至尊雲吞麵雞煲

Open Now

Now Closed

今日結婚紀念日，當然要去慶祝一下啦。我哋唔追求打卡，只求食鍾意嘅嘢，就係任食雞煲啦我哋去咗喺屯門置樂嘅至尊雲吞雞煲，任飲任食雞仲可以添，飲品又有茶餐廳嘅檸茶檸水，選擇真係幾多唔錯，其實除左雞煲，仲有其他選擇因為我哋鍾意食辣嘢，我哋嗌咗一個中辣嘅雞煲，我哋都覺得唔係太辣，可以接受到，雞好惹味，而且好滑，我哋添咗一次雞，其實我想再食多啲雞架，但我怕食得太多雞食唔到其他打邊爐嘅食品，所以就冇食啦食完雞可以加湯再打埋邊爐，而且都有好多食品嘅選擇，我哋點咗值得推介嘅係滑牛，有啲蒜香的味道，好滑，好好食雲吞，水餃都好足料，好正粟米好甜，好新鮮推介的仲有炸饅頭，估唔到咁好食，炸到外脆內軟，點埋煉奶，真心正服務也不錯，姐姐來得好快，主動協助而且有手機落單系統，點完食物也好快送到

聽朋友講呢間既炸饅頭好好食😍就搵晚同朋友兩個人黎試下！我地6點15分左右到達餐廳，好彩未算多人唔洗排隊可以直接入!👍🏻👍🏻我地即刻叫左個招牌雞煲(BB辣)，果然係BB辣，冇乜辣味🤣🤣下次我地都係試下小辣！啲雞好有雞味，味道濃郁，非常滋味😍😍我地食完第一轉之後就毫不猶豫再次加雞，可以加雞既份量都好貼心，2個人都可以加1人份量既雞，咁就唔怕食太多雞之後打唔到邊爐啦😌同埋最特別既係呢個雞煲店係可以叫茶餐廳飲品，例如檸茶檸水奶茶😍平時出去食雞爐邊爐都係配可樂，今次試完發現配返奶茶檸茶都不錯🤣👍🏻食左兩轉雞之後我地就叫職員幫我地加湯打邊爐，一開始就試下佢地最出名既炸饅頭先！照我觀察真係每個人都叫兩份咁制，所以我都唔執輸一次過就叫左每人兩舊🤣果然個皮夠脆，仲會配埋煉乳，簡直就係絕配！差啲就想叫多幾份🤣然後邊爐配料都算多，質素就唔可以話好好，啲牛肉有時會未解晒凍就上，不過呢個價錢又可以接受到既，配料最好食可能就係芝士竹輪了🤣🤣星期六日$178唔洗加一任食兩個鐘，呢個價錢完全合理，下次個再黎食！！不過只係得屯門同元朗有分店，如果再開多D分店就好了~~下次就應該會主攻食雞🤣🤣

👉🏻裝修咗之後成個環境乾淨咗好多，同埋佢都光猛左，拎到入到去個觀感開陽好多！唔係第一次嚟呢度食每次佢啲雞入味，隻雞應該都有煎或者有炸一炸先，令到啲雞皮好香，啲雞皮亦都唔會好肥膩叫Bb辣，好難入口，反而增添左風味。👉🏻不過打邊爐嘅食材就比較遜色🥲叫做普普通通過得去，未到難食嘅最好食係芝士竹輪😆🫶🏻平時買都好貴，呢度可以任食🫰🏻👉🏻茶餐廳飲品任飲都係一個好大嘅賣點👉🏻可以同夥計講要炸饅頭加煉奶😆😆😆應該大家都知可以咁叫？😆😆

垃圾餐廳！！五點幾諗住去打邊爐，拎住bb car seat入去成間舖頭得一張枱有人食問佢可唔可以坐卡位，擺到car seat唔洗擺bb車阻住條路點知有個呀姐態度勁西，話我哋一定只可以坐2人位叫我哋將個car seat放膠凳仔話公司規定Bb唔係人？擺car seat係膠袋仔跌左落嚟你公司賠？嬲到唔食走人

雞煲一般😑🙄雞肉唔入味   好大陣雪味 非正宗雞煲當去任食打邊爐就可以 雞煲試一次算 冇下次🥴樓面每位侍應組組態度很好👍🏻上火鍋料速度快唯獨只係收銀員女士態度非常差😑

