Super大中華火鍋 (Moved) New Location

估唔到第一次同屋企人去試呢間明星開火鍋店，亦都係最後一次本來食完呢次會再幫襯，點知噤快結業不過今次既感覺都好正，可能明星效應，太多人幫襯要一早book位，上到去環境幾大，好多人在打邊爐或食蒸鍋今次侍應安排我哋坐獨立房，可以一家人靜靜哋食飯傾計和睇電視，我哋就一次過試晒兩樣，蒸鍋和火鍋睇張餐單好多食材選擇，最終選左一些海鮮、肉類和蔬菜，一半用來火鍋一半用來蒸，等食物蒸出來既精華流落鍋底既粥，最後既粥一定好鮮甜由於今次同老人家和小朋友食，想健康d和試吓有幾鮮味，所以火鍋湯底選左清d，但唔記得乜嘢名，只知道有豆卜、竹笙係配料未到時，我哋叫左個小食和剌身醫吓肚先 金莎魚角，熱辣辣炸起，咬落外脆內彈牙，啖啖肉象拔蚌刺身，鮮甜爽囗餃子拼盤（雲吞、水餃、韭菜餃、魚皮餃），隻隻都好大隻，咬落啖啖肉走地雞半隻，肉唔梅，食落幾有嚼勁厚切午餐肉，因厚切關係口感好充實本地手切肥牛（大）和日本黑豚肉，原來用蒸既方法，食落嫩滑好多和鮮甜味比淥更好蟶子、花甲，食落冇沙，鮮甜、爽囗彈牙鮑魚，將鮑魚切片，容易熟而且冇噤靱，感覺嫩滑甜美最後蒸完配料食晒，配料既精華滲晒入下面既粥底可以叫侍應入來煮粥食，煮到差唔多就加雞蛋落

幫襯過 super 大中華火鍋幾次雖然覺得之後幾次好似冇第一次 o黎 o甘正不過水準都係唔錯 ar點解會結束營業 ga?我最中意依度 ge 安格斯牛肉質素好高, 蒸出 o黎特別濃郁特別好食海鮮都好新鮮最有趣係依度 ge 甜品係外判了出去, haha

收到風 Super 大中華光榮結業，立即與友人飯聚。蒸氣火鍋，是期待之選！海鮮，海鮮，海鮮，是必點之選！扇貝，花螺，蟶子皇，花甲，貴妃蚌，象拔蚌仔，脆肉鯇......數之不盡凡是蒸的，必定是鮮味無窮！每款海鮮也蒸到剛剛好！鮮，爽，滑，美味！實在是美食之選！安格斯牛肉，牛肉鮮嫩肥美，我們order 了兩客！看到也想吃了！尚有其他食物：雲呑，粟米，丸類，蔬菜.....，也非常美味，但未有影相。可惜，營業至19/3/2017 ，要幫襯快手啦！

第一次食蒸海鮮係朋友帶我去嗰陣蒸海鮮仲係好新嘅玩法而家又變到成行成市 lu 😂原本都擔心就咁蒸，啲嘢食會無味點知食材新鮮嘅話，蒸先至更加可以令人食到食材嘅鮮甜味道！蒸蒸下開始心急，一次過整唔同嘅嘢食啲蒸氣搞到啲相好似落咗 effect 咁嘅 😂蒸海鮮食佢嘅鮮味我都明，但蒸牛肉又係咩玩法？我哋點咗個安格斯牛肉嚟試下啦出奇地蒸牛肉係好好好食啲牛肉好滑，牛味勁濃郁！我覺得仲好食過海鮮！當然亦唔少得嗌返打啤酒啤啤佢啦整體啲嘢都好食，雖然呢度好忙但阿姐招呼都好好 👍🏻

