尚宴21

Open Now

Now Closed

同屋企人響屋企附近食飯😎六個人去食😉當然會食得豐富啲😈雖然都幾多海鮮食😏有龍蝦🦞蝦🦐魚🐟但味道就真係一般般🙈整體只能講話不過不失😂尚宴21 (何文田)何文田常盛街80號半山壹號壹號名薈1樓10舖

飲早市，冇匙羹不久之前佢哋開始早市就每一個客人個座位係冇spoon. 㗎唔知個老闆係諗啲乜嘢，咁樣做法真係好怪。!!!!!!!!!!!!!!!!!!!!!!!!’

甘大個人未試過買野比錢甘受氣。門口收銀員服務態度十級差。唔只一次係甘。多謝都無句唔在講。仲要開口話返客人轉頭，比錢買氣受！甘既服務態度再這樣下去真係趕客，以後沒有下次。😠😡😠😠😡😠😡😡以前燒味很美味，但現在質素超差。點心質素都下降了很多。 而且比同區既酒樓價錢比較貴。 感覺愈做愈差。好彩酒樓既侍應人員服務都尚可。希望有待改善，尤其收銀員服務態度方面。😢😥👎🏻👎🏻👎🏻👎🏻👎🏻

家人間中都去飲茶食點心，我上星期去食過，點心不錯。家人決定今年團年飯去呢度食，包間房，2圍檯，打麻雀耍樂。可惜，一致認為，這餐團年飯算是最難吃的一餐😢食物最有本身味道的是，冬菇，西蘭花，蘑菇。不過不失的是，乳豬，糯米飯，壽包，另外叫嘅蛋白瑤柱炒飯也不錯。其他。。。。都是無味道，我每道菜只咬了一口，汁太多成口油，每碟汁嘅味道差不多。。。伊麵碎嘅，要用匙羹筆，魚翅湯冇海鮮味，鮑魚韌嘅。。。唉，晚市做埋點心穩陣啲。

茶樓最緊要點心，點心當然有個好嘅點心師傅啦，每一次去茶樓，第一件事都係點蝦餃及叉燒包，就知道師傅掂唔掂，呢個係之前到前輩教落的，叫得傳統酒樓，就係因為佢個叉燒包都係好傳統人手製作，熱辣辣即叫即一蒸上菜，當然不錯啦，兩個人吃個午餐$100，你仲想點？ ！

今天同太太去飮下午茶，叫了魚崧炆粉，魚崧係煎鯪魚餅然後再切成條狀，米粉炆得唔係好多油份，重帶有香芹及雜菌！另外再要了份下午茶孖寶，牛腸同煎堆仔$25，牛腸有水準，煎堆仔新鮮熱辣𥚃面有好多麻蓉，絕對唔會將貨就價，埋單都係$88，非常扺食！

星期日六相約了成班朋友去到尚宴21食飯，因為我們大家都是很喜歡食蟹，現今這酒樓推出季節限定做緊深海阿拉斯加長腳蟹，每斤都係$188，非常抵食，因為我哋有十幾個人，便間左一間房 就可以不用騷擾到其他客人，盡情地及享受食物，放聲暢飲，並叫左一圍菜，也不算貴，這酒樓其中一個女侍應服務態度都十分好，而且食物質素都算幾高，所以我們未食完已經約定了下一次會再來到這酒樓，暢談共叙。整出嚟隻蟹都好靚好大隻，肉質飽滿，蟹肉鮮甜，斤兩又夠，十分超值。

里幾日日日落大雨，近近地，屋企人又話去飲茶。返而星期六2:15pm 到俾平日少人。Weekend 下午茶俾平時貴dd好正常，燒賣都俾平日加多$3，即係$12一籠。今次叫左個揚州炒飯，d飯炒得好好食，雖然味道淡左少少，但送其他多汁偏鹹點心一齊食一流！金錢肚望落以為好大碟，原來得6塊，下面有5-6舊蘿白墊高左，好彩嗰6塊都算大塊又夠淋！估唔到青椒都幾好食，夠熱唔會太油又夠辣！不過今日個牛柏葉就唔夠入味，一咬就食得出係用熱水淥熟，同外面好油個汁係唔係一體嘅！

