新樂園魚蛋粉

Open Now

Now Closed

我叫牛腩河 凍奶茶 張單D撩紙所以我都唔知幾多號 收銀話係我我又冇特別check 係咩 上到樓 打開變牛展麵 冷擰茶雖然啲嘢算好食 下次叫外賣一定要check 清楚先走！真係嬲咗

上次試咗鮮茄滑蛋牛扒意粉幾好味~~今日就決定再encore 鮮茄滑蛋系列>3<鮮茄滑蛋雞髀意粉🍗 $56以為係普通嘅煎雞髀or滷水雞髀上台嚇親居然搭配嘅係新鮮炸起嘅香港茶記名物 生炸雞髀😙好大隻又厚肉 外皮香脆微鹹但內里都唔會太乾太硬～鮮茄滑蛋份量好多👅食落酸酸甜仲好多大舊嘅炒蛋🤩撈埋意粉食真心一流😍食多次都依然唔厭覺得好味嘅港式意粉！～🍝平時就算係下午茶時間單嗌個炸雞髀都講緊要30幾蚊但新樂園夜晚配埋鮮茄滑蛋意粉或者飯仲送多杯嘢飲先56蚊！！真心推薦大家可以試試～唔好再覺得係到只可以食普通港式粉面～其他系列都做得出色有驚喜！牛雜河🥩$37牛雜樣樣都幾大件之餘唔會有牛騷味～👻先37蚊嘅價錢超抵食😄我地仲+$15 配一碟細炸魚皮 &+$15 配一碟菜心🤣🐟細炸魚皮用膠帶裝住就唔驚會成手油～份量一啲也不細兩個人食都得！咬落卜卜脆無油益味～推薦大家加配埋！🥬菜心份量都幾多灼到翠綠一齊食 healthy覺得真心抵食～住附近當做飯堂隔幾日幫襯絕對可以，價錢實惠食物質素又不錯環境都幾企理～！怪不得晚晚都咁多人門口等緊外賣😂👥

We visited this place in Tiu King Leng last weekend for a quick bite and it turned out to be quite impressive. Tea restaurants are essential as they serve a lot of my comfort food and are located every where. The price is reasonable and the environment is cleaner than expected. Food portion was generous and quality was not bad at all.Fishball / Beef stomach rice noodlesThe portion is generous as there are abundant fishballs and beef stomachs. If only the soup base could cling better onto the noo

去完西貢玩水. 超級肚餓突然間好想食魚蛋粉. 就入咗去好出名嘅新樂園🐟炸魚皮份量超級多. 1隻碟都爭啲裝唔晒每件都好完整. 唔會碎濕濕咬落好脆口. 亦會太硬.🍜牛腩河 & 牛雜河加咗腩汁嘅湯底好入味🤤亦有甜甜既味道河粉嘅質地好滑唔會好鞋口.亦無一夾就散❣️配料嘅份量都好多👍🏻牛腩半肥瘦煮得好淋牛雜唔會有臭味.特別係牛肚好入味🥬油菜菜心洗得乾淨. 食落清甜冇渣份量亦唔少☕️ 熱奶茶&熱朱古力熱奶茶算滑.有茶餐廳嘅水準熱朱古力好濃味. 唔似出面咁淡茂茂

約左一大班麻雀腳去朋友將軍澳屋企打牌，上去之前想搵啲輕食墊下胃，揀左「新樂園」入去試下。新樂園，同其他新式茶餐廳無異，裝修樸實，但食物質素卻有驚喜，住在附近的街坊不妨一試！❒ 西多士 ＄22❒ 豬扒包配薯條 ＄34❒ 牛腩麵 ＄37同朋友點了三款食物，「西多士」炸得恰到好處，熱辣辣加埋牛油蜜糖超邪惡！「豬扒包配薯條」，新鮮炸起既薯條卜卜趣，豬扒包大大份夠哂同朋友分享，「牛腩麵」既牛腩好腍身，湯底非常濃郁，值得一食！

今日午餐想清清地食下粉麵所以去左食魚蛋河呢間粉麵鋪我一直支持由以前喺藍田一直食開雖然簡單，水準⼀直都keep到湯底清甜河粉唔會煮得太淋，保持到口感配菜有齊魚蛋魚片魚片頭魚蛋有魚味，夠彈牙魚片頭都香口我食魚蛋粉喜歡加魚露添鮮添香添味加入魚露嘅魚蛋粉更傳神！除左粉麵呢度仲有碟頭飯同一般茶記有嘅野食完魚蛋粉又未夠飽叫多個奶醬多～多士乾爽配上奶醬真係滋味無窮自家製嘅奶醬多始終都係唔及茶餐廳嘅出品～仲有杯凍檸茶我唔客氣啦～

