鮨池壽司店 (Closed)

Book咗枱同家人一齊試下呢間日本野，發覺都幾好味同幾有水準✨✨星期日6點幾都仲見有啲位，到咗7點幾就見人開始要等位～環境唔錯，都坐得舒服，唔會太逼食物嘅賣相唔錯，而且都好多款式🫶🏻芝士炸蝦卷🍤 味道唔錯，不過如果蝦再脆啲就更加好🫣燒牛舌😍😍😍😍比想像中大塊，同埋好好咬口👍🏻加埋檸檬汁一流最值得一提就係個土佐豆腐，外脆內軟，啲豆腐好滑，味道剛剛好，唔會太鹹，好鍾意👍🏻✨整體都幾滿意，會再幫襯🔥

又試新餐廳，本身對屋苑餐廳無乜期望，但原來都有驚喜，同屋企人一行十二人，原本想book食中菜，但見有間日本餐新開張就去支持(鮨池)吓，餐廳好體貼，留咗個中間位置，泊咗張長枱俾我哋仲有BB櫈，而且仲俾我哋帶酒，真係無得輸，不過我哋都有叫咗兩支Sake,始終人哋新開張經開一輪小食，沙律之後就開始sashimi, sushi同串燒，sashimi 同sushi嘅賣相一啲都唔求其同埋都好新鮮，即刻眼前一亮，串燒都好夠味，燒得啱啱好，唔會乾，感覺好juicy, 以屋苑嘅價錢，食到噤嘅質素，真係喜出望外。人均消費連酒水@$500用餐時段:晚餐

新开店舖，坐位寛阔，但不知為何人流稀少，每次经过總有奌介心。一日行到倦，忽然想吃日本菜，就即管試一試，叫了一碟什錦刺身，一客鹅肝壽司，剌身質数極高，口感新鲜味美，鹅肝嫩滑多汁，雖然最初覚得有点貴，但事后还是覚得非常满意，若非荷包不爭氣，真想多試試其它款式。第二天急不及待，中午又去吃了個照烧雞午餐，水準亦高，加上免费任食高質数沙律菜，真是值回票價，值得推介。

之前上網見到良鮨開左間分店，就約埋屋企人今晚一齊去食晚餐我地六個人，四個大人兩個中童，早一日已經訂左位咁我係最早到嗰個，咁我就入去攞位先，當我坐低左，個店員好快就放低咗杯熱水同份前菜(唔記得影相)， 前菜有三款醃製小食，分別有橋頭，蒜還同牛蒡，三款都好好食之後屋企人嚟齊，就開始睇食咩，見到佢哋有幾款套餐，我地就問店員如果我六個人叫個四人餐會唔會唔夠食，個店員話應該夠食㗎，因為D份量都足㗎， 於是我哋就相信個店員叫咗個四人餐第一個就上海葡萄沙律，海葡萄好好食(唔記得影相)第二個就上生蠔，生蠔肥美大隻（正）第三樣就上壽司，D壽司都大件同算厚身第四樣就係刺身，白身魚係薄切，其他都正常厚身，之後店員話條魚骨可以用嚟煲湯或炸，問我地想點整，我地揀咗煲湯之後就上串燒，如圖樣樣都大份㗎， 唔會覺得咸，個雞軟骨好好食，食咗兩串先醒起要影相😅😅之後上左個魚湯，好好飲，飲完成個人暖哂之後就上埋牛肉鍋同鰻魚炒飯，兩個都好好食😋😋最最最後係個甜品，桃味雪糕真係好好食㗎😍😍😍屋企人話D野食好好食，揾日要再嚟食多次😍😍😋😋😋

今日平安夜 大時大節所有餐廳都係人身為大埔人 都係留返係大埔 無謂出去出人迫之前已經見到神之放題圍板 有新餐廳開亦知道係大埔墟良鮨姊妹店 都有啲保證今日再行過轉眼間已經開張了見到門口有午餐供應 而且價錢合理 仲有自助沙律吧可以任食 可以一試入到去坐低 環境好闊落 位置有好多 中間位置有吧檯 可以幫到師傅切刺身 握壽司嘅認真樣另外自助沙律吧就係入門口行前左手邊數數下都有七 八款揀 每樣都新鮮例如 牛舌 蒜汁螺肉 中華沙律 小蕃茄 鰻魚飯配味㬝湯 $70午市份量一啲都唔少 驟眼看應該有三分二鰻魚覆蓋晒啲飯 另外鰻魚亦好有厚度 不過略嫌溫度唔夠熱鯖魚定食配飯及味㬝湯 $56煎鯖魚好新鮮 魚皮煎得香脆吉列豚肉配魚湯稻庭烏冬～$70湯頭好重魚鮮味 顏色呈奶白色而吉列豚炸得金黃 皮脆肉嫩 而且無筋💛午市真係做得唔錯 食物起得快同有質素 員工有禮貌 會再試

朋友介紹新開日本野，話大大件，又好味。心諗新開都有d驚質量唔穩定。最後都抱住試吓囉，唔得咪無下次。一行7人叫左個4人餐加2人餐，另再加幾款小食。起初擔心份量細唔夠食，點知食唔晒仲要打包。魚生壽司新鮮，燒物串燒調味火候剛好。質數比放題更好，咁又多間必食推介。

個舖位地點咁靚，諗住新開去試吓，星期六去到大約八點見到都冇乜人，後來見到係試業心諗始終係大埔居民點都支持試一下但係食物質素唔得食物質素完全對不起這個價錢大拖羅相對係比較好，但係$148.2切👍🏻焦糖鵝肝壽司都係比較好， 幾大件$48.1件👍🏻三文魚腩刺身$60. 三切幾大件厚切👍🏻其他食物普通，但係價錢比較貴海膽個餐牌寫住$240我唔知佢一版還是兩件軍艦嗰種嗌咗個$198嘅海膽爆丼非常失望，裏面得一小快海膽，其他魚甚至乎三文魚都冇，得少量大粒魚子伴飯總結：唔係特別差，係收得比較貴呢個價錢可以有其他比較好嘅選擇