至尊雲吞麵雞煲

Open Now

Now Closed

因為前天已經訂咗位，今日要過去，去到嘅時候話要攞實體飛？咁點解電話book位嗰時唔講清楚？跟住查問嗰陣時，佢哋話冇可能留位俾我哋？咁我想問這個定位功能其實有咩意？無謂嗰陣時又唔識得打多次電話黎同我哋講，

Hello 大家好🙆🏻‍♀️今次要介紹嘅食物就係位於屯門！💛黃店📜”至尊雲吞麵雞煲 (屯門)📌地址:屯門青海圍8號屯景大廈地下D號舖係我暫時食過全港最好味嘅雞煲☺️任加雞🤤🤤🤤食完雞煲仲有得打邊爐🍲配料好多🥰最出色就係炸饅頭😝😝不過我掛住食唔記得影相🥺係屯門人都食過㗎啦👍🏻👍🏻又平又抵食 👍🏻$148 /2小時通常都係六點排隊去食🤞🏻如果唔係就唔知要等幾多個鐘😳KS評分 (5個最高)環境:⭐️⭐️⭐️⭐️⭐️味道:👅👅👅👅👅抵食指數：💰💰💰💰💰

其實我諗都已經十刷左呢間屯門人氣雞煲，適逢以前係附近讀書，reu周不時都黎食，無食一年，質素依然😍-平日兩小時雞煲$148/位🐔-1️⃣辣度🌶️：推薦大家個底可揀BB辣/小辣，之後加雞再逐層辣加上去😍2️⃣雞🐔：由於係即炒的關係，見食到得番幾件好早少少叫定😍雞入面配有莞茜、洋蔥、蒜頭等。炒好會擺係膠碗再倒落煲入面，熱辣辣夠哂味。上次四個人叫左4次雞😍😂3️⃣飲品：呢度係有茶記既飲品🧃，凍檸茶、凍檸水、凍奶茶、仲有菊花杞子（熱）你講得出幾乎都有齊😍另外都可以選擇自己去雪櫃拎豆漿、汽水🥤4️⃣炸饅頭：必點必點必點！！！！！勁香脆即炸又有勁多練奶有得點黎食🍼5️⃣邊爐配料：唔好預佢好新鮮😂😂我10次去得8次仲食得落邊爐咋！但推薦蜂巢豆腐🍼

肚餓經過置樂就見到呢一間雞煲 每次嚟都大排長龍咁所以我哋嚟之前就已經book咗位先嘅但係就算你已經book咗位嚟到都要等15至20分鐘先可以入座雖然佢晏晝係賣雲吞麵嘅 夜晚先係食雞煲放題 價錢上都係$128-148一位 但係佢最大嘅地方係可以任加雞!!係任加雞!!! 岩哂各位大胃王 同埋佢嘅飲品係任飲!唔只得汽水 仲有茶餐廳飲品例如檸茶檸水水啊朱古力嗰啲都會有 但係環境就會比較逼夾 位同位之間都坐滿人 咁雞煲就有分唔同嘅辣到嘅有BB辣到大辣或者大辣之後仲可以另外再加辣椒既 一坐低冇幾耐就上咗雞煲 飢餓嘅我哋梗係過咗一陣就清晒啦 差唔多臨食完就叫定下一盤雞 但係第二輪雞等嘅時間會比較耐 可能樓面人手唔夠食完雞煲就可以打邊爐但係打邊爐嘅質素就非常之差 因為佢用雞煲嘅湯底 加湯之後就係有陣燶味 同埋配料都非常好普通同好唔新鮮 留肚食雞煲好過。

#至尊雲吞麵雞煲 超級惹味既雞煲放題，半隻雞既份量已經好多莞茜、洋蔥、辣椒等配料充足，雞件食落勁香口入味小編將雞件粒粒都炒到有些許燶邊，果隻焦香味一流雞肉嫩滑多汁，連皮食更加正😋打邊爐既配料選擇雖然唔係真係好多但158蚊又有得食雞煲，又有得打邊爐，CP 值已經好高食完雞煲之後，小編打邊爐滾左好多菜食菜好新鮮，中和番岩岩既油脂感，正！餐廳既雲吞、魷魚、粉腸等等都好好食但小編食得實在太飽，今次就冇再試到佢既肥牛、豬頸肉等肉類既火鍋配料

