新泰東南亞餐廳 (太子集團中心) (Closed)

疫情以來外出用膳的次數大大降低, 已不知多久沒吃泰菜了,  難得今晚跟友人都早放工, 就到同事推介的北京道新泰吃泰國菜是因為餓了很久沒吃泰菜嗎? 打開 menu 樣樣也想吃, 這裡選擇很豐富, 各式各樣的泰式食品也可找到, 花多眼亂, 只影了一半的 menu, 就急不及待要點菜了. 先來的泰式柚子蝦沙律很有驚喜, 因為柚子超多, 調味很突出, 即時喚醒味蕾, 非常開胃, 如果不是要留肚吃其他菜, 真想再叫多一份.蜜糖燒肋骨跟吃慣的西餐廳味道很不同, 泰式肋骨肉質較軟, 比平時吃的 rib 較多油脂啖啖肉之餘, 肉質較軟身及濕潤, 比一般西餐廳的 rib 更適合老人家及小朋友享用另外一個驚喜, 冬蔭雞煲份量又是很多,  除了大大隻的鮮蝦及泰國香料, 是那些像吃不完的雞件, 湯底不算很辣, 對於我這些只能譚仔小辣的就非常合口味了 

疫情放緩，已經開始約下啲N年無見嘅朋友食下飯想坐得舒服啲嘅泰菜餐廳兩個人吹下水，就唔揀得九龍城嗰啲喇之前食過呢間新泰，都幾印象深刻，因為真係幾好食今次再幫襯，係北京道分店黎超多卡位，坐得好舒服幾高檔咁前菜揀咗個泰式柚子蝦沙律佢啲柚子係以「舊」為單位其他餐廳係一粒粒，呢度係一舊舊好正，搭配腰果洋蔥同泰式調味汁極之開胃個人真係超鍾意食軟殼蟹因為乜都唔洗剝，香口又食到蟹嘅鮮味嗰種酥脆咸香嘅味道，真係食唔停泰式炒椰菜仔食泰菜唔叫返碟青色野真係會唔平衡雖然有啲苦味，但聽過人地話椰菜仔愈苦營養價值愈高!切碎可能更走失養份飲野方面我只係怕啲冰會浸到杯野淡茂茂而呢杯椰汁冰夠曬濃郁 飲到尾依然有超香嘅椰奶味想講佢嘅餐單整得好靚本身想食埋甜品但實在太飽，唯有影低佢留念當食咗一定一定再返黎幫襯

就到月底岀糧，同事話不如岀去食餐好嘅，大家都ok就約咗其中一日放工去食泰國嘢。前菜嗌咗兩款菜式，首先係「越南烤蔗蝦」同「泰式街邊豬肉串」，明明係泰國餐廳，點解會有越南菜式？我都唔知，我淨係知個蔗蝦好食，入口啖啖蝦肉，再加埋啲辣醬仲正。串燒半肥瘦啱啱好，點埋個秘製醬汁另到佢更加好味。我哋每次食泰國嘢都一定會叫個炒花蛤，見餐牌有「泰式炒花蛤」諗都冇諗就嗌咗，另外好似冇菜食差咁啲所以嗌咗個「飛天通菜」。花蛤炒得好香口，對我嚟講都幾辣。咁食泰國嘢點可以唔嗌咖哩同冬蔭公，所以點咗個「泰式青咖哩豬肉」同個細嘅「冬蔭公湯」。咖哩我哋冇叫到飯，反而係叫個蒜蓉包，一樣咁夾，冬蔭公好鮮甜但係對我嚟講好辣。重點介紹最後兩款主菜，分別係「泰式明爐魚」同埋「泰式蝦炒金邊粉」。金邊粉賣相好吸引，而且好足料，有幾隻大蝦仲要蝦肉爽口彈牙。烏頭魚肉好鮮甜，熟得啱啱好，味道酸酸甜甜好開胃。最後要埋個甜品「芒果糯米飯」，糯米有兩種，芒果清甜，加埋啲椰漿食飽好滿足。另外因爲我唔係好食得辣，叫咗杯芒果沙冰解辣。整體而言，新泰可以話係尖沙咀top3泰國餐廳，反正冇得岀境去泰國，就嚟新泰止下痕先。

