新泰東南亞餐廳 (Moved) New Location

我同同事都係好喜歡食泰國菜嘅，呢一日午餐就來到新泰！以前食過都覺得味道唔錯，所以就帶同事來試多一次！呢度有幾個套餐選擇都唔少，每日唔同。想食得豐富啲仲可以叫四人餐。我哋大家都好喜歡食生蝦，就叫左一份做頭盤。呢度嘅生蝦好肥大肉口！好鮮甜！醬汁亦都好惹味！拼盤係炸蝦餅同炸魚餅，我食咗一份炸蝦餅，感覺好彈牙，蝦味都好甜！串燒有齊豬，牛，雞各兩串。三款都燒得好香好惹味！肉質不會過老，好香！不過最畫龍點睛嘅係呢一碟沙嗲汁！甜甜地，有少少嘅花生香，好好食！咖喱大蝦份量好大，咖喱充滿椰香味！好開胃！不過蝦如果可以彈牙啲就仲好！食咖喱當然要配上蒜蓉包！好香脆，牛油味亦都好香！最後一碟炒青菜亦都好味！最緊要係唔會過分油膩！

Lunch time 成日都會食新泰，因為佢嘅環境比較乾淨闊落，食物嘅質素亦都算唔錯。$80幾蚊一個午餐包嘢飲。最喜歡食佢嘅招牌海南雞飯，因為包無甩拖。今次第一次試佢嘅越南牛河，味道就有啲失望，因為湯底唔夠味，同埋牛肉都真係好肥，食得出牛肉嘅質素唔高。

泰國菜或者東南亞菜我平時都較少食，唔係唔鐘意食，不過香港煮得好食既餐廳真係唔算多，有日同朋友行經灣仔，話聽講到依間新泰好評都幾多，一試就覺得係真係幾好時間尚早無咩人，而入面坐得都好舒服，地方乾淨，值得一讚餐牌有好多頁，所以都唔影俾大家睇啦，只可以話各式各樣既東南亞美食都齊晒咁濟飲品方面，我地叫左龍眼冰（右面）同埋紅豆冰（左面），味道係唔錯泰國菜必食既當然係肉碎生菜包佢整得真係幾好肉碎粒粒分明，偏乾身，唔會濕住塊生菜，帶有少少辣，令整體上香口啲，係好味亦叫左半隻泰式去骨海南雞，啖啖肉十分爽而隻雞本身都算靚經典菜式仲包括泰式菠蘿炒飯炒得好好，每粒飯都金黃色，熱辣辣而飯粒爽口，好味臨尾想叫番啲甜品食，見佢甜品種類好多，就叫左依個泰式甜品大拼盤，樣樣都有又好食中間放左經典既芒果糯米飯，係好食建議三個人食比較好整體來說，對間餐廳都幾滿意，上菜速度快、環境舒服乾淨又寧靜，最緊要係食物好食，食東南亞菜黎講價錢當然可以再平啲，但我覺得係度享有以上服務都算值番既

終於又到左星期六  可以忙裡偷閒約朋友食個靚lunch ～ 黎到灣仔既新泰東亞餐廳睇佢附近既餐廳有啲雜 估唔到入面環境又幾好喎!一去到店員安排我地坐一個大大大大大沙發卡位 可能因為分店多啦 所以好少人黎食lunch 唔知dinner 係咪一樣都咁少人啦可能因為啱啱開 啲店員仲準備緊食材 佢地一路係度撈啲糯米粉 一路傳黎好大陣香味 搞到我都好想食TT不過因為驚太飽所以唔敢叫住～我地兩個人一共噗左四樣野- 青咖喱雞- 印度烤餅- 青芒果沙律- 炒金邊粉青咖喱比想像中辣 不過撈埋烤餅食又幾惹味架喎hehe入面啲雞係雞脾肉 全部都大大舊滑dudu  啱曬食肉獸烤餅都算唔錯 夠菜 唔油 但係嫌佢唔夠多層囉不過三十蚊貨仔 就唔好咁多嗲啦ahahahahah青芒果沙律好神奇呀 第一次食青芒果 佢又唔係好青瓜咁爽 唔知點解覺得佢有啲似蟹子沙律啲蟹柳不過個味又係ok ge 好似泰國野咁味囉無特別炒金邊粉就整得幾靚啦個蛋皮 味道又係泰國野咁既味囉無greyhound 咁好食但又唔算油  平平地都算ok 啦雖然無去過泰國 但我估呢間野都算正宗掛 見到啲店員好似都係泰國人LOL

