢d野變相濫左很多價錢又加了...食物素質簡直....星期6去完後我和我的朋友也決定不再去了

我愛這裏。首先它是大排檔，沒有一般火鍋店或酒樓的局促感，而且面積大，熱鬧得很。當你見到整大個大排檔的人也喜氣洋洋地打邊爐...煙隨隨冒起，真的很有feel!!!而且這裏的鍋與別不同，是有一層外圍的...特別呢!有特色~第二，真正的任飲任食!你是可以隨便夾食物，夾多少都可以，並非酒樓的你點5碟肥牛才給你2碟的....份量能控制..亦可選擇...更好的是有很多種類的食物...肥牛無限量供應..很多種丸,肉,菜,菇等......十分琳琅滿目.....而且還有很多膏的蟹，真是超值!汽水都是任拿..不好的是要等開瓶器等好久...不少人會整箱拿...有排等呢開瓶器........只是環境卻扣點分....我去那天是聖誕假...很多人...桌椅十分擠迫...人亦然。而且拿食物的area的地下滿佈污水，有點噁心...食物處理亦不見得衛生(算了大排檔不祈求太多)因為實在十分抵食......$68任食+湯底$48..每人只不過$7x,,...正呢!爽呢!總覺得大排檔火鍋十分像拍戲演員的場景...哈哈哈哈哈哈哈哈哈下次少人d再食...唔洗等成粒鐘~

好耐之前就去過!!個次我地9個人去到$68湯抵$48!每人都要$77d野食就唔太多!但係食食下就多左好多我鐘意食個dd蝦就好新解d蟹都係不過個到最唔好就係咩都要自己去拎之後我地食完野就好飽既時候竟然係出面比我見到我最鐘意食既魚蛋雖然我個陣好飽,但係一定要食仲見到我好鐘意食既生腸!由於我鐘意凍食所以就問個老闆可唔可以凍食啦!個老闆好好人竟然咁比我做,仲比左d好特別既汁我!勁好食個到d野又唔貴都係$6咋!就係咁!我就買買返屋企比屋企人食屋企人都話好好食d魚蛋好好食!因為個汁好好可以一試

每次行過~都一定要食佢對住巴士站的有一熟食檔~係魚旦檔嗰d但佢要下午先開~~~直至深夜我自唔知幾時開始~愛上它的豬頭肉爽....一點油的感覺都冇佢會問你要放入辣魚旦嗰邊定唔辣嗰邊我會答佢~唔辣~一陣放一下落去辣嗰邊真的很很很正呀而豬耳仔亦很好呀有時仲會食埋魚旦~豬皮~紅腸~因為有時豬頭肉會賣晒呢~~~~~~~~~~~~~~~~~~~~~~旺角嗰d~真係拍馬都追唔上~~~

知佢係大排檔..對於環境唔係咁乾淨,好滑架個地！！！！睇到佢支裝汽水任飲就知抵啦..自己攞自己開,可樂忌廉橙汁3樣任揀.野食真係好多款..好似食韓燒咁放晒係度自己夾..瀨尿蝦,膏蟹,生蠔大大隻.有D唔係度度有既豬腰呀,海帶呀,雞子呀,鳳爪呀,9肚魚,鱔,鯇魚都有湯底只係好一般..招呼只係好一般..唔好食淨呀...佢真係好"均真"咁同你計錢架.以呢個價錢..係絕對抵食既!不過就唔會再"特登走入去食喇同長沙灣一帶既同價錢任食火鍋差唔多(佢多左汽水任飲)但人地乾淨D,有冷氣,有熟食.有糖水

天氣轉冷,最適合打邊爐與友人到沙田圍火鍋我第一次來這裡打邊爐68$一人, 45$一個爐價錢非常合理.....適合現在的金融環境...哈食物都有很多種類各式各樣的丸, 菜及海鮮最impress是有新鮮的淡水蝦, 蟹,等等......汽水任飲加上有很多部電視播著三色台的台慶氣氛更加正.....總言之,氣氛好,價錢平,食物正