餐牌圖文並茂而且幾精美❤️冬蔭功湯（小）味道酸甜，配料唔算多，有兩隻蝦同少少菇類，大約3碗既份量～泰國街邊豬肉串啲肉好入味而且夠淋，一啲都唔難咬👍🏻 推薦👍🏻👍🏻泰式明爐魚湯底味道偏向淡，可以食到更多嘅魚鮮味，仲另外配左碗湯，可以俾我哋自己隨時加湯👍🏻飛天通菜炒得好香👍🏻食泰國菜必叫芒果糯米飯🍚配黑糯米同白糯米，啲糯米都幾出色😋，平時我係唔會食啲糯米㗎！泰式蝦炒金邊粉擺盤幾吸引！有啲蛋絲包住金邊粉～啲粉炒到比較乾身泰式炒花甲

由於公司搵食兵團其中一位成員要另謀高就，今晚放工就大家一齊食餐飯，希望之後仲有機會周圍食野啦！今日黎到位於尖沙咀北京道商業大廈嘅新泰食泰國菜。食泰國菜最好就係可以叫好多小食可以一齊share，食到好多種類。餐廳環境舒適，燈光暗暗地，枱與枱之間距離唔會太迫，見到幾枱客都係約埋三五知己一定食泰菜傾下計，不亦樂乎～我地一行四人今晚都叫左好野食！============================== 冬蔭功 (小) $78先黎嘅係冬蔭功湯，我地叫左細碗，不過細碗原來大約係二人份，冬蔭功湯有隻大蝦同蜆，配埋其他香料，酸酸辣辣夠哂開胃！  飛天通菜 $75飛天通菜有啲辣椒係面賣相好好，新鮮爽口，唔似坊間炒得好油膩冇左通菜本身該有嘅爽口感，正！越南烤蔗蝦 $78除左泰式小食，連越式小食都有，同事睇餐牌時講左幾次想食蔗蝦，就試試！食落有d似食緊炸蟹鉗嘅蝦肉版，蝦肉夠彈牙泰式青咖哩豬 $88 配蒜蓉包 $32青咖哩擺盤好吸引，味道偏辣，豬肉肥瘦適中配埋啱啱焗好嘅蒜蓉包脆卜卜咁食，一絕泰式蝦炒金邊粉 $108估唔到金邊炒賣相可以咁靚，廚師用蛋網將炒好嘅金邊粉包住，好似個鳥巢咁，金邊粉大蝦新鮮彈牙，金

之前屋企聚會嚟過新泰，大家都覺得性價比幾高，所以今次帶好鍾意食泰國嘢嘅大同再嚟食~二訪質素仍然保持，適合一大班人嚟叫多幾款菜式share🙌🏻 好多店員都係泰國人，有種好正宗嘅感覺，而且服務態度亦唔錯！=========================🐥 泰式青咖喱雞 $88 + 蒜蓉包 $32青咖喱微辣，唔食辣嘅朋友都完全接受到，除咗雞肉，仲有白圓茄、青椒、洋蔥。蒜蓉包牛油味濃郁，烘至外脆內軟，咖喱汁真係太惹味，嗌一份蒜蓉包唔夠喉😋🦐 越南烤蔗蝦 $78蝦餅食得多，今次試吓蔗蝦~外皮香脆，蝦肉肉膠彈牙，不過我覺得同蝦餅差唔多😂🌶 冬陰功 $78叫咗小份因為想留肚嗌多啲餸🤣 店員離遠攞過嚟嘅時候已經聞到好香，酸辣度適中，有大大隻蝦之外，仲有魷魚、雜菌等🐟 泰式明爐魚 $188用個小火爐㷫住，烏頭上檯時已經全熟可以食得，另外會上一碗湯， 食嘅時候可以加多啲湯底唔怕滾乾👌🏼魚肉嫩滑，仲有不少香料，香茅、檸檬葉、芹菜等令到味道更豐富，略嫌湯汁味道唔夠濃郁，酸啲會更突出🤌🏼🍢 泰國街邊豬肉串 $68豬肉串紮實但唔鞋，中間仍然keep到肉汁，旁邊嘅醬汁係重點❗️微辣帶少少甜好惹味，大家用嚟點其他嘢食