📍新樂園魚蛋粉平日放假中午起身，都鍾意係宅附近搵野食，咁粉麵其實係首選，簡單方便。呢間我成日幫襯，因為大大間，有卡位，地方乾淨，選擇又多，肚餓可以食焗飯。早餐可以叫快餐多士炒蛋。 粉麵選擇又多。牛腩牛丸伊麵係我首選，佢哋啲牛腩唔係好多肥膏，偏瘦但淋身，有啲咬口唔酥。牛丸又爽口彈牙。我家人就偏愛佢哋扎肉，肉身爽口好味，當然都係揀伊麵底。炸魚皮好脆，粉麵未到可以食住先，之後放湯浸浸再食又另一種食法。炸雞翼都唔錯，即炸，皮脆肉嫩，而且味道剛好。佢地個西洋蜜好香，我家人每次到飲，正。

👍🏻手唧魚蛋河 (加紫菜) $35+$5手唧魚蛋同魚片口感彈牙，魚味幾濃郁😛有落胡椒粉，食落唔腥最正係片頭，夠哂彈牙🤤紫菜加$5 ，份量好多河粉同餸都好大份，呢個價抵食👍🏻味道：6/10性價比：8/10- 👌🏻牛腩牛丸麵 $43牛腩煮得入味，有牛味😋肉質偏瘦，不過炆得夠耐唔怕韌👌🏻牛丸口感結實，味道一般幼麵麵質爽彈，整體不過不失味道：6/10性價比：7/10-👍🏻香煎雞扒包配薯條 (包嘢飲) $34雞扒大大塊，肉質唔乾，調味唔錯😜包皮係熱狗包，入面搽左層牛油，食落更香😛仲夾咗蕃茄、生菜同沙律醬沙律醬比多少少會更好味薯條係波浪薯條，熱辣辣😙味道：6/10性價比：8/10-👍🏻法蘭西多士 (包嘢飲) $28西多金黃厚身，中間夾咗花生醬，都幾足料！味道不過不失，正常茶記水準味道：6/10性價比：8/10-📍#新樂園魚蛋粉將軍澳調景嶺彩明街1號彩明商場2樓265號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶

本身對新樂園嘅印象淨係得啲魚蛋雲吞粉麵食今日黎到見調景嶺呢間好多人。。。入面滿座之餘門口都三四位等緊外賣入到去咁啱有人起身所以有得堂食宜家多咗勁多野食。。。仲有叉燒炒蛋飯餐同牛扒意粉食真係無諗過😋😋試咗鮮茄滑蛋牛扒意粉幾好味😚牛扒幾大塊軟身走黑椒味但整體都唔會太咸先茄滑蛋有啲似蕃茄炒蛋 幾香幾好味～個汁撈埋意粉都幾好味好快清哂😚😚同是日廚師精選嘅豬軟骨飯豬軟骨份量又多又大大舊悶得腍得黎仲有幾有咬口🥰🥰入邊仲有幾舊薯仔同埋紅蘿蔔🥕柱侯汁撈飯啱啱好🤩🤩嗌多碟芥蘭配腩汁有肉有菜仲有野飲簡單好味又平的一餐😚😚😚

魚蛋粉同焗豬扒飯可算係代表香港嘅美食之一，時日經過將軍澳，所以到咗佢哋位於調景嶺站彩明商場分別嘅鋪頭食lunch。焗芝士茄汁豬扒飯$57hkd🔺呢個焗豬扒有兒時懷舊味道，炸過嘅豬扒加上炒飯鋪底，鋪面有香濃茄汁同焗到些少焦香芝士，呢個焗豬真係由細到大食極唔會厭之選。巨人火腿奄列$32hkd🔺本身無打算叫呢份蛋，但見到牆上面有海報介紹而且只係$32蚊有大大份蛋同牛油多士就爆quota都試一試啦！雞蛋滑嫩得嚟又幾實淨，唔知用咗幾多隻蛋，但感覺份量十足，好抵！牛雜麵$37hkd🔺麵無過多鹼水味，湯頭唔會過咸，我自己就鍾意配辣椒油同紅醋食，都係久不久就會光顧嘅味道。油菜$16hkd🔺📍將軍澳調景嶺彩明街1號彩明商場2樓265號舖

