至尊滿屋日本料理 (Closed)

講起食放題，就真是非常吸引，今晚與朋友一齊來到旺角瓊華中心至尊滿屋日本料理食放題。餐廳裝修整潔，寛敝明亮。放題款式非常多，除飲品及甜品任飲任食，主打的有季節料理、和風料理、一品料理、豪華海鮮宴、刺身、手卷、卷物、火炙壽司、壽司、串燒、炭燒、燒物、炸物、天婦羅...等也是任飲任食。先上一個刺身拼盤，有鮑片、帶子、鮮魷、螺片及三文魚...等。各款刺身都很新鮮。鮑片、帶子、鮮魷、螺片，都非常新鮮 。最愛三文魚鮮中帶軟滑。泰式咖哩炒蟹泰式咖哩炒蟹，放題都有蟹食，這不是間間都有的，而且有整整一隻，蟹肉新鮮，帶少少咖哩味，絕不能錯過。花膠花膠很大件，帶爽口，有骨膠原，我喜歡。香芒龍蝦沙律卷及意大利黑醋芝士鰻魚卷。香芒帶少少酸味，配上龍蝦沙律及煙煙韌韌的日式飯，很美味。意大利黑醋芝士鰻魚卷，鰻魚帶少少甜，肉質軟滑。鹽燒雞翼鹽燒雞翼比起芝麻雞翼味道又有不同，稍為比芝麻雞翼干身少少，但多了一份鹽燒的香味。芝麻雞翼芝麻雞翼炸到外皮帶微脆，肉嫩多汁。榴槤炸彈榴槤炸彈裡面的流心非常濃烈的榴槤味，真是很正。任飲任食，其實還食了很多款式的食物，食得非常盡興，最後以水果西瓜、哈密瓜及兩個雪糕，為今晚的任飲任食放題更

一家人星期日去食放題，有朋友介紹我到至尊滿屋，話性格比高。由我是愛牛一族，每次食放題我都會叫牛柳粒，今次也是第一時間叫，佢既雪花牛柳粒有濃濃的肉香，有少少油的香味，入口也鬆化。我地一家都是雞翼的fan , 所以叫左鹽燒雞翼同芝麻雞翼，鹽燒煮法有炭燒的火候。而芝麻雞翼有芝麻的甘香在烤得脆脆的雞翼上，好搶口。食放題當然唔可以少得各種卷物，壽司，同三文魚。三文魚十分鮮甜，另外我再推薦火灸蒜香牛肉壽司，醬燒三文魚壽司，各位一定要試。 再來鹽燒鯖花魚，燒得洽到好處，也全無魚腥味。炸物當然有虎蝦天婦羅，脆仆仆。最後我最欣賞的是炸釀蟹蓋，充滿蟹肉鮮味，我叫左兩次，食左幾隻。當然仲有好多其他野食，不能盡錄。大家來到旺角，不彷來呢度試下，有一定水準，真心推薦。

假日同朋友聚聚，大家投票最後都係黎呢到食，呢間放題真係食極都唔厭，快靚正！種類好多，不論刺身壽司熟食炸野都好多選擇。刺身好新鮮，三文魚油甘魚有返咁上下厚度，甜蝦大隻又鮮甜小食真係好多選擇，野食叫完好快就到，真係快靚正，好多都可以encore，壽司唔會話舊飯好大舊，小食份量都唔會話好大碟食唔到其他野。放題最欣賞就係芝麻雞翼，即叫即炸，拎到上枱熱辣辣真係好好味。熱食就要等比較耐少少，因為佢拎到黎都係熱辣辣，即叫即整要等下都抵啦