天氣氣溫急降，我的腦內便閃過一個畫面，肥牛、鱔片、魚卜等正在享受著熱烘烘的火鍋溫泉等待着我。先生知道後，便提議到長沙灣的Super大中華打邊爐。店舖位置比較偏僻，從長沙灣地鐵站走過來需時約10分鐘。大門和店內均有多張曾志偉、譚詠麟、阿叻等人親筆簽名的海報，原來他們是Super 大中華的投資者。店內開揚，除了擁有多個VIP房間，大廳內枱與枱之間保持足夠距離，而且設有多個卡座。自助醬料吧基本選擇齊全。醋有大紅浙醋和香醋。鮮椰青 清甜 HKD 32一個 椰肉嫩滑 飲品是要即時付款的可能因為是要由大中華甜品店拿過來吧鮮榨西瓜汁 HKD58唱下有西瓜果肉胡椒蟹湯底由於即將結業，茶介、醬油、湯底（除了三個湯底佛跳牆、醉雞和另一個雞㷛）雖然蟹鮮味不太突出，但是湯底依然充滿胡椒味，內裡有差不多一隻的水蟹，免費來說當然是很足料。鮮魚卜很多火鍋店都是讓你自己用竹籤把脹卜卜的魚卜放氣，這裏的上枱前要弄好。煮熟後，外皮軟糯，內𥚃鮮甜爽脆。鱔魚片魚身滑味甜 切厚一點更爽脆和咬口鬼馬雙星墨魚滑釀油炸鬼 墨魚滑口感一流 超級爽口 咬下去會有墨魚粒和西芹粒 但當墨魚滑滾熟後油炸鬼已溶了 所以我建議只叫墨魚滑黑柏葉口感

是晚有人指定要嚐嚐這家火鍋, 所以就直接來了。由於只有兩個人, 所以不能點太多款式, 基本點了肥牛和幾碟其他配料。湯底要了蕃茄薯仔牛腩湯, 火鍋湯挺足料, 有不少牛腩在內。男友很喜歡這湯底, 個人就覺得湯底味道沒大問題, 只是它跟火鍋配料的味道有點不搭配呢！話說回來, 牛肉和海鮮等食材是新鮮的。手打蝦丸挺足料! 偶爾還吃到未打碎的蝦肉, 非常彈牙對要逐碟計錢的牛肉的要求會高一點,這個牛肉不夠雪花, 而且略厚, 吃起來有點少韌, 肉質不鬆軟, 牛味亦不夠濃。一般吧！韭菜餃真的只有韭菜, 豬肉幾乎絕跡。韭菜新鮮, 香氣四溢, 但吃不到味道, 調味太輕手了吧！蟹柳只有些許鮮味, 但不是很靚那種。普通吧！感覺有點不值。雲吞尚算足料, 內有兩至三隻蝦肉, 爽口彈牙。可惜鹼水味略重, 要扣分!桂花蚌分量很足且鮮甜, 亦很新鮮手打墨丸 (忘了拍照) 很彈牙, 很香墨魚味, 即使平常不吃墨丸的我, 也吃了幾粒呢！是晚眾多火鍋配料中, 個人覺得手打丸類和海鮮類較令人滿意!環境衛生方面, 餐具和點餐紙等不夠整潔, 有待改善。另外, 上菜速度亦需注意一下, 我們的湯底竟然在點菜後差不多15分鐘才到, 真是太

我地今次一行4人首次黎呢間火鍋店食，book左7點半去到已見有好多人，已經坐滿9成枱，點了藥膳醉雞鍋，一隻雞份量。個湯底真係掂掂左手切本地牛手打四寶丸、四寶餃、生根、枝竹,脆肉鯇,東風螺，粟米，芥末八爪魚，食物新鮮，有兩種蔬菜任食（唐生菜及菜心），醬料供應都有好多種，最正有埋XO醬，但叫果汁就要即時比現金，呢樣我覺得要改善，都係入單點解要咁麻煩即時要比現金整體食物質素係正既最後我去個日咁啱女厠沖水有問題，沒有一格係乾淨既，令到成晚終結不能完美。