性價比爆燈任飲任食雞煲邊爐放題價錢親民又貼地 唔洗$200一位真任飲任食雞煲 雞煲有唔同辣度可以揀而且食完一轉可以無限加單唔岩口味既話 加單再試其他辣度都得就算係原味唔辣既雞 都有醃製過而且配料亦好充足又夠入味 絕不馬虎基本上淨係食雞煲已經值回票價唔洗打邊爐都得😂😂😂任飲方面有多款罐裝汽水，另外仲有茶記野飲 例如奶茶咖啡檸茶檸水呢類飲品用手機落單,可以揀少冰少甜個啲岩哂要求多多既客人🤭🤭另外仲有一啲熟食可以嗌其中必點一定係炸饅頭!!💕千其唔好覺得放題食饅頭好傻 ,呢個新鮮即炸饅頭好好食,試左就知點解人人都會叫😂雞煲食飽飽記得可以打邊爐呀🤭總之 性價比爆燈 亦明白點解長期咁多人排隊等位😂😂 同埋好多後生仔食!!!

至尊雲吞麵雞煲（Tuen Mun)偷偷話你知 哩間小編心目中最正嘅雞煲舖頭🐔 梗係要帶大家試下佢～🥰🥰⌖ 至尊惹味雞煲（無限加雞🐔，連打邊爐🍲）💰$158（星期一至四）有得任食雞煲就係爽🤪 仲要好高質！ 雞煲夠惹味足料 有洋蔥🧅、大蒜🧄、芫荽等作為配料 雞件大細適中 夠嫩滑😙😙 推薦要食辣🌶️ 聽店員講雞係逐煲即叫即炒 所以每煲可能要等少少時間 不過都係可接受嘅😌～ （小編都起碼加咗四五轉雞🤭🤭）飲品方面都係無限添飲 除咗普通汽水供應🥤🧃 仲有豆漿、奶茶、檸茶😍 超貼地 味道同茶餐廳一樣 幾唔錯！ 👍小食方面大力推介炸饅頭🥠 熱辣辣 配埋煉奶極邪惡🤤🤤至於邊爐質素就一般喇🤫 款式種類還好 會比較推介雲吞同埋比較少見嘅竹昇麵🍜 不過始終都係建議食多幾轉雞先好打邊爐 畢竟雞煲係主打🤔☻ 回頭指數：8.5 / 10 #Fatshit_ami #Dinnertime #屯門美食 #港式美食 #香港美食 #食好西 #至尊雞煲 #至尊惹味雞煲 #麻辣雞煲 #炸饅頭

屯門有間雞煲令我念念不忘，終於帶男朋友去!裝修完店面乾淨整潔啲，設計young d😂一入餐廳拎位，已經成場雞煲味，絕對係刺激你嘅味覺同埋視覺，等咗三個字就入得叫咗至尊BB辣雞煲，味道好濃郁，啲雞好好食 而且配少少辣，食唔停口🙊我哋兩個人叫咗兩次加雞 過程中又食埋炸饅頭 可以話係10分滿足。店員態度非常好，各種要求都盡量滿足。有好多配料任加汽水凍檸茶等任飲。我哋鍾意加少少午餐肉萵筍一齊食，更加美味🙌🏻最後仲可以加湯，打埋邊爐，因為食咗兩輪雞煲好飽，我哋淨係食咗少少菜。人整體質素好高，而且位置都方便，推介🙌🏻

好耐冇食過雞煲🥘放題啦！開返晚市堂食第一時間就梗係去食雞煲先！今次嚟到至尊雲吞麵雞煲 因為雞煲同打邊爐都係任食 嘢飲任飲 好抵呀！星期六夜晚坐爆哂不過好好彩咁啱有人走 等咗一陣就有位。坐低就填紙，好快就上咗雞煲。第一轉嗌咗小辣🌶，份量都幾多第二轉加雞都係要小辣🌶，不過俾嘅份量唔多 可能怕會浪費所以再加第三轉 因為覺得小辣唔夠辣 呢轉就要中辣🌶🌶 雞嘅份量多咗好多 而且入味好多 辣好多 好正！食得辣嘅朋友記得要嗌中辣。最後留返個肚打邊爐🍲邊爐食物種類基本嘅都有唔夠飽嘅仲可以叫肥牛片食！而汽水係雪櫃自己拎，唔啱飲都可以叫檸茶另外，推介必叫嘅係🉐炸饅頭🉐即叫即炸 點埋煉奶甜甜地會忍唔住係咁嗌嚟食🥢