尖沙咀原來佢有2間分店，今次就揀近Harbour city嘅北京道分店，太子集團成棟都係餐廳🤣食飯時間要排隊去撘lift!!都等咗一陣🙈上到去好快有人招呼你！入面格局又好泰國風味，坐卡位有景睇添呀！！可惜我去到嘅時候已經坐哂☹️可惜！！！冬蔭公(小)大概係2碗多小小，2人份量啱啱好！！而且又有蝦，菇配料好豐富!!味道都幾濃，唔太辣，啱晒我口味！泰式蝦炒金邊粉佢個甜酸味好好味，好大碟，一個人食唔哂！！蝦都幾隻！！大大隻㗎！馬拉盞炒通菜馬拉盞好正！！炒上黎好好食，啲通菜入哂味！！！而且通菜好嫩，好易咬😚蜜糖燒肋骨100000級好食！！！！好重蜜糖味，而且佢配個汁好正！係類似冬蔭公又唔辣！！！好juicy!!! Highly recommend!!椰汁沙冰新泰嘅沙冰好好食，個味又好濃！！係即叫即整！！！！好新鮮甜品拼盤有成8個糕！！佢個大菜糕我最鐘意！！！係好清又唔甜好好食！！！又彈牙！！！好味！！！

朋友約咗我喺呢個位置好方便地方食泰菜 上到嚟估唔到個環境係咁靚裝修而且位置好闊落個卡位可以坐成六個人都得 三個人仔坐真係非常舒服 慢慢嘆晚餐 店員介紹咗幾樣食物畀我哋 覺得非常唔錯所以就喺度推介俾大家食泰菜點串燒都係基本嘢 呢個個價錢比起有時街邊檔仲要實惠 而且啲肉燒得好嫩唔會好嚡口 就算係豬肉都好好味 而且佢嘅沙爹醬都好惹味生菜包聽慣聽熟但係魚肉生菜包我哋又真係未試過店員介紹之後我哋就決定試一試 完全係另一種口感同滋味 佢呢個係有好多唔同嘅醬汁去烹調魚肉亦切成細細粒去炸 有種咕嚕魚柳嘅口感但係比起呼嚕魚柳係更加豐富嘅味道層次咖哩軟殼蟹呢個話畀大家聽一定係必食必食 惹味嘅黃咖哩再加熱辣辣嘅軟殼蟹 麵包亦都吸住曬啲咖哩汁食落去非常濃郁啖啖咖哩香食物環境都一流 絕對值得encore

之前去過「新泰」位於灣仔三層樓高嘅分店，就已經俾佢高質嘅美食同優雅嘅環境所征服。適逢好友生日，我就帶咗佢嚟尖沙咀北京道嘅另一分店食生日飯。麵包焗咖哩軟殼蟹哩個係必試之選，咖哩、麵包同軟殻蟹簡直係絕配，而且份量好足料，農夫包裏面裝滿香濃嘅黃咖喱醬，上面放咗酥脆嘅軟殻蟹，哩到嘅咖哩唔會好辣仲帶有少少蛋香添👍🏻魚肉生菜包豬肉生菜包就食得多，小妹都係第一次見到有魚肉生菜包就梗係要試下啦。魚肉已經拆骨起肉，再切到細細粒再炸到酥酥脆脆，加埋花生粒、菠蘿粒等，夾埋係生菜入面食真係有多重口感，味道酸酸辣辣咁好開胃。泰式炒金邊粉食得泰國菜又點少得泰式炒金邊粉呢，「新泰」嘅炒金邊粉就較為濕身，但pad thai 醬汁就掛滿每條金邊粉，而最吸晴嘅就係上面個片高難度嘅格仔蛋皮，可以食嗰陣先再撈埋一齊。

