一粥麵 (安基商場)

Open Now

Now Closed

一粥麵出品差已是近呢一兩年了，但一向只知荃灣愉景新城那間分店差，未想到今次第一次去牛頭角分店，果然低處未算低！ 福建炒飯不是炒飯是白飯撈芡汁。 問店員居然回我，我地既福建炒飯唔係炒飯嚟嘅🙄

好耐都冇食過煲仔飯。見呢幾日天氣勁涷，諗住食個煲仔飯暖吓身。記得幾年前在呢間快餐店食過一次幾好食，今日午餐就再去食佢嘅煲仔飯。叫咗個鳳爪排骨煲仔飯，問佢可以多飯嗎？佢話唔可以。記得幾年前去呢度食嘅時候，佢都有俾多兜飯仔。現在“菇寒”咗。冇計，照食，唔夠飽再食其他嘢填肚。講真，個煲仔飯真係好少飯，食完一定唔夠飽。飯焦係有，但好燶，又黑又硬，食唔到。最離譜係d排骨，超“鞋”，吞唔到，吐返晒出嚟。鳳爪又甜，冇食到。整個煲仔飯都只係微暖，唔太熱。同幾年前喺到食過嘅煲仔飯味道差太遠。真係冇下次，今次認真仲伏。咁嘅質素仲要賣成五十幾蚊一煲，真係唔值。

九龍灣一粥麵係我覺得比較好食嘅一間分店，尤其是佢個早餐煮得特別正😍，我最鍾意食佢個鮮牛肉通粉早餐。鮮牛肉通粉～牛肉都算嫩滑有牛味，不過通粉唔夠熱扣分。😐炒蛋～非常出色，蛋漿應該加入了全脂牛奶和忌廉，提升了蛋嘅味道和層次，火候控制恰到好處，感覺滑溜鮮嫩，回味無窮。牛油厚多士～黃金香脆配以稍為煎過嘅火腿一齊食好正👍。冰鎮奶茶～係我必定要叫嘅飲品，茶味香醇入口順滑，加$5就有呢個享受絕對超值。😋

夜晚諗唔到食咩，但又唔係幾想點行，就近近地揀咗呢間啱食嘅嚟食吓🤓🤓。------------------------------嚟親一粥麵，我都一定會食嘅係涼瓜炆倉魚🐟🤧🤧。感覺上有成條魚好似幾抵食，同埋我都幾鍾意食涼瓜🥸🥸。同埋我覺得佢嗰個滬式燻魚扒菜飯套餐都幾好食。燻魚扒個汁甜甜地，仲有少少煙燻嘅味！但其實我最鍾意食嘅係佢嘅菜飯🤣🤣。同埋一粥麵嘅燉湯都幾好飲😋😋，所以我同屋企人都會嗌嚟飲，同埋都幾足料🥰🥰。一粥麵嘅糖水都唔差，基本上我屋企人只要去一粥麵都一定會嗌佢嘅糖水🤣🤣！------------------------------諗唔到食咩又唔想點行嘅話，一粥麵的確係一個幾好嘅選擇。

今晚呀媽話無煮飯，唯有落街去屋企附近買外賣返屋企食。這間位於牛頭角安基苑嘅粥粉面店，平時以為只有粥麵食，晚市原來都有做小菜。👍🏻👍🏻👍🏻晚市小菜套餐，可以加$38有一個迷你冬瓜盅，又唔算好貴，即管跟一個試試。外賣冬瓜盅個外賣盒都幾得意，橢圓形盒剛剛好可以放到成個迷你冬瓜。冬瓜裡面的湯，就另外用外賣盒另上。🤩🤩🤩冬瓜裏邊都有幾多肉可以括黎食，冬瓜湯裏面竟然都有蝦，魚、蟹柳，蠔豉同青瓜😅。味道唔算太咸，唔覺係味精湯，還可以。

即磨咖啡個杯邊爛咗，漏曬出嚟仲要唔俾糖仲要好難飲，有陣怪味香辣碎腩煎蛋即食麵冇碎腩張相有塊餐肉，但送到嚟就冇叉燒腸啲叉燒唔係入面，係出面個豉油皇炒麵勁淡啲粥一部分好稠，一部分好稀

到底個顯示版要黎做乜??成個前台都亂晒,顯示左你個單號碼,行到過去又無左,問亞姐又話未得!條油炸鬼係凍的,去返前岩問亞姐想問條油炸鬼係凍定係熱的.亞姐答熱的我同佢講呢條係凍的,佢唔係好信,不過最後都換過一份比我!最誇張係,加左碟生菜,等左成24分鐘先有最離普係,係出餐位個度,有一份生菜由我一開始交單既時候已經存在到左我去催單個陣,個亞姐直接想將個一份比我,我當然Say No la 