放假日，訓到自然醒，約左家人食午餐日式放題，book左旺角至尊滿屋日本料理，一出地鐵站行幾分鐘就到！去到門口，已經好多人，因為預約左，接侍員好快安排了我地入座！坐底即刻點野食，有兩本食物紙，刺身、熟食、炸物、炭燒、一品料理⋯樣樣都齊，滿足我地唔同口味！刺生方面點左三文魚、吞拿魚、甜蝦、北海道帶子😍😍三文魚和吞拿魚十分肥厚新鮮，甜蝦夠大隻鮮甜。家姐點左香芒龍蝦沙津卷，芒果很甜，入口淡淡蝦蝦沙津味，口感一流！唔夠2分鐘，已經清晒。哩度醬油三文魚壽司迷您好味，鍾意食牛肉朋友可以試下哩款火灸蒸香牛肉壽司。炸物方面唔少得點芝麻雞翼及虎蝦天婦羅，炸得香口脆卜卜，仲有迷您釀蟹蓋，老公一口氣食左4隻。飲品方面點左新產品，熱桔梗蜜同推介飲品紫貝天癸白桃梳打，大杯解渴！出面仲有其他紙包及罐裝飲品，另外生果方面，西瓜同蜜瓜十分爽口清甜😁切得細細片，容易入口。哩度服務值得一讚，點既食物好快到，收碟也十分密。最後埋單前仲可以品嚐Haagen dazs😆😋

媽咪話佢好耐都冇食過放題，所以今次就同佢黎試下😆😆😆刺身類型都幾多，8成我中意食既都有呀😏😏😏刺身新鮮~解凍做得唔錯而且仲係厚切呀👍🏻👍🏻👍🏻happy食物種類都係一般放題咁上下，小食同天婦羅比較特別有瑞士汁雞翼尖同埋鴨胸配日式冷蕃茄而天婦羅就有山葯魚肉天婦羅🍤《一口宮崎豬肉串燒》燒到好香，脆口！上面撒左一啲孜然粉，更加帶出咗豬肉嘅香氣～👍🏻👍🏻👍🏻👍🏻👍🏻《燒有幾鮮菠蘿🍍》燒菠蘿簡直係我去親放題必食嘅！因為可以去除油膩同埋燒’濟‘！👍🏻👍🏻👍🏻👍🏻👍🏻而且呢度嘅菠蘿係非常厚切同埋好甜❤️❤️❤️《北海道焗廣島蠔》我非常之鍾意佢呢一個焗廣島蠔嘅醬汁，佢係他他醬既醬汁做底，酸酸甜甜！雖然係好肥，但係去親放題我都會睇下有冇焗蠔或者焗貝類產品🤤🤤🤤你就知道佢嗰醬汁係幾好食啦😏😏😏兩個人真係唔係食咗好多嘢，但係都有食下雞翼、牛舌、壽司等～佢哋嘅壽司都好好，做得好細件！唔會因為你食得壽司多而飽！👏🏻👏🏻👏🏻另外一題嘅就係佢哋嘅服務好好，而且我當日基本上係冇漏單嘅情況👍🏻👍🏻👍🏻

黎到第一感覺係座位與座位之間較其他放題地點寛闊，同朋友傾計都自然啲，唔洗就住細細聲! 至於食物方便更重要啦，質素好，選擇夠滿足你需要。而最愛的就係有冷熱梅酒，又有青酒，盛酒器用埋日式杯，有如置身日本，非常有feel! 知道只有部份日式放題先有，係一個好體驗啊！我既精選就係所有相中的食物，同大家分享吓先! 刺身新鮮，温度好; 卷物的紫菜可再脆一點就完美; 燒物唔味道适中唔太鹹; 三款炸球口味獨特，因怕熱氣，所以只食咗兩轉; 生果飲品都很好，清品! 正!

今日同朋友係旺角至尊滿屋食放題嘅時候，首先，我地分別係餐廳櫃檯同坐椅上見到幾隻蟑螂，我明白每間餐廳都會有小昆蟲出現，但係客人椅子上出現有會唔會太誇張。其次，我地叫左一盤魚生刺身，見賣相唔錯以為都會幾好啦，點知啲三文魚同帶子刺身上都有啲黑黑地嘅污跡，唔知係未洗乾淨定點，見到都唔開胃。再者，食物品質同味道都有待提升。重點黎啦，一間餐廳最緊要嘅除左係食物品質同價錢外，員工嘅態度都好重要。今日眼見以為金色曲髮及肩嘅男經理對住一位年紀較細嘅女同事呼呼喝喝，係客人面前大聲對其作出侮辱同人生攻擊嘅說話，甚至理直氣壯地冤枉該位女同事。作為旁觀者，先唔講佢對該位女同事嘅無理，係客人面前大大聲聲講咁多粗口令人難以下嚥。佢傳菜嘅時候更加將啲湯倒左落我膊頭度，sorry都冇句，真係令我地好失望