鮮蝦雲吞麵 $37個日想食清淡啲就隨便揀咗間多人啲既黎食 鮮蝦雲吞粒粒都幾足料 入面好多蝦肉 而麵底都算多 食落唔會好大陣鹼水味 硬度適中 整體都算唔錯😆評分: 8/10🌟柱候牛筋河 $37最鐘意佢個湯底 有牛香味 配河粉食最夾👍🏻 而牛筋有好多舊 每舊大得黎又夠淋 啖啖骨膠原🥰 加上河粉份量勁多 相信男士都夠飽肚🤤評分: 9/10🌟細炸魚皮 跟餐 +$15值得一讚係魚皮會用膠袋獨立裝起 咁就夠哂衛生同保持脆口 雖然係細份但2個人都食唔哂🥲 魚皮炸得好香脆 一浸落湯就滋滋聲 入口勁香脆 啱哂好耐冇食又想過口癮既我😚評分: 10/10🌟 效外油菜 跟餐 +$16蔬菜有得揀菜心/芥蘭/通菜三款 今次就揀咗菜心 如果想健康啲可以走油同蠔油 食落菜心唔會好硬 而且都幾新鮮 建議大家都跟餐叫 又健康又抵食😋評分: 9/10🌟凍檸茶 跟餐 +$9想健康啲就會叫凍檸茶走甜 難得呢個檸檬唔澀 篤完檸檬仲有香味同酸味 成杯更加清爽 好好飲🍋評分: 9/10🌟凍檸樂 跟餐 +$11男朋友最鐘意飲可樂 加埋檸檬有個酸味 將成個層次提升咗(佢話😝) 而且凍冰冰加有氣既可樂好啱夏天飲 正🥳評分: 10/10🌟整

今日同朋友去調景嶺睇展覽 順便食埋個lunch🥰前排見到有人介紹呢間魚蛋粉麵店 就嚟試下😋.📌原汁牛腩湯河粉 $37牛腩有七大舊 厚薄均勻✨有少少肥膏 幾軟淋 食落有少少嚼勁🤤點埋辣椒油更惹味好食🌶個湯飲落好有牛肉香 唔太膩👍🏻.📌手打牛丸麵 $35牛丸麵都有七粒牛丸 結實得嚟幾彈牙 有驚喜🥳.📌港式豬扒包配薯條 $33佢係下午茶餐 好大份好抵食🫖豬扒煎得好香口 都係港式快餐店嗰種風味🐷入面夾住啲沙律醬,蕃茄同埋生菜😚.📌生炸雞髀配沙律 $37雞髀大大件炸得好𝑱𝒖𝒊𝒄𝒚 不過如果再乾身少少就好🤏🏻

彩明邨新樂園魚蛋粉，屋企人唔想煮就會落去食過便飯，貪方便就腳ar ma, 款式又多 唔使煩。常餐 香煎雞扒麵 火腿炒滑蛋多士去茶餐廳 最開心係24小時都可以 食常餐， 過咗早餐 午餐時段， 即使係晚餐仍然可以食到 公仔麵同火腿炒蛋，Always comfort food! 新樂園的常餐 除咗有雞扒仲有沙爹牛肉/ 豬扒可以揀, 任君選擇。 雞扒即叫即煎厚肉juicy， 公仔麵唔會煮得過淋， 好多士即叫即烘外脆內嫩， 炒蛋不過不失。紅豆冰紅豆冰特飲都係加幾蚊正到冇朋友， 大大杯紅豆分量多，雲吞麵35除咗港式茶餐廳, 餐廳另外一邊仲有做潮州粉麵, 雲吞包得大隻蝦肉爽彈, 麵底份量都好大份，加埋魚皮都係加15蚊， 剩食或者浸湯食都好好食,夠晒脆又唔腥。港式豬扒包 26麵包烘烤過， 唔會 冷冰冰硬掘掘，豬扒 煎得香口鬆軟，最怕食到硬柴柴的豬肉。

踩完單車去咗調景嶺搵嘢食～ 試咗一間老字號麵店，食物好食好多，而且仲有下午茶可以揀！叫咗個牛腩麵 ($37)同淨雲吞墨丸 ($41) 牛腩好冧好入味，而麵仲保持到爽口彈牙嘅質感，同牛腩係最佳組合～ 另外呢度嘅環境都好唔錯，大大粒好新鮮，而且蝦都好彈牙下午茶雞中翼配薯條 ($34)有三隻炸得好香嘅雞翼，肉質好實在，另外我自己最鍾意就係茶餐廳嘅薯條！超好味😋再叫埋杯凍檸茶，茶膽做得好好，夠哂濃，好正嘅茶餐廳風味

放工OT完想快快手食完番屋企，於是諗住去屋企附近新開茶餐廳試下，又比想像中好食呢~.🟥牛什水餃伊麵 $37+8+5=$50🟧望住個 menu見到有伊麵，突然叮一聲想食😂伊麵都係+$5.牛什份量超多，牛肚/腸/膀/肺，其中為牛肚最多。牛肚大舊得黎夠稔，無牙人士表示好好咬，一 d都唔韌！😋(只係個人最愛食肺，但得2舊😢).水餃要一讚！首先超級大粒，二黎唔重梘水味，一咬超級多蝦係入面❗❗😍皮亦算薄，又唔會似出面勁重糊椒粉味，超級有驚喜💯 兩者比較，個人鍾意食水餃多過牛什.🟨油菜 +$16🟩另叫咗個"全走"菜心(走蠔油), 都夠嫩口清甜.下次收夜可以多個飯堂啦😆可以再幫襯水餃！辣椒油都夠多渣夠香辣！.