日月茶點點心專門店 (紅磡灣中心)

Open Now

Now Closed

今朝（19-1-2024 Sun）送別亞叔前食早餐，一早嚟到紅磡，邊行邊search，由於距離大殮預備時間重有2個鐘，要搵可以坐耐啲嘅地方食，茶餐廳應該冇可能，search到有點心專門店，於是搵佢。搵到後內進，坐低後叫壺香片，然後剔點心，要咗：1. $30.00嘅雪山叉燒包一客三個，一食外脆同甜甜地，叉燒鬆軟，有驚喜。5分2. $26.00嘅蜂巢芋角盒好耐冇食，一食，外層係脆，但芋蓉淡到近乎冇味，大失所望，而內裡嘅餡鹹淡適中。2分3. $26.00嘅山竹牛肉球即刻即起好熱，口感味道正常。3分4. $32.00嘅沙薑雞鮮蝦腐皮卷先唔蘸喼汁食，係食到沙薑味，皮脆，但好似冇乜雞肉，唔通打爛晒？鮮蝦口感正常嘅。而蘸咗喼汁就蓋咗沙薑嘅味道。4分5. $30.00嘅韭黃鮮蝦腸呢個腸粉好厚，但蝦仁大隻，韭黃好少。3.5分環境：坐一張四人枱都幾舒適，不過冷氣比較大。4.5分抵食係2.5分

下午六點去光顧，點了芋角，菜乾粥同叉燒包。芋角係淋嘅，粥冇味，只有叉燒包是正常。比起剛開業，水準差了很多，作為老街坊，本來對這家餐廳評價不錯，但食完這次應該沒下次了！

環境唔錯，普通餐廳格局，最適合2-4人去，平日中午去食唔使等好耐就有位可以入去，有唔少公公婆婆嚟飲茶。點心即叫即蒸，上菜速度算快，食物款式例牌菜想要有都有，價錢合理，質素唔錯，服務員幾有禮貌。

星期三晚上光顧，不算多人，好多位，不用等！ 重點出post 想講「雪山叉燒包」，見餐紙有星星*推薦，點知係中伏！ 個面唔係脆、似番叮，淋面真係好差😑另外都點了其他點心：鳳爪排骨盅頭飯、春風得意腸、菜苗餃、咸水角、五指毛桃瘦肉燉雞！春風得意腸 同咸水角好吃的！而燉湯、菜苗餃及盅頭飯普通啦，唔會覺得好出色。 我試完應該都no next time! 😅唔會再來。

見有三張coupon 諗住用咗佢有88折重點來了 兩個燉湯 淡到好似溝咗好多水咁淡 人生飲過最淡嘅湯雪山叉燒包 佢哋唔係焗 係翻蒸,包濕曬,所以面係完全冇脆 濕是淋的 小籠包 皮薄 味正常 但全穿咗水蘿蔔糕 少少脆口 味道還可 但冇任何臘味 所以冇香嘅味道 如要食建議走千島汁 因為酸味好唔夾蘿蔔絲酥 皮較厚 only入面粗條蘿蔔味道ok潮州粉果 最好 只因有酒樓水準因冇期望 雖然大家都未飽 但唔夠膽再加單 所以埋單後出去再食因我唔會再嚟食所以另外兩張coupon畀咗隔離枱嘅人， 我就no more next time ， 我寧願外賣點心店了

第二次喺紅磡嘅點心小店食點心，兩次嘅食物嘅質素都唔錯，呢間比上次嗰間闊落好多，環境衛生亦幾好。金箔金魚餃， 個餡應該同蝦餃差唔多，價錢唔同在於造型有花少少功夫，外形脹卜卜，蝦肉都幾爽，餃皮上有少少金色。春風得意腸，個餡都係蝦肉為主，腸粉下仲係脆嘅。蟲草花棉花雞。上肉小籠包，今次無點奶黃包，因為無流沙，小籠包都唔錯，皮薄又無穿。原籠蔗糖馬拉糕，大大個又鬆軟。蜂巢芋角盒，個樣同酒樓食開有少少唔同，裏面嘅芋蓉軟身好多，入口慢慢溶咁，好好味。千島醬脆皮蘿蔔糕，煎得幾好，不過無千島醬會好啲。鳳爪排骨盅頭飯，排骨同鳳爪都幾好呀。

入伙老破小前和老婆去收拾一下，在附近找了家點心店日月茶點。最好吃的是牛肉球，不似唐記那種來貨常見的膠，保留了肉的質感，但芫茜搞拌得不夠均勻，會有幾口特別重茜味。蝦餃沒什麼特別；春風得意腸其實是包了脆皮的蝦膠腸，加了紅蘿蔔絲和椰菜絲，腸皮是外面粥麵店腸粉常見的厚身皮，叫不上十分有特色但整體口感不錯。三道下來看得出點心應該是自家製，算有誠意。當然重點蘿蔔糕我放在最後說。蘿蔔糕正常放臘味是鹹香的，日式木魚碎也差不多，兩者相加可能本來也不會太差。壞在它家加了很鹹的千島醬，以一種鹹蓋過另一種鹹，只取蘿蔔糕稍炸完之後的texture. 這樣的話，其實換任何一種榚都可以這樣做，如果texture 相近的，味道甚至不會有差別。香口是香口，創新也很創新，但所加的材料，對蘿蔔糕這道點心其實沒有一個本質上相輔相成的提升。近年流行中菜西做，很多私房菜在menu上加了很多很新奇的配搭和做法。沒錯是很創新很打卡，味道也"改變"得與別不同，但事實上並沒有"提升". 這個蘿蔔糕，就是這類無意義創新的完美演繹。