星期二下晝約左朋友食飯突然想食泰國菜而新泰又近寫字樓就決定去食啦一點食飯時間 有人等位 但好彩唔算好多 我地好快就入到去食啦lunch menu唔算多選擇我地揀左 青咖喱雞飯同冬陰功海鮮金邊粉 再加28蚊小食-豬頸肉沙律豬頸肉沙律 豬頸肉份量以小食而言算唔錯 而肉都唔老但以沙律而言 菜比較少不過佢夠香辣 愛辣之人會鍾意既味道冬蔭功海鮮金邊粉 本身以為佢係炒金邊粉一開始見係湯麵有啲失望但係一試湯 又被驚艷冬陰功整得好香濃 帶有少少香辣麵既份量都正常整體而言算唔錯青咖喱雞飯 最後上既係青咖喱飯食落算唔錯 唔太辣 帶有椰奶既香甜味不過唔太特別🤔順帶一提 咖哩裏面有茄子 對我而言比較少見因為我同朋友都叫左凍飲(+$3)所以最後買單 加一 都要over$100 per person 整體而言都算唔錯既一間泰國菜

今日FIF係灣仔收工，二話不說就搵係灣仔返工既朋友一齊食個飯。友人就話想食泰國菜，經OPENRICE搵完，發覺呢間都係地鐵站附近幾近，所以就決定去馬！ 一入門口，感覺都餐廳空間都幾大，仲分左做兩層。裝修都好有泰國特色，仲聽到店員有用泰國話溝通，頓時覺得呢到好LOCAL！ 點菜啦！首先就叫個蒜容炒貴妃苗。炒到好香口，而貴妃苗依然爽口，撈埋汁其實就可以送一碗飯。 另外就叫左個串燒豬頸肉！嘩！好正啊，豬頸肉既外圍係脆卜卜，但中間既肉又軟又香，外脆內軟，無得嘆啊呀～而且豬頸肉數量都唔少，所以都抵食嫁！ 最後到主菜就叫左烤雞黃油飯，事前店員已經提醒左要等起碼十五分鐘。所以食哂貴妃苗同豬頸肉，雞先出場～ 一出場，真係超香啊～一切開，雞既肉汁流哂出黎，雞入面釀既黃油飯吸收哂雞同香料既精華，淡淡都好滋味！ 食完三樣野已經好飽～友人本身仲諗住叫兩個主食，恐怕多一個主食，　要搵多個朋友黎啦～ 總括黎講，呢到既食物都好有泰國風味而性價比唔錯～份量又足。

Every dish is quite big in portion since they have large bowls and plates. We had grapefruit and grilled prawn as our appetizer. Grapefruit was really sweet and fresh. The amount of prawns and squid were just enough for every spoonful of salad. We then ordered a seafood laksa. The soup was super yummy and not too spicy. Filled with coconut milk and a bit of sourness as base. So many seafood floating in the bowl as well. Me and my friend almost finish all the soup and it tastes as like no msg. A

男友一直都係泰國菜嘅fans👅👅今晚就帶佢嚟新泰好好食番餐正嘅😻😻 新泰原為泰屋，入面嘅侍應基本上都係泰國人，不過都可以講到流利廣東話💁🏻💁🏻 而我地就先嗌粒椰青($42)🤗 都幾大個，入口清甜，椰肉爽口！之後就叫左半隻海南雞($128)🐏🐓非常嫩口，配上酸辣汁食更正，而且底下有青瓜，清爽可口🌵🌵另外再要個椒鹽軟殻蟹($78)🦀🦀好惹味，叫個白飯送一流！蟹肉炸得脆口，食落口感豐富🐥🐥

食左一輪中菜終於嚟到食泰國野啦🤘🏻🤘🏻 今日就揀左餐廳附近嘅新泰，環境幾舒適，夠大又好坐，吹水都唔錯💁🏻💁🏻 2個人先嗌左碟泰式生蝦($98)🦐🦐 好新鮮！肉質彈牙，點一點特制嘅source 更加惹味😋😋 食完更開胃🙆🏻‍♂️ 之後炒碟貴妃苗($82)⭐️⭐️ 份量適中，上面有d調味蒜，可以增加味道嘅層次感👅 貴妃苗相對重草青味，幾fresh! 最後加左芒果糯米飯($62)👅椰漿都加左甜，所以overall甜左d😶😶不過芒果好juicy! 好唔錯🌹

今日過海食泰菜, 在灣仔旺區, 仲要地舖, 同可以坐得如此舒服, 2人坐6人位, 呢間泰國菜館都算巴閉啦!巴閉的菜館, 當然要叫反個有台型的餸菜才夠氣勢啦, 呢個香茅炸魚，一定是首選, $168原條起肉上枱, 真係架勢, 賣相已經值70分, 食落更不容置疑啦, 肉嫩香脆, 連骨也炸到卜卜脆, 今次真係連骨都可以食埋, 超爽!青咖哩雞及薄餅，是我一向喜歡的配搭，咖哩雞內有很多配料，而且帶香甜味，沾上青咖哩汁配薄餅食，超正！芒果糯米飯，太急不及待了，所以未影全相已食了，哈哈⋯⋯，這裡做的是黑白糯米，雙色，外形靚，口感亦不同，白色較軟，黑色較有嚼口，配上香甜的椰漿及芒果，為今晚這頓飯更錦上添花！

