至尊滿屋日本料理 (Closed)

細妹生日，妹想食魚生，朋友介紹旺角御滿屋日本料理日本放題，話好食又底食，就帶爸媽跟妹妹一齊去食慶祝生日🎂。好彩有訂位，7點已經座滿人。 飲品、甜品都有好多選擇，青酒都飲任，好正。食物選擇都好多，先簡魚生先，成隻魚生船，三文魚🍣、甜蝦、帶子等都超新鮮、鮮甜肥美，加單再加單羊架，牛舌都比預期好食，媽媽就最鐘意燒青魚，燒三文魚、燒比目魚，魚肉燒到好捻好滑，好岩二老人家。如果鐘意食榴連，叫炸榴連，好好食，熱騰騰的，好好食。餐廳食物基本日本野都齊，好多選擇，員工招待都好好，食物又從不留單，上野又快， 其實都已經食到好飽，但見到有貴野雪糕🍦，隱唔住叫幾杯紅豆雪糕，仲有時領味道，焦糖雪糕🍦，朋友冇介紹錯，下次要帶朋友去食先

收工諗唔到食咩，索性同朋有去放題，放題多元化，又樣樣都有，滿足我地唔洗諗咁多又有岩心水既選擇～瓊華都好方便，因為即興想食無Book位，所以等候既時間較長，好在地方大座位又多，等左30分鐘左右就有位，係咁多客等候黎講，安排方面都算唔錯～不過都強列建議大家book位唔洗等咁耐！一坐低好有意外驚喜，就係呢到有清酒、梅酒任飲，絕對岩我地呢種好酒之人，不過當日梅酒就無貨，可惜可惜，清酒🍶係松竹梅，即場有部機加熱，清酒最岩暖暖入口，味道較簡單、性質清爽，易入口！唔飲酒，亦有大量其他飲品提供～食物選擇多，刺身新鮮，亦有唔多地方有既帶子刺身！三文魚無根魚香撲鼻！壽司🍣款式多，有腐皮系列、卷物、火焰、軍艦同手卷等等，總有一款岩心水～串燒、炭燒既食物都燒得夠香口，菠蘿🍍清甜，鹽燒海蝦更加係必食之選！炸物方面亦無令人失望～天婦羅炸得鬆脆，粉漿調校得好，有蘆筍天婦羅幾特別～料理亦有不同選擇，鍋物、拉麵烏冬等等，必點既黑椒汁炒牛脷更加係入味而且超級林！好味道～食飽主食更一人可選一杯Haagen-Dazs或唔常見既Movenpick雪糕杯，另外餐廳亦有其他甜品、雪凍、水果等以自取方式提供，同同事都食得開心，滿足而

放工突然想對自己好啲，想食好啲，諗左好耐都唔知食乜好，朋友提議不如去食放題啦，咩都有得食。我哋喺OpenRice見到呢間嘅評價唔錯，於是就去試吓啦。呢度環境幾新淨，同埋幾光猛。打開餐牌，原來都幾多唔同嘅嘢食，但係食放題一定第一樣野叫咗刺身先啦。刺身冇漏單，抵讚。而且上次新嘅速度都幾快，好快就有得食啦。外貌就非常之靚啦，食落原來都好好，感覺到魚生幾新鮮下，同埋最欣賞個玉子燒唔係平時喺街食開好平嗰啲玉子，都好抵讚。之後再叫多一次魚生，都係好厚身，油甘魚差唔多有成1cm咁厚！壽司方面，卷物都做得唔錯喎。今次試咗拖羅卷同埋芝士隻燒三文魚卷，我比較鍾意食三文魚多啲，燒得好香加埋芝士入口即溶，正，之後再叫多咗幾件。因為有太多熟食啦，我覺得以下三樣係最出色嘅，首先一定燒牛舌，入口超香牛味，而且調味料夠味，加埋少少燒焦，超正。好似唔係好多放題有得食比目魚，我哋叫咗燒三文魚腩同埋比目魚，我覺得比目魚出色啲，因為肉質比較特別，笑完之後甜甜地，魚肉又夠滑，鍾意食魚嘅可以試吓。仲有另一樣好出色嘅係鹽燒雞翼，雞皮好脆，有鹽香，雞翼又唔會太老，啲肉好嫩滑，我哋每人再叫多咗幾碟呀。放題都最後梗係要食下甜品啦，估唔到