一班女仔幫壽星女慶生，主角說想打邊爐，馬上便想起了近來同事介紹的super大中華，說它有得打邊爐，又有蒸海鮮食，便拿著同事給我的食滿$1000減$200 的coupon 去試了。super大中華跟大中華本店只是一個街口之隔。星期日的晚市未至於爆滿，但也有很多檯客，室內的裝潢簡單。只靠大中華的招牌，明星效應加上良好的食物質素，就足以吸引食客慕名來試了吧！甫坐下便點了蕃茄薯仔牛腩湯底（$138），好足料，牛腩細細舊入味得嚟唔un。又點了小食椒鹽雞軟骨（$68）和椒鹽豆腐粒（$68）。很欣賞雞軟骨用了美極來餣，兩款小食均是即叫即炸，香脆可口!火鍋食物份量不少，竹笙有成十幾條夾極都有。鱔片、鯇魚片、鑽石蜆，全部都很新鮮。推介鑽石蜆，大隻又鮮甜！響鈴、芋頭都係即炸冇得輸牛柏葉好大梳打邊爐又點少得手切本地肥牛（$288），一間火鍋店成與敗就睇碟肥牛，呢碟我就好滿意。份量夠之餘，油花分佈均勻，片片大小厚度一樣，師傅刀功抵讚！食落軟綿綿唔un有肉味，證明靚牛肉唔係淨係留俾熟客嘅外加白灼東風螺（$98），細細粒，正常味道冇咩特別最欣賞係除咗人頭醬油費每位$20外，再冇其他雜費，加一同切餅費都唔收。總括嚟

即興訂了枱三人行，不用等，點了象拔蚌刺身，海膽..., 跟住叫了海鮮牛肉蒸煱，還是安格斯肥牛好食過本地肥牛，邊食邊將海鮮水倒入粥內，粥也夠未，食到飽到嘔，埋單仲有八折，免加一，超值!

海鲜新鲜，有餐纸告诉你每一种食物需要焖蒸的时间是几分钟，而且还有个定时器自己设定几分钟，蒸完海鲜和菜的水流到锅里煮粥，好味，只是位置偏僻，离长沙湾站还要走很远，价格比一般火锅配料的菜品再贵一点，建议提前预订桌子！

叫得 super ~~ 如為有無線班明星（名就唔講喇）幫手賣下廣告會有保證啦！點知～～～人地話一分錢一分貨、呢度！？呢度係十分錢得一分貨！食物質素普通～ 稱不上好食好味！我食既係蒸氣火煱！食完6、7樣蒸野食後，個粥底完全無任何名道可言！最抵死既係個侍應最尾都攞埋樽盐黎話如果你地覺得唔夠味既就落盐啦！盐喎大佬！你食過蒸海鮮之後個粥底未架？即係話連個侍應都知咩事～ 攞定樽盐黎補飛！點知一如個侍仔所料！同白粥是沒有任何分別的！講多都浪漫時間！總之一句以後唔會再黎～😤😤😤

今日公司開完派地, 提早5點放工, 約齊同事去試蒸氣鍋. 早兩星期打去book位已爆晒, 唯有今日早啲等位, 剛剛6點去到未見人潮, 直至食完都未見排隊人潮.  侍應話7點半要交枱有8折, 我哋更係okok, 我哋會快食快走 一坐落我哋就快點快蒸, 個半鐘時間話多唔多, 實行狂風掃落葉, 大家都未試過蒸怕等好耐, 但原來個鍋蒸開都好快熟.  一開首見侍應將生米, 生肉碎, 水加入鍋底準備煮粥, 我哋就開始在蒸架上蒸.  海鮮雖然貴, 但好新鮮  肉類都貴, 但肉質好韌 即吃小食好味  最後粥底唔夠海鮮味, 可能我哋無蒸蟹啦.... 格局都頗大間, 還有幾間獨立房間, 抽風設施不錯, 沒有成身打邊爐味道.食物選擇多, 尤其海鮮, 價格頗貴.原來位位要先$20醬油, 自便到醬油區任取, 不過無加一餐前小食: 椒鹽豆腐粒, 紫薑溏心皮旦.  豆腐粉薄, 外脆內滑, 好香口, 食唔停口.  紫薑皮旦我不好, 同事話好味.大蓮鮑$120: 4隻切片, 不是太大隻, 切片後太薄, 唔夠原隻食好咬口, 較貴.車厘蜆$90/份: 原先叫鑽石蜆, 但無貨, 反而試了這車厘蜆, 頗大隻, 肉質爽甜, 蒸熟