同同事做完野來一粥麵食野休息一下。剛好遲了吃午餐，就試下佢個下午茶啦！叫了紅豆冰加豉油雞髀.$30...雞髀size適中，肉質夠嫩滑juicy...但豉油味唔算好入味，中規中矩。紅豆冰都唔錯 紅豆和花奶既分量岩岩好...粒粒紅豆分明 起沙 。甜度亦岩岩好...另外讚吓個雞腿！好滑，不會鞋！唔會因為下午茶賣平左而素質下降！依家間間餐廳都話「物價上漲」!逼於無奈要加價。喺街邊買雞髀食都要十幾蚊.下午茶都要起碼$30以上。食平少少都有難度呢個下午茶餐都係$30算不錯了！

繼上星期食唔到羊腩煲，今個星期要補返食，男朋友話見到一粥麵都有羊腩煲食喎！枝竹羊腩煲平時係出面食一個羊腩煲都差唔多$200，呢個只需要$86咋，雖然個煲好似細細個，但裡面好足料，羊腩都有6舊，肉質好淋，燘得好入味！羊腩煲ge精華所在就係枝竹同生菜索哂d汁！真係好香噴噴，而且仲可以配烏冬煮，好抵食！快餐店質素絕對不比大排檔差，真心推介！薰魚菜飯男朋友就揀左呢個餐，個菜飯都唔錯，最估唔到係個薰魚又幾好味，一碟有3大塊魚，魚肉肉質唔算嫩，但係個醬汁煮得好好味，送飯真係一流！有驚喜的一粥麵，以後晚飯又多個選擇了。

今日即興想食個早餐。今次揀咗一粥麵雞扒炒蛋腸仔多士。加沙爹牛肉米粉，飲冰奶茶。多士係普通厚度的多士，牛油唔夠香。烘底又烘得唔好面包只是溫軟而不脆。雞扒像半隻雞脾份量，略鞋，味道普通。炒蛋比較油..而炒蛋的份量極少，都算滑應該加入牛乳去炒沙爹牛肉米粉，沙爹牛是疏打牛肉意料中事。又少．完全冇沙爹味。而且米粉可能煮得太耐，所以偏淋腸仔是廚師腸，食時微暖。唯一欣賞是它的冰奶茶，茶味香濃。而奶的份量適中。這一粥麵跟別的分店相差不多啦。地方算是大的，不太擁擠。吃的方面，中等水平吧。員工服務倒是挺好不停在場內有人清潔！

通都係返工前黎呢度食早餐，一出門口就搭巴士過海返工。見佢餐牌寫住採用環保魚柳，所以試一試（但食唔出有咩分別）魚柳炸粉都唔薄，但勝在魚柳都夠肉厚，唔鐘意煎炸野既朋友要切左條邊。炒蛋不過不失，比較乾身冇蛋汁。多士幾脆，唔錯唔錯，但係唔夠熱。其實整體黎講成個餐子左好立克都唔多夠熱值得一提係個熱好立克，每次叫完返去攪，都feel到佢巨石沉底，落去啲粉好似唔使錢咁，高速攪拌之後都會溶晒，杯好立克就好濃，濃到可加水再沖多杯

今晚同黃兔為了報紙的減4蚊優惠，所以來試下它新出的火鍋食品。雖然係快餐模式，要自己搵位及買餐，但會有店員來送餐，很貼心呢！非常適合老人家來食，今晚眼見都有好多老人家來捧場，大多數食煲仔飯，看到對面枱食客的煲仔飯份量驚人，放了整條大䱽魚在飯面，賣相吸引他們通常兩個人食－個煲仔飯，決定同黃兔下次試下！我地今晚叫左:客家酸菜魚鍋＄68 - 首先申報我之前未食過其他酸菜魚，所以無法比較。今次係我第一次食酸菜魚。這個套餐包肥牛，生菜，烏冬／飯。可惜飲品要另外加錢。湯底有微微辣及麻麻感覺，都幾惹味而配料有辣椒粒，芽菜及酸菜等，初時以為只有魚，估不到還有豬肚湯汁令到魚同豬肚煮得淋及入哂味，味覺帶點複雜，有酸菜的酸酸咸咸味，也有麻麻帶點點辣味，以這個價錢來說已經不錯呢肥牛就中規中矩，生菜新鮮爽脆，烏冬就－般。枝竹羊腩煲＄86 - 因為我不食羊，所以覺得有羶味但黃兔愛食羊所以覺得好好食！套餐配生菜，飯及中國茶。原來也有火爐仔煮熱的，黃兔話個羊腩汁帶甜味，炆到羊腩入哂味好淋，而羊腩不只只有肉，有些還帶點骨同根不會太肥，最估不到竟然有馬蹄，但略嫌枝竹較少，因為枝竹才是羊腩煲的精髓，哈！今次用了報紙優惠，每個