疫情期間，所有餐廳晚上6點後不能堂食關係連食開雞煲既呢一間都想方法求存！賣碟頭飯盒，款式眾多，任君選擇！小弟曾經係度食過雞煲，覺得好好味！所以覺得其他出品應該唔差小弟今晚就試試 羅白牛腩飯 跟 熱奶茶10分鐘返到屋企都仲熱，睇落幾靚仔點知食入口發現個汁好咸其次係羅白仲係好硬身……最慘連牛腩都係韌既……飯粒就好正常，偏硬身少少小弟努力食左5啖……真係對唔住我d牙可能唔太好，已經開始有少少酸痛！成盒野跟本就食唔到落口！ 最後唯一可取之處就係杯熱奶茶……成個餐價值49蚊……好唔好食真係見仁見智我就絕無下次，最多都係食雞煲算

屯門置樂一直有好多適合聚餐嘅餐廳 唔止酒樓仲有雞煲！呢間至尊雞煲除左任食雞煲之外仲可以任添火鍋料 炸饅頭都係超受歡迎呢～雞煲放題💰168我地揀嘅係至尊惹味雞煲 可以選擇辣度 我地就揀左BB辣 其實就係唔辣嘅🤣雞件同一品相比其實細D 但係每一塊都好入味 雖然冇一品咁甜 但係佢特別惹味 唔辣得來亦都有特別嘅香料味！雞件好滑 唔係鞋嘅口感 食完一次可以再refill 我地加左一次 係店員姨姨加一碗入去雞煲入面繼續煲！然後食完雞可以叫店員加湯 就可以任意嗌火鍋料啦 個人特別推薦肥牛片同滑牛肉 雖然叫肥牛 但係D牛肉同放題牛肉質素差唔多 好瘦！滑牛肉就係沙嗲牛口感 另外仲特別推薦韓國魚餅 同年糕入面嘅一樣！萵筍都好入味～小食嘅話有炸饅頭 呢個好多人都有嗌 配上煉奶好香口！而野飲方面可以嗌餐廳特調嘅清熱飲品 都有一整個飲品櫃嘅汽水！見到呢度不同年齡層嘅人都有 放題試下雞煲都唔錯嘅 btw個人真係好鍾意食雞件🤣但係因為人數比較多 所以D店員忙唔過來 我地嗌加雞都等左好耐 希望可以改善下📌 至尊雲吞麵雞煲 (屯門)屯門青海圍8號屯景大廈地下D號舖

呢到寫住2個鐘任食雞煲，第一輪我地就食完個陣嗌佢加雞，等20分鐘都有，中間吹左3次，冇人真係入廚房問，終於過黎加雞，點知10隻手指數得曬；到第二輪叫佢加雞，今次等左30分鐘，叫人問下，結果條友完全冇入過去廚房問，我吹左3次，第三次爆佢，佢先真係入去問，出黎同我講依家先岩岩炒緊。呢間啲服務態度真係差到貼地佢可能覺得以前好多人黎食，所以一日比一日hea 做，啲呀姨見到你舉手當見唔到，除非你好大聲叫佢，佢先冇黎好氣咁應你垃圾到死

至尊相信大西北長大既90後都好熟悉個人係由佢仲係舊舖細細就開始食個時做檸茶水奶茶啡任飲既g煲萬中無一 至尊係g又好食又抵食既一間宜家大個多左選擇 成日岀去食個日同buddy 突然想食大餐就揀左食至尊🤤 早食仲有優惠今次食覺得啲雞進步左喎之前有一期覺得啲雞幾鞋又死辣今次啲雞係滑嘟嘟😋 中辣都唔會得指天椒既辣配料多左啲新野 oppa魚板無限encore (雖然每次都係得2舊炸饅頭一定要即刻啪入口 擺得耐個皮就un架喇~總括嚟講 回憶翻曬黎 環境又新淨左 會再去！

聽屋企人講話呢度嘅早餐好食，於是今日就一家人嚟食早餐。叫咗個歐美早餐，炸魚柳煙肉煎蛋配焗豆牛油多士。星期六日勁多客，啲單做唔切，等咗差唔多半個鐘先有得食。嚟到個賣相都OK嘅，所有嘢都好新鮮，不過個炸魚柳略嫌有啲削，咬落去仲有啲水，可以再炸耐啲。不過整體價錢合理，熱飲都係$36。

星期五凍凍地諗住打邊爐一黎到叫左個藥膳雞同埋打邊爐d料食完煲雞坐左一陣入單計左半個鐘都冇野食問個樓面先話比我地聽冇左張單 要重新寫過食左咁多任食 竟然有第一張單成張漏哂既依間都真係經典寫過張紙比佢再出 都仲要等多十分鐘佢話補時間比我地由於入坐個時都20:20 真心唔明佢可以點係十點閂門之前補多半個鐘頭俾我🥱早知係隔離食反好過🙄最好笑係個收銀強調親自幫我入去落第二輪野食點知一個反手比左我地寫好個張紙去隔離枱 😩