至尊滿屋今日森仔做孝子，同媽媽去旺角食飯。今次去到旺角食放題：至尊滿屋😆😆佢個地點真係好方便，係瓊華中心，又近地鐵🚇站，又近車站。真係好正丫👍🏼👍🏼餐廳🍴環境都幾大，裝修新穎乾淨。而座位亦坐得很舒適，枱還算好，亦算可以放一定數量的食品🙈餐廳亦很貼心，把點菜薄分為熟食和冷食，方便客人點菜。至尊滿屋真係好多食物種類，好多款式選擇！首先，我地點了很多刺身🤓🤓🤓包括了三文魚，帶子，玉子，赤蝦，甜蝦，鮑片和螺肉。刺身好新鮮，大部份都好鮮甜。特別三文魚好肥美，而甜蝦真的鮮甜又有蝦味😃😃不過，有一點點呑拿魚太冰又欠魚味😂果然唔係拖羅就差好遠😿😿而壽司🍣亦有好多創意的壽司，有很多款式😂😂😂。包括了：炙燒三文魚🍣，炙燒鰻魚，燒蟹棒和燒帶子壽司😻😻當中熱辣辣，廚師燒得好好的👌🏻。熟食既就有各種串燒，好似燒牛舌，清酒煮蜆，炸芋泥，炸芝士，炸蟹鉗，胡椒酸菜湯。我最愛的就係胡椒酸菜湯，熱辣辣，亦有重重的胡椒味👍🏼👍🏼😆😆正正了！而餐飲亦有一些特色飲品，桃味藍蝶花梳打水👍🏼👍🏼真係好鬼正丫！賣相令之餘，又香甜解渴。仲要有汽，令人一飲解困😻😻😻整體來說，餐廳🍴真係幾抵食。好多食物又幾美味！可以一試。

好耐無食過日本放題，一來年紀大左，唔食得多，二來坊間太多而且質素參差，好多時都唔知邊檔好同可靠，今次有朋友帶路，來了交通方便的旺角瓊華中心的放題。我們七點到，餐廳內已經坐了好多人，而且大部分人都有訂位，似乎真是好受歡迎👏。客雖然多，但餐廳人手足夠，而且有禮殷勤，值得讚賞。我不能吃太多刺身生冷，慶幸呢到既熟食好多選擇，而且質素好高。其中燒牛舌好正，我們安哥了一碟，另外燒羊架都好林又入味，有孜然串燒風味。另外有炒菜，仲有花膠冬菇，意想不到咁多選擇。飲料有汔水果汁啤酒，218同可減30一位，加一都同200左右，可以食三小時又有任飲，在旺角區真是好抵

見到呢間日本放題搞緊優惠，就黎試下出乎意料地，味道不錯首先一開始個刺身船個賣相就好吸引有三文魚，油甘魚等等每件刺身都好厚，好肥美我最鍾意食的甜蝦好大隻仲係有頭嘅(好多日式放題的甜蝦都無頭噶)帶子刺身都好甜燒物一般般，無咩特別，燒生蠔無左生蠔殼，同埋好係仔，特別好食的係燒大蝦燉花膠好大舊，真係花膠黎嘅，我地叫左三次咖喱蟹麻麻地，蟹唔新鮮榴蓮波波好香脆，好香榴蓮味，榴蓮fans一定要食總體黎講，係一次唔錯的體驗！

和朋友兩個女仔去食，非常失望，一第一次食呢間放題。落單叫魚生，壽司的確係好快到，但係當你食緊一盤上第二盤追單既時候，個侍應要我夾新盤既魚生去舊盤道，唔可以放底，咩道理🤷‍♀️第二，叫極野食都冇黎。d熟食叫幾次都冇出到。食放題竟然會冇野食，都真係單一次🤷‍♀️唯一讚既係，侍應態度都也算不錯。