這個冬天不太冷，但蒸邊爐卻大熱，所以相约一班好友去試一試聽聞book極都冇位嘅Super大中華火煱。所有食物放在大蒸爐上，感覺很有趣。建議食小小嘢打抵先開始，否則最少要等半個鐘先有得食，由落單，上枱，再等蒸完先食，確是耐力大考驗。食物確是原汁原味，所以食材一定要靚和新鲜，整體大中華亦做到，但價錢比一般火煱店略高。當晚叫了鲜蝦，骨髓，鲜牛肉，四寶丸，蟹......因為太餓，也忘了影拍。但最推介都是吸收了所有(食材)日月精華的粥底。必試

蒸煮海鮮似乎係近期的熱潮，呢間都算係人氣食店，於是相約朋友一試。兩個星期前已經打去訂枱， 點知已經訂滿了！嘩，有無咁旺呀？！好彩聰明的朋友用佢嬌俏的聲線講 ”我地六點就到，好快可以交還枱架喇，加張枱俾我地啦！”  哈哈。。。果然得咗！就咁就訂枱了。我地準時六點到，當然都未有太多客人啦，環境就係一般的火煱店，無咩特別裝修。店員會放調味醬油配料在我地的枱俾我地自已調醬料，亦有多些選擇的在外面醬料枱可自由選擇我地點咗D海鮮，牛肉，餃子，肉丸等等，今次係我第一次食蒸煮鍋，原來蒸係咁好食！就算係蒸蔬菜都好好食！可能係蒸能夠保持食物的原味啦！到咗食期待的粥底時間，之前蒸煮食物的精華都滴咗落個粥底度，一定好鮮甜美味喇！其實食咗咁多野都飽了，但點都要食個粥！朋友好聰明留咗部份南瓜放落個粥度，使個粥有D南瓜味。侍應放咗D蛋同蔥花落個粥度，使個粥無咁單調。第一口食落個粥覺得有D淡，可能期望會更濃味的，但慢慢食落D鮮味先出，其實話晒無味精同調味料，反而咁先係最好的呢，慢慢覺得真係好好食！醬油費（每位）＄20粥底 ＄88加拿大桶蠔 ＄118南瓜 ＄22餃子拼盤 ＄88自家製四寶丸 ＄88豬天梯 ＄68美國安格

今晚我們去咗「Super大中華火鍋」食蒸氣火鍋！我們叫咗加州象拔蚌刺身、龍蝦仔、新鮮即劏星斑、美國安格斯牛肉「大」、原隻大魚頭、椒鹽豆腐粒、椒鹽鷄軟骨、椒鹽三文魚頭、即炸魚皮同瑤柱蛋白炒飯！加州象拔蚌刺身非常新鮮，好爽口同彈牙，鮮味十足！龍蝦仔嘅味道非常鮮甜，肉質爽滑彈牙！新鮮即劏星斑真係新鮮即劏，所以味道真係非常鮮甜，肉質相當嫩滑彈牙！美國安格斯牛肉「大」，牛肉嘅味道非常濃郁，肉質好嫩滑，色澤紅潤，脂肪嘅分佈好平均，而且入口即溶！另外他們嘅餐前小食都好出色，椒鹽豆腐粒炸得好香脆，豆腐相當滑溜！椒鹽三文魚頭炸得色澤金黃，肉質鮮嫩彈牙，最緊要係唔會好油膩！即炸魚皮係即叫即炸，炸得好薄好香脆！瑤柱蛋白炒飯炒得粒粒分明同好乾身！