因為睇到一位Ricky講佛謁，內容提及新廣發打邊爐。「屍橫遍野，就是放題任食的經典場面，68塊是一個開始也是一個結束。我們通過弱肉強食去建立威信，像黑道中人的茹毛飲血，在石油氣爐的暴走中高歌。飲勝是一種義勇軍進行曲，轉瞬直上雲霄，搖撼一個入定歷劫的阿羅漢，尷尷尬尬在一片陌生的世界中冒起，像滾滾湯底裡浮起的一片白蘿蔔，浮沉間頓失方向，恐懼乘虛而入，如果你還有一瓶可樂在手，就隱住了去勢，向四方八面擺平，火正烈。心正燒。」我唔知緣還是孽，我睇完反而想知所指邊度，弱肉強食，茹毛飲血一番。得知是新廣發，首先係上嚟睇吓咩風評先，好似都ok喎，咁啱女朋友噚晚喺附近聽talk，聽完就去食。我自己一個人7:00去到，己經人山人海，等女友期間順便行吓沙角村，發現樓上的屋村酒樓，應該係迫於形勢，都係58火煱任食，但係既然原意係大排檔，加上酒樓又無咩人流，咁當然睇過就算。到7:45女友嚟到，新廣發己經無咩枱，結果坐咗喺收銀側邊，都無咩所謂。但係之後嚟嘅人就要等位。嘢食種類算ok，質素其實同90-130左右的茶樓差唔多，不過要有心理準備，因為係自己夾，所以杯盤狼藉在所難免，如果你突破到哩一關，咁就無咩所謂。我叫

呢2日天氣凍左,最好當然去打邊爐暖暖佢啦。本來都打算去旺角打,不過下意識出面一定好多人要等好耐位。之後上openrice睇到沙角呢間新廣發咁好食評,咁算去睇下啦。其實呢間野我以前都食過,不過之前係畫紙仔要食d咩佢執比你,份量每次都好少而且唔好食,尤其係肥牛....自個一次之後就去。不過睇返而家佢改左係自助形式又咁好口碑,點都返黎試一試啦。環境:清潔度ok接受到,地方比以前大左,不過拎食物個位唔夠大,太多人拎會好迫。服務:亞姐做野手腳快,一坐低就有齊d野。唔錯...(唔好指意佢地好有禮貌,因為係大排檔)而有一個專出食物既哥仔好盡責,好留意有咩食物要加,所以好多人拎既蝦,蟹唔洗同人 爭一定食到。食物:好新鮮蠔都唔會腥仲好好味,食物種類算ok多,火煱必要有既料都齊。仲有汽水任飲.....價錢:合理$68一個人,一個爐要$45, 9:30可減$8一位如果想打邊爐而又唔夠多人,出去叫一碟碟料個d都食唔到d咩,叫得多又會食唔曬同貴,不妨黎呢間啦,點食都得又唔貴喎......完全係值得推介

好耐冇打邊爐 估唔到甘爽出mk打 d士應睬都5睬下你呢到係冇乜火計 但勝在夠free 任你自己拎 唔駛睇人面色不過5係高級餐廳 環境5好已經預左 出奇係嗹蚊,甲曱都冇 最污嘈係d人貪過頭裝滿個碟跌d食物落地暴儉天物d食物喪多款 海鮮仲生猛到彈彈下 肥牛一般la 10個人去食 又5限時6點坐到1;00am 每人68