This is my second time coming for this all-you-can-eat lunch. I still think that the cooked food here is way more impressive than the sashimi and sushi. I love the grilled food like ox tongue, shrimp and rack of lamb. They’re juicy and well marinated. I also recommend sesame chicken wings because it’s crunchy on the outside but juicy on the inside. Grilled pineapple’s nice too! About the raw food, nothing really impressed me but if you’re a fan of sushi and sashimi you’d probably like its wide v

食左甘耐刺身，有時都吾系好分到邊樣打邊樣，呢到好體貼餐牌上每樣菜色都有圖片。刺身款色多多，有三文魚、吞拿魚、油甘魚、北海道螺、帶子...食落吾會冰感，最正一定系大赤蝦，鮮甜又彈滑。吉品鮑汁燴花膠盛宴醬汁濃稠，花膠厚身入味，質感糯滑。泰色咖哩炒蟹咖哩汁真系勁香濃，撈飯食一定好正。炸物間間都差吾多，呢到花款多啲有炸蟹蓋，內裡有一絲絲既蟹肉，香口又得黎又幾鮮甜。祕製香辣牛柏葉爽口又入味，好食系好食，不過份量好多又佔胃，食放題黎講真系吾划算。比較失望既系鐵板雪花牛柳粒，一黎切得吾夠細件，二黎有啲韌。吾系cheapcheap雪糕店員好主動好體貼，見碟仔有剩骨就會自動幫你換隻，以前去親果啲都系要開聲先會換。

有一段時間無食日式放題，所以今晚同朋友去至尊滿屋解下癮😚星期四晚上，成人收費每位$218，價錢合理，食物選擇好多，飲品同甜品係出去自取，比較特別的是放題有提供somersby及梅酒✨🔸剌身 食放題當然唔可以無刺身❣️呢度師傅比刺身好大方，雖然寫左數量，但佢每樣都比多1-2塊🤣 三文魚相當肥美，帶子好鮮甜！🔸壽司壽司都整得好精緻，最推介係呢兩款：意大利黑醋帆立貝壽司和火炙蒜香牛肉壽司💛 蒜香牛肉燒得剛好，入口即融。帆立具味道酸甜，很有驚喜😆🔸瑞士汁胡麻雞翼尖幾有驚喜，係會再order! 雞翼汁醃得好入味，帶鹹香🔸燒海蝦🔸燒牛舌最後包一款雪糕，問左店員，今期Haagen Dazs期間限定係奇異果芒果乳酪😆整體食物質素穩定，值得一讚係叫左咁多野食都無試過漏單，份量俾得好足，只會俾多，唔會俾小😂

旺角有好多放題, 朋友推介呢間, 佢話食過覺得好味! 就即管試試!睇完戲過去, 剛好完咗繁忙時間, 平D又無咁多人!要贊一下呢度座位與座位之間唔會好迫, 有返一定嘅距離唔怕隔離柗聽到我講乜款式都好多, 花多眼亂, 第一 round 刺身, 店員話唔洗落單, 佢地會執好一隻船比我, 果然係貼心服務燒物例如菠蘿, 牛舌, 蝦都燒得好香, 牛舌又厚切, 啖啖肉!牛肉鍋略嫌有點太甜, 但好多牛肉, 大大片唔係好多時見到放題有銀雪魚, 同樣煎得很香口!蟹粥好清甜, 下次食放題都會再來 encore 哦!

日式放題越開越多，能屹立不倒的原因很簡單，如果一大班朋友各有喜好的話，這種食法人人總能找到自己喜歡的食物。旺角的「至尊滿屋」在瓊華中心7樓，雖然是樓上鋪，但客人絡繹不絕，平日都經常爆滿。這裏裝修簡潔，檯和枱之間不會太擠迫，坐得舒適。飲品種類多，各式汽水、啤酒、熱茶，梅酒和清酒都有，還可以在點菜紙上選擇熱柚子蜜，正合我心意。還有一個甜品水果櫃，可以自取，迷理甜品款式多，賣相吸引。刺身很快就到，我們每樣都點了一些：有三文魚、吞拿魚、希靈魚、甜蝦、鮑魚片、帶子、北海道螺…… 刺身船賣相出眾，有適當的裝飾，魚夠肥美，貝類鮮甜，令人胃口大增。燒雞翼、燒牛舌、燒菠蘿、燒比目魚、焗蠔、蒜香牛肉粒 ~ 很香口，牛肉粒嫩滑，火喉亦控制得不錯。炸榴槤 ~ 外脆內軟，榴槤溶在口中徐徐流出，喜歡吃榴槤的朋友，這個是必食的。花膠 ~ 有3大塊，絕不吝嗇，但吃完後感覺有小小滯。熱烏冬 ~ 如果唔食澱粉質，總感覺不太舒服，這碗小烏冬就剛好，食得出這烏冬不是平價的硬烏冬，幼滑軟腍好味。各款的壽司都很好食「滿屋」的放題比酒店的自助餐便宜，食物總類和味道毫不遜色，上菜速度也很快，讚