旅行癮又發作啦... 好掛住泰國街邊小食啊....要去食下家鄉菜式止渴。今日去左尖沙咀一間泰國菜，其實無做d咩research,全靠彩數😂今日大家都好肚餓，叫左勁多野食😍首先講吓前菜先，叫左泰式生蝦同冬蔭公湯。依個時勢最緊要街衛生，我見佢上蝦個汁會有保鮮紙包住d汁，食個陣先開。 蝦都好新鮮同埋好夠凍👍🏻湯就岩哂我，佢唔會好辣，飲落去好順。 主菜叫左個咖喱軟殼蟹， 包夠軟熟， 點埋咖喱真係不得了😍 軟殼份量好多， 食到最後都仲有， 唔會得咖喱汁無餸另外嗌咗魚肉生菜包，味道好好重薑同青檸味， 反而幾有驚喜，因為係我記憶當中其他餐廳好似冇點過依個餸。 炸魚本身比較肥膩既野，但包埋生菜食就岩岩好。最後一定係必叫既炒金邊粉， 炒得夠乾身， 麵條比較幼身， 但我覺得可以再重味d😋

每次約親朋友尖沙咀食泰國野 一定會黎食新泰 地點方便環境舒適好食同抵食 係尖沙咀有兩間分店 北京道個間位置比較少 最好訂左位先好食首推薦 泰式蝦炒金邊粉 睇外型已經好吸引 外觀同味道一樣咁正炒得夠火喉 加彈牙足料大蝦 份量仲好多超抵食小食就叫左個椒鹽軟殼蟹 椒鹽味道岩岩好唔會過份油膩 好岩做餐前小食 沙律都係必點 泰式柚子沙律好岩餐前同後食開胃/解油膩都得 份量仍然係咁大份好食每次都會叫一款菜食 balance返今次簡左比較少見既泰式炒野菜仔 唔會太硬 炒得岩岩好 醬汁入曬去每粒菜到 好食仲叫左杯紅豆冰 椰味夠紅豆淋 好正最後真係要再讚下個環境 坐得好舒服同有情調 上菜速度都係好快 員工好有禮貌呢間餐廳仲會有限時推薦新品 今次太飽試唔到下次一定會黎再試

今日見夜晚得閒就同女朋友出去食返個夜晚，今次就係尖沙咀既依個鬧區入面 搵左新泰依間泰國餐廳，一上到去開𨋢門，大堂個裝修真係好靚，好似置身係外地甘，好有氣氛，甘今日好好彩地唔洗排隊，入到去張枱到有一盞燈射落黎,影相都會靚d,甘我地就叫左5樣餸，首先第一樣就係食泰國菜唔少得既生菜包，佢比起出面食既生菜包比較辣少少，用黎開胃口真係一流，之後就係豬頸肉，豬頸肉切得比較厚，所以食落去比較有口感，而且味道亦不錯，再之後就係餐廳推介的燒牛仔骨，牛仔骨既熟度控制得幾好，唔會太生或者太熟，而且唔需要點醬都好入味，之後就叫左個飛天通菜，菜都係帶有少少辣味，唔會太油，都炒得幾香，煮食就係燒春雞夾黃飯，呢個餸係平時好少機會食到，好推薦大家一試，不過由於係即叫即整所以等候時間會比較耐，所以大家可以叫定多啲小食嚟等依個主菜，整體嚟講今餐都食得滿足。