話說某天要找炭爐邊爐卻不得要領，失望之下來到沙田沙角村既新廣發早於寒冬之時已有想過來呢度打個邊爐，因睇網上食評發現呢間野全係笑面，終於在回暖之下一試﹗環境是路邊鐵皮屋大排檔，呢日涼涼地都估唔到幾多人﹗石油氣爐夠哂猛火，煲湯全天侯都係滾到瀉的呢次介紹既重點係價錢，任食只係$50，如果加埋任飲汽水就收你$60，嘩，而家邊到搵呀？汽水我地就唔飲喇﹗所以揀左$50的那一隻，再自己叫青島啤酒，$16一支﹗清下熱氣嘛﹗湯底$40，點了鴛鴦鍋﹗食物是自取的，我數下數下有成五六十種咁多，大家望下幾大陣容......要用廣角鏡先影得哂﹗邊爐最緊要的肥牛質素當然係普通貨色啦，不過相比起以前其他任食地方0的肥膏多過肉的可怕經歷，呢度的算是很不錯﹗成身肥膏的我都食左兩大碟﹗睇落食落全部食物都新鮮，仲竟然有蝦、蟹、蜆、魚等海鮮大量供應任你攞，當然不是大隻貨色，不過此等價錢有海鮮任食真係實屬少見﹗飲左三大支啤酒埋單無加一無醬料費兩個人都唔洗$180，抵食呢﹗如果成班麻甩佬來吹水食飯飲酒一定好氣氛﹗呢度有樣野唔好﹗就係0的待應阿哥阿姐太得閒太盡責，每五分鐘望一望你個鍋見有無"水份蒸發左"就加你一次水，令到個湯底淡鬼

打邊爐我的首選是任食那些,因為不用就住就住~於是便去了新廣發..新廣發的任食火鍋不像酒樓那些任食酒樓那些選擇少,而且又收加一,計起來打一次邊爐要過百元但新廣發的選擇多,而且沒有加一雖然沒有酒樓的衛生那麼好,因為是大排檔的關係,但絕對抵食我們要了鴛鴦鍋(沙嗲+清湯),湯底$40..但略嫌沙嗲湯底不太夠味這裡的汽水$10是任飲的..完全自助形式~而且款式很多..可以慢慢選擇除了一般大路的火鍋料外還有其他特別的款式有很多花款的丸類,而食物的流量去得快,所以食物新鮮~一籃籃的菜~也是很新鮮..有生菜,油麥菜,娃娃菜海鮮很生猛,還會動的呢..有蝦有蟹有青口~對於我來說炸魚皮是打邊爐的精髓~但這兒的炸魚皮麻麻..有些真的很硬肥牛肥牛..打邊爐不可缺少的食物從來我也是不吃牛的,但今次一嘗,令我愛上了肥牛因為肥牛少了我抗拒的那味道,令我一片接一片的放進爐裡烚下烚下但這些肥牛un了點蝦跟賴尿蝦~十分生猛打邊爐少不免也要有蔬菜進肚子裡吧~但蔬菜放進去烚只會感到很油膩="=吃了很多東西,桌子也變得亂七八糟吃得很飽很飽~肚皮脹脹的很滿足結脹才每人$60大元..比起其他地方便宜多了其實新廣發不剩只打邊爐的,還可

期待已久的打邊lo, 最後揀左沙角新廣發60/位, 湯底40/個, 汽水任飲, 冇其他收費, 好抵, 都好多野食, 就連平時無的海鮮都有基本上有起碼50款野食, 淨係丸都20種, 菜都有10種, 牛肉無限量供應, 不停refill, 仲好新鮮, d蝦彈下彈下, 要用碟cup住, 唔係彈到一地都係2個人黎每人都係80, 抵過旺角果d所謂68蚊全食低多多雜費, 埋單過百

雖然幾乎枱枱揀任食打邊爐但為免食得太飽我地都係叫左小菜金菇肥牛沙嗲窩(約$55): 好食食到尾都好熱不過唔知點解金菇得好少粉絲就好多肥牛份量ok啦但真係食過番尋味好味粟米汁石班(約$50): 都唔知係咪石班,個汁好甜普通京都骨(約$50): 個汁又係好甜普通蒜蓉炒生菜(約$30): 都有蒜蓉味夠熱好味雖然個叫白飯竟然要一叫再叫都無黎(同d廚房講佢要我地同番樓面講，'筆'碗飯有幾難?佢地負責煮餸唔負責飯呢邊?)，攪到等得黎d餸凍左d 不過D野真係又平又好味值得去$: 220(己加一) 平常不用加一只係初一至三要