一個禮拜去第二次，但今次撞正議員搞活動，好嘈！不過食物方面都okay，and 下午茶真係幾抵！都係叫返$9一籠燒賣。燒賣鮮竹卷熱辣辣又足料，擔擔麵都好食，但唔好抱住食上海嘢心態去evaluate會好d，因為唔夠花生味。唯一係春卷有芡莤，唔鍾意芡莤嘅朋友，好似我咁，一定灰左！另外mark點心時記得要小心d睇, 唔同點心紙唔同價錢！竟然一張擔擔麵$22，the other one就$27一碗（ although i dont know will they still charge u $22 if u fill in the $27 sheet)。

星期五2pm 到，剩返門口位。叫晒特價嘢食，3個人埋單都係$147，好抵！下午茶孖寶要左牛柏葉，幾足料，但唔太入味。有d組合有怪怪地，例如紅油抄手配饅頭 ($28)，雖然唔係炸饅頭，但都有煉奶，都正！如果抄手辣d就perfect!唯一係可能因為$9一籠太平，燒賣真係等好耐，食晒所有嘢都未黎！

呢間野一開嘅時候我已經開始幫襯, 嗰陣時嘢食同區內酒樓算最好食, 侍應亦都好有禮貌，環境乾淨企理。點知呢間野越做越差， 上次食係兩個月前， 已經係難以接受， 今日再去真係大開眼界，認識到咩嘢係沒有最差，只有更差。 1.首先未食嘢用滾水洗碗碟時已發覺有好多食物殘渣， 杯碗上仲有油. 2. 點心到來時已經嚇親， 點心籠上面黑蚊蚊,疑似發霉，仲濕笠笠。 食物質素亦不好， 棉花雞上面有條毛, 叫經理嚟佢即刻拎走. 燒賣d 肉好實沒有口感。3. 最過分的是中午12點半已經開始搬枱搬凳， 啲塵喺度飛來飛去。由於d 枱凳不停撞到我張枱同凳, 食都食得唔安樂。（我張枱四面都有人搬野，請看相片）仲要將d枱層層疊上去, 疊左五層，可以想像到幾大塵。4. 加左單20分鐘都未到食物，問經理話正常啊。我哋話啲嘢食好耐未黎，我哋食緊野四方八面又係到搬野咁多塵， 你幫我取消果兩籠點心啦，跟住經理呼喝話: 走啦走啦埋單走啦！真係冇下次！ 經理係最大,要表達意見，真係表達冇門。

星期六下午2:30pm 過去，咁啱撞正有人包左半場，等左幾個字先有位坐，但要搭檯，出菜都比較慢。包場班人唱k玩抽獎，我地出面完全聽到晒，有d annoying。佢哋個水準次次唔同，今係個燒賣退步左，（雖然做緊promotion，$9/一籠，都算好平，但其實平日仲平），牛栢業d汁無咩味但好油，紅油抄手份量足但一d都唔辣。白切雞飯雖然已經俾隻雞批我地，但d雞好多血水，個飯俾好少鼓油又無俾薑蓉。唔通要人少先好入去食？

擔擔麵冇咩味，過下口癮咁，同冇肉碎，又無花生。瀨粉似米粉，叉燒係瘦叉daddy 嫌瘦得制，唯一係菜心難得好淋。蝦餃大大粒好足料但牛拍葉同金錢肚放左好多蘿蔔喺抵，雖然蘿蔔好入味，但好油，「主菜」份量好少。

食物質素可以接受, 只是服務需要大大改善. 先係門面的知客阿姐, 熟客一個樣子, 生客另一樣字, 她一定無睇過劉天王的廣告. 的企堂的姐姐亦是一樣, 其中一位房間的短髮姐姐更加黑口黑面, 十問九唔多答你, 見到熟客就一百八十度不同. 企堂之間亦不和, 係客之前表現不滿, 討厭.撫心自問, 有很多地方比它好食, 服務質數咁差, 點解要再去

星期六2點半黎到，好多人，不過好彩都唔需要等位。叉燒飯，叉燒分開上，好林，但咁樣個飯就dry dry 低功，唔夠汁。紅油抄手雖然d 油唔係紅色，但都辣辣地，好野味。擔擔麵雖然夠辣同有dd 花生粒，但花生味都係唔夠出。最滿意都係個金錢肚， 雖然唔多件，但d金錢肚同蘿蔔都好入味。另外燒賣做緊promotion, 平日$6 一籠咋，weekend都係加多$3，好抵！但應該都多人落order，我地食晒其他嘢食籠燒賣都未到！