這家點心應該是做街坊生意，平日中午人不算多，店舖很大算多座位，點心選擇也不少。看到千島醬蘿蔔糕，心中頓感不安，但是有驚喜，意外地很match，蘿蔔糕也很挺身有口感！推介！其他點心也算不錯，例如腸粉、蝦餃燒賣、綠茶煎堆仔等等。

平時經過呢間日月茶點，都見有好多人，早兩日終於食到。店內位置不是太多，所以時常都是滿座的。我們兩個人叫了幾個點心：蝦腸：（忘記影相）唔係講笑，三條腸粉各有兩隻蝦，蝦size絕對大過個5蚊硬幣，爽口彈牙，不花巧只有蝦和韭黃，唔錯唔錯！馬拉糕：一成個圓形切開六件，味道正正常常，不太甜潮州粉果：略嫌韭菜味濃，餡料仍是滿滿的豉汁蒸鳳爪：鳳爪都算幾大隻，雖然未夠入味，但係有好多粒花生托底都算係咁叉燒包：好食，叉燒沒有太多肥肉，肉汁香總括而言，性價比亦相當高，所以一定會再幫襯。

第一次試呢度嘅點心，同茶樓嘅出品差唔多，茶錢比較平，種類就唔係話好多本身佢個脆皮蘿蔔糕係有千島醬嘅，但係我覺得呢個組合實在太奇怪所以叫咗佢走千島醬，又真係脆皮喎，不過就唔係太食到有蘿蔔另外蝦春卷就普普通通啦，不過係即炸嘅，有少少油膩灌湯餃就唔係我食嘅，但係入面有一嚿好細好細嘅花膠，我試左，食落超級腥，可以不試黑椒牛仔骨飯就正正常常，牛仔骨應該有用鬆肉粉醃過嘅蒸排骨粉有啲太厚，同埋排骨偏肥試完一次之後短期內都唔會再有想去食嘅衝動

前身係cafe，最近轉咗手開左點心店！裝修就無乜點變，不過點心真係幾好食🤤 價錢嚟講應該算係正常水平，不過性價比好高，有機會可以再encore! 至少嗌咗幾樣嘢食都覺得好好食～🥢日月蝦餃皇 $38🥢香菇蟹籽燒賣 $30🥢上肉小籠包 $28🥢蒜香蝦春卷 $26🥢椒鹽魷魚鬚 $36🥢香茜牛肉腸 $24🥢綠茶煎堆球 $25🥢千島醬脆皮蘿蔔糕 $28蝦餃同小籠包都皮薄餡靚！最欣賞其實係蒜香蝦春卷同椒鹽魷魚鬚✨ 蝦春卷入邊係用紫椰菜做餡，蝦亦都好大隻彈牙！而椒鹽魷魚鬚應該係我暫時食過最好食嘅🥹 炸粉夠薄，重點係魷魚唔會好煙靭！

我們每人點了一客灌湯餃，真材實料， 有小鮑魚，也有花膠，我連汁也一滴不留😋👍。沙爹牛肚惹味好吃，不會太鹹，調味恰到好處，而且軟硬適中，令人回味， 如不是健康的考慮，可能會叫多一籠😆。我們一行七人，叫了兩客小籠包，共六件，我沒有吃，但看品相很不錯，皮薄多汁，下次再嘗🤔。用了人頭乘2.5的方法叫點心，叫了差不多有20碟，全部吃光光，老友說沒有一味不好吃💪😋。桂花糕清爽可口， 是非常不錯的其中一樣作為收尾的甜品🤗。五星級的質素，街坊的價錢，必再來😋💪👍員工都比較新，但也殷勤招待，不錯👍。唯一是離黃埔站有點遠，要經過黃埔 屋苑內的天橋，大概行了十分鐘，幫助食物落格🤣

見新店，價錢正常，有多款選擇，就叫外賣回家試吓👇🏽鮮蝦菜苗餃$28（3粒）好多菜，好味！虎皮煎釀尖椒$24（4條）尖椒幾長，幾足料，唔辣，好味😋薑汁千層糕$24（3件）好香薑味，口感煙韌，唔會好甜，好食👍🏻沙爹金錢肚$30牛肚和蘿蔔都好腍好入味👍🏻香菇蟹籽燒賣$30（4粒）韭黃鮮蝦腸$30（3條）香滑奶皇包$24（3個）其他點心味道都是正常發揮，味道唔錯。