對上一次放題係幾時我已經唔記得左，但記得上次係平價火鍋加日本放題，印象並不好，所以基本上都避左去食放題。但對於一啲大食嘅朋友黎講，或者一大班人聚會，放題的確係個好好嘅選擇👍👍因此今次又再一試了。今次去位於旺角，價格屬正常$188嘅至尊日本料理，見佢都有攞下獎。.佢食物種類都幾多選擇，刺身叫好多款包括三文魚，吞拿魚，甜蝦，油甘魚，希靈魚，帶子，鮑片，八爪魚，榮螺，新鮮度同味道都可接受。.另外好好有熱飲-柚子蜜揀，非常之貼心。.比較獨特有榴槤波波，榴槤餡料好真實，推介比鍾意食榴槤嘅你😛.炸物仲有炸蟹蓋，炸芝士波波，芝麻雞翼，燒雞翼，燒波羅，燒牛舌，燒豬腩肉，蒜香牛肉粒，蜆湯，燒蠔等等，啲蠔都幾好食，而雞翼嘅肉質就唔夠嫰滑，總體黎講都唔錯嘅。.注意⚠️雪糕剩係可以食一杯，有Movenpick & Haagen-Dazs兩隻牌子揀。.仲有仲有Hoegaarden任飲，估佢唔到。

考完試想暴飲暴食見到可以一位訂座所以嚟咗食👻 一嚟就叫咗好多刺身同熟食。刺身就同預期嘅一樣，普通放題水準，唔算特別新鮮，但係啲串燒就幾好食，特別係個羊架、牛舌同海蝦，燒得啱啱好🤤其他熟食例如個花膠同啲牛柏葉都幾好食同入味。但加單嗰次質素就好明顯冇第一次咁好，不過都明白嘅，放題吖嘛🙈 甜品、飲品同水果方面都有足夠嘅選擇，但比較普通，不過勝在每人有一客häagen-dazs / movenpick雪糕，都好夠甜架喇😋😋😋

呢間日式放題一直都係高水準今次試下佢的午市放題午市放題同晚市所食的其實一模一樣但午市更好的係因為人吾多所以佢地出野快 收野亦都好快刺身一貫水準炸物同串燒亦係好正建議下次 可以午市食仲可以先買優惠劵平30左右

Cheers! 可以乾日本酒都几豪，有青酒同梅酒任飲，星期五令大家開心到不得了!😍😍放題呢家嘢真係好啱一大班人去盡情飲飲食食。而且呢到位置一流啦！大家睇吓我啲相? 我真係唔記得自己食咗几多嘢，食物size好好，可以令你任試都唔太飽，試好了就主攻自己喜好果啲，都有十樣八樣我會重覆咁叫，太好味吧！ 生的食物新鮮不再話吓，熟的亦野味非常，你真係唔會停到口囉! 最後仲有我未食過的Caramel biscuits ice-cream😋

同一位好大食既朋友食飯，當然要食放題啦！喱間放題位於旺角，就揀佢！上到去等左一陣就有位，服務員好親切有禮，食物亦都好快就有，我地仲食到成枱都係無位放！係度建議大家最好逐d逐d叫！刺身方面，個人比較喜歡三文魚同甜蝦！三文魚又大件又厚切，甜蝦亦好鮮甜！熱食方面，蟹粥好軟綿綿，好好食！焗蠔好味道，好開胃！仲有花膠食！比目魚就不過不失天婦羅都唔錯！一d都唔厚粉！岩岩好！壽司有好多款式，不過我地要留番個肚，唔食太多飯！但海膽手卷就一定要食啦！除左有熱茶，仲有Rose Hoegaarden! My favourite!整體黎講，都值得一試！基本放題有既野都齊備！

