第一腸粉專賣店

Open Now

Now Closed

第一次寫食評，同大家一樣，通常第一次寫的原因，一係就好滿意，一係就非常非常唔滿意，很可惜我係屬於後者。 事情經過係，我食緊嘢途中有兩名應該係內地來的女人，佢哋坐低咗之後，問短頭髮一個店員，這裏是不是只能夠收現金？ 我坐喺旁邊，我好肯定佢哋問咗這個問題超過五次，每一次前邊都有加上你好！到最後嗰位店員冷冰冰咁樣用手指住櫃檯不當眼處放置的兩個牌支付寶和微信，一句話都冇應過佢哋！係我主觀感受，呢間嘢味道唔係我想評價的，餐廳對我嘅服務態度亦唔係我想評價。睇到呢一幕好大感慨。香港，好多嘢不能一概而論，但真係事出有因！入嚟睇到呢條食評嘅朋友，我估都係想參考吓呢間嘢嘅味道，從而判斷入唔入去食或者食啲乜，我想講稍為有少少血性的人，你都知道應該還會不會支持距的呢間舖！

手切牛肉拉腸：牛肉夠淋，份量適中。招牌第一拉腸：味道濃，但係同想像中嘅味道唔同，唔係唔好食，不過唔係好啱我口味。名爐鴨絲拉腸：最鍾意呢個，本身鍾意食鴨，隻鴨都幾香。整體嚟講佢嘅腸粉嘅口感，我覺得似粉果皮多過腸粉皮，佢係有煙靭嘅感覺，而且都幾厚，係幾特別幾好食嘅。甜豉油好食，唔夠可以叫佢再俾。蘿蔔糕：冇乜料，但都幾好食，好淋，唔會有硬粉感，有咬到白蘿蔔蘿但不多。豆漿：正常好飲嘅豆漿，甜度適中。糭：普通嘅綠豆鹹蛋肉糭，咁普遍嘅口感同味道嘅比較下，個價錢係有少少貴嘅。可口可樂：玻璃樽裝懷舊。 我嘅話，唔會再食第二次，雖然特別，但唔係抵食，亦未至於上癮。

幫襯咗第一場粉都好幾年；之前質素仲可以接受！但係今日之後就永遠都唔會幫襯！去到舖頭晏晝三點幾基本上冇乜客人；有一個阿姐喺度拖緊地，另一個喺度收錢叫咗一碟叉燒腸一碟招牌；過咗幾分鐘就做好勢估唔到拖緊地個阿姐；手套都冇除就去攞腸粉過嚟！我直頭話有冇搞錯啊？一邊拖地一邊捧食物！佢哋知唔知咩叫食物衛生！？同佢講完佢直頭完全冇反應，唔覺有任何問題！我直頭嬲到完全唔想掂碟腸粉即刻俾錢走人！佢仲好意思問我做咩唔食！咁嘅態度，難怪越來越少人幫襯！

考試完那一刻才覺得肚餓，但又唔想食咁飽，因已到三點，在太子一帶行吓行吓，原先打算吃餃子的，但見到第一腸粉，寫住米芝連，於是咪入去食碟腸粉囉⋯⋯一坐低諗下，我今早咪食咗石磨腸粉，而家又嚟⋯⋯作為一個腸粉控真係冇辦法招牌第一腸粉(菜圃豬肉燥)$30~這個配搭很爽口，但筆者覺得餡料本身已很入味，加埋豉油頗咸，如果配粥食可能會比單獨吃更好⋯⋯

入去買蔥花蝦米腸同豆漿外賣，入去櫃檯叫完比錢，咁我比$50，話比$3佢，我見佢拎住張$10紙，我以為我比錯錢，因為我$50同$10放埋一齊，跟住我話我比錯錢呀，之後想拎番換番比佢佢，之後佢一句呼喝話你比咗我先！態度真係勁差。腸粉食落去就好粉又唔熱，加上一啲都唔滑，真係唔知點樣第一！哩間嘢無論態度同食物真係極差！！！

熱到就嚟暈低 見到呢間幾特別又有位坐 就入咗去抖下 Google翻先知係米芝蓮推薦🤣 🥒🍄脆瓜什菌拉腸 $30三大條， 賣相幾靚、飽滿，瓜粒翠綠。食落餡料調味啱啱好，係瓜&菇嘅鮮甜 。腸粉都質地ok，不過係咪第一咁勁，就未必🤣豉油唔錯! 令腸粉味道更出，而唔係蓋過 。價錢比平時外賣店貴少少，不過當我熱死嘅時候入咗去坐，就覺得抵😂服務就傳統港式小店咁😂ok啦 。📍食在：第一腸粉專賣店太子砵蘭街384號地舖

肠粉QQ弹弹 几好味 好吃无比 美味绝伦我点鸭丝肠粉与牛肠粉 好多好多好多蛋白质真系好幸福萝卜糕也好特别 好吃无比 美味绝伦好中意呢个店铺位置靠近马路好找夏日清凉有风吹 再饮一杯茶

一個女店員 趕客嘅態度 見到店內顯示可以用支付寶 問佢如果用內地支付寶應該點樣計匯率 佢話佢點知呀 完全係唔想做生意嘅態度 點解要畀錢買難受呢 食腸粉嘅話有咁多選擇 希望呢間舖頭職員都保持返依個態度 畢竟評分大家都眼睇 

個人好喜歡食腸粉,星期二下午做完嘢見到佢,欣然入去試下,大約係兩點。叫左個腸粉+粥套餐,揀左鮮魚片腸,粥就只有一款菜乾豬骨老火粥,粥嘅味道可以,腸粉削到夾唔起,好難食！對於佢個第一腸粉招牌,簡直係無眼睇！