今日小編夜晚要去屯門搵朋友，平時好少會入到嚟搵好野食👀，今日入到嚟就搵下黃店食啦🏃‍♂️。因為早嗰排疫情好勁，都好怕打邊爐😷，雖然疫情仲未過，但想食雞煲嘅心態仲未變好想去食😬，加上《至尊雲吞麵雞煲》都幾出名，性價比亦都高🤩，今晚不如就同朋友食耐少少，食雞煲打邊爐啦🥘。餐廳就算係疫情下都好旺，我哋都要等咗15分鐘先有位🕐，不過唔緊要幾耐都等呀😏。入到餐廳即刻嗌個小辣雞食🍗，質素方面雞嫩肉滑，辣度啱啱好🌶，而且味道有少少似豉椒汁，再用鍋輕輕煎過外皮，又脆又香🥓，相當好食👍。餐廳除咗可以無限添飲汽水之外，仲有豆漿，涼茶，仲有各種茶記有嘅嘢飲，好似檸茶檸水呢啲🥤，好獨特，出面冇乜店會有提供😲。另外，打邊爐配料亦都應有盡有👏，質素都唔差，湯底仲有7種選擇📜，讚👍。打邊爐配料間間都相約🤔，但《至尊雲吞麵雞煲》嘅任飲選擇特別多✨，湯底亦都多款，再加上雞煲質素唔差🙌，絕對係屯門區雞煲打邊爐最佳選擇之一⭕，唔怪得之人流咁旺啦。

價錢一般,但入內服務差劣,6人比4人枱仲要眼見有大枱,講左3次都仲要駁咀拍板,完全唔尊重客人。工作人員又選擇性帶口罩,成口鄉音講野重要除口罩唔係唔知肺炎嚴重掛。

我好耐無試過嬲到要寫comment今次真係好嬲我幫襯左至尊都差唔多有十年, 由佢細鋪開始已經成日食, 幫襯到佢轉左大鋪,依家仲開埋分店一直都好鍾意食至尊, 仲成日介紹朋友食, 因為佢地D 態度好好好nice 細鋪果陣仲會成日同D 客傾計但我今次真係好嬲, 我以後都唔會再食!用餐兩小時, 我知道張單寫我地5:24入去, 個員工around 7點既時候提我地唔好再落太多野因為就黎夠鐘ok 我明白, 我已經一路望住個鐘, 快D 夾哂D 野出黎吹涼佢快D 食哂佢我都已經不斷不斷望住個鐘仲同朋友講" 啲時間過得咁快!!!" 諗住快D 食完快D 交返張枱比佢地一exactly到7:23分, 個員即刻過黎鬧我地已經過哂鐘要交枱!!!(佢語氣真係超差果隻, 係真係鬧) 我食緊隻碗最後兩條菜, 我已經好有禮貌咁望一望錶答佢一句: 丫!!sorry!!我食埋呢啖即走!佢都仲要不斷鬧仲話唔係睇我隻錶係睇佢個鐘, 明明佢個鐘都係7點23分, 佢就好似用一副我地過左鐘十幾分鐘都唔肯走, 你要"RIGHT NOW放低你隻碗去埋單!" 咁既語氣, 佢D 語氣真好差好差...差到我個朋友成晚諗返都覺得好嬲我打過咁多次

今日2019年10月1日 琴晚出咗去屯門食飯，因為預先book咗九點半，黎呢間屯門至尊雲吞麵雞煲食，因為呢間啲人都話雞煲好好食，想試一試。九點半一去到，門口已經企曬人，入面亦都座無虛席， 裏面大多數都係中學生， 呢度價錢比較經濟， 變成中學生聚腳地，我哋都要等佢執埋枱，先可以入去坐。入到去如常坐低剔野食，提供嘅野食一般，都有二三十樣，火煱食物質素麻麻。** 雞煲一流，好正，好入味，好獲氣香口感，佢地d 汁比較少架，唔會水浸雞咁樣，我地4人食完又再添一次雞，因為要食夠本。** 呢到好嘈架，如果要傾計就唔好黎。** $138/位 任食2 小時，星期六，日，假期 加多$10/位。** 最好預先訂枱，否則有排等，因為9 點後依然多人。** 一般野，牛肉可以再添** 魷魚唔掂** 炸饅頭好正必食

成日見好多人等位，諗住會好好食，見今日少啲人就試吓，點知中伏，又話雞煲係最出名，咁就梗係要試吓啦，點知佢雞煲太多生粉，食到人口乾，啲牛肉完全係合成肉，豬頸肉厚到你咬唔到，嘢食選擇又少，冷氣重要滴水，開我要隔離枱7個人坐4人枱，放塊板係我張枱同佢哋張枱中間，隔離啲人迫哂過嚟，我小朋友比佢用咗半張枱，個樓面重叫我體諒吓，唔夠位就唔好放人入嚟啦!我冇咗半張枱係咪可以收一半呀。從未試過食一間嘢可以食到火滾過個爐。

Very tasty chicken hot pot!Please spare a bit of waiting time. There are a lot of people...The portion is huge! There are a lot of chicken pieces, almost two chickens inside. After a brief pan-frying the spicy scent is tempting. The mixture of Chinese celery, green onion, cilantro and chili really brings out the flavour, and are all well seasoned.After the chicken, we are already 70%...