早前同👭好姊妹去一間出名漁市場珍品放題嘅 ~<至尊滿屋日本料理!!😋 😋兩小時無限追加👉新鮮空運刺身,壽司,手卷/軍艦: 甘魚、深海大赤蝦刺身、吞拿魚、北海道角螺、柱貝刺身,黑松露牡丹蝦、法式芥末煙燻牛肉、蜜糖芥未三文魚腩, 火炙和風牛肉、火炙原條海鰻、火炙汁燒魷魚,海膽手卷、香蔥吞拿漁蓉、蟹肉蟹膏軍艦等等🍙🍘🍣🍥!··炸物/串燒 : 芝麻雞翼、吉列炸蠔、榴槤炸彈炭燒系列 : 紐西蘭香草羊鞍、炭燒雞軟骨、鹽燒花魚·🌟推介北海道焗廣島蠔、香草羊鞍、避風塘炒蟹；四位再送原條象拔蚌😱😱😱·仲有Haagen Dazs 或 Movenpick 雪糕 一杯 🍧🍨!👍·

記起自己有一段日子沒吃過放題，心思思的又開始想念它了，吃過很多間旺角的放題，這次決定選擇一間自己未去過的。至尊滿屋放題位於旺角瓊華中心，相信很多去旺角的人也曾經過這裡，位置十分方便易找。首先想說說，那兒的位置真的有點逼，二人桌也不會很大張，只好把食物的位置移得好一點。店內環境超大的，有大量的客人，如果沒有訂位，就這樣wall in 去，應該沒有位置。第一樣點的當然是刺身，每一種也點了一些，三文魚每一片都很薄，有點口感。甜蝦不太大隻，清甜，帶點滑溜溜的感覺，我覺得不錯。帶子也是我很喜歡的刺身，大小偏厚，咬下會發覺是滿滿的清甜感覺，不會怎麼腥。鹽燒雞翼是口感結實的雞肉，外皮充滿了豐富的鹽味。焗廣島蠔上有不少蒜蓉和芝士，本身蠔偏向小隻，但勝在有美味的蒜蓉和大量的芝士，而且也沒有腥味，推介大家吃呢。數款壽司中，個人最喜愛的是鰻魚壽司，小小的鰻魚汁加上嫩滑的鰻魚，鮮味非常。蟹棒壽司、飛魚籽壽司的味道也可以。蟹棒壽司也不錯，不知道是蟹柳還是真的蟹肉了哈哈，但配上沙律醬口感更加豐富呢。比目魚我真是最推介的，不是每一間放題店都有的食物，在這裡能吃真的十分高興。味道非常像銀鱈魚，也是甜甜的，口感軟軟，入

朋友想食放題，時間越長越好(因為各人放工有早有晏)，見至尊滿屋星期一至四有晚市全時段，坐足食足傾足5個鐘，仲要團購價二百幾咁抵，點可以唔試😁。食物質素大致ok，服務質素極好，又坐得舒服，5個鐘我哋慢食足4個鐘，滿足離場！⭐️刺身新鮮有鮮味，以下有4對筷子=推介大赤蝦、甜蝦、油甘魚、三文魚、帶子、象拔蚌、螺🥢🥢🥢🥢希靈魚、吞拿魚、鮑片、松葉蟹棒🥢🥢🥢玉子🥢🥢⭐️海膽手卷只屬一般，海膽唔夠濃同creamy🥢🥢🥢⭐️炸物大致上ok，可全部試芝麻雞翼、芝心香芋丸、榴槤炸彈、椰絲芝士球🥢🥢🥢🥢⭐️一品料理好壞參半牛油粟米🥢🥢🥢🥢鐵板牛柳粒🥢🥢⭐️炭燒好壞參半羊鞍🥢🥢🥢🥢鹽燒雞翼🥢⭐️串燒質素ok鹽燒牛舌🥢🥢鹽燒海蝦、有機鮮菠蘿、宮崎豬肉串燒🥢🥢🥢🥢⭐️天婦羅炸漿不錯虎蝦、蕃薯仔🥢🥢🥢🥢⭐️季節料理全部好味咖喱炒蟹、吉品鮑汁燴花膠盛宴、西京比目魚、焗廣島蠔、清酒煮蜆🥢🥢🥢🥢⭐️蟹皇海鮮粥無蟹味🥢⭐️飲品任飲但小心有伏藍糖白桃梳打🥢清酒🥢🥢🥢⭐️雪糕/甜品每人一杯自選雪糕🥢🥢🥢🥢自助甜品🥢🥢四人共消費：$944 (Yahoo團購每人$138+現場現金付款$98）