難得終於放寬可以晚市堂食，見好耐冇食過泰國餐廳，又見到新泰雖然喺尖沙咀呢d地區但價錢都好合理，就揀左佢黎食。一入到去就覺得佢個環境好舒服，暗暗地嘅燈光幾有格調。因為早去食所以唔使點樣等位，職員就安排咗一個二人座位俾我哋，佢啲凳都坐得好舒服。佢有好多唔同既菜式可以揀，價錢都係幾十蚊至百幾蚊左右，我哋今次叫咗一個主菜同埋幾款小食。首先上咗飛天通菜，見到賣相已經覺得好吸引，啲菜有好多汁，通菜好新鮮食落好脆口，同埋鍾意佢嘅辣椒夠香夠辣，炒得好入味。飲品我哋就兩個人share左一杯泰式奶茶，因為唔想飲太甜所以叫咗少甜，但飲落去都好滑口，同埋泰式奶茶總係有一種獨特嘅香味，清清地又唔會太甜太濃味，好啱叫黎配野食。泰式豬頸肉味道就中規中矩，不過肉片好厚身同埋份量好多，肉側邊有少少碳烤焦香，如果再燒得香口啲應該更加好食。生菜包肉係每次去泰國餐廳都必點，今次叫左豬肉，佢既豬肉醃得好夠味同埋鍾意佢佢辣辣地再搭配種香葉嘅味道，唔會好鹹，配生菜啱啱好。生菜大大片總共有大概五至六片，好新鮮夠爽口。牛仔骨比想像中上菜得快，食落口有少少好似香草味既味道，牛仔骨肉質幾淋唔會話燒到好乾身。最後隆重登場嘅係烤春雞薑黃飯，個

今日突然好想食泰國嘢，就嚟咗尖沙咀呢間餐廳試吓佢嘅泰國菜。佢喺北京道其中一間大廈嘅上面，同一棟大廈都有其他嘢食。一出獵就見到好友泰國風情嘅裝修同擺設，燈光比較昏暗，但係有好多卡位係落地玻璃隔離，可以望到尖沙咀嘅景色，而且卡位好闊落，應該可以坐到六個人。我就叫咗必食嘅生蝦刺身做前菜，刺身新鮮，配埋佢個汁同埋蒜頭一齊食，有啲辣但係好好食！另外我又唔想食咖喱或者飯呢啲咁heavy嘅嘢食，所以今次就試吓佢推薦嘅鴨肉生菜包，平時喺出邊好少有鴨肉配生菜包食，嚟到嘅時候配料充足，拎咗幾羹鴨肉落個生菜度包埋食，除咗食到泰國香料嘅味道之外，都有淡淡的鴨肉香，都幾特別嘅配搭。因為呢兩碟嘢食都係比較辣，所以我就帶咗一杯番石榴沙冰，解辣之餘又可以有種清新嘅感覺，而且超級大杯好抵飲，番石榴嘅味道都好出，不過可以少啲甜味。最後當然唔少得食泰國最出名嘅芒果糯米飯啦！佢個芒果糯米飯係有普通糯米同紫糯米，仲要大大碟，一個人食嘅話都真係會太多，椰漿配糯米仲有鮮甜嘅芒果，一齊食落口真係好滿足，不過如果怕甜嘅話就可能未必鍾意，整體價錢係呢個環境下算係幾抵食，如果想約朋友係一個清幽小小嘅環境，又可以望到靚景嘅話，呢間餐廳值得推

今日同朋友黎左尖沙咀新泰食泰國野🤪上次食過另一分店覺得幾好食今日再試！呢間裝修幾grand 幾靚！而家坐卡位好闊落舒服😆望住窗鏡都幾正！泰菜必食既生蝦😆一碟有6隻！好惹味開胃！一食左就開左個胃想食好野😋有店員介紹既牛仔骨！我鍾意食生啲既牛肉所以覺得好吸引🥰好好味！軟度岩岩好而且烤得好香！讚！🥳香芒軟殻蟹米紙卷！又係勁開胃🤩米紙唔會太厚🤪軟殻蟹炸得好脆！呢碟勁大份！我地食極好似都仲有咁🤣然後健康啲order 左馬拉盞通菜😆好健康呢個唔會太多油但又好香口😝佢其他好多餸都好好食！但之後掛住食冇影相🤣又坐得舒服！同朋友黎呢到飯聚一流！