原先想到茶餐廳食午餐，但附近沒有太多選擇，就試下第一腸粉專賣店，位於太子砵蘭街384號地舖。餐廳除了腸粉，還有蒸飯、粥類和小食，午餐 ～ 招牌第一拉腸$28、蒜香排骨蒸飯$29、第一蘿蔔糕$21、 菜乾鴨腎豬骨粥$28、凍豆漿$10。 🔸招牌第一拉腸 ～ 腸粉口感軟滑， 餡料有菜脯和豬肉燥， 味道不錯。 🔸菜乾鴨腎豬骨粥 ～ 粥底都幾多料， 但入口又唔算濃。 🔸第一蘿蔔糕 ～ 餡料唔算多， 味道普通。 🔸蒜香排骨蒸飯 ～ 細細盅蒸飯， 味道普通。 🔸凍豆漿 ～ 豆漿都是一般。 整體價錢親民，但份量偏少，食完之後要再搵第二間餐廳食過😆。 🏷️溫馨提示～ 整個用餐體驗均屬個人分享意見， 只作參考😊。

在旺角開完會，準備搭地鐵回去。在太子站附近看到這一家腸粉店，那就順便吃個午飯才走。中午時分也不多人，我點了豬骨鴨腎菜乾粥，叉燒腸粉。豬骨粥很入味，粥也控制的很好不稠也不稀。腸粉很滑，叉燒就一般。物有所值。

好耐無食過好食既腸粉，今日行開金魚街買魚，經過太子砵蘭街呢間 — 第一腸粉專門店，仲好似曾經攞過米芝連，見午餐時間就入去試下。舖頭唔算太大，攞左幾張圓枱，都幾有歷史感！招牌第一腸粉（$27）叫得第一當然要試過，餡料有菜甫、豬肉燥、蔥蒜，比較特別同少見，食落主要係菜甫既咸同爽脆既口感，夾埋肉燥既油分食落都幾順滑，加埋腸粉豉油比較岩重口味人士。薑汁豬潤拉腸（$27）豬膶既量都幾多，細細舊幾嫩唔乾柴，夾埋薑絲感覺好暖胃養生，腸粉皮算香同軟滑但比較厚，食完一碟都幾飽！

食物普通，收費又貴，態度超差，沒有教養，沒禮貌。完全是一間垃圾。衛生差，環境差，多昆蟲飛來飛去，烏蠅特多。只是用店名作包裝，沒有一方面是做得好，大部分客人也不滿意，咁樣做生意，應該快點執可以有另外一些好的店取代

比錢買難受，個樓面丫姐又冇禮貌，叫都吾應，又吾理啲客，請都吾會再黎食啲客好聲好氣叫佢落單，佢就喝人「講啦」，轉頭問佢拎杯熱水洗餐具又吾應人黑口黑面，等左我十分鐘先走黎同我講「冇熱水」嘩我真係眼都凸咗出嚟，咁大間鋪頭會冇熱水？吾好玩啦，冇心比咪算啦，我自己抹下囉，叫佢果陣又吾一早同人講，都吾係啱啱開門呀，又點會吾知自己有冇熱水呀🙄🙄🙄好啦上碟嘢黎，又大大力放落枱，明明得3枱客，你家下好忙咩做到發脾氣係啲客度唉諗住都係是但食下嘢姐，快啲食完咪算囉，點知有冇甘過分呀，啲腸粉都吾熱既，啲叉燒真心夠灑差，冇味又鞋口到埋單啦，個呀姐又吾知去左邊，要大叫埋單呀姐先到慢慢施施然行岀黎，再用死老豆老母甘既西樣望住我講「埋單呀」🤬🤬我果下真係好想鬧佢，但係我冇，因為我知道鬧佢都吾會有用，所以決定係度公開比大家知，咩叫比錢買難受😤

每次去太子覓食總會留意👀到這間腸粉店，只是每次已經吃飽了沒有機會吃但身為「牛腸迷」的我怎能錯過😏，終於找到一個早上去吃吃看！雙拼腸粉（蜜汁叉燒 x 手切牛肉） $33（單拼$26）牛肉腸粉就定必入手👋🏻，只是見到餐單有多款口味，就叫一個雙拼來滿足一下吧！等了5️⃣分分鐘左右就有新鮮即製的腸粉送到我面前，是即叫即做豉油一早就倒到碟裡，味道還不錯不會太鹹；至於腸粉本身，腸粉皮算薄身有黏性，做到軟糯感，惟🍚米味未算太突出雙拼的叉燒跟手切牛肉，兩種餡料一同放在腸粉皮再卷好，份量蠻多的手切牛肉切得薄片但味道就沒甚麼調味😑也沒有甚麼牛味；叉燒味道比想像中好👌🏻，甚至有種搶走牛肉味的感覺這碟的質素是有的不過只是中規中矩，說是「第一☝🏻」嘛，個人就覺得有點過譽🤭了 店家除了腸粉還供應粥品，不過選擇不多始終以腸粉作為賣點裝潢方面就有如街坊老店一樣，眼看防疫檔板有點不合標準😰，但由於我是在營業時間🕰開始不久就到店，客人不多又分別坐在不同位置就比較安心💕點雖然店家曾獲米芝蓮推薦，食物質素有一定水平，不過吃罷感覺未稱得上值得此等美譽，以上只是個人觀感，有興趣的也去試試看吧！