如果你係4人以上先好去食，因為你2人去食既話永遠都叫唔到你張飛，佢地會問晒有無4人以上先，無晒人等先開始叫2人台，🤦🏻‍♀️等左九個字都仲係叫緊4人台，開頭問佢佢話我2張，等左5-6張都未到，離晒譜

由讀書到而家，朋友/屋企人話要食雞煲，好多時候我地都會去呢間。一嚟就腳🚶🏽‍♀️🚶🏽‍♀️，二嚟價錢優惠🤑🤑，三嚟雞煲夠惹味😋😋 一句講曬，性價比高🤘🏻🤘🏻就算打咗電話去book位，職員都叫我地早15分鐘到，如果唔係無得準時入👀👀 入坐起計時⌛️，限時兩個鐘$148/1 因為輪候人多，真係會計時計得好足，一邊傾計都要注意⚠️時間雞煲揀咗小辣，咁樣啲雞先夠惹味☺️ 之前食過椰子🥥雞煲，雖然湯底清甜，但我都係覺得雞煲惹味正啲😅雞件可以無限任加，通常我地都會食兩轉再加湯變打邊爐🥘 但個煲淨係得雞好易痴底，要keep住細火同搞拌啲雞，唔係一痴咗底打邊爐就煩🥺炸饅頭係必點小食，表皮炸得嚟微微脆口，加埋大量煉奶，真係一流👍🏻👍🏻飲品都係無限叫，有自家製嘅檸茶、菊花茶、羅漢果茶、汽水🥤...... 菊花茶甜度啱啱好，用嚟清熱就啱曬🌼🌼

👭至尊雲吞麵雞煲 (屯門)👭至尊雲吞麵。雞煲放題 $138一入座姐姐就會比兩張紙你填，一張係簡食雞煲定其他(e.g 酸菜魚煲，蘿蔔牛腩煲....)，雞煲亦分左唔同既辣度。38就分別試左小辣同中辣(每次加雞可以order唔同辣度)。而另一張係火鍋配料，上面超過60款可以簡！對於一間茶記黎講，超出左38預期😍1⃣雞煲餐廳選擇先係廚房炒好再放到客人面前既煲加熱，令到啲雞keep住溫度👍🏻雞肉件件都好大舊❤啖啖肉，用花椒爆香過既雞好惹味🥰辣度方面，38鍾意小辣多過中辣，小辣就似譚仔3小辣咁，對38黎講岩岩好！一口接一口😍但中辣已經跳升幾級🤣食左2-3件後要狂灌飲品解辣😂最後38同朋友一共加左3次雞(小辣x2 & 中辣x1)然後就加湯打邊爐🤣2⃣炸饅頭炸饅頭完全超出水準，炸出黎既顏色好金黃！咬落去外脆內軟，再配埋煉奶簡直係絕配👍🏻38建議記得留肚啪返幾粒炸饅頭先好走人！！唔係會後悔嫁🙈3⃣火鍋配料因為雞煲encore幾次之後有d飽，所以38叫左好少配料😛必叫既係油炸鬼、韭菜餃&菜類。油炸鬼放入湯吸晒所有精華，好味道😜韭菜餃好大粒，滿滿既餡！但係其他配料例如豬潤，淥完唔爽口，只係好粉。牛胸爽好大塊，淥完

我諗呢間至尊雲吞雞煲係屯門都應該算係無人不識！就算係星期一至五，夜晚九點打後都仍然會見到有人排隊！身為屯門友既我，亦都好鍾意食呢間！第一，價錢吸引，平均一人只需$138就可以食到任食雞煲火鍋，呢個價錢相信冇乜嘢其他地方可以食到！第二，辣雞可以無限添食，你食完煲入面嘅雞，可以再叫佢refill，唔鍾意打邊爐嘅，食雞都可以食飽！第三，佢嘅炸饅頭真係好好食！每次見到台台都會五個十個咁叫，加埋煉奶真係好好味！第四，飲品選擇多，平時出去飲汽水多，好快就會飽，但係呢度可以選擇咖啡、奶茶、檸檬茶等等港式飲品，食辣雞配凍檸茶真係好正！