自從上個月去完泰國之後，嗰條食泰式野嘅癮就一直都無停過，所以約左朋友黎食下呢間咁多好評嘅泰式餐廳，止下條癮先呢度嘅環境唔錯，雖然要上一層但尚算近地鐵出口，地方企理，衛生都應該幾好，所以我就試一試佢個生蝦因為一來都唔係間間泰菜嘅衛生環境都咁好，二來有啲直情無供應生蝦添！呢度啲食物果然都無令我失望生蝦非常新鮮又夠凍，伴碟嘅青醬好酸辣，啱哂我口味另外個海鮮冬蔭功金邊粉都令我有驚喜，除咗夠大碗多海鮮之外，粉煮得比一般餐廳更彈牙，好食最後個淋滿椰漿嘅芒果糯米飯都好正，因為飯嘅軟硬適中又夠熱，配埋微冷嘅芒果同椰漿簡直係一流總括而言值得再黎，令我食完依餐之後真係好想即刻飛去泰國再食過

今日飲完野去左新泰食泰國菜。我地成九點九先上到去。原來佢地今日都早收𠺢，十點半左右last order. 講真，都唔係早好多。去咗馬拉盞炒通菜，店員好友善咁樣提議我哋叫第二樣，因為好多外籍人士都唔鍾意馬拉盞呢隻口味。最終我照叫，朋友都好鍾意食。桶蝦，冇諗過係以呢個賣相出現。外層炸得好脆亦都唔油膩。配埋泰式甜辣汁非常之好味！冬陰公海鮮炒飯，並唔係度度都有得食嘅。炒飯唔油膩而且有少少辣辣地，但係辣度適中，你唔會令到呢個炒飯太過難食！鴨肉生菜包，比起平時嘅豬肉多咗咬口。生菜包入邊好有檸檬味，有香茅、有芫荽，適量嘅生菜足夠包晒所有嘅鴨肉，而且每片生菜都好新鮮。燒烤魷魚，本身嘅燒汁已經好好味，點埋呢個泰式嘅酸辣汁仲更加好味。我哋再叫咗一jar啤酒。由於之前響啲酒吧已經飲咗好多，所以要飲埋啤酒先至走就搞到啲店員要等好耐先可以收工啦！

團年飯梗係要食好D，呢間泰國菜餐廳，食物款式多，而且水準樣樣都好平均，也讓人坐很十分舒服自在。最喜歡食炸物的我，當然一定要叫一個香茅炸魚啦，呢條炸魚係把成條魚起肉炸至金黃色，加上炸起的香茅和泰式香芒沙律，再配上酸辣汁一起食，魚香肉脆，做節必選。羊肉串，一共有四串，除了羊肉，還有洋蔥菠蘿、青椒等蔬菜，以梅花間竹形式，穿插在羊肉之間一齊燒，上枱美觀豐富，吃起來有不同口感之餘，更不乏單調。蒜蓉炒貴妃苗，十分新鮮、爽脆，又沒有草青味，好食！今晚這頓團年飯真是貴精不貴多！

今日朋友同我去灣仔買完d電腦嘢，佢帶我去一間叫新泰東南亞餐廳食泰菜。打開餐牌，就見到我地大家都鍾意食嘅椒鹽軟殼蟹，點了一碟椒鹽軟殼蟹椒鹽軟殼蟹都幾香脆香口，好味，跟住點了個咖哩牛腩送飯，牛腩多汁味道濃郁，少少辣，最啱我。奄列海鮮炒飯好特色，薄薄嘅蛋皮包住足料豐富的海鮮同炒飯，意想不到，我就加了少許牛咖哩牛腩汁撈撈，正。奄列海鮮炒飯奄列海鮮炒飯海鮮都幾多，有青口，有蝦，有魷魚。蝦幾爽口。飯底夠乾身。

唔係green Monday 至食得green，今個晚餐我要清淡，少肉但要啱胃囗，又要飽⋯⋯⋯食泰國菜就係好選擇，即上openrice search 下乎近有乜泰菜，就見到新泰，上到去坐落睇餐牌至知唔只係泰國菜，而係東南亞菜，好多選擇👍🏼一開始我就叫左個椰青沙冰，賣相一流，整個椰青水及肉打成沙冰，放返落個椰青度，好好飮，我叫左走甜，所以D甜味係椰青甜，好真材實料🥥越式蝦米紙卷，夠清新☘️蒜蓉炒貴妃苗，份量足，炒得不會過時，調味落得啱啱好，帶出貴妃苗本身淡淡香味🌱嚟到主角，今餐無乜肉，所以我揀左碟重小小澱粉質嘅甜品，南瓜布甸，有成個小南瓜，南瓜甜布甸滑，熱食好暖胃🍮