星期三跟數位朋友聚會，選擇了香港的正中心旺角食飯，大家都舉腳讚成食放題，走到了瓊華中心，看了看就上了7樓的「至尊滿屋日本料理」。這間餐廳的裝修與大多數的餐廳一樣，以深沈的黑色作為主調，不會太吵，感覺很舒服，適合一大班人聚會。放題少不免刺身，有三文魚、大赤蝦、甜蝦、鮑魚片、北海道帶子刺身、吞拿魚、希靈魚、松葉蟹棒、深海八爪魚、玉子、北海道螺等等。整體的刺身都算新鮮嫩口，種類也不少，其他都好滿意。當中大赤蝦最為新鮮美味，晶瑩剔透，肉質彈牙爽口，膠質非常重，可以encore。壽司卷物方面，餐廳花多點心思在各種食材上，在壽司加上不同的醬汁點綴。如有：至尊蜜糖芥末三文魚腩壽司、黑松露油甘魚壽司、芥辣柚子玻璃蝦壽司、法式芥末象拔蚌壽司等等。壽司方面驚喜反而較多，在外間比較少這樣的配搭。而壽司上的刺身相對刺身拼盤較鮮甜美味，厚肉飽滿。串燒和日式料理方面，有燒有機鮮菠蘿、燒有幾日本番薯仔、泰式咖哩炒蟹、西京比目魚、北海道焗廣島蠔、清酒煮蜆、吉品鮑汁燴花膠盛宴。想不到這裡連花膠都可以吃，花膠細緻嫩滑，帶點膠質，咀嚼的時候帶點彈性。清酒煮蜆就略厭清淡，沒大多酒味。飲品方面都是任飲，選擇也很多，也非常有驚喜

這食店在旺角的中心，十分方便環境舒適種類繁多，適合朋友聚會.有不同的炸物小食刺身等十分吸引.還有名貴的日本酒可放題地喝的.甜品生果豆腐花等同樣是放題的.飲品方面有烏龍茶可樂能量飲品及小酒精飲品等.刺身十分新鮮，三文魚魚味十足，油甘魚油脂分布平均，蝦十分之爽口，水準十分之高.還有日本產的小番薯.每人一杯名貴的雪糕，有movenpick,haagen-dazs.花膠冬菇等同樣有水準.蝦夠大隻又夠爽口，加上鹽燒十分之有風味.牛肉鍋配上滑滑的雞蛋十分之美味.最後還附上美味的甜品！

我覺得自己好似中了放題毒， 一個月點都會去食一兩次放題，任飲任食真是特別吸引。 近年香港亦都有不同的日式放題餐廳 選擇， 我每次都會揀未試過的， 今次到至尊滿屋日本料理， 食物種類大概同平時差不多，刺身， 壽司，串燒， 熟食，炸物，手捲，軍艦等等， 飲品有自助式的，亦可以在餐牌上點的， 自助吧上面還有不同種類的甜品， 但我食得太飽了，所以今次沒有吃甜品， 不過雪糕絕對不能錯過， 因為是大牌子雪糕呢！這裏的刺身很新鮮 ， 大致上所有食物都做得很好， 令我印象最深刻的就是這裏的咖哩蟹，花膠和牛肉煲，這三款我覺得是必吃的！最後要讚一讚這裏落單上菜速度很快， 今次這間放題完全沒有漏單情況， 非常抵讚的！ 二百幾蚊一個人， 絕對是性價比很高的日式放題餐廳。